築地日本料理 (金百利廣場)

營業中

休息中

銅鑼灣不嬲都好多好嘢食，而金百利中心就係一個集中地，隨便上一層都好多餐廳，今次介紹嘅呢間就係喺金百利中心7樓嘅築地。必點嘅係黑蒜油豬骨拉麵，因為見到好多人都推介所以就決定要試吓，果然一上就聞到好香嘅黑蒜油味☺️☺️豬軟骨好夠入味同埋軟熟，超正，有少少似滷水嘅感覺😆好味，下次嚟會再叫呢一個除咗呢一個都叫咗啲壽司🍣個人最鍾意火灸，所以就叫咗火灸三文魚壽司🍣火灸味好香好味，仍然係最愛，加左芝士個款口感更濃郁仲叫咗一個三文魚三味，可以每樣試少少牛油果軟殼蟹卷都好好味😋炸物仍然有香脆感，牛油果增加左新鮮嘅感覺最後要推介嘅就係甜品拼盤😍😍可以一次過食晒依間野嘅甜品，就好似食甜品buffet咁，每樣試一啲！有柚子蛋糕🍰、奶凍、抹茶雪糕同tiramisu 🥰 雪糕係淡淡地嘅抹茶味，其他全部都好食，雖然好飽但係都清晒！😚😚

幾個月前嚟過呢間日本餐廳，由於價錢相宜食物質素又平均，又到糧尾都要去幫襯下🙃➊ 吉列豬扒咖喱飯 $68 ｜同上次一樣豬扒都係咁大塊炸得又香脆，咖喱汁送晒成碟飯➋ 黑蒜豬軟骨拉麵 $78 ｜豬軟骨真係好淋入到入口即化，呢個價錢本來都冇咩期望，但拉麵又幾彈牙加上湯底都唔差➌ 芝士年糕 $38｜炸得好香脆唔油膩，咁就已經滿足左我對芝士年糕嘅期望➍ 牛奶布甸 $15 ｜實在太平又好食冇投訴期待下次糧尾再訪！—————————————————築地日本料理 (金百利廣場) (銅鑼灣)銅鑼灣記利佐治街1號金百利廣場7樓R1室—————————————————

同朋友行cwb 行到好累但又唔想食咁貴既野 決定試試呢間餐廳~~ 叫左D好大眾化既小食🤣芝士年糕 ($38)細細個去放題最期待既野真係芝士年糕 🤣 依家大個左每次去到日本餐廳都要食 都係正常發揮~ 但係係即炸起 熱辣辣 幾有咸香 細細舊過下口癮都好正 ☺️☺️-芝士玉子燒 ($58)好大舊 平時係韓國餐廳食既都要double價錢上面有燒汁 木魚 入面仲有芝士拉絲 不過真係要襯熱食 唔係好快就實左 不過玉子燒真係建議多D人share 唔係既話食完都飽左一半🤣🤣-鐵版綠茶布朗尼 ($58)個brownie勁大個 即刻覺得好抵😂 有綠茶汁另上 一開始食覺得佢好稀 同埋整淋左D brownie但食食下又覺得濕濕地既brownie幾好食🤔 好神奇呢間餐廳野食就中規中矩 但價錢取勝! 糧尾之選😂😂😂

朋友唔想食生野，鍾意食魚生嘅我唯有忍一忍口，去咗築地試咗熟食！感覺都好唔錯！（需要加一服務費）🔹🔹🔹🔹🔹🔹🔹🔹🔹🔹🔸黑蒜油豬軟骨拉麵 $78🔸呢個拉麵呢個價錢來講都算高質！豬軟骨炆得好淋，入口滑嘟嘟，都算幾大舊，麵條偏幼身，質感ok wor！我鍾意佢個黑蒜油有少少🤏🏻嘅苦澀味，好自然！🔸燒汁魷筒$68🔸最好食係呢一個小食呢！魷筒新鮮又彈牙，長長一條，兩個人share都好fit！上面嗰層唔係燒汁，而係酸酸甜甜的梅子醬，估唔到咁夾！🔸海膽海鮮炒飯$98🔸入邊有海膽同埋三文魚，熱鍋上枱，個飯炒得好香，粒粒分明，撈埋個海膽食，海膽香氣四溢，三文魚碎都好夠多，幾乎啖啖都食

$68 雜錦魚生飯味道都可以既，不過份量偏少，新鮮程度只能說不過不失。而呢個價錢我認為合理。不過豉油方面，真係爭D... 味道麻麻地同有D稀。餐廳服務上可以改進少少，飲面豉湯，問可唔可在俾匙羹我地，但2個人食，只係俾1隻我地。呢方面可以改進下。整體而言係okay既。

間中Me time一下都幾自在，shopping 完經過金百利接到傳單上黎試下！ 睇menu 種類好多，就連素食都有，幾多元化！ 好多野想點，可惜一個人試唔得多。牛油果軟殼蟹沙律香軟既牛油果，蜜糖芥末汁拌勻沙律菜，清爽開胃，加埋軟殼蟹更香口！重係成隻軟殼蟹，都幾大份。幾中意一條條粉絲狀既水晶條，爽爽彈彈咁！鹽燒牛舌一串3片，口感軟腍唔韌。蝦蝦三笑$38有蟹膏熟蝦、蟹膏甜蝦、赤海蝦有蟹膏提鮮，蝦味更鮮味三文魚籽壽司，入口卜卜聲，粒粒飽滿。食壽司必點海膽壽司，$28件黎講海膽分量真係唔少。一啖入口好鮮味！ 壽司質素唔錯，夜晚9點黎仲有半價，下次會再黎！

以銅鑼灣日本料理店來說， 這裏算是十分廉價， 主餐牌本身唔貴， 有很多選擇刺身、壽司 、拉麵、燒物等等，午市更唔需要加一， 所以都見不少學生哥幫襯餐廳環境乾淨，強調有嚴格的防疫措施菠蘿串燒($18)， 菠蘿幾大片， 燒得唔錯，香甜多汁鹽燒雞中翼($25) 燒得香口綠茶冷麵($58) 配生鵪鶉蛋， 夏天食涼浸浸好開胃，不過不失叉燒拉麵($72)，有數片薄身叉燒， 普普通通茶碗蒸($28) 味道都ok，不過和餐牌的照片有些許出入， 如果多啲配料會更開心

✅築地日本料理係sogo行完街想醫肚就最啱去金百利廣場唔同款式既菜應有盡有😆今次就揀左日本菜🇯🇵🔆牛肉野菜壽喜燒 $88壽喜燒真係我至愛💛88蚊就可以食到壽喜燒 幾抵👍🏻仲要有個火係鍋下面熱住 唔使驚食到半路凍哂啲牛肉上枱既時候仲係生㗎所以打完卡就要將佢放入湯汁到煮熟了！肥牛份量都幾多 又唔韌👍🏻上面仲有温泉蛋😆 蛋配壽喜燒簡直係絕配！個壽喜燒汁甜甜地 好清 唔會好濃底下仲有好多娃娃菜 超掛湯汁！仲有粉絲係底索味添😆 一個人食都超夠啊！味道: 3.6/5賣相: 3.2/5🔆芝士玉子燒 $58玉子燒可以話居酒屋必備！💛呢個芝士玉子燒中間係用mozzarella cheese!做到拉芝既效果又唔會令到個玉子燒好咸玉子燒蛋味道偏甜 食落有少少鰹魚湯既味道上面仲有木魚碎同沙律醬配搭添😛味道: 3.4/5賣相: 3.5/5🔆海之逸魚生丼 $108最後黎到日本餐廳都要食下魚生既魚生飯有好幾款 亦有唔同魚生 我就揀左個有雜錦魚生既有帶子 三文魚 劍魚 甜蝦 同北寄貝魚生都好新鮮 飯都好多好飽👍🏻魚生丼係配有麵豉湯 麵豉湯淡淡地 唔係太濃 又有豆腐同海帶 唔錯👍🏻味道: 3.2/5賣相: 3

去完酒店staycation去左sogo行下最後揀左係金百利廣場食日本野係sogo對面就係，上到七樓味之饅$45青瓜加龍蝦沙律上面再一層鰻魚同芝士口感豐富有層次 黑蒜油豬軟骨拉麵 $78大大件豬軟骨，滿滿既肉咬落去啖啖肉🤤🤤肉質嫩滑再配上香濃既黑蒜味築地甜品拼盤 $48北海道牛乳奶凍 非常奶香又滑唔會太甜👍🏻綠茶雪糕 仲有兩款蛋糕Tiramisu 呢兩日已經好想食另外一款好似係檸檬味 清甜味呢個價錢可以品嚐晒四款甜品 😋

好耐未試過食到啲平靚正嘅日本料理，今日去完「築地日本料理」之後，我覺得性價比好高，我諗我遲啲一定會再嚟光顧！味之鰻簡單啲來講即係鰻魚卷，卷物入面包有青瓜、鰻魚、龍蝦沙律，上層有一片經炙燒的芝士，味道香濃。整體味道極佳😋牛油果軟殼蟹卷軟殼蟹香脆，配搭香滑嘅牛油果一同進食簡直係絕配！而且牛油果上面鋪有美味蟹籽，令口感有唔同嘅層次！牛肉野菜壽喜燒越嚟越對壽喜燒嘅味道情有獨鍾，我諗係可能因為佢嘅味道濃厚香醇，而且鰹魚和醬油熬煮的醬汁鹹甜交融，非常開胃。壽喜燒除咗有美味嘅肥牛之外，而且還有娃娃菜、粉絲、生雞蛋、豆腐等等，整體食材好新鮮，好好味👍🏻👍🏻👍🏻！

今日想食日本菜，就去左食築地。我同朋友叫左個海膽帶子卷，食材好新鮮，唔會有怪味，仲可以一次過食到海膽同帶子。另外，叫左個三文魚海膽飯，三文魚有4大件，每件都係厚切，入面仲有飯素可以撈，成個飯都好夠味。芝士雞卷係每次黎都會食，好難得有唔膩既炸雞卷，外皮夠脆，配埋個芝士汁好juicy。之後仲叫左壽司，最推介係花之戀，壽司都好足料。最後仲食左甜品，最驚喜係柚子蛋糕，好清新。

金百利出咗名多餐廳，今日懶得諗食咩就去咗呢度點指兵兵。什錦魚生丼（$98）有三文魚、吞拿魚、三文魚籽、玉子燒等豐富配料，而魚生都夠新鮮大份。石燒鰻魚炒飯（$95）比較令我著迷嘅主菜。石燒嘅緣故一路食到後段依然覺得炒飯熱焫焫，充滿鑊氣自然食得大滿足。鰻魚份量都唔少，燒汁微微嘅甜混和炒飯食落幾好overall推介鰻魚炒飯～ weekday下晝一兩點嚟食lunch都唔算太full，諗得過！———————————————#築地 築地日本料理 (金百利廣場) (銅鑼灣)銅鑼灣記利佐治街1號金百利廣場7樓R1室

呢間係銅鑼灣離地鐵站出口唔洗一分鐘嘅日本餐廳，去開個頭嘅朋友真係要去試試，平價而高質，仲唔洗加一！😚🍣海膽帶子卷（$68）一次過滿足晒你三個願望！🤤鮮甜海膽同帶子配口感豐富嘅卷物，正正子～🍣火炙三文魚腩&芝士火炙三文魚腩壽司（$12&$14）雖然刺身 size唔係好大，但有火炙嘅香味，加埋芝士更正，價錢唔貴先係重點！🍲牛肉野菜壽喜燒（$88）牛肉都幾多下，亦有娃娃菜、蘿蔔、粉絲、雞蛋等等，個火係下面keep住熱辣辣，配埋壽喜燒湯底非常夾。🍜黑蒜油豬軟骨拉麵（$78）有兩大舊豬軟骨，非常入味。拉麵軟硬度適中，配埋非常香嘅黑蒜油湯底，非常唔錯。🍤炸物什錦（$62）有薯條、雞軟骨同紫薯餅，又係一次過滿足晒你三個願望！不過唔好擺太耐啊，凍咗就開始出油，會變到有啲膩架啦。🍧甜品拼盤（$48）甜品拼盤入面包括有柚子蛋糕、tiramisu、牛奶布甸同埋雪糕。雪糕可以揀綠茶、朱古力同埋豆腐味，我地叫左豆腐味，都OK

今晚收工黎左呢間位於銅鑼灣金百利廣場既築地日本料理。金百利廣場距離銅鑼灣港鐵站出口幾步路，地點超方便。呢間築地日本料理主餐牌選擇好多，有刺身，壽司，卷物，沙律，前菜，創作壽司，燒物，炸物，鍋物，嚴選料理，魚生丼，拉麵，飯類，甜品，價錢唔算貴，晚市有加一服務費。今次叫左兩款卷物，兩件壽司同一款嚴選料理。芝士雞卷 $65 另加一首先一定要講下呢款嚴選料理。芝士雞卷一客七件。首先炸皮係脆皮，包住嫩滑雞肉，青瓜同紅蘿蔔，口感好豐富，又脆又滑。上面加左芒果醬同芝士，又甜又鹹，味道好好。再加上三文魚籽，又多一重口感同味道。伴碟有車厘茄兩粒一開二同梛菜絲係底。好多野食，分量又足。呢個價錢超抵食！青龍 $50 另加一青龍卷物一客四件，賣相綠綠哋咁，原來係滿佈昆布碎喺卷物外面。卷入面有紫菜再包住脆卜卜嘅炸蝦同青瓜絲，上面放左少少海膽。食落口感香脆，而海膽雖然細細塊，味道都可以。味之鰻 $45 另加一味之鰻一客四件，其實係飯卷包住青瓜絲同龍蝦沙律，上面舖左一塊薄薄既鰻魚同火炙過既芝士，再加上鰻魚醬。食落味道複雜，有鰻魚，鰻魚醬，沙律，同芝士既味道，好食！18禁三文魚 （左） $10 另加一餐牌有兩隻辣椒，

香港人成日都話日本係鄉下，今日就同朋友去尋找家鄉嘅味道。我哋嗌左一個黑蒜油豬軟骨拉麵，兩舊豬軟骨大大嚿，面嘅份量都算多，黑蒜油嘅味道好突出。另外有嗌牛肉壽喜燒，下面有個火一路食一路煮，個壽喜燒湯底好夾啲配料，入面材料豐富除咗有牛肉之外亦都有娃娃菜、粉絲、雞蛋、蘿蔔等等，一個鍋夠食。另外仲有炸物什錦，樣樣都想食啲就啱啦，有薯條、豬軟骨同埋紫薯餅。另外有叫一啲壽司，有鰻魚玉子手卷、灸燒三文魚腩、灸燒芝士三文魚、三文魚沙律腐皮同埋海膽帶子卷，每樣細細舊可以試多幾款。最後仲食咗一個甜品拼盤，入面有柚子蛋糕、Tiramisu、雪糕、牛奶凍。