第一腸粉專賣店

營業中

休息中

一條冷，未夠鐘上堂，簡簡單單就試呢間。點了:菜乾豬骨粥 $25豬膶腸粉$22粥味道不錯，熱辣辣，係舊式粥品的味道。菜乾打碎了，粥內有一件小豬骨，如果有蠔豉就更正。腸粉很滑，略嫌米香不足，豬膶調味不錯，恰到好處。樓面人手不足，阿姐又要出菜，又要落柯打，又要接外賣，仲要做埋收銀，勁!可以再試，下次要試鴨腎菜乾粥同招牌腸粉至得!

第一腸粉，腸粉即做即食，唔算非常有米香，但勝在新鮮熱辣，又白又滑；佢啲第一招牌腸粉，以菜甫豬肉燥作餡，配搭有創意亦合襯，鼓油無過鹹，唔差，鴨肉腸粉都好。十多元一碟，算係合理，加多幾元，仲有豆漿。

太子睇完戲，走到砵蘭街的第一腸粉一試。這兒以即包腸粉馳名，點了名爐鴨絲拉腸，即點即造，從未見到腸粉皮可如此晶瑩剔透，口感滿彈性，真係恰到好處，餡料鴨絲足，有皮有肉滿口鴨油香，的確超正。菜乾鴨腎豬骨粥也極正，煲得夠火喉肉與粥已同化，故入口啖啖肉碎菜乾，很香很綿。第一蘿蔔糕又係點題之作，蘿蔔下得多有口感，清新香甜，正！樣樣都好味，值得推介。

又到晚餐時間，想食清d,就食粥同腸粉，呢間都食過好多次，最鍾意食菜乾豬骨粥，牛腸同蘿蔔糕，菜乾豬骨粥，d菜乾煲到好熔，個粥水吸晒菜乾味，另外豬骨咸咸地，入口滑嫩，粥底好綿，牛腸皮薄肉鮮，牛肉好夠份量，肉汁濃，加上甜鼓油，入口甜甜地，另外，蘿蔔糕好鬆軟，都好大舊，蒸到熱辣辣上台，口感一流!

行街行到累 記得朋友介紹太子有間腸粉專門店好出名的 決定來試一試點了個第一腸粉 和一個冷豆漿第一膠粉用上"老"肉同梅菜 估唔到咁的Combination 會咁好味 味道十足 腸粉都好滑 一個人食一份份量剛剛好豆漿 就沒有什麼特別 豆味不是特別濃郁 還可以不過豆漿跟腸粉絕對係一個好好的配搭

賣了牛肉腸和蘿蔔糕，先說牛肉腸的牛肉是切片不是免治，牛肉勁韌，無味，不新鮮。蘿蔔糕全部是粉，一點蘿蔔都沒有。豉油分開上值得讚。食物的機器感,很重，完全找不到傳統粥品店的手做感，總結两個字-失望！下再不會光顧！

呢間嘢我嚟過好多次，因為我鍾意食腸粉。一路覺得佢嘅水準尚算穩定。但每次嚟都覺得越嚟越少人，今次嚟只有四、五枱客。我之前已經食過第一拉腸、叉燒腸、牛腸、什菌腸、豬骨粥。所有都唔差嘅。今次嚟就叫豬潤腸同鴨絲腸，諗住食完再叫蘿蔔糕。我叫兩碟腸粉，阿姐就問，冇嘢要嗱？我話叫住先。阿姐將柯打大聲叫出去，接柯打嘅阿哥又大叫問，兩碟咋？冇嗱？阿姐就答佢，冇喇！兩位店員好似好不滿我叫得兩碟咁少。腸粉嚟到，一如既往，食品質素唔差。但呢度啲腸粉係偏向濃味。我食嘢一向都唔慢，好快就食完，諗住叫埋蘿蔔糕。點知我一放底筷子，阿姐就埋嚟收嘢，一路收一路問，唔要喇呵？！其實我仲想食嘢㗎，不過見你哋全店人對我咁不滿，坐得四、五枱人都咁趕客，我唯有起身埋單啦！唔阻你哋發達喇！

有些店子, 得到米芝蓮推介, 是很正路的結果. 但也有些, 就比較令人費解. 第一腸粉專賣店這家曾經得到12年以及13年必比登的店子就是一例了. 環境一般, 而說到吃腸粉的地方, 街頭巷尾也不少, 這裡又有甚麼特別?冰凍豆漿: 6.5分, 先來點喝的吧, 冰凍豆漿真的幾夠冰凍, 不過豆香就不太足夠, 一般.蜜汁叉燒拉腸: 6.5分, 腸粉皮不算拉得好薄, 而蜜汁叉燒肉質只是一般, 有點失望了.招牌第一拉腸: 7分, 而招牌第一拉腸就真的不錯, 雖然腸粉皮還是比較厚, 但配搭的餡料包括有菜甫, 肉燥以及蔥花, 幾香口, 是蠻有特色的組合.名爐鴨絲拉腸: 6.5分, 最後的名爐鴨絲拉腸, 稍嫌鴨絲不夠鴨香, 當然, 也是敗在腸粉皮上.蒜香排骨蒸飯: 6.5分, 剩吃腸粉不夠飽肚, 也來客蒜香排骨蒸飯, 排骨偏肥, 但就尚算惹味.郊外油菜: 7分, 至於郊外油菜, 份量不少, 但是日吃到的, 未算很靚.作為曾經得到兩年米芝蓮必比登推介的第一腸粉專賣店, 腸粉水準未算第一, 皮實在偏厚, 還好的是招牌第一拉腸配搭幾有特色, 但整體水平就跟一般街坊店沒有大分別了.

踏破鐵鞋無覓處，得來全不費工夫！媽常跟我說這裡腸粉好吃，當想到車子不知可泊在那裡，搭地鐵又不知該往那邊走的時候，我想這裡跟我沒緣份。直到上星期搭地鐵過海，在地鐵站的路囗就遇到，真有點興奮莫名。所有腸粉即叫即蒸保證品質，蝦米腸蝦米足夠，米漿夠濃，有米味；豬膶腸粉豬膶夠嫩，夠新鮮，餡料夠多，每條腸粉都脹鼓鼓的。唯一美中不足是辣醬質素比較次等。總的來説，這頓物有所值腸粉就是我的驚喜下午茶！

得悉此店出名布拉腸粉，新鮮即叫即拉，一路都沒有時間前往，今天放假想去花墟行吓，忽然奇想去試一試。太子我經常去，但由於此店位置不是大街大巷，故此沒有專登去覓食。入到去人不多，不需要同人搭枱可以慢慢嘆，整體尚算衛生同光猛，店員都向我介紹有特價套餐，我亦可當作下午茶！我點了招牌第一腸粉配熱豆漿（$25), 此外亦可叫任何腸粉配小食、粥同蒸飯，價錢都是$35 -$45左右，十分抵！招牌第一腸粉內是菜甫和豬肉燥，甚有台式口味，頗為新鮮！味道十分滑口，米漿味濃，粉皮薄而晶瑩，美味非常，甜豉油配搭得出菜甫的香味！可惜我只是一人前來，下次若多朋友來可試試其中出名的名爐鴨絲拉腸，順德魚片拉腸同蒸蘿蔔糕！

聽聞呢間野之前拎過米芝蓮，所以就黎試下啦，點知真係好差，食物質素差，服務態度差，完全一啲唔值得試，唔怪之得佢呢兩三年已經冇左米芝蓮。佢地檯面得牙籤同胡椒粉，連豉油辣醬都冇，要XO醬就盛惠$5。我嗌左菜乾豬骨粥同一碟油菜。碗粥煲左好耐，每一粒米都煲到爛晒，但我又唔鍾意煲到咁爛嘅粥，而且好多粥水好少米，豬骨得一小舊仲要真係全部骨，一絲肉都冇。菜乾唔多，而且成碗粥好重味精味，我完全唔知自己食緊啲乜。油菜全走，$17得5條極細而且極老極唔新鮮嘅菜心，我覺得$5都俾多佢。問佢攞豉油俾你一小碟上面得幾滴，而且侍應仲要黑面。總之呢間野真係好差，我好少俾差評都忍唔住呀。唔係就餓暈都唔會再去食。

同友人係太子地鐵站附近覓食，見到呢間舖頭仔突然好想食腸粉。入去坐低當然叫咗碟招牌腸粉，餡料方面揀咗名爐鴨絲，另外叫咗個金針雲耳雞飯。腸粉啖啖鴨絲，好正! 中意食燒鴨既朋友要試下，腸粉都好滑。另外個雞飯啲雞都蒸得好滑，時間啱啱好。等野食期間發現係米芝蓮推介店，腸粉店黎講非常有誠意，平時輕食下午茶想搵個舒服既地方係唔錯既選擇，店面闊落同埋好乾淨。

對於腸粉愛好姐，必定要試下呢間美芝蓮推介店，店舖細細，餐牌貼於店舖牆上每一角落，抬頭望總有一張在你眼底，都幾方便，叫了脆瓜什菌腸粉，脆瓜真的很爽脆，什菌料又足，因這個沒有肉，全是素，感覺健康些，再來的是從小食到大的叉燒腸粉，兩款腸粉都很皮薄，更將紅紅的叉燒微微透露於腸粉中，這個亦足料非常，包得圓卜卜，啖啖叉燒配薄薄腸粉，很久沒試過這個口感了，還有叫了蘿蔔糕，這個是蒸的，雖然當中有切成粗條的蘿蔔條，但它蒸得比較水嫩，比較難用 ，我還是喜歡結實和煎的蘿蔔糕 ，值得一提就是這裡的老闆，我這個麻煩客人分了幾次叫野食，老闆每次都會面帶笑容一些都不覺得麻煩說多謝你，而阿姐每次送食物來都會先說 你好 ，再說食物名稱，可以看得出老闆很著重禮貌，下次再試埋招牌第一腸粉先

腸粉這種靠工藝的美食, 看似製作容易但其實由做米漿到蒸腸粉, 每一個步驟都要精雕細琢才能完事。昔日腸粉是講求飽肚, 純米漿造, 幾毛錢的本已吃到大快人心；後來貴價酒樓為討好客人, 把平民的腸粉改頭換臉, 餡款我不想講只講米漿, 加些澄麵入米漿內便可以蒸出一些晶瑩剔透、質感挺身的腸粉來。這家第一腸粉專門店, 門前貼有米芝蓮2012、2013的標誌, 再從旁邊的雜誌介紹得知, 此店的腸粉師傅從利苑出身, 他已經有二十多年的中菜經驗。第一腸粉所賣的食品當然是腸粉為主, 即叫即拉所以製作需時, $20一碟、雙拼$25, 總共售賣8款腸粉: 蜜汁叉燒、手切牛肉、脆瓜雜菌、招牌第一、薑汁豬潤、蔥花蝦米、順德魚片、名爐鴨絲 (當中的招牌第一其實是菜甫肉碎)。除了有腸粉賣, 還有兩款蒸飯、菜乾鴨腎豬骨粥、第一糉、油菜、蒸蘿蔔糕, 款式雖然不多但勝在自家製作, 恰巧店內擺放了多底蘿蔔糕在放涼......小小的店可以容納二十多人, 半開放式廚房可以看到腸粉師傅在拉腸粉, 而首先送上來的是蒸蘿蔔糕 $15 ... 蘿蔔糕的糕質軟綿, 綿到一放入囗便快要溶化, 個人覺得未夠挺身；糕內有數條粗條如手指般的白蘿蔔

在摸左不下五次門釘之後。一查得知堂記業已結。想起那菜乾豬骨。那爽滑腸粉。不由自主地找個替代品。第一腸粉那粥有不少朋友推介。腸粉又壓上了招牌。那就來探過究竟。來到已是三點多。避過了午飯時間。店外沒有早年前長長的人龍。不用等就入坐了。先來既是叉腸。一看晶瑩剔透。甚喜。起碼薄一項是無可挑剔的。可是嗎。食物不是光看了就算還是要放入口的。預期的爽滑抱歉了是沒有的。落差很大的痴立立。三大條該怎解決。接下來的菜乾陳腎豬骨粥。三樣野都係粥入面搵到。但係並不融合。綿綿既粥底當那一羹有菜乾時會帶菜乾味。有鴨腎時就有鴨腎味。和著燒豬骨食嗎。當然就係豬骨味。要菜乾陳腎豬骨味嗎？請一羹內有曬三種料！還記得那時在堂記。落單呀姐常說他們那湯底幾好味又唔比人叫一碗。真懷念。