籠太子點心專門店 (已結業)

見好耐冇嘆點心，一個人去酒樓感覺好奇怪，於是就去左我工作附近嘅銅鑼灣蘭芳道「籠太子」。貪佢可以靜靜地坐，一個人去都吾突冗。茶茗$3肯定係同區最抵。見是日例湯是「冬瓜薏米煲豬骨」$20就要一碗。原來份量相當大，等於平時的兩碗幾飯碗。標榜係冇加味精，所以味道都傾向清淡，都有少許湯渣，味道清清地反而幾啱夏天飲，消暑應該唔錯。籠太子蝦餃王 $16蝦餃肯定係即叫即蒸，非常之燙口。鮮蝦爽口彈牙和帶靭性的外皮成強烈對比，幾時都話即蒸點心系最正。蜜味叉燒腸$26腸粉皮較厚，幸好叉燒餡份是合比例，少肥多瘦，岩我。但味道較淡，加些甜豉油令香味提升不少。蜜汁叉燒包$22一籠三個叉燒包，一手拎起熱辣辣啊！打開叉燒包看到叉燒醬嘅色澤好吾吸引，餡料漿口，味道亦麻麻。

睇戲之前明明食咗碗車仔麵，唔知我係未二度發育呢？因為一睇完戲出嚟，我個肚又打鼓喇！其實喺銅鑼灣有唔少宵夜選擇，但今日我同A姐竟然胃同步，好想飲茶食點心呀！結果我哋嚟到銅鑼灣嘅籠太子點心專門店，嘆番一盅兩件，好滿足呀！籠太子蝦餃皇餐廳叫做籠太子，又點可以唔食餐廳嘅招牌 - 籠太子蝦餃呢？呢度嘅蝦餃真係好好味，皮薄剔透，蝦肉又多又彈牙，夠晒新鮮呀！鮮蝦燒賣皇燒賣一向係A姐最愛，所以我哋梗要選擇一籠四粒啦！燒賣勁多蟹籽，而由於蝦同豬肉嘅比例啱啱好，除咗爽口彈牙，仲勁多肉汁，夠驚喜。鮮蝦菜苗餃菜非常清甜，蝦非常新鮮，比例啱啱好，食落非常有口感。略嫌皮太薄，夾起嘅時候，餡料流晒出嚟，但味道其實唔錯。雪山叉燒包雪山叉燒包一向受A姐歡喜，但可能夜茶關係，所以雪山叉燒包已經唔夠熱辣辣，而且叉燒份量極少，比較失望。蜜味叉燒腸相反，呢個叉燒腸嘅叉燒就夠晒多，而且腸粉夠滑，即叫即蒸，好好味。鳳爪排骨飯最估唔到係呢個鳳爪排骨飯簡直係今晚嘅亮點。排骨好入味，鳳爪又唔會蒸到淋pat pat，更重要係飯底索晒排骨嘅肉香味，唔使落豉油都夠惹味。

媽咪最近經常叫我帶佢四圍食嘢知道佢鍾意飲茶，就搵左呢間點心專門店價錢非常實惠呀，茶錢每位只係$3店內嘅色調仲用左新派嘅Tiffany Blue係我最鍾意嘅顏色籠太子蝦餃皇每次去飲茶都必食嘅蝦餃！蝦肉雖然唔算脹卜卜，不過味道都唔錯不是炸兩首先腸粉皮好滑又夠薄食落有啲粘糯既質感，中間炸腐皮包裹住啲菜粒&蝦肉，一啖可以滿足到唔同口感炸腐皮係超脆呀藥膳雞腳藥膳湯超足料雖然浸住左雞腳，但碗湯一啲都唔多油我清哂啲湯雞腳好夠淋又夠入味流沙奶黃包最愛食流沙包蛋黃味夠香濃原粒瑤柱灌湯餃果然好真材實料真係原粒瑤柱㗎灌湯餃個皮又好夠薄，而且唔油膩，呢個灌湯餃做得好出色南瓜煎堆仔最後食堆呢個甜品就滿足哂即叫即炸嘅煎堆特別香南瓜蓉唔會好甜，煎堆煙煙韌韌嘅口感，就係岩哂我呢個煙韌控

環境4分：高級茶記格局，地方好光鮮，可以畀四分。衛生4分：Ｄ碗碗碟碟畀你自己沖多次，枱上面Ｄ調味料都好整齊同唔會黐立立，衛生一樣可以畀四分。服務5分：一頁餐牌紙簡單易明。店員態度好，熟手又好記性，落單換碟加酒夠爽手，滿分。味道4分：1)     籠太子蝦餃皇Ｄ蝦夠多，爽口彈牙，本身夠曬味。2)     鮮蝦燒賣皇鬆身爽甜唔油膩。3)     多汁小籠包真係好多汁，個豬肉餡好嫩好軟熟。4)      不是炸兩放响長碟上，入面包住脆皮春卷，又淋又爽。5)     蒜香蝦春卷個黃金皮好香脆，入面又好鮮甜。6)      是日油菜係菜心，份量都幾足夠。7)      黑椒金錢肚好淋好香辣野味，下面Ｄ烏冬都索曬黑椒味。抵食4分：D點心平過去茶樓飲茶，食點心嘅地方竟然有啤酒賣，忍唔住都飲多罐。

嚟到銅鑼灣食點心晚餐。鮮蝦燒賣皇- 可以選擇2隻或4隻，適合2人聚餐。燒賣大大粒，好彈牙。籠太子蝦餃王 - 也可以選擇2隻或4隻，鮮蝦好新鮮，皮薄蝦靚，仲要好爽口。多汁小籠包-咬在口中，小籠包的汁在口中流出，加上醋， 很惹味。炸兩 - 腸粉好滑好香，包住油炸鬼，油炸鬼炸到脆卜卜，份量好大份， 好有香港的地道風味。帶子腸- 第一次見到有帶子腸，便下單試下。看見腸粉包住唔少帶子，很新鮮的做法。帆立貝籠子荷葉飯- 都係第一次見有帆立貝荷葉飯，又下單試下。荷葉飯香，份量也很大。

外賣自取，8分鐘返到屋企即刻食，叉燒包成舊麵粉咁，好似有啲咬生粉嘅感覺。個粉果一隻有4粒花生，一隻冇花生。小籠包個皮爛晒，入面肉好難食。叉燒腸d腸90%，叉燒10%。全餐得蝦餃正常啲。如果唔係咁難食，都唔會食評

2021.4.718:49分外賣一盒北菇蒸雞飯，飯盒到手回到車上，去到上環停下來吃飯，打開飯盒，發覺所有雞半生熟，唉！當時店裡只有3名顧客，廚房師傅似乎太過大意吧！咁少客人都搞到半生熟？可憐我一個晚上只有能力買一個晚餐！唉！唯有吃白飯！

黎到先發現都幾多人等位，我地都等左大約半個鐘位鵪鶉蛋燒賣好好食，好少新派嘅點心有得食傳統豬肉燒賣，豬肉好新鮮仲有好大隻蝦叫左個素牛肉春卷，炸得好香脆，第一食素牛肉，有牛肉質感，好特別糯米雞好足料配埋佢嗰個XO醬好好味，佢個XO醬好香蝦米味我覺得個豬潤腸粉真係好一般，腸粉好滑但豬潤唔太新鮮流沙奶黃包好香奶黃味但就唔夠流心最後帶叫左個椰汁桂花糕，個賣相一百分，好香桂花同椰汁味Total 食左二百蚊，我覺得好味過傳統酒樓，CP 值又高，會想再encore

夜晚銅鑼灣行完街黎到依間點心舖，舖頭標榜自己菜式係新式點心，確實有d唔同。我地睇住個名叫「反斗糕」，幾特別，特登嘗試。樣貌可愛，味道不錯，似蓬鬆版馬拉糕，不過有小小甜。煎蝦膠釀茄子。一般點心舖好少呢啲菜式，蝦膠好有咬口，茄子口感鮮甜，我撈左小小辣椒XO醬，味道更豐富！同朋友一齊share鹹魚肉餅飯，味道都不錯。魚肚水餃。今次都是新鮮嘗試，水餃其實是豬肉雲吞，相信湯底都係無放味精，好鮮，有四粒雲吞兩人share份量都OK。重點來了，我地兩個女仔嗌左四分點心加埋茶，一共埋單107蚊，真是超級抵食，點心品質比得上酒店酒家，但就只收酒店一半價錢啦。銅鑼灣性價比之選。

這間店我覺得算是水準中上的點心專門店，就算你隨便點也完全不會踩雷，不過這次煎炸類的點得有點多，但沒有一樣有讓我覺得失望的，😂我點了煎蝦膠釀茄子、不是炸两(腸粉包炸蝦)、海皇芝士千絲卷、流沙奶皇包、蒜香蝦春卷，還有必點的蝦餃和燒賣。我最愛的是芝士千絲卷，它炸的很酥脆然後裏面很燙嘴的感覺很棒，蝦餃皮很薄，而且餡是飽滿的，是我想吃港點時會選擇的一家店，而且地理位置很方便，算是上班族外賣/堂食的午餐好選擇！

琴晚吃放題吃得太多，午餐想自己一人靜靜的吃得清淡一點。在這類形式的點心專門店，一人吃點心絕對是正常之舉，不像在酒樓一樣，總要一大班人，反倒輕鬆不少。一坐下已經送上熱茶及洗餐具的器具，留意這種港式傳統風。不過以為可以選擇茶種，店內只固定一種，茶芥為$3，不用加一服務費。籠太子蝦餃皇 - $30新鮮蒸起冒出白煙。蝦餃皮薄得隱約可見內餡，用筷子一夾頗有彈性。肉餡由數隻蝦和豬肉組成，有些許肉汁，味道新鮮爽滑彈牙。蜜味叉燒腸 - $26布拉腸粉皮薄得來又不會卷太多層，香滑得來有彈性，與叉燒比例接近一半一半，好香嫩。少許甜豉油調味，不多不少不會太甜或太咸。

兰芳道是内街，人流量不高。这家笼太子也不繁忙，周末午饭时间按道理应该是客满的，但入座率不到一半。用点心纸下单，有几十种不同的款式，单上有价钱，算是合理。点心是即叫即蒸，下了单要稍等一会儿，上桌的点心都是热腾腾的。点了几个他们自己点赞的点心。肠粉的质素不俗，粉皮口感滑溜，配合中间的牛肉和豉油，味道很棒。虾饺皮很薄，里面的馅料十足，真材实料，涨卜卜的，值得推介。印象中好像只有他们有供应海皇芝士千层丝，上次在太子店吃过，今次再点，没有令人失望。虽然环境没有酒楼般舒适，但他们的点心水准不俗，价钱也较实惠，是饮茶的另一个好选择。

今日去銅鑼灣覆診，睇完醫生後好肚餓，我哋決定去食點心。行過蘭芳道見到有間點心專門店就去試下。✨鹹魚蒸肉餅飯鹹魚有鹹香味，肉餅軟淋唔錯。✨流沙奶皇包奶黃餡有流心效果，嚟到都仲係熱辣辣。✨籠太子蝦餃王2隻不過不失。✨蝦膠釀茄子蝦膠彈牙，茄子軟淋，唔錯。✨炸兩腸粉皮夠薄，又滑又軟淋。✨鮮蝦燒賣王2隻口感好怪，唔好食。✨名醬蒸鳳爪望落好似好淡色，但其實味道都足夠，而且有少少辣。🏠 籠太子點心專門店🛤️ 銅鑼灣蘭芳道11號地舖📍 港鐵銅鑼灣站F1出口步行約3分鐘

本來打算去時代廣場食上海菜，點知去到連排隊都冇得排，原來要預早成個禮拜打電話訂位先有，真係好好生意。誤打誤撞搵咗呢間專做點心嘅餐廳食個下午茶，位置好方便，而且餐廳入邊嘅座位都好闊落。首先值得一讚嘅係食物都係新鮮出爐，所有食物連埋杯茶都好熱咁上枱，而我覺得食點心最緊要係夠熱！我哋叫嘅都唔係啲咩太特別嘅點心，蝦餃燒賣都做得相當有水準，蝦餃皮夠薄，燒賣夠彈牙。小籠包的確好多汁，只係略嫌接口位嘅皮做得太厚。叉燒腸嘅腸粉皮都夠晒簿。雪山叉燒包同埋糯米雞我覺得就同出邊酒樓食嘅差唔多啦。而且餐廳嘅侍應都好有禮貌，成個氣氛都相當唔錯，以上我哋食咁多嘢兩個人埋單都係$174 ，性價比相當高。

#籠太子點心 今日經過點心店，以為係新開，裝修同名字都幾新。 但銅鑼灣分店原來係2018年左右開業，仲有筲箕灣、佐敦分店。部分點心更係少有款式，試完果然無令小編失望。🤗不是炸兩$30 /1 大條呢度嘅炸兩同平時唔同，多咗鮮蝦餡料，而且唔止係油炸鬼，仲內藏絲網春卷，外皮又簿又滑，內裏香脆可口，非常滋味。🥰原隻鮑魚燒賣 $35/2 件鮑魚軟身易嚼，一分錢一分貨。所以，鮑魚大細合理。燒賣亦係足料，多肉餡。唯獨係略嫌鮑汁醬過多，令鮑魚偏鹹味。🧀海皇芝士千絲卷 $27/4件脆卜卜嘅外層，「千絲萬縷」包住蝦春卷，每件都有小蝦，有嚼勁。可惜，欠缺芝士/沙律醬，餡料偏乾身。如果好似平時咁落雜果，相信味道會更鮮甜美味。 另外，每件嘅外層都鋪滿好多脆絲，有部分更稍微油膩。❤️其他推介：金魚餃、蝦滑釀茄子、雪山叉燒包、流心奶黃包、香滑反斗糕茶錢只收$3，幾抵。大大壼麥茶🌾，解膩消化，小編至少飲三杯先夠。