築地日本料理 (金百利廣場)

營業中

休息中

今晚突然好想食刺身黎左間日本餐廳點左~三文魚刺身都厚切有鮮味架食左已經好滿足~青龍卷/蟹子軍艦/北寄貝沙律壽司應該係有青瓜...海胆同炸蝦食落幾FRESH呀炸蝦都好脆呢個配搭幾好WOR蟹子正常北寄貝沙律比較少見都幾足料的~枝豆正正常常唔差呀~串燒雞軟骨即燒呀黎到好熱點埋檸檬汁好正又好開胃雞軟骨唔會好瘦果D意尤未盡點多個炸豆腐整到個皮好鬆唔會好干咁但內裡仲好滑個人覺得好唔錯呀

三文魚三味 $38三件壽司包括三文魚、火炙芝士三文魚、蟹膏三文魚，嗰火炙佢燒得唔夠熟，不過勝在三文魚刺身夠新鮮好食，加咗蟹膏嗰件個味道好match。-牛油果軟殼蟹卷 $48軟殼蟹香脆，牛油果味鮮，加上蟹籽鮮甜，食落可口。-清酒蛤蜊 $60蛤蜊鮮甜，食落完全冇沙，清酒湯底味道同樣清而鮮，入面仲有雜菌、娃娃菜等，食完飲埋個湯好滿足。-綠茶冷麵 $58唔仲意重口味嘅可以試吓綠茶冷麵，加上鵪鶉蛋同蘿蔔蓉浸落醬油湯，味道清新。-Terimisu $15蛋糕唔太甜，芝士同可可粉味道香濃。

今日到銅鑼灣行街，行至金百利廣場，唸著之前食過嘅日料築地餐廳味道不錯，再次光顧。炎辛地獄拉麵🍜紅紅湯底忍不住試下，辣度對我來講唔係好辣，但係好開胃，配料好多：紫菜、叉燒、香菇、半個溏心蛋、撥好大蝦、木耳絲、蜆肉，口感豐富，拉麵質地煙韌，份量足！青龍壽司：海膽炸蝦天婦羅卷物，彈牙炸蝦與爽脆小黃瓜組合清爽宜人，微酸醋飯粒粒分明，加埋鮮甜嘅海膽，好味！金菇牛肉卷：肥牛包著金菇，口味香脆、鮮嫩，加埋秘制醬汁讓人欲罷不能。龍蝦沙律壽司：用龍蝦肉、沙拉醬製作而成，新鮮香甜，正！

煲完魷魚遊戲, 諗極到諗唔明點解主角最後會染紅色頭髮😅回到正題, 分享吓前幾日食嘅汁燒魷魚筒✨ 魷魚煮得軟淋, 個汁辣辣地, 為冇乜味嘅魷魚加返一份滋味, 食落好過癮🤙🏻鐵板帆立貝上面有一粒正字形牛油, 根據自己喜好整, 淨係聞都聞到好香🧈 上枱時冇即刻食, 因為想啲邊有小小焦香, 等咗一陣, 見個邊開始焦, 就夾起食😋 個邊咬落有小小脆口, 帆立貝吸咗牛油, 好正!食日本野點會小得刺身, 叫咗吞拿魚刺身, 上枱時仙氣滿滿🤣 食落都算新鮮, 厚身大舊🤭同時仲叫咗牛仔骨、雞串, 雞串大件夾抵食, 只係$18！Overall: 銅鑼灣樓上日本菜, 價錢合理, 質素有保證

我實在太太太太太耐冇去日本旅行好掛住日本所以今次就要嚟到呢一間餐廳懷緬下！呢到係位於銅鑼灣嘅金百利廣場嘅築地日本料理餐廳睇睇menu勁多野食揀！花多眼亂！但我同我frd2條友唔食得多所以只好揀啲想食就算下次再黎la鰻魚炒飯用上石鍋上，可以keep 住個溫度！入面鰻魚嘅數量都唔少絕對冇偷工減料，而且炒得好有鑊氣😙牛油野菌超香！份量又超級多！佢又係用個鐵板上所以可以keep住個溫度好惹味喎燒三文魚魰！我大愛啊！燒完之後三文魚嘅魚又香非常之突出但因為佢唔算好大嚿所以食落去唔會好油膩整體來講呢一間嘢食嘅質素都相當唔錯

放工之後 就梗係要約朋友catch up 放鬆下☺️佢地真係有好多食物選擇😂有熟食 亦有魚生刺身 所以一定有一款啱口味😆吞拿魚刺身 ($88)個presentation 好有仙氣 好啱打卡🤍🤣刺身好厚 一啲雪味都冇 好fresh✨鐵板帆立貝 ($88)熱辣辣嘅帆立貝即燒即食 未食已經聞到好香🤤醬燒牛仔骨 ($88), 醬燒雞柳 ($18)牛仔骨好多肉 配埋個bbq醬好夾 雞柳都好惹味🥳汁燒魷魚筒 ($88)魷魚爽口彈牙😬

見到OpenRice好評好多就決定同屋企人喺度食午餐一去到覺得環境好逼 服務態度唔係咁好 😔非常之失望🥺嗌咗兩個lunch set一個係餃子鍋物湯底冇味 餃子有少少煮過頭🥲其他配料都冇味但份量都還好另外仲叫咗一個雜錦刺身飯刺身種類都多 但係魚生唔係好新鮮🤢

思鄉病來了🥺 又要去食日本嘢😂響銅鑼灣金百利廣場有間小店，有齊日本嘅刺身壽司拉麵同居酒屋小食，價錢相宜，可以去食吓日本美食止一止思鄉情。呢度仲有素食menu，可以照顧埋食素嘅朋友👍🏻🥰我最鐘意呢度嘅卷物同壽司🥰三文魚腩刺身 $68厚切嘅三文魚刺身，非常肥美同埋鮮甜🥰 青龍 $50海膽炸蝦卷物，炸蝦脆卜卜，每件都有少少鮮甜嘅海膽響上面，好好味😋和牛反卷 $98大愛🥰 中間係天婦羅脆漿，面層有微微燒過嘅和牛薄片，入口即溶嘅口感啊🥰🥰 加埋芥末蜜糖醬，好match好好味～牛油果明蝦沙律 $78好多牛油果🥑🥰 同新鮮嘅沙律菜、大蝦粒同埋蟹子配搭，正😋七味燒蛙魚旗 $38燒到外脆內軟嘅三文魚旗，呢個位連接住三文魚腩同魚鮫，勁多骨膠原，好香口好肥美～ 蝦蝦三笑 $38有蟹膏熟蝦、蟹膏甜蝦、赤海蝦，新鮮彈牙嘅蝦蝦配搭濃郁嘅蟹膏👍🏻👍🏻其他壽司就唔特別介紹，因為佢嘅刺身夠新鮮，手握醋飯做得好，全部都唔錯😉自家製荔枝酒 $45蕃薯妹鐘意飲甜酒，叫咗呢杯佢哋自家製嘅荔枝酒試吓，不過略嫌酒味太濃烈，唔太容易入口。

mud festival lunch time 築地address 銅鑼灣記利佐治街1號金百利廣場7樓R1室中秋節無得早放，心黯然只好lunch 食好d 啦，解放一下心中悶意。月餅食太多滯滯地，食清淡架日本菜先。鍋物$98 辣海鮮鍋，因為海鮮是肉類中低脂選擇，鍋中放了蝦青口蜆，有蔬菜娃娃菜，菇等等一大鍋，低脂低卡好選擇。雖叫地獄但湯唔係勁辣個種，辣辣地又增加食慾，moon cake 月餅食太多後遺症，鍋物食材有助解膩。

行親民路線嘅銅鑼灣日式餐廳🍱款式極多 壽司拉麵鍋物燒物等等應有盡有係平平地嘆日本野之選🇯🇵-🍣三文魚海膽丼 $118份量十足嘅魚生丼 估唔到有舊寫著築地嘅玉子🤣三文魚厚身有口感 脂肪比例平均😛-🍳芝士玉子燒 $58平時一條玉子燒差唔多要成舊水💸💸呢度$58就有 性價比其高👍🏻除咗平時嘅調味 上層亦舖有燒汁同木魚 風味十足-🦑魷魚雞肉卷 $88充滿驚喜嘅一道料理 推介😼原條魷魚包著嫩滑嘅雞肉 雞肉入面仲有沙律添一啖食鮮味十足 仲好飽肚🤣🤣-🍘北海道忌廉肉餅 $48兩大塊炸得香脆嘅肉餅內裏有洋蔥增加口感🧅 味道不過不失

有時去開銅鑼灣諗唔到食咩，就會去sogo隔離嘅金百利廣場，地點方便，又有好多唔同種類嘅餐廳，而呢間築地應該去得最多💛食物選擇多，從拉麵、壽司、串燒、到石鍋飯都有，仲有素食menu！之前食過佢嘅二人套餐好扺食好大份，今次試下單點小食先，玉子燒有蛋香，內裡仲有流心芝士好邪惡。串燒就試左鹽燒雞翼同牛舌，幾有和風嘅味道。主食方面，試左牛仔骨泡菜石鍋飯，真心勁大份，撈埋韓式醬，食落好惹味❤️‍🔥雖然食物唔算好驚豔，但性價比高，而且食物選擇多，下次嚟應該會食番佢個二人套餐，因為飲品甜品更豐富！

🍲牛肉野菜壽喜燒💰88有底座連著主菜一起上來的，有在持續加熱的時間，野菜給的很多，娃娃菜、紅蘿蔔🥕豆腐、金針菇等，煮得很入味，牛肉和流心蛋包也很配，感覺冬天會想念的味道呀，推薦👍🏻🐂板燒香蒜牛舌💰50牛舌很爽口，香蒜味道不會很大，不喜香蒜的朋友都可以接受的範圍，不錯🥛北海道牛乳奶凍💰15小小一杯，卻有點驚喜，🥛奶味香濃，香滑Q彈性，餐後甜點的不錯之選喔銅鑼灣店舖很好找，裝修整體都便日式風格，而且店員服務態度也很好。

金百利中心嘅餐廳盛載咗我好多嘅回憶，讀書時期成日去搵嘢食貪佢平。靚。正！估唔到時隔咁多年再去啲價格依然經濟，二人點了三樣食物只係$216賣單。板燒香蒜牛舌$50hkd🔺呢個牛舌$50大大碟，加埋啲蒜香醬油汁超惹味汁燒魷魚筒$68hkd🔺外出高蛋白質之選，大隻得嚟醬汁又好食鮭魚魚頭鮫野菜鍋$98hkd🔺呢個野菜鍋用咗大半個魚頭煎香加湯大滾後有吸引嘅奶白色精華，加咗些少豆腐，菜同茹就好似一個迷你小火鍋咁，回味！鋪頭仲有超多選擇！例如壽司，燒物，刺身等等... 想嚟試吓就一定唔好錯過呢間CP值極高嘅店鋪了!📍銅鑼灣金百利中心7樓

手打冷烏冬 $48烏冬質地煙靭，唔到好淋，好怕食d一咬落去淋哂散哂既烏冬。 個汁都幾掛，唔會太咸 幾清新😋鮮帶子刺身$88食得日本野 點都要叫少少生冷野先似樣既🤣🤣帶子雖然唔算厚切，不過入口好鮮甜，而且有少少回甘甜味👍水準清酒蛤蜊 $60蜆肉份量都多，而且都係有肉，唔會淨係殼，清酒味唔會太濃，有淡淡酒香😎牛肉野菜壽喜燒 $88牛肉上台既時候仲係生生地，要煮一陣先可以食。雖然未到雪花級，不過質地都唔錯，唔會太鞋口，而且上面仲有只温泉蛋😍😍 等d菜都煮淋左之後 ，索哂壽喜燒既湯汁😚😚正正子

位於銅鑼灣嘅高CP值日本料理👀今晚人均消費around $100食到飽，仲幾好味😆🥭清水心跳$38呢個卷物係我今餐最愛😍有芒果🥭青瓜🥒牛油果🥑同埋蘆筍，味道酸甜、口感清爽，食材簡單但mix出來好好味👏🏻👏🏻👏🏻🍣三文魚三味$38一次過食到三款不同製法嘅三文魚壽司🤤有original嘅三文魚🍣香口嘅火炙芝士三文魚🍣同埋🦀蟹膏三文魚😍一次食到幾種滋味，啱哂選擇困難症嘅朋友，all in 就好😆🍱三文魚海膽丼$118澱粉控表示晚餐一定要食一碗飯🍚😂海膽好大片，質感厚實，唔會一夾就散👍🏻 三文魚質量都唔錯🤩