筷子美食

營業中

休息中

食物質素冠絕附近屋苑，但如果落錯單的話就恭喜你了。例如叫意粉嚟左飯，佢会話「飯咪重好食過意粉⋯⋯」叫齋啡但落左奶佢会話「落左好少嗟，無咁削胃咪仲好⋯⋯」利申：由佢喺十幾年前改衫已認識個X姨。

街市內的小店，不期望佢十分光鮮，但求佢清潔。這點它是做到。食物味道正常， 樸實簡單，沒有花巧裝飾。今次食的是叉燒通粉加煙肉雞蛋， 通粉是有坑紋的，能夠沾更多嘅湯汁。 煙肉雞蛋叉燒也是正常味道。 跟餐嘅多士十分香脆。奶茶，檸茶也很好飲。

屋村荼餐廳都幾企理，$30左右就有餐，食物都幾唔錯，環境就坐得逼D，但係都快靚正，味道都可以啦。快快趣趣食個餐都係幾好的選擇。厚多士都有口感，另外有薯餅，依家唔係好多地方有得食，所以都幾IMPRESS~新鮮炸起真係好味

一向食開小食都算正常，但一坐低食過麵餐就忍唔住要爆！ 點餐，沙爹牛肉麵，轉一丁，蛋加餐肉，加杯凍飲。$36一份正常港式茶餐，好難難食，但好令人失望餐肉簿過$5 銀，無煎，唔香，無燶邊蛋正常。一丁面，硬過米粉。好明顯成個麵都係生，食唔落口。沙爹牛肉先經典，無沙爹味不特止，牛肉有根加肥邊，無一樣係咬得開。重衰過食橡筋！！ 成個麵餐，沙爹牛肉真係食唔到，放晒係碟度。下午茶餐，同時有四粒燒賣，魚肉燒賣，好彈牙。

於晚飯時間，等候食物時間過久， 超過半小時， 比我晚到達的幾台客人早已吃完離去， 本人向該店職員詢問以防漏單， 職員說晚飯時間人多， 食物比較耐到， 該職員走進近廚房位置態度不耐煩， 態度惡劣在近廚房位置向另一名職員高聲表達不滿， 不滿客人催捉食物， 其實本人沒有催捉意思， 只是好奇為什麼食物未到，現在服務做得比以往差， 吃晚飯要受氣， 絕不會再光顧， 根本不尊重客人， 本人是該店光顧多年食客， 但竟得不到一點點尊重， 態度不知所謂

住附近都知馬鞍山冇嘢食，不過想食好西嘅原來都富寶有間😏。⭐️小食炸燒賣係必叫😏堅係外脆內軟唔係講笑。⭐️小食炸燒賣係必叫😏很重要，⭐️小食炸燒賣係必叫😏所以要講三次！-正餐就咖哩薯仔炆雞翼🍛(雞翼會斬半，最好唔斬就唔會有骨碎👍🏻。-其次係秘製鹵肉飯🍚，啲鹵肉好冧，叫多汁就一流🤤。-飲品方面，個人推薦凍檸茶🍹同奶茶☕️，兩款都沖得勁夠味，尤其係凍檸茶好夠茶味同檸檬味，仲帶小小澀一流😆。

這日，為小兒辦好小學的入學手續，準備搭車去上班前，當然要找一個早餐，為每一天的忙碌生活充一下電。可是，錦英苑這一個小商場可以說是冇啖好食。我心血來潮，就決定入去富寶花園個商場行一個圈。誰知，這是一個絕對的開心大發現，當我行落去商場的最底層，我發現這一個地方有如一條食街，而我就開心地，隨便找一家坐底食 (因為間間都咁多人) ，我就選中了這《筷子美食》。店子的鋪面很細，容立的人不多，所以我說，間間都係咁多人，其實是間間都只可以坐幾個人。早上，如果去茶餐廳，我習慣食麵，這兒有一個很簡單的叉燒蛋麵套餐。食小店，味道沒什麼要求，夠飽就得，此店選的瘦叉燒，夠腍身，夠簡單，更好的，這是一個有味的湯底，而不是沒味道的清水或大光麵麵湯。套餐的配搭，有幾粒魚肉燒賣，味道不需要多評，但魚肉燒賣的出現，的確，好小食店 feel。奶茶，算是一般般的，夠熱，夠濃，可是未夠滑.....簡簡單單，服務街坊的飲食地，的確是越簡單，越受歡迎。