第一郡

營業中

休息中

餐廳係2樓，雖然唔係街鋪，但樓上位置更闊落，面積更大，坐得舒適。自助區可以自己拎餐具和醬汁，斟水嘅話，可以試下佢嘅斑蘭水，幾清新。米紙蝦卷香菜，檬粉，生菜，層次分明，味道較淡，記得要點上魚露呀雞絲湯河嫰滑雞肉，另加厚切扎肉，味道唔錯烤豬肉撈檬大大碗，非常足料。烤豬肉稍微韌左，但調味唔錯，加埋大量香菜，花生，青瓜，撈埋檬粉一齊食，酸酸甜甜，夏天胃口大增。😜越式法包材料好豐富，有清新嘅香草，啖啖肉嘅腩肉同扎肉，爽口嘅青瓜，鬆脆嘅肉鬆，仲有外層脆卜卜法包，整體口感多層次，非常好味，一定要試。而且落order時仲可以揀開半，或開三，方便分享，好細心。紅毛榴槤沙冰即係刺果番荔枝，可能較少有，價錢相對比較貴，飲落清甜，有淡淡嘅果甜味，有啲似石榴味。牛油果沙冰牛油果味濃郁，又香又滑，必試。斑蘭糕斑蘭味頗香，斑蘭糕上下2層煙煙韌韌，加埋中間綠豆蓉，甜度適中，超推薦。食物份量十足，真係食到捧住個肚走呀

好耐之前已經聽過第一郡嘅名字🍲佢而家搬咗喺油麻地大舖，環境舒服咗好多，而且容易有位啲😆❣️招牌菜-蟹膏蕃茄湯檬🦀一上枱已經聞到勁香，好多料👍有一大舊蟹膏，食落超濃蟹味，仲有蟹肉絲🤤欣賞佢唔係薄薄嘅係扎肉，有好多菜🥬，豬紅🐷等等。今次揀咗檬粉，但其實都可以轉河粉❣️湯底先係我覺得最正嘅一part😋好特別，一啲都唔似坊間食到嘅越南粉嘅味道👍❣️唯一嘅小食米紙蝦卷🦐好fresh, 襯埋佢嘅自家製花生醬，超正👏🏼唔同出面坊間淨係點魚露❣️越式法包🥖超足料😍有豬肉，扎肉，蘿蔔絲，香草等等。麵包超鬆脆，一咬落去嗰刻好Juice，但係又唔會令到個包淋晒👍❣️牛油果沙冰，牛油果咪一定要試，佢唔係普通沙冰，佢已經打到好Creamy，淡淡的牛油果味又唔會好甜，飲完一杯其都好飽😂❣️越式冰滴咖啡，正常，唔算好特別😉❣️雖然已經好飽，但一定要試佢呢個班蘭綠豆糕，好煙靭中間嗰層夾住咗綠豆蓉，唔算好甜, 超好味🤤❣️呢到員工雖然都上左年紀，好有心去製作依啲美食，絕對唔係連鎖式嘅越南餐廳味道👍讚💚💚💚💚

主打越南菜 由深水埗搬店到油麻地 餐廳面積大及座位變多了 環境也變得比較舒適 😋🍽️越式法包 $55法包很鬆軟且焗至非常香脆 餡料有層次 上層扎肉 醃蘿蔔味道酸甜 配搭青瓜很清新 下層肉鬆豬腩片及肝醬提供主要鹹味 享用時 味道由淺入深 很好吃😋🍽️蟹膏蕃茄湯河 $65湯底重蟹味 帶甜酸味道 很開胃又不會渴喉 配料有扎肉 豬紅 豆卜 蟹膏餅 每樣配料都有心思及預先調味 重點配料蟹膏餅口感很綿密 重蟹味 滲透湯汁享用 味道十分好🍽️紫米糕 $7紫米味很香很突出 口感軟綿綿 甜度適中🍽️斑蘭糕 $15斑蘭部份很煙韌 中間夾了馬豆蓉 甜度適中

第一郡依間越南餐廳相信唔少人都食過，舊鋪位於深水埗，雖然鋪位細細但一向都吸引到唔少人去食，可想而知唔簡單。見到第一郡搬左去油麻地之後，餐廳環境舒服不少，我都即刻去試試。蟹膏蕃茄湯檬招牌就一定係依個湯檬啦，除左大大舊嘅精華蟹糕餅，有扎肉豬紅蕃茄芽菜生菜，好多餸好滿足，湯底酸酸地，開胃得黎唔會好heavy。米紙蝦卷外層有塊葉包住米紙卷，米紙卷就包住蝦同菜，食落幾清爽，另外就揀左配自家醬，有啲花生碎係醬到，食落幾香。越式法包法包好香脆唔硬，腩肉扎肉肉鬆肝醬加埋全部都好夾，再加埋酸菜青瓜芫荽一齊就好清爽。牛油果沙冰芒果沙冰飲落好Smooth，唔會咬到啲碎冰，放耐左都唔會變水，都幾creamy。牛油果同芒果味道都足，唔會好淡。推薦芒果糯米卷芒果好甜好大舊，外皮薄薄一層，唔會太厚，仲有啲椰絲，食落幾香。

一路都有幫襯開依間越式小店，喺深水埗已經好有名，得知搬到去油麻地新舖就黎繼續支持下，環境空間大左好多，平日去都唔使等好耐就有位，食物方面叫左蟹膏蕃茄湯濛個湯底好鮮甜，酸酸地既蕃茄味好開胃，配料最正系有大大舊既蟹膏餅，濃郁嘅蟹味吸哂湯底非常入味越式軟包餡料有扎肉同香料食落清新可口甜品叫左斑斕綠豆糕食落口感煙煙韌韌，甜甜地幾好味，飲品叫左牛油果沙冰，質感好滑好重牛油果味必飲之選整體方面，食物有水準，大家想食越式野值得黎食

舊舖系深水埗，依家搬左去油麻地雖然係樓上鋪，但係地方大咗‼️坐得舒服咗‼️仍然都好多人幫襯💯班蘭椰汁糕‼️💚💛❤️高質，同埋呢個好快售罄，所以想食就要趁早🤭都可以試吓訂枱，然後預留🤤🤤烤豬肉撈檬 份量足夠 👍🏻烤豬肉都好多呢個夏天食撈檬，胃口大開酸酸地幾開胃招牌蕃茄蟹膏湯檬蕃茄既酸味&蟹膏的鮮味完美結合加上魚露、檸檬，讓整道湯更加清新可口蟹膏味道濃郁👍🏻👍🏻紅豆糕/紫米糕/榴槤糕/馬豆糕經典中式點心所有糕都好足料唔會太甜膩👍🏻榴槤糕榴槤味道超濃郁，榴槤嘅味都唔會好假，非常適合喜歡榴槤的人品嚐，新鮮榴槤肉味道芒果糯米卷芒果既酸甜味&糯米口感完美結合整道糯米卷都很清爽，非常適合系夏天享用芒果肉都好足 🤤🤤🤤牛油果沙冰/芒果沙冰用新鮮水果整👍🏻飲落應該都額外加糖水味道新鮮越式法包食落個包好脆口👍🏻👍🏻兩個人share都好足夠 都好大個總括嚟講 呢間性價比超高👍🏻👍🏻👍🏻極度推薦❤️

第一郡 Q1剛從深水埗搬遷過來，以越南菜餐廳來說，它的美味菜式和性價比都很高😛。👏🏻蟹膏番茄湯檬粉 HKD$65蟹膏番茄湯檬粉是第一郡 Q1的招牌菜之一，加了$5價，但蟹膏番茄湯檬粉的材料仍然鋪滿滿😛，包括蟹膏餅、豬紅、豆卜、扎肉、芽菜、生菜，整個蕃茄湯檬的構成非常豐富。當中蟹膏餅以豐富的蟹膏餡料為特色，成為了這道美食的亮點。蟹膏餅的特色在於其餡料中豐富的蟹膏😛，它帶來了濃郁的蟹味👏🏻，與其他配料的結合非常完美，每一口都能感受到蟹膏的鮮美😛。 ⚡️ 好味指數：🌕🌕🌕🌕🌕🧀️  約800-1000kcal 卡路里/份 (不喝湯之下)第一郡 Q1的菜式不僅美味，而且性價比之高，價格相對實惠。食客可以在這裡享受到高品質的越南菜，同時不會對自己的錢包造成太大的壓力。總之，第一郡 Q1是一家性價比高的越南菜餐廳。蟹膏餅仍然美味，豐富的蟹膏餡料有濃郁的蟹味，再加上蟹膏蕃茄湯檬配料的風味很美味，第一郡 Q1的菜式價格相對實惠，讓食客可以以合理的價格品嚐到高品質的越南菜，絕對是一個值得一試的餐廳。📍 第一郡 - 油麻地彌敦道483-485A號2樓

以前一去深水埗必定會食呢間越南菜🇻🇳而家搬左新店地方好大, 而食物質素依舊, 很值得再次光顧! 當日雖然係星期六, 下午一點幾需要排隊👫🏻等位既人好似幾多, 但都只係排左廿分鐘左右✌🏻蟹膏蕃茄湯檬 $65呢碗湯檬個人推介必點, 材料有蟹膏餅🦀原個蕃茄🍅扎肉、豆卜、豬紅、香菜、芽菜、同生菜🥬非常之豐富。湯底有濃郁既蟹味, 蟹膏餅同豆卜都吸滿湯底既精華。令人一啖接一啖咁連湯都飲晒🤤係水準之作。烤豬肉法包 $62呢個法包係比較軟身🥖食落唔會咁容易介到口。而材料包括有烤豬肉、生菜🥬酸菜、青瓜🥒芫荽同蔥。烤豬肉有少少甜味唔會柴, 配上酸菜等既菜令到成個包口感層次分明, 每個配搭都有巧妙之處🤩使到成個包唔會太膩增添清爽既感覺。牛油果沙冰 $35淡淡既牛油果味加上牛奶🥛口感非常幼滑🥑甜度應該係牛油果原先既甜味, 冇加任何糖。

呢間越南菜小店搬過好多次舖一路都好出名 🤪 以前喺天后嘅時候就經常食😅 知道搬咗去深水埗再開搬呢間新鋪就第一時間試下🥰 款式貴精不貴多但係我都係最掛住蕃茄蟹膏湯濛🤩 好招牌溫暖道地既口味 另外一定要留肚試吓佢嘅糕點都好出色🍰⭐️ 蟹膏蕃茄湯檬 🦀️蕃茄湯底好濃郁帶微微嘅酸甜🍅 配料有蝦膏豬紅扎肉等等🥩 每一口都係道地既鮮味🌊係簡單但溫暖嘅Comfort Food⭐️ 越式法包 🥖烤得香脆嘅法包🔥配上扎肉腩肉等同嘅配料🥓特別在多種香料清爽得來唔油膩🌿⭐️ 米紙蝦卷 🦐用米紙包住肉碎蝦同蔬菜🥬重點配上自家制醬汁有點花生口味再加上鹹鮮🥜口味好獨特⭐️ 牛油果沙冰 🥑呢度嘅口感好滑用咗新鮮牛油果真材實料🥑 加上沙冰嘅口感就唔會太Thick🍧⭐️ 滴滴咖啡 ☕️用上越南式嘅滴漏壺增加了咖啡嘅香氣🌺 加上煉奶甜度比例適中⭐️ 斑斕綠豆糕 💚一定要試嘅招牌甜品☺️ 斑斕味香濃而且口感超煙韌 有越式的傳統風味🍡⭐️ 芒果糯米卷 🥭另一道甜品就比較道地 🤣用上嘅芒果分量豐富而且新鮮 天然嘅甜度啱啱好🏝️⭐️ 紅豆糕 🫘⭐️ 紫米糕 💜因為甜點太吸引再叫埋其他糕點🫣椰汁味香濃唔會太過甜👍🏻

聞名深水埗區嘅越式小店搬咗去油麻地，點可以唔去朝聖一下？約埋「蝦蟹蕃茄粉麵達人」 嘅朋友放工喺第一郡見面，再三互相提醒記得係油麻地舖頭等啊🤣地方大咗好多，坐得好寬敞，同舊舖係兩個世界😬眼闊肚窄嘅我哋叫咗好多嘢食，包括有蟹膏蕃茄湯檬、烤豬肉撈檬、越南米紙春卷、烤豬肉越式法包、芒果沙冰和紅毛榴槤沙冰。整體上食物水準比起喺舊舖更好食。特別係法包更上一層樓，外脆內軟，配料調味適中❤️烤豬肉撈檬亦都做得唔錯，豬肉非常之香口惹味，只係檬粉碎咗啲。蟹膏蕃茄湯檬，湯底非常之甜，整體上係好足料大碗，抵食！咁熱一定要飲沙冰，好足料！而我叫咗杯紅毛榴槤沙冰，微微清甜加少少淡淡然好似山竹嘅香味。冇睇價錢就嗌咗，雖然好鍾意，就係貴咗少少🫣諗住食完先叫甜品，但係好快就賣晒🤕記得要一齊落單，嗌埋甜品呀！買單收錢嘅哥仔應該俾我哋嚇親，兩個人食咗三百蚊？！即刻印返張單人比我哋對下，岩嫁無錯☺️我哋仲想食甜品添🥰*溫馨提示*啲嘢都幾大份㗎，千祈唔好浪費食物！

第一郡之前開係深水埗，已經好有人氣，成日要排隊。估唔到佢搬左過黎油麻地全層之後都係排曬長龍😅😅首先係佢哋嘅越式法包，個麵包皮脆身軟，入口即化，加上入面嘅豬腩肉，札肉同埋胡蘿蔔絲青瓜，重點係佢個豬肝醬！成個banh mi嘅靈魂。成個包非常正宗，香港數一數二，而且抵食！出面成日賣90蚊，仲要唔好食。仲貪心叫左烤豬肉軟包，試下軟包嘅口感。都唔錯，而烤豬肉份量都好多，香口🥰 番茄蟹檬非常好食，水準keep到。湯底好青甜，好大舊蟹膏，好滿足。鮮蝦米紙捲都好清新，配埋花生醬，味道好好，不過呢個其他舖都好常見，未算好有特色。芒果糯米卷都幾好食，糯米同芒果果肉嘅搭配好協調，芒果好甜，而糯米厚薄適中，越南店嘅居然仲比起長州糯米糍好食😂😂斑斕綠豆糕好靚隻色，綠豆味好濃郁，口感煙韌。飲品叫左牛油果沙冰，雖然固定甜度不過唔甜好清新，牛油果味好突出，沙冰幼滑，清香爽口。仲叫左2個椰青不過無影，成餐飯都係300蚊😱😱😱 呢d小店真係好唔容易挨過疫情，係油麻地附近大家可以黎試下。

我係OpenRice度見到上左收藏榜，而且間餐廳又冇咩負評，於是去試下，去到叫左個撈檬，個撈檬同其他餐廳唔同，個汁係餐廳落定先，冇咩味，撈檬配料很多菜，都係冇咩味，有少少唔知食緊咩既感覺，肉既味道又一般般，食哂成個撈檬冇飽肚既感覺。今次既總結係，餐廳既價錢唔係特別平，而食物的味道，質素一般般。不過，去到既時候，見到間餐廳坐滿人，唔知點解有咁多人去食，可能係睇到冇咩負評，所以去試。大家既口味要求唔同，可以自己親身試下。

暫時係香港最出色嘅越南餐廳，食到上哂癮🙈 由深水埗小鋪，到依家油麻地樓上鋪，食物質素依然保持到👍🏻 環境舒適咗好多，依家又有普通水同斑斕水提供，整體用餐感受提升吾少！招牌蟹膏蕃茄湯檬粉真心好好食🤤 次次去都一定叫！食材非常多，蟹膏蛋餅、豆卜、豬紅吸收哂啲湯汁，好正😋蔬菜燉牛腩配包都好野味，但星期六日先供應。牛腩煮到好林好入味，麵包鬆軟，配搭牛腩汁一齊食，美味可口😍牛油果沙冰都係必叫之一，非常濃稠，飽感十足！另一必叫嘅係斑斕綠豆糕！但數量有限，吾係次次都有…

叫咗杯好立克，第一次嚟啲粉浮曬上面一嚿嚿，叫佢換個杯， 第二杯嚟嘅情況都係一樣， 所以就算啦，照飲， 杯嘢淡而無味，啲粉唔溶， 諗住畀錢嘅時候同收銀反映一下，個收銀話：係咁架la,好立克d粉係咁架la...,店員嘅態度非常差, 唔接受意見亦都唔願意去改善.

由深水埗開始食，見搬左去大鋪試下！本身已經無抱任何希望，因為知道搬左大舖，一定會變左流水作業叫番食開既蟹膏湯檬，好失望之前濃濃既蕃茄湯底，現家只淨番死甜！一D蕃茄味都無！食得岀只係味精！另外主角蟹膏塊無蟹味，好似食緊蒸雞蛋咁豬紅無味，質地硬實！豆卜亦都唔索湯，唯一係兩塊扎肉叫正常！值得讚既唯有係班蘭糕$15，甜味適中，口感煙靭！好失望，唔會再食第二次了