第一郡

營業中

休息中

🍴榴槤糕 一件9 蚊榴蓮膏成舊糕都好勁榴蓮味 入面仲有新鮮榴槤肉 口感豐富。正🍴牛油果沙冰 35 蚊🥑牛油果沙冰 好香牛油果味 濃到冇乜冰味 足料 好有口感🍴越式法包55 蚊🍞越式法包 個包好香脆。入面有肉鬆 白紅蘿蔔 肥美札肉 仲有芫茜中和番豬肉味出面香脆入面好有口感 好食🍴班蘭糕15 蚊班蘭糕上同下層好香班蘭味 甜度適中 中間有綠豆蓉都好match🍴米紙蝦卷2 件 45 蚊🦐米紙蝦卷 佢個卷皮 好爽彈 入面有生菜 新鮮蝦肉 同肥美札肉 🐷而佢個自家醬有 d似沙嗲 甜度適中 仲有 d蘿蔔絲同洋葱增加口感 正🍴烤豬肉湯河 65 蚊🐷豬肉同湯河分開上 豬肉烤得好香 足料彈牙 唔會太乾身 湯河闊身爽口 帶 d香茅同豬肉湯香味 正🍴蟹膏蕃茄湯檬 65 蚊🦀湯檬個蕃茄醬好酸甜開胃 蟹膏 大大件 可以就甘咬或整碎佢撈落湯入面 仲有爽滑豬紅 入味札肉 豆卜 油麥菜等等 盡吸酸汁 檬粉好幼身爽口 同蟹膏同蕃茄好 match#越南菜 #蟹膏 #湯河 #烤豬肉 #法包 #牛油果 #沙冰 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍

放工過嚟食晚餐，都唔少人等，但好快就入到座烤豬肉撈檬($65) - 豬肉烤得好好食，有大量蘿蔔絲、蔥、生菜、芽菜、花生等配菜，口感同味道都好豐富越式法包($55) - 包烘得好香脆，餡料有腩肉、扎肉、肉鬆、肝醬、酸菜、青瓜等，口感同層次都好豐富，食落味道完全同喺越南食法包一樣米紙蝦卷2件($45) - 入面包咗檬粉、豬肉、蝦肉、生菜同香菜，好飽滿，我哋揀咗自家醬，係有蘿蔔絲同花生碎嘅沙嗲醬，甜甜地，我哋另外撈咗少少魚露同檸檬汁，食落味道更香，好開胃牛油果沙冰及芒果沙冰(各$35) - 兩杯都好濃好fresh，飲落好似食緊原個芒果同牛油果咁，而且甜味完全係果甜果香，好好飲芒果糯米卷($35) - 糯米皮好煙韌，椰絲好香，芒果又大又甜，而且完全冇筋，好好食紫米糕及紅豆糕(各$7) - 紫米糕好濃味，兩款糕口感都好好，亦好多豆餐廳用QR Code落單，好方便。餐牌一目了然，食物種類都唔少，小食、法包、軟包、湯河、檬粉、各式冷熱飲品、特飲、甜品等，好多款都想試餐廳裝修好新，枱櫈好大張，坐落感覺幾舒服。食物份量大，幾抵食，侍應做嘢亦快手，有機會會再嚟食嘢

香港的越南餐廳有好多,但真正好味的卻只是寥寥可數。Q1第一郡算是比較出色的越南餐廳。餐廳頗具人氣,建議盡量避免peak hours去進餐,否則要做好排隊的心理準備,人齊方可入座。QR Code自助落單夠方便👍今次試了以下食物:👍烤豬肉撈檬~烤豬肉香濃夠入味,加上很多配菜,味道不錯👍蟹膏蕃茄湯檬~酸酸的蕃茄湯底配上蟹膏夠香夠濃越南米紙卷~個人覺得比較淡口,過於平淡👍班蘭綠豆糕~糕點本身頗煙韌,質感充實,充滿班蘭香味*另一個抵讚位是店舖提供的開水充滿淡淡清香班蘭味,非常清新!!👍

品嚐正宗越南家庭風味，「第一郡」在油麻地店開業了！這家深水埗起家，由越南家庭經營的小店，憑著多款正宗越南小吃：蟹檬、法包、春捲、牛油果冰、綠豆糕等，油麻地新店地方寬敞，水準當然依舊不變，最掛念佢嘅法包，今日下午特別嚟朝聖，人哋氣依舊都係要排隊等位🤣🥖▪️越式法包 $ 55即叫即做熱辣辣，超級大份，法包焗得香脆，餡料豐富，有豬腩肉、扎肉、爽脆的紅蘿蔔、醃白蘿蔔絲、青瓜、芫荽、蔬菜、肝醬，非常正宗越南風味，一口咬下去就是滿足，好食又抵食🍤▪️米紙蝦卷1件 $ 25最愛吃米紙卷，因為它色彩繽紛，而且包含多款蔬菜，既低卡又有營養，米紙包上超級大隻的鮮蝦、青瓜、甘荀、米粉、生菜配搭九層塔、芫荽，自家製的特別醬汁，就像花生醬的味道，好好食🥭▪️芒果糯米卷 $35糯米皮薄薄好煙韌又鬆軟，充滿大量椰絲而且唔太甜，包住原隻清甜大杧果，好味就是這樣簡單，必食推介☕️▪️滴滴咖啡（熱）$ 32越南黑咖啡加煉奶，滴漏式的是慢煮咖啡法，越南咖啡豆的烘焙時間一般都會稍為長一點，令味道變得更為濃厚，所以配煉奶就最適合不過，味道又香又醇

由深水埗舊鋪已經好鐘意食，第一郡 6月搬到過黎油麻地咁大間鋪真係好開心，呢個地點唔止方便，而且環境仲舒服左好多；價錢冇太大分別，依然係咁經濟實惠可惜當日斑蘭糕已經賣曬，唯有下次lunch過黎食睇下有冇啦 TvT越式法包 $55法包依然外表香脆，材料超多：扎肉、腩肉、肉鬆、芫荽、青瓜，超juicy，口感同味道都好豐富🤩米紙蝦卷x2 $45用蕉葉包住的蝦卷好紮實，除左有大大隻蝦，入面都有好多其他唔同料我自己就試左佢地自家醬汁，有超濃花生醬味，口感偏濃烤豬肉撈檬 ＄65大大份，肉質唔柴又烤得香，鍾意酸蘿蔔絲就岩曬，因為佢有好多好多麵上仲有好多花生碎；同埋佢撈檬嘅湯汁一早加左入碗粉到，所以唔洗再加魚露都夠味蟹膏蕃茄湯檬🦀($65)濃郁酸甜蕃茄味湯底，相當豐富材料；蟹膏餅係有啲鮮味，不過口感偏腍扎肉就好好食牛油果沙冰 $35似奶昔多過沙冰，因為好creamy🫢飲左3分1都有少少飽的感覺📍第一郡#foodie #foodiehk #food #hkfoodie #instafood#foodphotography#香港美食 #美食 #美食推薦 #852#hkfoodlover#hkfoodie#f

上次喺深水埗食過法包好好味,今次試下推介嘅茄膏番茄湯檬,入面有蟹糕餅、蕃茄、扎肉、豬紅、香菜、芽菜，湯底同普通嘅湯河唔同，濃好多，幾好味，蟹膏餅比較油，有啲膩，如果叫米紙卷 一定要揀自家制的醬！牛油果沙冰 blend到好滑無冰粒夜晚7點已經賣哂斑蘭糕😢

幾年前就聽過他的大名，假日動輒排隊1小時，屹立多年，就因為超高性價比而走紅，份量巨大而且價格便宜由老店到新店，我都認得那個友善的侍應「嫲嫲」烤豬肉軟包$55大大個烤豬包，豬肉炆得軟稔彈牙再炙烤，加入大量漬蘿蔔跟芫荽 蒽，新鮮程度很高，不愛芫荽 蔥的我也10分喜歡蟹膏蕃茄湯檬$65大大碗的湯檬配料相當充足，尤其蟹膏餅超大塊，入口蟹膏味濃，番茄🍅新鮮 酸而多汁，檬粉相當嫩滑，基本上吃一碗就飽了！米紙蝦卷2件$45 自家醬（花生醬跟醃蘿蔔）緊致的米紙內含豐富的雞肉跟大蝦🍤，入口煙韌，分量相當充足，自家製醬汁甜中帶微酸，飽足！芒果糯米卷$35厚厚的芒果肉甜中帶酸，芒果味還突了出來，突顯其肉量！味道完全不輸長洲版本大力推薦👍👍👍榴槤糕$9芋頭糕$7芒果糕$7紫米糕$7時光倒流20年的價格！這4糕點你一定要試，便宜之餘果味相當濃郁，難以想像這個價錢會有這個質素的糕點！芒果沙冰$35芒果🥭味巨濃郁，而且也沒有滿口碎冰的口感，幼滑得非常好喝紅毛榴槤沙冰$50紅帽榴槤其實就是番鬼荔枝，口味偏甜，濃得像果蓉一樣，細食的朋友喝一杯就飽飽了！這裡不到$300但我們二人撐得像吃了個自助餐一樣，質素還比較高呢！

一間喺深水埗搬到油麻地嘅樓上鋪，簡單嘅裝修，普通外觀嘅枱凳，每個位都唔太寬但坐無虛席，好多人氣食物，例如斑蘭綠豆糕仲要手快有手慢冇😳飲品叫咗牛油果沙冰，見好多枱都有叫，成杯color好吸引好重牛油果味，店家係用新鮮水果整的，比起沙冰，其實係似smoothie😚班蘭綠豆糕好快上菜，最後一個竟然俾我哋叫到☺️非常Q彈，入邊啲綠豆好香👍🏼👍🏼必食仲有芒果糕同埋芋頭糕都係推薦系列～烤豬肉撈檬粉比平常大碗唔少、而且啲料都好多，仲要已經放好咗嘅汁，簡單撈下就可以食。啲烤肉好有味道，好有驚喜，最緊要係份量真係好大，好抵食😍雞絲河粉都好大份，扎肉同雞絲鋪晒喺面，全部食材感覺好新鮮，尤其個扎肉真心正😙我哋八點開始食，食到八點幾九點都仲有人入座，果然受歡迎係有原因，平價又地道嘅高質素越南餐廳🇻🇳

呢一間餐廳由深水埗已經食開，近期搬到去油麻地。餐廳大咗好多，而且就算等位都喺有冷氣地方，舒服好多。呢度當然必食蕃茄蟹膏湯檬，係呢度嘅招牌。我哋叫咗一碗蕃茄蟹膏湯檬及一碗扎肉湯檬，再加咗個越式軟包。飲品叫咗熱滴漏咖啡及鹹檸梳打。蕃茄蟹膏湯檬湯底夠濃郁，蕃茄味好香當然蟹膏一大舊，非常好食😋配料仲有豬紅、扎肉等等，相當豐富。扎肉湯檬有兩款扎肉，一款有豬耳口感更爽口。鍾意佢湯底幾夠味，而且好多芽菜、洋蔥非常甜。越南軟包，入邊有扎肉、青瓜、酸蘿蔔絲等等配料，口感豐富。熱滴漏咖啡配上煉奶，充滿越南風味，咖啡味非常香濃☕️鹹零梳打揀咗少甜少冰，夏天飲夠晒爽。

第一郡這間越南菜館我在深水埗的舊店，已經幫襯過一兩次。一兩個月前，他們搬到了彌敦道的樓上鋪，這次特登來這裏幫襯一下。新店舖比之前的深水埗店大很多，但大約六時半已經坐滿了不少客人，開始出現要等位的情況。今次我們除了點了這裡的招牌菜蟹膏番茄湯檬，還點了越式法包。個人來說，這兩個都是到這間店舖必吃的推介食物，尤其是蟹膏蕃茄湯檬，他的蟹膏蛋餅味道非常鮮甜，湯底也有濃厚的蟹肉味。越式法包的法包香脆，配合扎肉肝醬，正宗的口味，而且只賣$55 ，市面上來說是十分超值！米紙蝦卷也是我每次來到必定會叫的食物之一，因為很喜歡他自家製的醬料，有點像沙嗲麻醬。這裏有一款甜品叫班蘭糕，但我們幾次來到時都已經售罄了。希望下次來到的時候能夠吃到。唯有點了另一款出名的甜品芒果糯米卷，這甜品使用新鮮芒果，用薄薄的糯米皮包著，一盒有兩大件非常抵食。我們也點了一件榴槤糕試試，糕的榴槤味剛好，不太甜，而且一件只需$9，絕對是值得一試。飲品方面，除了這裏出名的沙冰 （實情是我覺得它的質地不像沙冰，比較像奶昔），例如芒果沙冰、牛油果沙冰之外，今次試一下椰皇，味道清甜。總括來說，這裏食品價錢抵食，質素也不錯，性價比十分高，喜歡越式

越南人開的「第一郡」由深水埗細舖搬到去油麻地大舖，座位多咗好多，平日夜晚嚟到都爆場！餐廳必食蟹膏蕃茄湯河，湯底好香蕃茄味，酸酸甜甜好開胃🤤成碗湯河都好滿😂勁多配料，越南扎肉、豆卜、豬紅、生菜、半個大蕃茄🍅最正係中間有件蟹膏蛋餅，由蟹膏、蟹肉、蛋整成，超濃郁蟹肉味🦀質感好似麵包咁吸收晒啲湯嘅精華😍除咗湯粉都唔少得食返碗撈檬，揀咗烤豬肉🐷分量十足，烤得好香，肉質幾軟淋唔乾柴，調味都唔錯😋仲有傳統越式法包🥖有腩肉、扎肉、酸蘿蔔絲、乾醬、肉鬆，好豐富！米紙蝦卷一定要配個自家製沙嗲醬好惹味，沙嗲味唔算好濃郁，但係恰到好處👍🏻飲品我個人鍾意凍嘅滴漏咖啡，餐廳落咗好多煉奶，係越南嘅味道啊😆甜品方面，好可惜我哋想食嘅招牌甜品班蘭糕已經賣晒🥲 叫咗一份芒果糯米卷拎返去比屋企人食，芒果係超大件！🔸越式法包🥖$55🔸米紙蝦卷🦐$25🔸烤豬肉撈檬🐷$65🔸蟹膏蕃茄湯河粉🍅$65🔸凍滴滴咖啡☕️$35🔸芒果沙冰🥭$35🔸芒果糯米卷🥭$35

好出色喎，每樣嘢食嘢飲都掂👍，鮮味足料濃郁嘅蟹膏湯檬不錯喔😏・・・・・・・・・・・・・・・・・・・・🦀 蟹膏蕃茄湯檬 HK$65・味道：蕃茄酸甜味好出，好食嘅但太搶味，有啲搶過其他嘢食味🤨。不過個蟹膏餅真心好食嘅🫶，個蟹味越食越出，濃厚鮮味👍豬紅正常，扎肉幾出味，豆卜勁吸味！不過檬粉都係啱凍食撈麵，而家湯檬同湯米差唔多，但都冇咩問題嘅XD btw可以走芫荽加分XD🌿！・口感：蟹膏餅好似豆頁豆腐嘅質感，所以都幾吸湯味會蓋過蟹膏味，但嗒真啲個蟹膏係慢慢出嘅，好食。豬紅彈口，扎肉幾厚，菜係爽脆嘅，正。🐤 雞絲湯河 HK$65・味道：湯底exactly就係火車頭湯底味，鮮味同時唔會鹹，飲湯都唔會話渴要飲水。雞絲份量好多，有小小雞油香😋！・口感：雞絲正常，因為係人手搣嘅粗幼不一，所以唔會好柴，不錯欸🫡🥑 牛油果沙冰 HK$35・味道：極極極極極creamy嘅牛油果，其實唔算沙冰。呢杯係打爛一個雪凍咗嘅牛油果only，冇冰的。但都真係冇加糖冇加奶冇加cream嘅味，非常天然嘅味道😋・口感：極creamy好smooth～🍍 鳳梨沙冰 HK$32・味道：呢款就係鳳梨加奶，都係同上冇加冰只係雪凍嘅鳳梨打

今日食到間抵食餐廳要同大家分享！首先係芒果糯米卷，鬆軟嘅糯米皮包住芒果，口感好好，甜度啱啱好，仲有少少嚼勁，真係好味！之後我又試咗芒果沙冰同牛油果沙冰，兩款都係好好味嘅飲品。芒果沙冰飲得出有新鮮嘅芒果肉同芒果汁，好清爽！牛油果沙冰就有濃郁嘅牛油果味，飲落去好滑順，飽肚！蟹膏薔茄湯檬加蟹膏係最好食！湯底好濃郁，好好味，仲有蟹膏味，好滿足！加埋啲薔茄同檸檬，正！唔怕邪惡又大食的話，建議要加多舊蟹膏🤪牛油果法包就係好味嘅小食，鬆軟嘅法包包住濃郁嘅牛油果醬，fresh好開胃，好好味！最後就係米紙蝦卷啦，兩件一份，仲有自家醬，好正啊！米紙軟軟嘅，蝦仁新鮮彈牙，自家醬酸酸甜甜，好開胃，好好味！今餐食得好滿足！

從前（早於六年前）在荔枝角道幫襯是小小店，屈就坐通道兩旁的摺枱或面壁一排單人坐，如今是熙來攘往的彌敦道一新淨商廈的2樓（有兩部升降機可達），舖面有咖啡店休閒感覺，和以前擠着坐圓凳速食感大相逕庭，價錢驟眼看沒大幅加價。選了偌大落地玻璃旁的二人圓桌（重度畏高者慎選），正好滿足好奇飽覽樓下兩旁彌敦道之人生百態。食物選擇繼續簡約，我依舊「框死」選擇如下：雞絲湯河，喜歡大把大把金不換以擔草入城門並當之芫荽的大嚼伴隨爽滑河粉、幼滑雞絲吞下。同時點的烤豬肉湯河，烤豬肉偏粗糙而份量少，泛油略多，不及雞絲河細膩。牛油果沙冰，縱使單品點沒跟餐優惠，還是每趟光顧皆欲罷不能，是次濃稠度更勝從前，活脫脫就是一大杯牛油果沒酸味的乳酪，飽肚程度等同代餐。必吃的竟是小小糕點——斑蘭糕，草香味的斑蘭葉味，中間是淺綠色綠豆蓉，不太甜膩，在舊舖如是，在新舖依舊，堂食不夠喉，又掃兩件外賣。榴蓮糕是搭檔點，有絲絲榴蓮肉夾雜在內，然而論層次口感還是比斑蘭糕下去。

我去左間油麻地嘅越南餐廳，真係好正呀！我試咗佢哋嘅蟹膏蕃茄湯檬同雞絲湯河加燒豬肉，仲有鮮蝦米紙卷、芒果糯米糍同芒果沙冰同椰青。蟹膏蕃茄湯檬就係好滑好濃郁，加埋新鮮蕃茄就有少少酸酸嘅味道，真係好好味。雞絲湯河啊，就係濃郁嘅湯汁，加埋燒豬肉同雞絲，味道好豐富。鮮蝦米紙卷就係清爽開胃，米紙好柔軟，加埋新鮮嘅蝦同蔬菜香草，好健康好好味！芒果糯米糍就係一個甜品，糯米糍口感好軟糯，芒果味道好香甜，真係食多咗都唔捨得停啊！芒果沙冰同椰青就係好搭嘅消暑甜品，芒果沙冰口感滑順，芒果味又好突出，椰青清爽口感更加令人舒適。總括嚟講，呢間越南餐廳真係好正，味道好新鮮好豐富，令我好滿足啊！如果想試下越南美食嘅話，呢間餐廳一定係首選啦！