第一郡

營業中

休息中

今日約咗幾個friend一齊去旺角食嘢，就搵到呢間樓上越南嘢上到嚟別有洞天，餐廳都幾大間，座位都好坐。餐牌都有好多選擇，鍾意食越南嘢嘅實搵到啱嘅嘢食。烤豬肉撈檬加雞絲($80)撈檬汁已一早調好咗﹐唔會太酸太甜﹐配落好鬆化嘅豬肉度﹐吊返啲鹹香出嚟﹐個配搭都幾好而雞絲份量都好足﹐配埋酸甜蘿蔔絲一齊食﹐更加滋味蟹膏蕃茄湯檬加蟹膏餅($90)呢款係我心目中嘅No.1，超鍾意食佢嘅蟹膏餅，食落十分鬆化，好似食緊豆腐咁，又有好濃郁嘅蟹膏味，超級推薦！而個湯底本身都好有蟹味，湯檬加咗芽菜，更加爽口，成個配搭都好惹味！烤豬肉軟包($60)豬肉軟包有啲似食緊漢堡包，包皮比較腍，加上好香嘅豬肉，會食到多啲佢嘅鹹香味，另外因為用咗一啲芫荽同香料調味，整體感覺比較輕盈越式法包($60)呢款法包有好多材料，包括扎肉、肉鬆等等，味道、口感都好豐富，比起軟包，我更喜歡食硬身嘅法包，感覺會更夾越南香茅雞翼5件($76兩客)雞翼煎得好香，而且香茅味好入味，又夠大隻米紙蝦卷2件($50)呢款都算係招牌菜！蝦卷每條開二，有好厚實嘅餡料，仲有隻鮮蝦喺入面，整體感覺會比較fresh，而醬汁有種南洋沙嗲嘅感覺，花生味道好濃好香各

深水埗名物第一郡搬左去油麻地。新鋪一樣方便，仲要坐得好舒服！🔶越式烤豬肉法包：法包非常外脆內軟，唔會好硬。至於豬肉熱辣辣，烤得好香，配上酸蘿蔔非常易入口！🔶越式雞扒飯：雞扒即叫即炸，皮脆肉滑。炸得岩岩好，唔會太油亦唔太乾！白飯仲配上湯浸菜心，包你食完唔會有罪惡感🤣🔶越式米紙蝦卷：米卷皮夠薄又足料，蝦夠哂大隻，配上自家製惹味花生粒醬汁非常好食！🔶芒果糕：芒果夠哂甜，正！🔶榴連糕：榴連味夠哂濃，最岩重口味人士！🔶芒果沙冰：沙冰好creamy，芒果味夠濃，消暑良品！

I used to be regular customer of this shop but when they changed location, I rare come.I just happened to be working around this area today and came over to order 蟹膏蕃茄湯檬。點知出事！個湯而家剩係得個酸味，完全冇蟹味豬紅係黑色既（自己睇相）最後外賣叫左杯牛油沙冰走人！唔會再食！bye!!!!!!!!!!!!!!!!!!!!!!

#christine開飯日記 最近天氣熱辣辣搞到都冇乜胃口。所以就想食啲酸酸辣辣嘅嘢醒下胃🤭上網見到呢間越南嘢呢係家庭式經營嘅，啲嘢食大份又抵食，就去試下🌟烤豬肉撈檬（$70）份量超級足料，佢嘅烤豬肉都幾好味，一啲都唔乾😍檬粉，再加上芫荽青瓜，成件事勁refresh🌟越式法包（$60）佢嘅法包超貼心可以幫你一開四🤭咁女仔食就唔怕整到成嘴都係啦。而且呢佢個包係好鬆脆咬落去好香口，佢嘅肝醬做得好夠味😍😍入邊有扎肉同埋腩肉。口感都幾豐富㗎🌟米紙蝦卷2件（$50）入邊嘅餡料都好豐富㗎，有蝦、扎肉、豬肉、粉絲同雜菜，口感都幾豐富，加埋魚露一齊食都唔錯😌🌟芒果糯米卷（$38）佢嘅芒果好新鮮，加埋煙煙韌韌嘅糯米皮👍👍👍🌟斑蘭糕（$15）我覺得佢哋嘅甜品呢都真係可以一試，特別係呢個斑蘭糕，第一層呢係煙靭嘅斑蘭糕，中間呢佢夾咗一啲綠豆蓉，成個糕都唔會太甜👍🍴第一郡 (油麻地)📍油麻地彌敦道483-485A號2樓

之前已經聽過有人介紹呢一間越南餐廳，當時重係深水埗，依家開左係油麻地，午飯時間過黎試下。雖然餐廳係二樓，但上到去既時候幾乎滿座烤豬肉撈檬 $70配料：烤豬肉，芽菜，香菜，青瓜，生菜，花生，酸菜餐廳用手機落單，所以可以按自己喜好選擇唔食既配料烤豬肉肉汁豐富，唔乾，分量多蟹膏蕃茄湯檬 $70配料：蟹膏餅，蕃茄，扎肉，豬紅，香菜，芽菜，生菜，檬粉每枱都必叫既米線，當然要一試啦非常特別既蟹膏餅，食落口感似豆腐，鮮味突出，加上吸左酸酸甜甜既蕃茄湯，另有一番風味用料實在，配菜多到個湯都就滿瀉越式軟包 $52配料：腩肉，扎肉，肉鬆，酸菜，青瓜，芫荽，蔥，肝醬係法包同軟包中選擇左軟包，食落口感都有種法包既感覺，但易咬好多🤣中間餡料配合起黎好清新既味道斑斕綠豆糕 $15朋友介紹必點之一！班蘭味十足，煙煙韌韌芒果糯米卷 $38糯米皮薄，芒果鮮甜各款糕點 $8/1件叫左紅豆、芒果、榴槤、紫米味，正正常常牛油果沙冰 $35鳳梨沙冰 $32天氣咁熱真係好需要一杯清涼解渴既飲品，兩杯都唔算太甜，牛油果飲落偏杰身，鳳梨就比較似沙冰口感

終於有時間再嚟食心裏面最好食嘅越南菜第一群Q1🥰🥰以前餐廳喺深水埗時候就食過，嗰陣時覺得好正宗好好食價錢又平！今日嚟到油麻地店，水準依然，價錢公道！必須要嗌一杯牛油果沙冰解暑，牛油果非常濃郁出面少餐廳做到咁creamy ❤️❤️另外都叫咗米紙卷，一定要跟佢嘅自家醬，有好多香料❤️❤️所以點嚟食味道更有層次🫶🏻必食越南法包，依然係咁大份，個包好鬆脆，入面啲肉都幾多，加埋啲肉鬆一齊食口感好好， 60幾蚊有咁大件🫶🏻🫶🏻仲有蟹膏蕃茄湯檬，十分之濃的濃底，大大舊番茄同蟹膏！每次食都好驚艷😛甜品食呀芒果糯米糍😋皮薄而且芒果好厚又juicy!!

深水埗非常有人氣越南菜館，最出名蟹膏蕃茄湯檬及班蘭糕。最近搬去油麻地，地點更加方便!! ⛵👒- 蟹膏蕃茄湯檬 HK$65 🦀🍅🍜鮮味爆棚!!蟹膏餅充滿蟹肉蟹膏入口鮮味強烈!!蕃茄湯底酸甜充滿金不換香氣，味道有層次。配料胡椒札肉，豬紅及吸汁豆卜，充滿鮮味!!- 越式法包 HK$55 🥖🐷越南名菜足料法包!!法包微微烘烤過外皮鬆脆，內裡濕潤。內餡有腩肉及扎肉清爽又充滿肉感，肝醬惹味甘香，各款爽口醃菜芫荽，口感味道都非常豐富!!- 班蘭糕 HK$15 🌴必試人氣甜品!!班蘭糕有三層，上下兩層是班蘭蒸糕，口感滑溜又軟糯，充滿班蘭清香。中間一層則充滿椰香。極具越南風味超好食!! - 芒果糯米卷 HK$35 🥭🥥足料甜品!!黏滿椰絲糯米皮非常彈牙又扎實，包裹著超新鮮香甜芒果，份量十足!!

呢間餐廳成日都見到有人會去食，今日終於扚起心肝試吓，想試吓佢最出名嘅班蘭糕，聽人講係需要預約嘅，但係我哋就冇咁神心啦，不過今日坐低之後都第一時間睇吓落單嘅時候有冇，未諗到食咩主菜就已經叫咗一份班蘭糕($15)! 都真係幾有驚喜，班蘭糕有三層，好似一個碗仔咁大面積，食落去唔似大菜糕嘅質地，反而似一啲煙韌嘅麻糬，斑斕味好香，而且細心食落去每一層都有各自嘅味道，加埋一齊都真係幾滿足，呢個價錢食到咁嘅質素都算係抵食。烤豬肉撈檬($65)加扎肉($10)走花生: 用手機落單，其中一個好處都可以真係根據自己嘅喜好而叫，可以揀走花生走蔥走芫荽等等，今次我哋就加咗扎肉。泡豬肉份量好多，而且整得好入味，再加上自製嘅醬汁，份量都剛好唔會太過鹹或者過酸，而且所有配料嘅份量都好慷慨，應該一個人食完都夠飽。雞絲湯河($65)加丸($10)少粉: 雞絲份量不得了，已經嗌咗少份，但係都食唔哂，河粉好滑，而且湯好甜，所以令到成件事好滿足！越南香茅雞翼5pcs($35): 呢一個價錢有五件，真係好實惠，而且佢嘅味道真係有淡淡的香茅味，仲要係新鮮整出嚟嘅，仲有保留左佢嘅肉汁，好味。牛油果沙冰($35): 好厚實，啖啖都係

餐廳屬小店經營，價錢實惠。不過餐牌上可選擇嘅食物種類唔多。順化牛腱米線一上枱就好香，入面有牛腱肉,牛筋爽口彈牙，扎肉。 配搭埋個湯底一齊食，好好味啊！越式法包勁窩心，可以切開一半/3份/4份~滿滿嘅餡料，入面有蘿蔔絲，芫荽，扎肉，肝醬等等。個法包烘脆左，好香口。米紙蝦卷呢個蝦卷可以配自家醬汁，係花生醬黎。入面有蝦&檬粉.沾上佢嘅自家醬汁味道更好。仲有甜品斑斕糕，煙煙韌韌，而且好濃斑斕葉嘅味道。飲品點左芒果沙冰，飲落微甜，好香芒果味。餐廳係繁忙時間只可坐60分鐘，無人排隊嘅話就無人趕你走🤣 晚餐時段餐廳已經座無虛席啦~

店鋪位於彌敦道油麻地C出口 超級方便餐廳主打南越菜式 食物選擇都幾多 又有湯粉、法包同埋甜品 食完我都外賣左芒果糯米卷🥭同埋紫米椰汁糕💜🥥 兩個都不錯 絕對唔會太甜！食物高質 對得住加錢 但係可能我係繁忙時間去 服務就麻麻哋～蟹膏蕃茄湯檬🍜 ($65) 餐廳招牌菜應該係蟹膏蕃茄湯檬 我留意到大部分人都係點呢個就決定試試佢🍅果然跟風係無錯的 湯底有淡淡既蟹膏味 絕對唔會太油/重味精👍🏻 檬粉比較特別唔係我expect既透明檬粉 反而有少少似幼身d既米線 配料都幾多 蟹膏餅、蕃茄、扎肉、豬紅、香菜、芽菜、生菜🥬 夠嗮飽肚 但係我覺得最好食都係個蟹膏餅😍 蟹膏味好香 配埋少少蛋/豆腐索嗮d湯汁 真係💯越式法包🥖 ($55) 法包脆卜卜 餡料超級足夠 包括肉鬆、扎肉、腩肉 一啖係咬唔嗮😛 配埋肝醬好香 同埋大量酸蘿蔔、香菜、青瓜 超級fresh 唔會覺得好膩越南香茅雞翼 🍗 ($35) 呢個性價比極高 雞皮脆脆哋 咬落去好juicy 重要非常濃的香茅味道👅味道：🩶🩶🩶🩶/5 📍第一郡 (油麻地)地址：油麻地彌敦道483-485A號2樓

第一郡Q1係一間由越南家庭經營嘅小店，修飾簡潔，地方寬敞舒適⋯食物選擇唔算多，價錢亦非常貼地。不過，最緊要都係食物質素！米紙蝦卷以蝦、豬肉、扎肉、菜⋯為餡料，清新爽脆，配上自家製醬料，令味道層次更加豐富。越式法包法包烘的香脆，餡料有腩肉、札肉、醃蘿蔔、青瓜、芫荽等，食起嚟啖啖香惹，一啲都唔膩。烤豬肉湯河豬骨湯底非常鮮甜！豬肉燒得恰到好處，又唔乾⋯斑蘭糕呢個真係必食推介！底面係煙煙韌韌嘅斑蘭糕，而中間就係鬆化嘅綠豆蓉，兩者配搭得非常好！提提大家，呢款甜品係限量㗎，手快有手慢無⋯榴槤糕呢款甜品亦都好出色，每一啖都充斥榴槤香味，濃郁芬芳，加上榴槤果肉，口感一流！紅毛榴槤沙冰酸酸甜甜，入口清新舒爽，一杯好適合夏天嘅飲品。滴滴咖啡採用深度烘焙的咖啡豆，味道濃郁⋯加入香甜嘅煉奶，口感細滑、香醇⋯令人回味！原本好想試埋芒果糯米卷，點知7點幾已經賣晒⋯另外，見基本上枱枱都有一份蟹檬，下次要嚟再食過！

喺油麻地嘅第一郡，呢間越式餐廳，最近去嗰度享受咗一餐豐富嘅晚餐，由傳統嘅蟹膏蕃茄湯檬到創新嘅越式軟包，每樣菜式都係一個驚喜，令我深刻體驗到越南菜嘅多樣性同精緻。首先，蟹膏蕃茄湯檬喺味道上完美平衡咗鮮甜同酸味，蟹膏嘅豐富口感同蕃茄嘅清新融合得天衣無縫，每一啖湯都令人垂涎。越式雞扒飯嘅雞扒烤得外層微焦，內裡肉質嫩滑，佐以特製醬汁，味道鮮美得嚟唔膩口。香茅雞翼同米紙蝦卷都係亮點。香茅雞翼外皮烤到恰到好處，香茅嘅清香撲鼻，肉質鮮嫩；而米紙蝦卷則係清爽開胃，蝦肉鮮美，配合蔬菜同香草，每一啖都充滿越南特色。再講下，烤豬肉法包同越式軟包都非常值得一試。烤豬肉法包嘅豬肉烤得香脆可口，配上新鮮蔬菜，口感層次豐富；越式軟包則以其軟糯嘅口感同滿滿嘅肉類餡料贏得我嘅喜愛。飲品方面，牛油果沙冰同鹹檸梳打都非常特別。牛油果沙冰滑嫩細膩，牛油果嘅濃郁與冰沙嘅涼爽完美融合，而鹹檸梳打則提供咗一種全新嘅味覺體驗，鹹鮮中帶有檸檬嘅酸香，清新解渴。最後嘅甜品，芒果糯米卷，糯米軟糯甜美，搭配新鮮芒果嘅酸甜，令整個晚餐嘅收尾充滿了甜蜜。

之前一直想試呢間餐廳, 但經常大排長龍, 依家搬左去油麻地, 地方大好多, 今次終於可以同朋友去食呀。餐廳主打越南菜, 我哋叫左烤豬肉撈檬, 豬肉烤得好香唔乾身, 配合蘿蔔絲花生等配料, 食落酸甜好開胃。米紙蝦卷以香草葉包住豐富既餡料, 入面有檬粉, 蝦肉, 生菜等, 配合自家製醬汁,食落好惹味。越式軟包份量好多, 有扎肉蘿蔔青瓜肉鬆等配料, 咬落香脆好味。香茅雞翼醃得好入味, 煎到好香脆。最叫左斑斕綠豆糕, 斑斑斕味好香, 咬落去好煙韌,好想再食多個。

老闆我知你有錢唔使我幫襯就早講唔好浪費大家時間。你要幫你朋友特別安排坐位，你可以留枱，唔好因為你個朋友隊都唔排、無視成條人龍直入坐枱引起排隊人士不滿的時候先出黎話訂咗枱。我真係為排頭位果枱客覺得不值，為咗合乎你齊人方可入座的要求白等幾十分鐘，最後老闆你個一位朋友就可以直接拎三人枱。。。。。你係老闆唔需要講大話嫁，直接講就得。明明就係無得訂位（問左你幾位員工），食客可以有咩意見呢，食完都背脊骨落啦。Ps. 我很期待受影響的客人po片

第一郡 (油麻地)樓下門口似商廈平常走過難以發現樓上會有餐廳去到餐廳近乎滿座而且不斷有客人來到餐廳座位挺多四圍掛滿越南裝飾品QR落單可以隨意選擇走/少配料店員有禮上菜速度很快整體性價比高值得再去光顧另外因為試了幾款甜品都很出色就更遺憾今次沒有試到芒果糯米卷了斑斕綠豆糕 $15-太好食所以先寫 強烈推介！ 斑斕綠豆糕煙煙韌韌 有明顯斑斕味及椰香味 本身不太愛好斑斕味 但食完後令我改觀了 如果為了斑斕綠豆糕而去的話 請盡量早點去 因為好快完售蟹糕蕃茄湯檬 $65-必點菜式！ 無論檬粉或配料的份量都很足料 除蟹膏餅外 還有半隻蕃茄，札肉，豬紅等配料 蟹膏餅味道相當濃郁 搭配甜酸的湯底又做到中和作用烤豬肉撈檬 $65-餐廳已經先落好撈汁 份量同樣好大份 豬肉烤成香脆 撈汁酸酸甜甜非常開胃越式法包 $55-落單時可以選擇分成2/3/4份 非常細心！值得一讚！ 法包外脆內軟 而且餡料多至近乎滿瀉 腩肉札肉配上酸蘿蔔青瓜 爽而不膩米紙蝦卷 x1 $25 | x2 $45-紙米卷每件包得很飽滿 而且每件都有蝦 餐廳特別準備自家花生醬 裡面還有花生碎，蘿蔔