第一郡

營業中

休息中

📍第一郡(油麻地)油麻地彌敦道483-485A號2樓今日路經油麻地見到，原來搬咗呢度，之前係深水埗食過後念念不忘，終於比我見返佢👉蟹膏蕃茄湯檬💰$72😋😋😋😋.8/5呢個真係不得不叫，個湯真係非常出色，好濃嘅嘅蟹膏同蕃茄熬製而成，啖啖都好鮮甜，檬粉吸哂啲湯，好惹味，舊蟹膏餅咬落口感幾特別，唔錯唔錯👉烤豬肉湯粉💰$70😋😋😋😋.7/5唔想食咁多澱粉，轉咗做菜底，個烤豬肉係另上，肉質又林又嫩，唔洗浸落個湯度，整淡個味，唔好睇細細碟，係會好極都食唔哂👉越式法包💰$60😋😋😋😋.7/5有腩肉、肉鬆、扎肉、酸菜、青瓜、芫茜、蔥、肝醬，我仲有咗辣，餡料份量多，一口都咬唔哂，法包又夠脆，食哂成個真係好飽👉烤豬肉法包💰$68😋😋😋😋.7/5法包吸埋烤豬肉流出嚟嘅精華，咬落去烤肉好食不在話，配菜中和返個油份，食哂成個都唔會覺得油膩👉越南滴滴咖啡💰$35😋😋😋😋.8/5叫咗走甜，齋啡就可以飲得出咖啡個香濃味，聞落已經好濃咖啡味，飲落係一啲都唔苦，我幾鐘意呢種越南咖啡味👉梳打水💰$10😋😋😋😋.7/5梳打水加埋幾片鮮檸，飲落係更加清爽回頭：yesyesyes!知道搬咗嚟呢度，太方便喇，一定會成日都嚟食

由深水埗店時期已經開始幫襯嘅越南小店💖呢間一直最出名嘅係蟹膏湯檬、斑斕糕但係我自己就最鍾意佢哋嘅法包🥖😍越式法包 $60材料好豐富非常之地道特別喜歡佢裡面嘅肉鬆、扎肉同坊間既好唔同最欣賞呢間整既法包口感都好鬆脆 睇佢烤個外皮都睇得出蘿蔔醃製得啱啱好，成個都好鍾意我覺得有9成9還原喺越南食嘅法包🤓斑蘭糕 $15 呢個係必食甜品唔特別好斑蘭嘅我次次黎都會點呢個整得勁煙韌，有好香嘅斑蘭味中間仲夾咗一啲綠豆蓉，好清新好味💚芒果糯米卷35煙韌控勁鍾意佢個芒果糯米糍芒果又甜又大粒！用呂宋芒真心完勝出邊嘅 Mochi 好煙韌又唔會太厚，面頭有一層椰絲比街市買既仲幼仲香！好好食順化牛腱米線 $85呢個一上枱見到個份量嚇親有三塊勁大勁厚嘅牛展、牛筋，仲有兩塊厚切扎肉彈牙得黎入口易咬，肉質煮得剛好又入味仲有海量嘅檸檬葉同蔥&洋蔥（my非佛😍）建議兩個女仔嘅話可以share呢碗真係好大兜、湯底好甜！最欣賞佢個辣醬 辣得來加左落麵度都唔會成碗變到好油越式雞扒飯 $70雖然個價錢睇落小貴但佢個份量完全對得起呢個價錢 雞扒好大塊好厚肉 煎到好香脆又唔會成口油送埋碗菜湯同醬汁！成set睇上去好豐富米紙蝦卷 $28呢

由深水埗搬到油麻地樓上舖的高質越南菜。主打檬粉、法包和特色糕點，一份主菜大約$70多，足料抵食，份量大十級推介順化牛腱河粉！裡面有大塊牛腱、牛筋腩、扎肉，夾雜着香茅的香味，湯底鮮甜！！！ 這湯底是真絕，連檸檬也不用加，而非常足味又好味！越式法包亦非常出色！法包可以選擇切開二件、三件或者四件，方便與朋友分享。法包烘得香脆，饀料塞得滿滿的，絕對足料！調味恰到好處，配搭蔬菜也不覺得清淡～~米紙蝦卷兩個人 share 左一條米紙，入面除左粉絲同菜仲有豬肉同蝦，所以口感好豐富。最正是自家調味的醬汁，含花生醬，配搭落去好夾，食到停唔到口牛油果沙冰 比較 creamy鳳梨沙冰 就會fresh d最欣賞係兩杯都唔會好甜，同好厚身！足料！

為位於人來人往嘅彌敦道，不過唔抬頭睇就好易miss左佢嘅存在，由深水埗轉戰到油麻地樓上鋪，地方大咗好多，晚上8點幾都坐到8成人，裝修簡單，CP值幾高，食物價錢唔貴，叫多幾樣都唔肉赤👏🏻想試斑蘭糕，可惜賣晒試唔到🦀蟹膏番茄湯檬+凍檸茶 （HK$70+8)份量比想想中大份，湯係帶甜味嘅番茄湯🍅，蟹膏咸香好吸湯汁，有1.5舊份量，其他豬紅，豆卜，札肉配料都係你想像到嘅味道，正常發揮係我喜歡嘅味道，下次會同FD黎叫多D野食

上個月先越南旅行回來，咁快就開始掛住越南嘅美食。所以就上網搵吓有咩口碑好嘅餐廳去食餐飽止止癮。六點準時收工就急急腳去餐廳，希望可以唔使等位。餐廳係油麻地，港鐵步行一分鐘左右就到，地點方便。七點半左右到餐廳，估唔到即時有枱唔使等，不過入座時眼見都九成滿。蟹膏蕃茄河粉⁷⁰ 加蟹餅²⁰店員上菜一刻已經香氣撲鼻，蟹膏餅入口鮮味爆棚，味道濃郁！而蕃茄湯底酸酸甜甜，相當開胃！另外配料還有胡椒味濃的札肉、香滑的豬紅，還有吸晒湯汁的豆卜等等，個人大推，超喜愛！越式法包⁶⁰法包外皮熱辣辣，咬落非常香脆！而包身鬆軟綿滑，夾住有青瓜絲、腩肉、蘿蔔絲、札肉，芫荽等等，食落味道清新。夏天太熱胃口麻麻，越式法包是不錯的選擇喔！米紙蝦卷兩件⁵⁶米紙蝦卷用上香草葉包著米紙皮、爽口彈牙的鮮蝦、檬粉、生菜、豬肉、香菜等。味道清新，口感爽脆，再配上秘制醬汁，相當惹味！越南香茅雞翼³⁸雞翼外皮金黃香脆，肉質嫩滑，肉汁滿滿，而香茅令雞翼整體味道提升不少，非常滿足！斑斕糕兩件³⁰斑斕糕煙煙韌韌，口感軟糯，味道香甜濃郁，作飯後甜品一流！熱滴滴咖啡³²看著咖啡一滴一滴滴入杯裡面，感覺好放鬆！咖啡味道濃郁甘香，混合早已在杯底的煉奶，口

第一郡呢間餐廳其實係喺深水埗開過嚟，當年讀書嗰陣已經成日去深水埗嗰度食，只係一間好少位置嘅舖頭，但係成日排長龍。而家喺油麻地開實在太好了，方便好多，而且空間大好多👍蟹膏蕃茄湯檬加蟹膏餅超級濃郁嘅湯，蕃茄同埋蟹味都極濃，粉亦都啱啱好，唔會太腍，材料非常豐富，本身有扎肉嗰啲，但係我最鍾意嘅都係蟹餅，非常好食，蟹肉嘅成份好多，所以我哋都加錢要多一舊😂😂米紙蝦卷以薄薄的米紙包裹鮮美彈牙的蝦仁, 有兩種醬汁有經典嘅辣椒醋或者花生醬，我哋揀咗花生醬，呢個醬會濃郁啲，同埋多咗一浸花生嘅香味😝😝牛油果沙冰有勁濃嘅牛油果,口感爽滑順口。牛油果的香醇質地,和沙冰的清新滋味完美融合🔥椰皇清爽，夠新鮮，飲落非常不錯👏

扎肉湯河本身湯底夠味,想辣d可以去自助吧加辣椒要注意🌶️係墨西哥辣椒,所以最好一粒粒甘放😝😝越式烤豬肉法包法包非常外脆內軟豬肉熱辣辣,烤得好香,好惹味😋配上酸蘿蔔感覺好輕盈米紙蝦卷 蝦卷每條開二,米卷皮夠薄又足料,蝦夠大隻🦐就甘食米紙卷比較淡味,扣分越南香茅雞翼 🐓有香茅味,個皮有少少脆斑斕綠豆糕👍🏻👍🏻👍🏻食過一次就念念不忘,有少少斑斕嘅香味,夾埋綠豆蓉食落煙韌軟冧冧口感芒果沙冰🥭味道夠濃郁，果香清新

吃了2次才評，除了weekday下午茶時間不用等位，基本上其他時間或多或少都要等吓。蟹膏餅蕃茄湯檬👍，蟹膏餅還帶有蝦膏的味道，配大半個很淋的蕃茄，但這個不是蕃茄濃湯那種，還有豬紅、扎肉(是爽脆的)和豆卜，份量很大。米紙蝦卷，醬汁一定要選“自家醬汁”，這個小食是醬汁比米卷出色。這裏的法包很出色👍，外皮很脆，我個人喜愛沙甸魚法包多過扎肉法包。芒果沙冰嫌略甜。牛油果沙冰👍，好滑，好有牛油果味且低甜。芒果糯米卷可以的，跟外面各大品牌差不多。最出色是個斑蘭緣豆糕👍(見到連忙吃了，沒拍照)，像泰式椰汁千層糕的質感，很煙韌，中間夾上一層綠豆蓉，甜度剛好，我好像沒有見過別的店舖有這款糕，做得很出色。整體味道好，味精應該是有的，因吃了後有口渴感。店內座位較密，環境算乾淨，茶水是自助的，整體服務可以的。

星期五晚上同朋友開開心心去食朋友推介已久既越菜。8:40pm入座 唔駛等位。用QR code落單，2人一次過嗌了蝦卷 雞翼 撈檬 法包 及 軟包， 2杯芒果沙冰。食物味到好好，由於本人少食越菜，覺得依個越菜味道係喺香港地少有既，份量亦都足夠。好可惜，服務態度極差。8:40pm 入座後已經馬上落單，然後侍應阿姐突然衝埋黎last order, last order 唔緊要，但佢既口吻同語氣係極不友好，我同朋友都俾唔切反應，未開口時阿姐已即刻轉身走，我同朋友都係對望然後"下!"一聲，好錯愕。然後一邊用餐時，一邊就聽到侍應阿姐不斷大大聲聲指指點點做清潔，當所有客人冇到，完全影響享受美食既心情，一直只係覺得好急好急，唔駛10分鐘又chur 埋單，轉頭又有人chur 執枱，又反凳，當時係9:17pm。去到9:22pm, 侍應阿姐明明望住我地已經食緊最後一個法包，佢竟然依個時候叫我地調枱，我地當然直接拒絕啦，都食到8899時點解仲要轉枱呢？既然咁趕收工唔憂做，8:40pm 時就唔應該仲俾我地入座，而入座時係完全冇提及過任何last order /閂門時間。如果真係咁唔想做，可以早d 落閘，以後唔駛

以前喺深水埗工作嘅時候，已經聽聞呢間越式餐廳非常好食。今次嚟到油麻地分店，位於一棟酒店嘅2樓，環境非常開陽。2:00嚟到人流都唔少，果然唔少嘢。越式法包餐廳好貼心，可以揀分兩份或者三份，方便同朋友share，今次我勁大頭蝦，嚟到見到實在太吸引，食咗一舊先醒起影相。入面嘅餡料相當豐富，鵝肝醬更加令成個包括鮮味精華，法包烘得啱啱好，鬆脆唔會太硬，足料。茄膏蕃茄湯檬呢個有啲似越式嘅車仔麵，豬紅蕃茄，蟹膏就其實係正方形嗰塊餅睇落似豆卜，食落係滿滿嘅蟹味，鍾意海鮮嘅朋友必叫。芒果沙冰+牛油果沙冰招牌沙冰，牛油果個杯應該入面加入左牛奶，非常Creamy。至於芒果嗰杯唔會太甜天然。芒果糯米卷+斑斕糕芒果糯米卷有啲似長洲嘅糯米糍，芒果食得出係新鮮，一式兩份。班蘭糕非常煙靭，斑斕味仲好重。整體而言，係一間坐得舒服味道又唔錯嘅越式餐廳，油麻地難得一見。

第一郡呢間越南嘢喺舊舖嘅時候已經想食喇，但係經常行過都好多人排隊，而且當時門面唔太大，所以一直都未有嘗試。而家第一郡嚟咗油麻地開鋪，鋪面闊落咗好多，放工經開呢頭就嚟咗呢度開餐啦。今日返工忙得滯連晏晝都冇食，所以我哋就決定大吃特吃，主食我哋嗌咗蟹膏蕃茄湯檬同埋烤豬肉法包，小食方面就嗌咗大嘅米紙卷，至於嘢飲呢一人一杯沙冰就走唔甩喇。蟹膏蕃茄湯檬湯檬湯底10分香濃，又唔會一味死咸，大啖大啖食都唔會好漏，當中配料最突出嘅就一定係蟹餅，食落啖啖蟹味，蟹膏同蟹肉撈埋嘅味都好突出。好味指數： 🌕🌕🌕🌕🌕米紙卷（大）米紙卷就同餐牌上嘅相一模一樣，大嚿得來好足料，除咗有呢啲食落好清爽嘅配料之外，仲有大大隻蝦添。好味指數： 🌕🌕🌕🌕🌑烤豬肉法包法包方面傳統嘅就食得多，今次我哋就嗌咗烤豬肉法包，估唔到又有另一番風味，燒烤過嘅豬肉就好似食緊串燒咁樣，同埋發包外脆內軟嘅配搭，簡直就係一流！好味指數： 🌕🌕🌕🌕🌕食到咁上下見到隔籬枱嚟咗一碟香茅雞翼，我都忍唔住再嗌咗，食完個雞翼再飲埋杯沙冰就飽到攬住個肚走喇。

以往開設於深水埗的越南餐廳，味道正宗，份量十足又美味，往往都要排隊，一位難求。知道油麻地開左鋪，位置更闊落，可容納更多人客，今晚決定同朋友去幫襯！食後覺得食物依舊美味，而且餐廳大左，唔洗等位，值得大力推介，根本就是越南嚐到的味道！揀咗個越南法包同埋蟹肉蟹膏蕃茄檬粉，同埋要咗杯芒果沙冰。法包等咗一陣就送上，熱辣辣外皮夠晒脆，我哋揀咗一分為2，方便食用，餡料十足，包括腩肉，扎肉，肉鬆，酸菜，青瓜，芫荽，蔥同肝醬。蔬菜類新鮮又有獨有香氣，特別開胃，肝醬香濃，再加腩肉，扎肉同肉鬆，味道豐富，風味十足！呢外檬粉真係好味到超出預期，材料包括蟹膏餅，蕃茄，扎肉，豬紅，蕃茄湯底非常濃郁而且香味豐富，蟹膏餅好好食，吸左湯汁，咬落去啖啖蟹膏味，豬紅QQ，同樣有扎肉，仲有豆卜同大番茄，再有少少香料，提升味道層次，非常好味道！再飲埋杯濃香芒果味道嘅冰沙，透心涼，甜香好味，芒果味十足！呢餐真係味蕾大滿足！

<第一郡>，呢間越南菜餐廳，真係久仰大名👑 是日有事去開油麻地，終於有機會品嚐😋搵個窗邊靚位坐低落單，第一件事，就係嚟個小型芒果盛宴🥭 🍽️芒果沙冰（$35）、芒果糯米卷（$38）芒果沙冰十分驚艷✨ 味道要用「清雅」嚟形容，今次係我第一次用「清雅」形容芒果 食/飲品😮 沙冰主要成份其實係芒果/乳酪，飲落冇冰粒，好滑，每一滴都散發濃郁🥭味又唔太甜😍芒果糯米卷皮非常軟糯☺️ 入面🥭大大舊，甜度爆標，好食👍🏻班斕葉綠豆糕（$15）必試抵食精緻之作😱 班蘭層煙韌到不得了，拉絲冇難度，而且班蘭味超香，真係好難得🫶🏻 加埋綠豆蓉，糕點口感層次更上一層樓🙌🏻沙甸魚軟包（$48）沙甸軟包內有乾坤，打開入面爆曬餡😇作為愛魚之人，好鐘意越南風味嘅沙甸魚餡🥰 加上個包其他豐富餡料，好滋味😆見好多食客都食緊米紙蝦卷，我都少少哋嗌一件試吓先😝 米紙蝦卷（$28）（1件）揀咗配花生、炸蒜自家醬😎 隻蝦絕不欺場，彈牙大隻有睇頭🥳 當中夾有腩肉，令個卷香氣更多更正🤩埋尾一諗起要喺條熱辣辣嘅街度行🙄 忍唔住 order 多杯沙冰🙈 鳳梨沙冰（$32）鳳梨沙冰又係另一個驚喜，有別於芒果沙冰，鳳梨沙冰酸度高啲，

終於來到一試第一郡的蟹膏番茄湯麵，沒有想像中的好，蟹膏尚算咸香，但那番茄湯卻沒有番茄味，一點清甜的感覺都沒有，番茄就只是這碗麵其中一種配菜，而不是用番茄做湯底，是我想多了😅朋友點的是雞絲撈檬，食撈檬通常有樽醬汁給你自己調味的，但這店是已調好味才上桌，沒有醬汁奉上，看見朋友的這碗撈檬白奶奶的，既沒蒜，亦沒辣椒，令我連試一口的興趣也沒有朋友更點了芒果糯米糍，細細件的，但索價非常進取，要38元。總括而言，試過便算了

朋友話每次搭車經過都見到呢間店嘅招牌，想試好耐，好啦🤗，今日就同佢上嚟試吓；店舖位於油麻地，喺油麻地MTR C出口行幾分鐘就到，搭𨋢上2樓唔使等，上到去已經見到幾乎滿座，好多人幫襯😎店舖環境闊落，雖然滿座但一啲都唔迫，店員人數充足，而且好Nice👫一坐低，我哋已急不及待睇吓有咩食，店舖用QR code落單，十分方便，而且唔使等好耐就已經有得食🥳📝我哋order咗以下食物：💁‍♀️蟹膏蕃茄湯檬$90- (💁‍♀️另加蟹膏$20-)見到好多人都有order呢款，所以跟住叫😆，碗湯檬好大碗，入邊好多材料：有半個大蕃茄，豬紅，豆卜，芽菜等等，仲有一大塊蟹膏🤩，蟹膏味道非常濃郁，好特別好好食，所以我哋另加多咗一件 ，一人一件唔使爭🙂‍↔️💁‍♀️肉鬆軟包$48.00-呢個我極度推介😍，本身同朋友掙扎緊究竟叫發包好定軟包好，後來我哋決定緊軟包，係因為怕發包太硬，我哋要咬好耐😂；肉鬆配軟包，超！級！好！食！肉鬆多到就嚟跌出嚟，配埋青瓜，紅蘿蔔絲，非常清新😝💁‍♀️越南香茅雞翼5件$38-上枱時熱辣辣，香茅夠晒入味💁‍♀️米紙蝦卷2件$50-呢款朋友嚟到就話一定要叫，佢好鍾意食，上枱時用葉包住，食之前拆開，入邊又