竹里烏冬居酒屋 (置富都會) (已結業)

今晚睇容祖兒「Pretty Crazy」演唱會。開場前，都要醫好肚先。紅館旁邊的「置富都會」是好多人睇 show 前食飯嘅地方，今日選了「和食竹乃里」。不知道何解，走到餐廳，門口封住了，好像不做生意。跨進去問了一下，日籍店員表示已經滿座，擾攘了一會才勉強容許我們坐下等位。奇怪在於，過了不到5分鐘就讓我們入座，而且發現裡面有頗多空位。坐下來看到有一個 $398 的「演唱會2人set」，幾貼心，就咁決定。三點刺身，有熟元貝、三文魚、油甘魚，質素不俗。另外加點了$298 一份的大池魚。好味，食得出係高質貨。不過後來發現 2 人餐其實份量好夠，加點刺身實在浪費。炸豆腐，有啲似麻婆豆腐走辣，做得好有心機，皮脆心嫩。免治雞肉棒，同樣是高質貨，有雞味、帶一點點軟骨粒，加強了口感，非一般常吃到的無味爛肉。如果能跟生雞蛋就完美了。炸雞塊，都係有心機的製作，不過已經很飽。主食我選了滑蛋豬扒丼，好食。豬扒入面夾了一層肥膏，所以特變香滑（減肥的話就⋯⋯）。可惜同樣因為太飽食唔晒。套餐包兩杯飲品，包括可選小杯生啤。應該只有200ml，未上菜已經飲完，要加點一杯大的。整體而言有驚喜，價錢非常合理。其實不加點任何東

日本老闆娘好友善，侍應細心介紹菜單，最重要魚生日日運到，保證新鮮，魚生勁鮮，鹽燒更正，炸雞🍗勁好食，一夜干雪魚仔送梅酒一流，梅酒係日藉廚師自家釀製，仲可以訂位，由廚師設計菜式，係餐單無嘅菜式，真係無得輸

睇concert 前黎食左個二人演唱會套餐我同朋友揀左刺身一盤（3種）、日式炸豆腐、日式炸蠔、牛肉烏冬、滑蛋豬扒飯、仲嗌左啤酒飲食物上得好快，d 碗碟同食物賣相都好精緻同埋份量都幾大，我同朋友都食五哂個餐日式炸蠔味道幾好，不過日式炸豆腐味道就略鹹。

有日去紅館聽演唱會，聽之前梗係去食下好西先啦！入到都會見和民好多人排，反而對面一間叫「竹里」既就無咩人，就入去試下。入到去彷如置身日本，唔怪得介紹話係日本人開既！野食選擇就少Ｄ，所以就試下佢個套餐，都幾豐富，首先個刺身有三文魚、蝦、吞拿魚等，都新鮮大件！然後係個廣島蠔，幾鬆脆，加埋Ｄ檸檬汁係一級棒！仲有Ｄ伴菜都食得！佢仲有個豆腐，淋左Ｄ醬汁上去，好惹味！不得不提既係一開始佢拎左碟拌菜黎，一食原來係牛蒡！又有益又好食！至於杯野飲就一般，可能黎杯日本茶仲好！

今天和弟弟去交入學申請表，順便和他拍拍拖，他突然跟我說媽咪我好肚餓，我想吃天婦羅烏冬。我和他在附近找了一圈也沒有找到，我說不如回家我煮烏冬給你吃？他說：好啊我要天婦羅烏冬😧，我今天很想吃到天婦羅蝦烏冬😱。我好驚 - 因為在世上遇到第二個我！我也是想要吃的東西馬上要吃到，一天也不能等。今天大獲了！結果我們順便來了紅磡這裏，他覺得很滿足！我一般也不吃天婦羅、也不吃烏冬，由於他是吃蝦的天婦羅🍤，我只能幫忙吃剩下的。好驚喜！烏冬好好吃喔！Tempura is actually not bad too! Lunch set $97 這種質素非常值得一試

冇態度，冇service , 樓面冇人，有人但勁冇service,小妺一句：我只是送餐㗎咋（意思其他事唔關Q我事，二話不說就走咗去，冇回頭，理得你冇茶冇水，我只是送餐㗎咋（吹脤）。我叫二人餐，隔離又叫同一樣二人餐，刺身同人地唔同，又唔比人要隔離枱果種（刺身），但明明係同一個set又要比唔同嘢人，個肥老世態度又懶理，唔鬼彩你。食到一肚氣。咪鬼嚟試，貼＄買難受⋯⋯

雖然以前已經行過呢間餐廳好多次，之前仲見過有日資公司係入面開party所以竹里一直都係我bucket list 要食既餐廳黎！不過一直都未去過直至有一次行過，前面兩名外國人談及竹里，聽到佢地話野食好味，所以又再勾起我想食竹里既想法於是星期日無飯食就落左去幫襯了每逢演唱會既檔期都會有演唱會套餐，但係我大駕光臨無理由叫set既所以就分別散叫左三樣野：滑蛋吉列豬扒、油甘魚sashimi同埋燒原條魷魚首先上菜既就係滑蛋吉列豬扒！個滑蛋仲有洋蔥條吉列豬扒既炸漿雖然淋左，但係無浸落蛋漿既豬扒仲有d 脆口。好重味醂味，加上熟洋蔥既甜味，好好食呢其實淨係叫吉列豬扒再加個白飯都已經食得飽 來個近鏡望一望豬扒厚切，同埋炸漿都有個厚度，所以浸淋左都唔會真係一pat 野油甘魚sashimi（$230)因為我好想食sashimi，咁店員就推介呢個俾我。呢個油甘魚係厚切架d 魚切到咁厚好好咬，但係唔係指佢un，一咬都咬得開，完全無筋。連魚皮都係一咬就碎食到紅色個d 部份係偏爽既個魚好新鮮，一d 都唔腥，有陣甘香，真係好好味！唔似某d 魚生淡茂茂！雖然係貴少少$230 先得五舊，但係食完真係覺得值 原條燒魷魚（$1

在 OpenRice 找到這間最近紅館的日本料理，由日藉師傅打理，而且有提供 Omakase 架呢。侍應少男及日藉嬸嬸只懂少少廣東話啊，另有一位四眼嬸嬸就操流利廣東話。日藉嬸嬸作出最大努力用日文及有限廣東話單字嘗試通知我，因為有演唱會所以師傅太忙，所以做唔到 Omakase 呢。無緊要無緊要，我照菜牌散叫啦，辛苦晒喇。眼見各職員實在太忙，跑上跑落忙個不停，可能會感覺招呼不周或有所怠慢，這個諒解的。難得還保持態度友善，笑臉迎人，值得一讚。菜色罕見，新鮮感十足，好鬼有趣啊！主打日本平民食事，不用華麗卓頭，不用高昂食材，只需簡樸務實、熟練手腕、深厚內功已足夠。玉乃光，我多次查詢是否冰酒，嬸嬸亦回覆正確無誤。但我要的是倒出來會形成砂冰的酒喎，不是這支呢。叫價 $150 蚊細細支，醇度平凡，不夠甜美順喉。蘿蔔漬，只是室溫有點失色，夠冰涼會更可口。爽爽爽酸酸酸，最後來點甜甜餘韻，蠻開胃前菜，我地預備好開動喇 ﹗木魚絲冷醬油日本茄子，涼浸浸田園清爽的味道，使人很舒服呢。充滿水份爽脆茄子黏著咸香木魚絲直抵舌尖，在齒縫間跟淡醬油結合，意想不到的效果，驚喜的清甜可口。炸竹輪，摸不著頭腦的名字，上網查看一下

Happy Friday 既緣故，同事們會一齊出去食。今次簡左竹里，因為見到餐廳style 十分之日本風，估計好貴，平時都無同事提議要食，今次係第一次食，比相像中更日本風，啲staff係有日本人同埋著和服既。最主要係價錢合理，唔算貴！我叫左個餐係呑拿魚腩飯+細烏冬，仲有個湯，沙律，咖啡，加埋都係$98咋！

演唱会又到，人太多，我们便走進上次去過的食店。今次二人餐轉換了。蕃薯軟淋淋，不油膩，份量都不少。刺身有三款，入口新鲜，没有腥味，但蝦沒有味！賣相可以，配菜亦很新鮮。炸白魚，外脆，魚肉沒腥味，但没魚味！配菜新鲜脆口！魷魚芋丸，魷魚淋入味，有日本自家菜的感觉！滑旦豬排飯較牛肉飯好吃，豬排厚切，淋身，旦香;而牛肉入口較煙韌，牛味一般。青魚肉質可以，較上次大條！整体來説，去演唱会最好來這裏吃，服务好，不受氣，環境較理想！

演唱会的日子，這裏的食店驕傲，使我有機會走進了這間日本味濃的小店。先來一杯熱茶，還有一位説日語的婆婆，多可愛！我们叫了二人餐，有蒸旦，有冬菇丶魚肉、銀杏、旦有甜味，旦質入口滑。魚生三款，是普通的種類，但質素新鲜，尤其我平時少吃的魷魚，也讚非常新鲜爽吃！有關東煮內有六款，蘿蔔淋、入味，其他的食材也入味，我相信愛吃之人，一定喜歡！雜菜烏冬，清清地，熱騰騰，烏冬爽彈。最濃味的，算滑旦豬排飯，旦滑，豬排香脆，飯是日本米，是我在日本吃的味道呀！還有鯖魚一碟，肉質不太硬，入口有少少肉汁，不錯！可惜飮品只有啤酒和汽水選擇，如有甜品就更好！總括食物有日本味，環境可談天，服务有可愛日本婆婆，不錯的選擇！

今晚係睇演唱會 順理成章係都會食埋飯先去 呢間日本菜之前食過 烏冬做得好出色 決定再去一次!!!前菜好搞笑 係意粉 好多便當都會有呢種意粉沙律 味道酸酸甜甜咁之後叫左個三文魚小卷 價錢便宜但不馬虎 飯係暖既 wasabi係入面少少地 三文魚都叫大舊 仲要好肥美之後主食我地一人叫左一個冷烏冬 男友叫果個係普通 但我想介紹佢地既稻庭烏冬 非常薄身 幼細 掛汁效果好好 冷麵汁偏咸左少少可能因為日本人口味 但都好好食最後唔係好夠飽 叫左個蛋卷 同玉子燒不同 唔係甜既係好似煎蛋咁咸香 配上蘿蔔蓉就可減低油膩感 好食!

睇李克勤演唱會之前先去搵食，因為時間短促，去就近商場搵食，講真啲餐廳雖然多，但水準一般，有好多間都排隊，為免食唔切，見呢間無人排，口碑都唔錯！入內即刻有位，地方唔大，和式淺木桌椅！即刻點菜，套餐食物好快到！豆腐沙律（$70）呢個另加！材料好多，豆腐嫩滑，生菜海帶好多，醬汁另上，酸酸甜甜好開胃，加木魚絲！食材味道有層次，演唱會三人餐（$698）日式蒸蛋：3種刺身拼盤：擺盤幾靚，八爪魚、三文魚、吞拿魚，食咗八爪魚，唔韌，三文魚厚切肥美，赤身吞拿魚無食日式關東煮（9品）好多款式嘅魚蛋、蘿蔔、蛋，湯底清甜，比埋芥辣，幾惹味！燒鯖魚（3塊）燒得幾香，魚皮脆，魚肉唔乾，唔腥！好味！丼（3選2）滑蛋豚扒飯：大塊豬扒好厚，外皮脆，不過較嚡！滑蛋唔夠汁！比咖哩乾吉列豬扒咖哩飯：咖哩汁夠濃，大塊豬扒好厚，外皮炸得脆，豬肉較嚡！形珍珠米飽滿，索晒啲汁好味！大碗烏冬麵（3選1）牛肉烏冬：粗烏冬彈牙，薄牛肉牛味重唔韌！湯底清爽！好味飲品（3杯）有汽酒、啤酒、汽水葡萄汽酒：啤酒杯好大杯，提子味唔假，夠汽唔太甜！好味！檸檬汽酒：家姐飲食物有好有一般！價錢抵食，一定夠飽！店員有禮有笑容，有耐性解答問題！演唱會前豐富一

Loved the lunch here, today I was able to get my hand on the limited daily special lunch set is miso marinated mackerel in the fancy chinaware. And a nice chill winter melon with crab meat as dish side. Last we got complimentary coffee. I love the detail on the dish and the service unlike the canton style Japanese Resturant. Suggest to make reservation since there isn't a lot of seating.

Good lunch. Nothing fancy but good traditional Japanese standard lunch set. Good quality vegetables and meat. My friend had the minced tuna sashimi bowl which was $100 but was nice too. I will definitely return for lunch again. Funny that they don't offer syrup for the iced coffee but was good coffee too .