第一腸粉專賣店

營業中

休息中

距離地鐵站幾分鐘的路程，位置方便，鋪面企 理。腸粉及粥品選擇少，大概有5到6款可選及豬骨粥。一共點了兩款腸粉及粥:翠玉瓜雜菇腸粉，牛肉腸粉，菜乾豬骨粥。腸粉皮滑，餡不多，牛肉腸粉不算好味道，尚可接受

單賣腸粉的第一腸粉，曾獲12-13年米芝蓮一星，因為工作關係，又可以到此檢查一下品質。中午店內比較少人，因為食腸粉未必可以食得飽。由當初$19 食到依家$25，舖頭供應的腸粉款式只有8款，數量不算多，但勝在傳統或創新的均有選擇，分別有蜜汁叉燒拉腸、手切牛肉拉腸、脆瓜什菌拉腸、招牌第一拉腸、薑汁豬膶拉腸、蔥花蝦米拉腸、順德魚片拉腸、名爐鴨絲拉腸等，客人更可雙拼餡。今次試咗第一拼火鴨絲，招牌第一腸即係菜脯＋肉燥，以前食過單點第一腸，好味但味道單一一D。呢個雙拼我個人覺得唔錯，肉燥同火鴨絲味道相得益彰。腸粉皮厚咗少少但唔易散，我個人覺得還可以。品質些微下降，但仍然ok👌🏻如果唔夠飽，其實有蘿蔔糕、蒸飯、豬骨粥。

在花墟買完東西，就順道去買早餐回家跟四爺一起吃。要了2碗菜乾鴨腎豬骨粥，蜜汁叉燒拉腸和手切牛肉拉腸。菜乾鴨腎豬骨粥，一倒出來滿是菜乾香，入口亦有濃濃的鴨腎味，粥底也煲得挺綿。腸粉真的做到皮薄有彈性，薄薄的隱若見到內裡的配料。叉燒腸內除了有叉燒，亦有點點蝦米，難怪多了一份鮮味。手切牛肉拉腸的牛肉，不是傳統的免治牛肉，而是切成小片小片牛肉，四爺說挺有咬口。雖然隔了半小時才回到家，但腸粉仍然未變硬，整體來說，很是不錯!

第一腸粉出品的牛肉腸，並非用上傳統我免治牛肉麵，亦非一片片的牛肉，而是將牛肉切成一條一條，藏於腸粉中，腸粉即叫即做，很滑，熱騰騰時吃更很香，很滿足。黎生自幼便愛吃牛肉腸，茗茶時總會自吃一碟，所以，到第一腸粉時，我不會吃其推介的腸粉，專一地吃回牛肉腸。第一腸粉值得吃的，還有其自家推介豬骨粥。曾吃過，味道確是不錯，但豬骨也會送妳一件。蘿蔔糕質地軟綿綿，當中有數條蘿蔔絲，一口吃下，軟綿綿的糕滿滿是蘿蔔味，好味都不大了。其實黎生不太愛吃蘿蔔糕，但第一腸粉的是例外。第一腸粉曾盛極一時，早年從一間小店，經傳媒推介後，生意大做後在對面馬路開了分店，唯氣勢一去後，又變回一間小店。放假，想起便在下午茶時段到來，豈料推出等價時段，各式腸粉加蘿蔔糕才三十九元，便不作他想，即點牛肉腸配蘿蔔糕！至於水準，兩味確稍為不及從前的美味，但仍然不錯吃呀！

比佢幾得意嘅招牌吸引左入去！好搞笑，第一次食一間淨係賣腸粉嘅地方。。入到黎，腸粉似乎係必食！地方唔算好大，似係一般雲吞面譜嘅店舖尺寸啦！價錢適中，唔算太貴，啱晒食消夜。唯獨有啲唔好嘅係，有個樓面姐姐黑口黑面。。。真係問多佢幾句嘢都唔敢。。我地3個人叫左3碟腸粉+1個蒜香排骨飯，個飯就不過不失啦腸粉我最鐘意食鴨絲腸！啲餡料唔會太油膩，配上甜豉油，腸粉入口嫩滑，我諗我自己一個人都食到兩碟！的確係幾特別，呢間野，會再黎

泰妹，近期不停食食食食到一個點 連母親都開口同我講 '你好似又肥左'所以就決定唔可以再咁食落去 要平衡d 做返運今日我就去打返成年無打既泰拳上堂前 搵個地方食小小野太子C2 出口那邊.有好多餐廳我地就比"第一" 呢個字吸引到所以就入去食腸粉而一入到去... 睇到牆上既報導見知道原來呢到曾經係呢到主打腸粉一款配料$23雙併$29我就ORDER 左鴨絲肉我自己就覺得味道唔係話好特別其實都係普遍茶樓貨色皮唔夠薄唔夠滑但鴨絲肉塞滿係腸粉內$23黎講都好足料但好可惜.. 呢到既無服務可言.. 都唔緊要....最正係埋單$75, 比錢時我地無散銀, 想叫佢唱散$5比我地 睇住佢錢櫃入面有好多散銀.. 佢堅持唔唱仲要我地比個$5佢找錢呀姐... 即是如果我地有就比左你啦食品味道已經唔突出仲要有個咁既呀姐..好難會再返黎食

Disrespectful and impolite. I came here because I was curious about their self-proclaimed Number One. Guess they are number one......in poor customer service. As a first time customer, the staff there barely had any patience to explain their dishes to me and was treating me like it offended them for me to even be in their store!Their signature dish wasn't so bad, but it wasn't particularly outstanding either. The signage says they make the steam rice roll upon order however the dish was barely l

因為前排唔舒服嘅緣故已經無啖好食⋯⋯為咗等自己唔舒服得呢都食得好啲，我要食粥配腸粉！菜乾鴨腎豬骨粥比我想像中好味，菜乾呢個配搭好家鄉風味😂不過粥只有一款選擇，如果揀食嘅朋友要留意啦！身為腸粉迷好開心地叫咗兩碟，都係雙拼！一款係牛肉拼燒鵝一款係招牌拼叉燒腸粉皮薄得呢有啲彈性，但係好易一夾就爛，裡面嘅餡會甩晒出呢⋯⋯不過整體係好食，而且雙拼出呢嘅口味都唔會有違和感～招牌腸粉嘅配搭都好得意！一定要試下！

朋友介紹話呢到食腸粉好好味，好鍾意食腸粉既我緊係要黎潮聖一下～脆肉瓜雜菌腸幾足料，入面好多切薄片既翠肉瓜，但腸粉就太過軟稔，口感就係放一pat野入口咁，唔係唔好味，只係無咩特別，個人偏向有煙韌啲既腸粉。叉燒腸叉燒都幾多，好經典既港式腸粉，但同樣口感上太軟太淋。

雖然第一腸粉以腸粉做招徠，但我今日其實係為左盅頭飯而來。蒜香排骨蒸飯（$27），一落單即刻送到，飯粒未算分明，不過排骨夠多，連埋蒜香汁撈飯，三扒兩撥已經食晒了連豉油都唔洗落呢！再叫左碟腸粉食下，名爐鴨絲拉腸（$23），腸粉食得多，多數揀叉燒做餡，今日試下食鴨絲腸，個人都係偏好叉燒多d，哈哈。腸粉即叫即製，所以要等一陣，包得幾薄，果然以腸粉做專門店係有咁上下質素。星期五夜晚都幾多人食，每張檯都有人，下次要再試埋其他口味的腸粉，例如招牌第一腸粉，睇吓佢係咪每個口味都保持到質素先。

今日下午茶時間經過此店，諗住未試過，所以入去試試.叫左個名爐燒鴨拉腸同招牌第一拉腸（菜脯、肉碎餡），寫住'即叫即整，耐心等候'，但不到三分鐘，兩碟一齊上檯.先試招牌拉腸，'即叫即整'但碟野係微溫，腸粉無米香又唔滑，個餡就ok野味，之後再試燒鴨拉腸，一入口又係微溫，嘩！果陣鴨蘇味一剎那充滿成個口腔.....，心諗咁好彩食中果舊鴨肉蘇啫，再試其餘兩條，全部鴨肉都勁蘇......我有理由相信佢地因為想成本平而用'鴨下欄肉'，真係未食過咁難食，$23一碟把x腸粉，真係天下第一！！！

本人好鍾意食腸粉，真係鍾意嘅地步連7仔腸粉都唔放過，之前試過深水埗米芝連腸粉，就連薯片叔叔都去，不過個間主打齋腸。今次就嚟呢間試有餡嘅腸粉，其實之前試過好多地方，酒樓或者粥舖，包括人氣餐廳都試埋，不過一般有餡嘅腸粉由於怕個皮包唔實入面d料，所以一般都做得比較厚，唔夠滑。而呢間2012-2013米芝連推薦，唔使$30一碟咪試吓囉，一開始叫咗薑汁豬潤腸，薑汁味超重，蓋過豬潤嘅味，唔知係咪故意，不過好在腸粉皮同入面嘅豬潤都蒸到剛剛好，好滑，豬潤都話晒內臟，必須煮熟。因為太好食，所以即刻追加燒鴨絲腸，有燒鴨陣香味，好味！另外再叫咗豬骨粥同排骨蒸飯，個粥真係唔多好食，同腸粉個水準差太遠，蒸飯中規中矩，不過份量就算一個女仔都食唔飽，至少加碟腸粉，所以去到，建議主攻腸粉，其他唔好浪費個胃去食(筷子真係洗得唔太乾淨，有d嘔心，可以有進步空間)

同佢有十冤九仇咩，其服务之恶劣，真是非笔墨所能形容。服务阿姐表情所显露的厭恶，词语口气之兇，更是茶餐厅阿叔望塵莫及 。所谓米芝莲出品，更是大排档产品也不如，一碟肠粉所应有的爽、滑、沾、米香，除了滑外，其他一慨欠奉，再加上其骇人的服务，真是从此却步。

食就幾好食，尤其薑汁豬潤拉腸，粥就略為咸！但幾好食都假，放下腸粉時像給狗食般態度欠佳，全部職員像我欠了她們般！若你覺得可以接受，就不妨一試...........

我特別仲意吃腸粉。見到這間有米芝連的腸粉店，特地去試試。十一點去到，唔多人，都要好等一會，才有得吃。可惜腸粉，料冇特別之處，豉油唔好味，比起在澳洲普通飲茶吃的還差一點。除了抵食之外，冇好野可以講。我相信米芝連評級人一定不是多吃腸粉之人