等一隻貓咖啡 (已結業)

對上一次去貓cafe已經係好耐之前，同埋呢排放暑假諗唔到去邊玩，所以就喺旺角搵咗間貓cafe🐱入去前要除鞋同消毒雙手，大家要記得着襪，如果唔係係唔比入架！一入門口已經見到一隻貓仔！🐱坐低之後有店員講解收費同注意事項，一個人一個鐘收費係$68，包一杯飲品，之後每小時收費$38（包另一杯飲品），我哋坐咗2個鐘，可能掛住同d貓仔🐈玩，我哋每人叫咗一杯飲品加tiramisu千層蛋糕就已經好夠啦d貓仔好活潑好動，同客人都好多互動！🐈食物質素都唔錯，特濃朱古力🍫飲得出比起平時餐廳更濃滑同香醇；抹茶鮮奶都有出面連鎖咖啡店嘅質素，唔會好甜，有抹茶嘅甘香。🍵tiramisu千層蛋糕雖然做唔到每層都好薄，不過食起上黎都算light，唔會覺得好膩🍰所有嘅餐具都同貓有關架！好cuteeee🤩😍

對我等貓奴來說, 可以和貓親近一下, 是何等開心和寫意的事。最近, 我們真的很想放鬆心情, 就在附近找了一間貓cafe, 好讓貓貓為我們治療一下。這間貓cafe 是貓友介紹的, 相不到熱鬧的旺角裏會有這樣的一間日式貓cafe。與大部份日式動物cafe 一樣, 這兒是以每小時計算收費的, 如果點餐就可以waive 了首小時的費用。cafe 內空間感十足, 地方相當乾淨沒有一股"動物味"。除了可以讓人玩貓食嘢外, 和朋友聚腳傾下計也是相當不錯的。除了有貓的書本外, 還有旅遊書和漫畫, 就算不太愛貓也不會找到消閒。店內有十多位喵星人, 每位都各有性格。大部份都算親人, 客人"抽水"輕輕摸下頭仔也ok。作為cafe, 飲品有一定的質素, 這兒的咖啡也沖得相當不錯。奶泡咖啡的奶泡打得十分細滑, 奶香混着濃濃的咖啡, 棉滑中帶甘香, 是完美的配搭。身邊那位點了凍oreo朱古力, 看見杯中舖满了一層oreo 餅乾碎, 加入凍朱古中, 味道更香濃, 同時多了脆脆口感。難得整體不算太甜, 朱古力的濃香味較重。 突然有位"小朋友"在我們的枱邊走出來, 露出一副為食的樣子。因為我們點的煙肉芝士牛肉漢堡包剛送

唔開心就要同好朋友一齊放負，我地約埋一齊去貓cafe飲飲食食，最緊要係仲可以瘋狂地摸貓😍我地事先資料搜集左，搵左間專門收容流浪貓既cafe。有愛心既店係唔同d,野食都好高質！一入到去就要換拖鞋（記得著襪）同埋要消毒雙手先可以去摸貓🐱和風味十足既佈置令人唔記得自己係香港😂養生花茶系列如果跟餐飲都係+$20而且真材實料，落左大量玫瑰花同桂花！仲有淡淡糖味，令人好放鬆。抹茶芝士蛋糕🍰$78見到關鍵字日本直接，果然唔會失望，抹茶同芝士味夾得岩岩好，無邊種搶左味，又唔會好甜，難怪d貓成日昅實想偷食😂小食拼盤$148都好多樣吸引，個雞粒堅辣！過癮😋全部貓都好可愛任摸唔嬲，成日會蝦個靚女staff同中意偷食😂好鬼有個性🐱🐱

等一隻貓咖啡係一間流浪貓cafe，除咗照顧店內貓仔，亦會將收益用喺流動貓義工隊上。Cafe採用和風設計，座位寛闊，貓咪同客人都有足夠活動空間，又唔會overload貓仔。入座後店員好清晰咁介紹收費同規則。Menu比起網上見到嘅豐富咗唔少，而且食物飲品賣相同味道都比網上評價好，睇嚟店員都有心搞好Cafe。推介牛肉漢堡餐～漢堡夠juicy，煙肉唔會過鹹，配埋蕃茄生菜夠晒經典。加上非油炸薯條好大份，兩個人share都ok~店內亦有唔少蛋糕選擇，唔洗加錢嘅飲品款式都好多。最熱賣嘅一定係Oreo 朱古力，因為有靚有邪惡。但我覺得最有驚喜嘅係蜂蜜咖啡，飲落順喉，咖啡香滑。兩三點大部分貓貓都會瞓個靚覺，係影睡顏嘅好機會！！

未養得貓，同貓奴朋友嚟左貓cafe。支持下流浪貓，開始！朋友無著襪，要買對$5當捐助流浪貓。首一小時$68包一杯飲品，叫左套餐就可以爆埋$68。雙層豬柳孖芝士漢堡配薯條 $138非油炸薯條，勁大份量，食哂都唔太熱氣。食唔哂d薯條。雙層豬柳唔錯，多肉，勁餓！加埋芝土蕃茄係漢堡之點綴之一。麵包帶脆又唔黑，食落整體唔熱氣。煙肉芝士牛肉漢堡配薯條 $138煙肉少少肥不過份，夾牛肉肉上加肉，食多塊菜！Juicy牛肉漢堡，牛肉汁同醬汁落哂包到！Oreo脆脆朱古力樣子好似好好飲，幾濃咁！Oreo碎幾多幾滿，飲落好有口感！不錯不錯！朱古力唔會太重過哂oreo，但加埋就好濃，推介無錯！仲有餅食，好似甜品咁。桃花檸檬百合花茶 +$20寫住去痘去印，岩近期爆額頭痘痘既我！檸檬乾好出味，酸酸地不過。桃花百合花令整個茶花香重。好多料，同好大杯！有個角落義工義賣，小心思，環境都乾淨舒服。

我同個fd本身玩得開開心心 野食水準唔錯 幾好食 見差唔多夠鐘咪諗住去埋個廁所再走 點知我地超左5分鐘時 個短頭髮姐姐就直接收我地第二個鐘頭ge錢 兩個人加埋成$76 可以食餐飯添喇 仲要係唔會提我地夠鐘 直接收錢 雖然想坐多陣再走 但個fd趕住番工冇計啦 唯有俾佢𠱓下錢 唉 真心失望 唔會再黎 不過好彩佢地用呢D賤招𠱓錢 如果唔係真係會去上癮 曬更加多錢 難得呢間環境舒服嘢食又好食 而且近 btw下次寧願去遠D、食物一般ge貓cafe 態度同服務影響一切 原本俾貓貓治療左嘅心靈享埋單果下完全摧毁 去黎有乜用？去完更加一肚火 ⚠️提醒大家注意

好耐冇同朋友出去玩，一去就去左呢間有貓嘅code shop。 一入到去職員會叫你除鞋同用洗手液洗手，之後會同你講一啲簡單嘅規矩同埋同貓玩嘅玩具嘅擺放處，放便顧客。 呢間鋪頭嘅食物整體不俗，我同朋友叫左一杯薄荷朱古力、Orea朱古力同埋小食拼盤。 飲品方面，薄荷朱古力嘅薄荷味好重，飲下飲下你會覺得你好似食緊薄荷朱古力，但Orea朱古力稍為遜色，佢只係將啲orea脆片放係一杯平凡嘅朱古力上邊，未夠突出。 食物方面，個小食拼盤包含炸洋蔥圈、薯角、炸雞塊同薯格。當中除咗炸洋蔥圈同埋薯角之外，其他都係辣嘅。作為小食來講都唔差。 環境方面，入邊好乾淨，大部份嘅顧客都會細細聲咁講野，避免嘈到啲貓，而入邊嘅貓都好乖同埋好可愛！ 總括而言，呢個地方好適合香港人係香港一個咁大壓力嘅地方下放鬆同埋暫停一下。

召喚所有貓奴🐈📢✨ 餐廳既收費係第一個鐘$68 然後之後每一個鐘都係$38 會包埋野飲 不過特飲同埋輕食就需要另外再加錢 千層蛋糕 藍莓芝士蛋糕 兩款蛋糕都唔會太甜太膩Oreo脆脆朱古力 有濃濃既朱古力味 即使擺耐左都唔會太淡 要小心有啲比較餵食既貓會跳上枱 試圖偷食(¬_¬)不過要留意返係唔可以餵佢地食架 要遵守返餐廳既規則‼️好適合一大班朋友上去傾計 玩card game 又或者係等人打發時間😝而且餐廳係會將部分既收益捐俾深水埗喵喵喵 所以每一次來臨 流浪貓就會有一餐溫飽😺

本人係貓奴 很喜歡貓未養貓貓既時候 都會上去貓Cafe 玩下貓但自從知道 有d貓Cafe 都係靠貓咪做生意而對佢地照顧不周時都慢慢減少左去貓Cafe 既慾望直至發現依一間 等1隻貓Cafe 之後話係幫助深水埗貓貓既Cafe我就去支持/睇睇係點運作先我去既時候係星期六下午Cafe 人流唔多 而Cafe 既貓大多都係去左訓教豬 感覺貓貓都係relax而貓貓亦都唔係d 名種貓 我諗係真係流浪貓 感覺依間Cafe 都係為左救貓而又想做生意而開 感覺不錯點左個double 朱古力cheese cake 食下 其實都幾甜不過感覺都係用左好多料去整既 熱紫薯鮮奶（我忘記了整個名）紫薯味好濃 但都係偏甜 然後就hea左2個小時 佢間Cafe 係每小時收費既 所以我估因為咁而人流不太多？！場入貓貓！我都係2個月前幫襯 忘記左幾多錢 但如果想支持流浪貓 又想hea下relax 下 同時有少少野食依個都係唔錯既選擇

貓貓真係好得意! 今日有幸可以約左個fd同佢去撚下貓貓簡直係人生一大樂意,以前我都有隻好可愛既貓貓, 不過而家無,唯有去感受一下佢地比我既愛啦, 呢間貓貓café係旺角一個樓上單位, 我覺得地點都好就腳, 地鐵站一出行幾分鐘就到! 上到去覺得環境好sweet home呀! 裝修好簡潔!日本風格, 好舒服既榻榻米,入門口時已經見到d貓貓好熱情咁恭侯我地啦!, staff要我地入場前首先要用酒精搓手液清潔左先, 保護返貓貓衛生, 然後除鞋, 保持乾淨! 見到一隻白色貓貓碌大隻眼就令我諗返起以前我隻愛貓啦 真係好掛住佢呀! Staff 比左餐牌我地~ 由於我地實在太肚餓啦! 咁我地各自都嗌左1個burger套餐! 仲有連埋薯條既~ 我地野飲就嗌左個白桃乳酸同埋我朋友最鍾意既orea朱古力, 等緊野食期間緊係要同貓貓玩咖啦! 雖然呢到比我感覺貓貓唔算好多,不過環境真係好舒服~ 你會有1種家既感覺, 於是我就用我最拿手既撚貓神器同隻白雪雪既呀妹玩左成晚 影左好多相相 食埋個burger 就完結左一個好浪漫既貓貓情人節xd

屋企冇養貓又想同貓玩下，可以去貓cafe。入場費：第一小時$68(包一杯飲品)第二小時$38(包一杯飲品)部份食物需要額外加錢，收費以人頭計。店內有五隻貓，全部都好活躍又好可愛， 有兩隻係店主收養貓生嘅小貓，另外三隻係收養返嚟。店面乾淨整潔，好似日式茶座，地下舖左坐墊，仲有比貓嘅玩具。你坐低嘅時候，d貓會係你周圍跑來跑去，咁樣坐下都幾舒服架。店內仲貼左領養流浪貓嘅資料，希望多啲人關注。 佢哋仲會將部分收益，捐比"深水埗喵喵喵"義工團體。佢哋開嘅目的係想令到更加多人認識流浪貓、推廣領養動物，好有意義架！除咗可以同貓玩，仲有啲board game。小編今次叫左凍Oreo脆脆朱古力，味道幾濃，Orea份量多。----------🔎等一隻貓咖啡🚩旺角彌敦道642-644號陶德大廈3樓642室

請了半天假去做點私事，但離預約的時間還有些空間，所以找到了這間貓cafe，來陪我打發這時間在地鐵站附近非常方便！！ 3樓一出𨋢就看到門口了 進入門口有一個鞋櫃，先脫鞋後再用消毒酒精擦手就可以進入了！因為是星期三的下午，所以客人不多。環境很清幽舒服，完全不像置身於繁忙的旺角中。貓奴在開始與貓貓玩樂，不 ，是被貓玩樂時記得先看注意事項喔！入場首小時 $68 包一杯飲品，第二小時$38（再包一杯飲品） 但如果點餐就直接以餐價計算：主子在睡，奴才我只敢遠望剛睡醒的主子我點了一份套餐，玫瑰鮮奶咖啡，但不夠熱，只是微温，只能說醉翁之意不在酒。抺茶芝士蛋糕，比平日吃的偏硬.. 但味道還好啦主子們 請讓奴才一摸主子在強吻睡覺中的同伴因為主子們基本都在睡，所以我是邊看書邊偷看主子，而且這裡蠻靜，很寫意舒服！ 下次再來看那本未看完的書！

身為愛貓之人的我有時候都會同朋友去d貓貓cafe度玩下貓仔，食下野傾下計今日揀左旺角呢間樓上貓cafe🐱可能我們晚上去，當日就無乜人，不過都好，咁我們就可以成為各位主子既愛妃門口已好多貓仔歡迎我們🥰入去前要除鞋，同時店員亦會要求我們用消毒藥水洗水，以免將細菌傳染俾貓仔，好窩心入到去櫃臺有個籌款箱放貓貓既捐款，原來係幫助d流浪貓仔，黎到感覺份外有意義店內有4隻貓，原來全部都係流浪貓，但佢地一d都唔曵，仲好活潑，唔怕人。講反重點先✨飲品方面其實都幾多款式，除了有基本既咖啡之外，仲有花茶，沙冰等等，總有一款岩你口味我就點左 抹茶鮮奶，個抹茶味道幾岀，幾香茶味唯有遺憾係唔係好夠熱，個人喜歡偏熱既。朋友就點左桂花雪梨茶，潤肺止咳🍯大家都比個茶壺嚇親，因為個壺好大個應該有兩人份量。第一口有點淡，可能茶要浸耐少少先有味，所以等多一會兒再飲就好有雪梨味，菊花味就比較淡少少，不過飲落係幾舒服，咁岩我地兩個都有少少喉嚨痛，真係一杯小清泉💧食物方面，點左一份蜜糖雞亦（5隻）$98第一反應就比隻碟吸引左，好得意既貓仔手🐈第一眼雞亦既顏色有少少淡，唔係幾似有蜜糖既感覺，不過食落又幾有蜜糖味，幾好食😋肉質都好滑另

有良心既貓cafe唔多，呢間算係其中之一，店內除左所有貓都係流浪貓之外，部份收入都會用作買罐頭比獨立既貓義工去餵街貓。我就係比呢點吸引左，有得食，有得同貓貓玩，仲有得幫到流浪貓，令我覺得自己既惠顧係有意義既大家想知詳情可以去搵舖頭既ig 呀，每月既捐贈詳情都會係個度交代，仲有可愛既貓貓生活照添除左有以貓為主題既裝潢同一啲玩具之外，仲有關於貓既書呀仲係貓奴門外漢既話可以睇嚟參考吓呀！大多樓上cafe既食物有姿勢冇實際，味道一般甚至可以用難食黎形容，但呢度既食物水準出乎意料地唔錯豬柳漢堡拼薯條有兩層豬柳漢堡同芝士，再加啲沙律醬汁、蕃茄同生菜～漢堡好juicy, 呢點相當令人驚喜，如果個包更軟熟就perfect薯條即炸熱辣辣，唔會過鹹，份量都ok!日本唔太甜芝士蛋糕果然名乎其實！！唔太甜，所以唔鐘意食咁甜既男朋友好滿意！！朱古力同芝士味balance 得唔錯，口感smooth 得黎又唔膩跟餐包一杯野飲，朱古力味好濃郁，推薦～記得記得唔好餵野食比貓貓呀大家最後比幾張貓貓相大家睇下呢到既貓貓都好乖好得意呀可愛到我一個月已經黎左兩次

這間應該是在旺角區我去過最乾淨的樓上Cafe, 裏面還有幾隻小貓咪, 非常值得和朋友在假日空閒時來吃個輕食和玩貓貓。這裏雖然有動物, 但環境非常乾淨, 而且沒有任何臭味。他們地板用上草蓆, 好像和式那樣，客人是要坐在地下的。餐牌上主推甜點和花茶, 我們點了一些食物和一件抹茶千層蛋糕來分享。飲品方面, 點了花茶, 每一款花茶都有不同的功效, 感覺是養生的飲品。來得這裏, 我猜想大部份的客人主要是來探望小貓咪的呢! 今次來到的時候, 很多貓貓大部份的時候也正在睡覺, 所以沒有機會和他們玩耍喔。桂圓紅棗杞子茶 - 甜甜的，紅棗味幾突出。三花茶以玫瑰、茉莉、桂花沖調而成。味道清甜, 桂花味較突出。抹茶千層蛋糕層次分明, 抹茶味幾香、幾突出, 忌廉很軟滑, 班戟皮薄, 蛋糕不會太甜, 裏面還有一層紅豆以增添味道。沙律份量不多