籠太子點心專門店 (已結業)

去到銅鑼灣想飲啖茶 食個點心可以選擇呢間點心種類唔多 但基本上食開既點心都有茶錢$3 無得揀茶葉 不過都幾好飲🍵推薦流沙奶黃包 熱辣辣即刻食 有奶心所以要小心辣到個咀小籠包都好食 台面有樽XO辣醬 加去任何野度都好好食 又唔係好辣

早上11:50落單，下午2點先送到。送餐嗰個話太多單，所以遲。嚟到啲食物係凍㗎！！絕對唔會再有下次第一次食蒸排骨係有烏冬係入邊？？蒸雞飯得兩啖肉⋯油菜好明顯係超級煮過龍

今日行行下好肚餓就入左去😅見食評麻麻地好驚！最後叫左小籠包，燒賣，藥饍雞同不是炸兩。野食黎到，真係樣樣都岩岩好，ok 有質素wor!!個藥饍雞爪係肉骨茶，好入味😋推介不是炸兩！冇中伏🤟🏻yeah

啲嘢食有點差尤其是係山竹牛肉，啲拿粉/鹼水味多到越食越唔舒服。最後都係食唔落。衛生欠佳！睇住侍應用一條十分之臭嘅抹枱布嚟抹枱然後再抹枱上醬料樽嘅裏面一路食，一路有唔同大細嘅烏蠅飛來飛去/昆蟲喺枱上行來行去門外貼上要戴口罩先準入但睇住有人冇戴口罩都照比入我同我小朋友嚟，佢冇食嘢同水都冇飲但係就要收佢茶錢。覺得有D唔合理咁若果有個家長同個細BB嚟食個細BB都要收錢？唔會再去！亦唔建議去！十分之失望😞 衛生上都有啲擔心...比食評呃咗

以前食午餐我未試過不用等位，但里個時候，係里個疫情，又要隔1.5米既距離，它都敵吾過現實，全店衹有2位客人，另加我們4位( 老闆慰勞員工 請食飯)里個牛柏葉，我最鐘，去親邊度都要食，今次蒸得好好，又嫩又爽(前幾次蒸過火， 又嚡又韌，食吾到，浪費)咸魚肉餅(如果用梅香就very骨)好滑既腸粉它D出品都算平均，好少好差既出品少少流平時我們兩個人來食個反，加三，四款點心就夠，平均都係60文左右，平過同區既茶餐廳，對於我們打工仔來講已經好好

同朋友堂食完再買外賣返屋企，由落單到有得攞等左差唔成個鐘。 落班仲要落錯，我明白人手唔夠做嘢係比較慢，但係蒸點心要等成個鐘，點講都有啲過分。問夥計叫佢追，只係口頭上話會罪，實際上咩都冇做過。

喺銅鑼灣蘭芳道見到一間賣點心嘅鋪頭。門面都十分吸引，叫做籠太子點心專門店，入去點咗五道菜。包括：黃金流沙包～鮮蝦膠釀茄子～多汁小籠包～皮蛋牛肉腸粉～同埋精選老火湯。等食嘅時間呢比一般嘅點心舖頭長，令人有十分期待嘅感覺，可惜黃金流沙包比一般酒樓嘅差，入面唔夠多流心同埋無左好香嘅奶皇味，鮮蝦膠釀茄子嘅茄子皮好難咬斷多汁小籠包係冇乜汁嘅；最突出係個精選老火湯！係一個滾西洋菜嘅水。。冇乜味道！不過喺銅鑼灣食到呢個價錢嘅食物， 亦都冇乜十分高嘅要求了

在銅鑼灣，想一心一意食點心，可惜總統戲院隔離間酒樓唔知係咪已經結業，銅鑼灣廣場又冇酒樓，唯有上OpenRice搵點心吃啦！籠太子點心專門店係細細間，一眼望晒嘅鋪面， 但裝修幾舒服，左邊設有部份沙發座位！ 叫咗 鮮蝦燒賣，食落去冇乜肥肉，口感好好，值得叫！ 棉花雞就一般，雞肉都分唔到係肥膏還是雞肉！另外叫咗雪山叉燒包， 坊間太多供應，所以只係覺得合格水準，另外叫咗不是炸兩及皮蛋牛肉腸， 不是炸兩同雪山叉燒包一樣， 只是保持合格水準， 至於皮蛋牛肉腸真係食唔到皮蛋喺裏面， 同牛肉撈埋一齊都唔覺，不過有創意值得嘉許！ 小籠包唔夠正宗， 都係要食返廣東點心會正啲！最最值得讚賞係個廁所非常之大，有張好闊大而沒有雜物的雲石枱比你放手袋，洗手間非常整潔，值得嘉許！

已經到了星期日下午2點半，店外還有人排隊等位，所以好奇一試。茶位 每位 三元 ，用玄米茶，而且用暖壺上保持熱度。蝦餃、燒賣，質素非常高 ，餡料豐富，鮮蝦大粒爽口；蝦餃、燒賣， 一籠四件收30元，但可以點兩件15元，噉就可以試多幾款點心。 雪山叉燒包23元（一碟三個）， 鬆軟好味道，可以媲美添好運的出品。黃沙豬潤腸粉29元， 真係黃沙豬潤嚟架，唔喺度度食得到，而且真係好好食。煎蝦膠釀茄子23元（ 一碟有四件），茄子成吋口厚，鋪滿鮮蝦膠，煎香上碟 淋上芡汁，上桌時 香噴噴 熱辣辣。其實籠太子點心專門店的所有點心，均是熱辣辣上桌，要攤一攤才可以食落口，抵讚。特別要提那放在桌上供客人助膳的辣椒油其實係xo醬，認真重本。總括來說，籠太子的出品，真材實料，味道唔錯，免收加一， 堪稱貨真價實，優質點心街坊價錢。

今日約咗朋友去飲茶, 忽然想起早兩天電視介紹過呢間籠太子點心，咁咪約大家2:00過咗午餐時間唔使咁迫喇去到發覺地方唔算大，可以話有啲迫夾。茶的質素普通，但茶錢只是$3一位，咁算喇！值得一提佢地的辣椒油好好味👍🏻、好香，應該是自家制的。首先當然係叫個「籠太子蝦餃王」啦，皮薄、蝦又爽口嘅，下次都要點👍🏻。「魚肚水餃」呢個比較特別，有三大塊魚肚，清清地都幾好食「多汁小籠包」真係要小心食，一咬啲汁就標出嚟「藥膳雞腳」中藥味都幾重幾香，可以連個湯都飲埋「流煎堆仔」真係要趁熱食「金蒜蒸排骨」入味的，但又唔可以話好好食咁囉「煎蝦膠釀茄子」冇特別，因為食唔出蝦膠有蝦味「家鄉煎薄撐」呢個最失望，唔香又唔脆，來到好似得半碟，其實可以用隻細啲嘅碟咪無咁醜囉，好似俾人偷食了半碟咁食咗八個點心都係$208，真係好抵👍🏻，雖然有啲我覺得一般但係會再返嚟試其他

平日中午時間黎食點心 唔使等位 野食好快就到兩個人點左八樣點心 分量岩岩好好滿足煎蝦膠釀茄子熱辣辣 招牌菜黎 推介！蝦餃燒賣都可以叫兩粒 啱晒兩個人食 味道係預期之內 好味！平時好鍾意食添好運叉燒包 呢個明顯唔夠佢做得咁好 面包皮做得好厚 食完呢個好飽仲有幾樣點心同蒜香排骨唔記得左影 但蒜香排骨非常推介！蒜味好出但又唔會太overpowering 鍾意食蒜頭既一定要點另外店舖既XO醬都好香好好味 仲可以另外買返屋企 呢間會再黎食

喺銅鑼灣做野做夜左 唔想又食茶餐廳 但夜左又真係唔知食咩好 無意中發現呢間點心店原來開到好夜三個女仔都叫咗唔少嘢食 試咗招牌鮑魚燒賣 原粒鮑魚再叫咗蒸鳳爪同糯米雞 薑蔥牛柏葉 呢幾款都冇咩特別 但以下嘅兩款我熱烈推介 就係黑松露野菌餃 同埋比較特色嘅蝦膠茄子黑松露野菌餃好香黑松露味 食落口好特別 我係出邊未試過㗎另外茄子上邊有原粒大蝦 e間點心店真係落足本啊佢係近利苑嘅 地理位置都好容易搵到 仲做到夜一夜 喺銅鑼灣夜少少想食特色點心嘅就去呢度啦

今日去開港島所以就去銅鑼灣食好西。我地11點左右黎到呢間點心店，人唔算太多。我地叫左5個點心。第一個係馬拉榚，同傳統個d唔一樣，係分開左4舊，咁樣唔洗咁難分。入口鬆軟。第二個係春卷，外皮酥脆，入面有大大舊蝦，食落啖啖肉。第三個係罐湯餃，湯味濃郁，入面都係有大大隻蝦。第四個係糯米雞，入面勁多料，仲多過d飯，但其實我鐘意食d飯多d😂第五個係炸兩，個皮勁滑，掂到個咀個下已經feel到勁滑，入面有西芹同蝦（又係蝦😂）高質點心店👍🏻

中午11點幾去食。嗌左6樣野。第一樣要成半個鐘先黎，諗住佢話即叫即蒸，都無計較啦。結果斷斷續續黎左3樣野之黎就停左。等成個鐘，仲有三樣野食未黎，催佢。結果佢又係比左兩樣野食。最後一樣奶皇包一直無黎。最嬲係，見到前後兩台客遲過我地成個鐘入坐。居然都食緊奶皇包。我地就始終無。咩料。blacklist。

第一次吃籠太子，只是剛好經過進去試試，沒想到一試就愛上！現在我應該已經去過不下二三十次了吧哈哈小店，即叫即蒸，要有心理準備等15分鐘左右蝦餃和燒賣可以按2個或4個來點，非常貼心蝦餃裡用上幾隻大蝦，十分飽滿，皮薄燒賣也是很大一顆，吃下去很juicy煎蘿蔔糕，一定一定要配上他們家的特製xo醬，超級好吃牛肉腸中規中矩，他們家的腸粉都不太夠滑鮮竹卷很足料，吃下去很鮮甜流沙包我吃過幾次，但水準不穩定他們的蒸飯也好好吃，但我每次都太快吃掉忘了拍照哈哈總括而言，籠太子是我在銅鑼灣區最愛的點心店，他們價格便宜，2個人吃得飽飽也就$120左右而且老闆娘人非常好，店員都很有禮貌強烈推薦給大家！