籠太子點心專門店 (已結業)

銅鑼灣有好多好嘢食，今晚就想食中式。就搵到呢一間係鬧市中食點心嘅餐廳。呢間餐廳好多嘢食，好多傳統嘅中式點心都有。我就叫咗排骨，腸粉，小籠包，水餃，同埋蝦餃。你一間茶錢好平， $3一位。而大部份嘅點心都係$20左右，非常好食。個腸粉好有趣，裏面有個炸咗嘅皮同埋一啲蝦粒。 個感覺好有趣，脆得來又好軟熟。 啲蝦粒有好有咬口。個小籠包呢就好多肉汁，上菜嘅時候熱辣辣香噴噴，非常之吸引。一咬開層皮，啲肉汁就爆曬出嚟。同埋好足料好多肉。個排骨下面通常都係陳村粉，而呢個下面鋪左烏冬，好新穎。啲排骨我就覺得同平時嘅酒樓差唔多，好肥好林。個蝦餃都好足料好多蝦，啲蝦好彈牙覺得好鮮。皮薄餡靚。 而家好少食到$15蚊2粒嘅蝦餃啦。 真係好抵食。我覺得呢度最正嘅係唔使+1同埋茶錢係$3咋。以60幾蚊喺銅鑼灣食到個晚飯都真係好抵食好抵食

這晚來到銅鑼灣覓食，打算試試未曾光顧過的餐廳，以免每次吃來吃去都是那幾間吧😂😂看到openrice的食評好像不錯，可能是我期望過高，點心令人有點失望😞😞鮑魚的味道尚可，但燒賣就麻麻地，我們只吃了一口😕😕小籠包實在讓人失望！皮很厚，汁也不見得特別多😕😕較為滿意的就只是這碟腸粉，很「淋」滑，皮蛋和牛肉頗夾，但略嫌皮蛋較少。整體來說，點心🥧的味道偏鹹和油膩，對於愈來愈追求健康飲食的港人來說，這間餐廳不會是你的首選。

今次order左：燒賣、鳳爪、牛肉球、蝦膠釀茄子、薄撑、雞扎太子分店我幫襯已經3年以上，最瘋狂一個禮拜去三次，後黎太子點心質素差左，咁啱個期就正正系佢開銅鑼灣分店既時候，所以轉嫁銅鑼灣店試左兩次，水準一如往常既好，呢家反而冇再去太子比較中意銅鑼灣分店。呢個品牌起源系由台灣引入，當初食過超水準點心十分驚喜，等登上網查過下，到今時今日開左三間分店lu。所有點心都食得出新鮮即日整，茶🍵系以保溫壺提供，客人入座先加熱水提供，水滾茶靚做到，一般佢地比既都系玄米綠茶。👍🏻鮮蝦燒賣又大粒又彈牙、小籠包仲要勁多湯汁、蝦膠釀茄子煎到啱啱好有d香口有少少脆、牛肉球夠大粒同標準味道、雞扎入面綿花超級入味、薄撑多料（蔥）煎到少少脆且香口、鳳爪有烏冬墊底.索左個汁既烏冬夠香，以百幾蚊呢個價錢唔知去邊樹搵🥰😍⁉️公道而言，有好有不足既地方，例如茄子同鳳爪非常之油，薄撑調味唔夠，鳳爪一般系墊底既烏冬比較喜愛。特別提示系呢到「自家製辣油」十分了得，有好多蝦米乾炸至脆口響裡面，配蝦餃燒賣一流，有得買佢地樽裝辣油咖☝🏻

係同銅鑼灣夜晚心血來潮想食點心，上網搵一搵見到價錢唔算貴又坐得舒服就去試試，首先叫左個雪山叉燒包，個包其實味道唔差不過個雪山面唔夠脆，脆的話會好食好多！跟住叫左個皮蛋瘦肉粥(23蚊)算底食，粥都幾綿，個不是炸兩除左個名特別外，食落都幾好食，入邊個油炸鬼都keep到脆口！原本想食馬拉糕但又唔見點心紙有，問左待應佢話個香滑反斗糕就係馬拉糕，但黎到就有啲失望，外表細細粒之餘食落冇咩馬拉糕味，得甜味！紅油炒手都幾好食但個人認為唔夠辣，最後鵪鶉蛋燒賣一籠三大粒好足料！呢個價錢食點心唔算貴，啲野食都唔差👍🏿

飲茶這種事，平常都好像是早上或下午才做，如果晚上飲茶的話會很奇怪嗎？今晚和男友在銅鑼灣逛街，看到這點心店，覺得晚餐吃點心也無妨呢~每張台上已有一壺茶，還有辣椒油、喼汁和豉油任意使用。這家是既傳統又創新的點心店，所以餐牌上有些比較特別的點心。是日老火湯為節瓜章魚煲豬骨。看來每天的老火湯也不同，那我們必然要喝一碗才對！淡啡色的湯看起來很milky是因為豬骨吧。湯內有煲得很軟身的節瓜，入口即溶。而湯的味道清甜中帶點鹹香，是沒有加味精的啊！翡翠帶子腸的翡翠指清爽的翠肉瓜，加上有鮮味的帶子和軟滑的腸粉，口感很豐富呢。每一顆小籠包都有專屬的錫紙兜，應該沒有那麼容易破掉。小心翼翼的夾起來，看這垂墜感，就知內裡有很多餡料和湯汁吧。一咬開，充滿肉汁的湯就滲了出來，加上軟身的肉和薄皮，好吃！幸好蝦餃可以點兩人份量，每隻都很大隻， 內裡塞滿蝦，有三隻的份量呢！蝦餃咬起來十分爽口彈牙，加上辣椒油後味道會更加突出。黑松露野菌餃讓我喜出望外！水晶皮有煙韌的口感，內裡的野菌份量十分多，粒粒菇都有黑松露的香味混合， 很豪華呢。原只鮑魚燒賣也是豪華之選。燒賣本身的蝦肉量也多，加上有咬口的鮑魚，口感十足，同時也充滿鮮味。

👉🏻流沙奶黃包💲25👉🏻雪山叉燒包💲23👉🏻原隻鮑魚燒賣💲34👉🏻籠太子蝦餃皇💲15👉🏻多汁小籠包💲24👉🏻鳳爪排骨飯💲30👉🏻老火湯💲19👉🏻椰汁桂花糕💲24〰️〰️〰️〰️〰️〰️〰️〰️〰️〰️冇諗過喺銅鑼灣都可以搵到間又平又好食嘅地方飲茶！個人認為性價比超高因為真係好抵食😹流沙奶黃包嘅奶黃味比較重 個人覺得如果多啲鹹蛋味會好食啲🤨雪山叉燒包個皮幾脆👍🏻佢啲包普遍餡比較少😕小籠包皮薄多汁😋蝦餃隻蝦好爽口不過都係皮偏厚😕鮑魚燒賣感覺好高級🤣湯都幾好冇味精飲完唔會好口乾😗個椰汁桂花粒就椰汁味重啲搞到桂花味唔太出 我中意桂花味重啲多啲🤭不過整體嚟講真係算平好抵食🤣兩個人食到好飽都只係平均💲100一位😆〰️〰️〰️〰️〰️〰️〰️〰️〰️〰️籠太子點心專門店 (銅鑼灣)📍銅鑼灣蘭芳道11號地舖🔗#7eating銅鑼灣#7eating太子#7eating長沙灣#7eating港式

今日去左一年一度既taste of hong kong，完左就係銅鑼灣搵野食。好耐無食點心，見到呢間專食點心既就二話不說入左去。地方唔大，乾淨企理。餐廳提供既唔係普通茶，而係麥茶，好健康！老火湯好有家既感覺，慢火細燉。小籠包皮薄，但湯無因為咁而漏哂出黎，肉質鮮嫩。鳳爪乾淨而且好入味！魚肚水餃，魚肚無腥味，水餃好大隻，啖啖肉。蝦餃大大粒，蝦肉爽口彈牙。體貼既地方係每籠只有兩粒，岩哂我同朋友兩個食，唔會太飽又可以試下其他野！呢個燒賣幾特別，坊間少見的燒賣配鮑魚。味道唔錯，燒賣足料！灌湯餃係我的最愛，餡料爆哂出黎同d湯一齊食好正，啖啖鮮甜！總括黎講，價錢便宜抵食無加一，兩個人食左250左右，值得encore！

員工人手唔係唔夠又唔問都唔安排座位問拎點餐紙見到無茶位、餐具、水壼問一樣俾一樣叫咗燒賣、蝦腸粉、咸魚肉餅飯、皮蛋瘦肉粥、棉花雞、小籠湯包燒賣—叫鮮蝦燒賣一隻蝦都無，成嚿豬肉蝦腸粉—皮厚好似舊式酒樓、蝦好一般咸魚肉餅飯—好似舊式酒樓，一般般皮蛋瘦肉粥—正常味道小籠包—皮厚涵有汁但係唔好食棉花雞—係咁多碟最正路咁濟⋯啲食物質素好似普通舊酒樓味道無特別～ 唔會好難食但又唔會想再幫襯想食點心又唔想去傳統茶樓諗住銅鑼灣就腳先去無諗過服務差、野食一般

中午做完嘢未返公司前，和同事一齊去食午飯，路過利園山道想起呢間點心店，貪佢無加一，茶錢平，所以就行咗落去。蝦餃皇兩粒  $15外皮比較白淨，煙韌，好似有少少肥嘅感覺，味道ok。前蝦膠釀茄子  $22釀魚肉嘅就食得多，呢度用蝦膠，煎完後加豉汁，蝦膠彈牙，茄子柔軟，味道唔錯。藥膳雞腳  $24雞腳好腍，吸曬藥材嘅味道，D湯好正。雪山叉燒包 $23 外皮唔夠脆身，D叉燒餡乾咗少少，嘛嘛地。海皇芝士千絲卷  $26比較油膩，裏面芝士唔係太多，蝦size 唔大，味道還可以，但個千絲卷真係好脆。鹹魚肉餅飯  $30豬肉唔係挅得好碎，比較大粒，鹹魚味道唔係好突出，比較實肉，面D飯偏硬，下面軟熟返少少。

今次去咗銅鑼灣呢間點心店食晚餐！今次認真好推介首先呢間店嘅老闆娘真係非常好態度同服務！其次就係要講佢嘅食物！話說一行二人叫咗好多點心，有蝦餃、小籠包、奶皇包、燒賣、蝦春卷、釀茄子。🌻小籠包熱辣辣，皮薄餡靚，好多湯，唔講以為我賣緊廣告當我地想問佢拎彊絲嘅時候，我哋發現原來小籠包入面已經有！。。。。。。。。。。。。。。。。。。。。。。🌻蝦餃晶凝通透，皮薄，裏面係真係有好多蝦。。。。。。。。。。。。。。。。。。。。。。🌻奶皇包就更加唔使講，其實我真係好耐冇食過真流心既奶皇包了自己貪玩boomerang時仲辣親隻手添🤦🏻‍♀️🤦🏻‍♀️🤦🏻‍♀️可見佢係幾咁新鮮熱辣。。。。。。。。。。。。。。。。。。。。。🌻淨係睇相，係咪都已經覺得好特別！至少我未見過有鮑魚燒賣，鮑魚味道還OK，但係佢嘅燒賣入面真係用好多蝦肉。。。。。。。。。。。。。。。。。。。。。。以上呢幾樣係我特別鍾意食同埋特別欣賞嘅！總結其實呢間餐廳真係好抵食，未試過以呢個價錢可以食到咁高質素嘅嘢！

我本身好鍾意食點心，周不時就有點心癮。但係有得揀我寧願食點心舖 ，都唔鍾意去酒樓 。 第一 唔使好似酒樓咁限時 又可以口痕食幾籠就走。 籠太子我不嬲都幫襯開，但係食開太子嗰間，禮拜六日例必要排隊，但係我都成日會去嘅點心舖，無它，只因性價比高。知道佢依家開分店開到嚟銅鑼灣，今日去開銅鑼灣搵個朋友打波，就順便去試下。雖然地段升級咗但係價錢都好似冇加到，仲要闊落左，直頭係沒有最抵食只有更抵食。蝦餃 2粒 $15招牌蝦餃，皮夠薄，蝦又夠大隻又夠彈牙。最緊要係只要$15燒賣 2粒 $15又係大大隻蝦 喺個燒賣上面，爽滑彈牙。 最好係可以揀兩粒或者四粒份量。一個人嚟食可以食兩粒 或者兩個人share一人食一粒，少食多滋味。糯米雞 $29好大隻，好足料，糯米好軟綿，夠哂汁同好有荷葉味。次次黎都必叫。鳳爪排骨飯$30呢個係推介之選，排骨好滑， 鳳爪亦都好入味， d飯吸哂排骨同啲鳳爪味再加埋好香 蒜蓉味，好味又係必叫，加埋鼓油落去食，再正D，通常我一個人就會叫呢個加一個點心已經大滿足。灌湯餃 $30一黎飲左一啖湯，好味，清甜，唔會死咸。隻餃皮好薄，入面既料都好多，一啖湯一啖餃，好滿足。黑松露雜菌餃 $2

今日約咗Mary但係我遲到，🙈所以叫佢喺銅鑼灣行吓，睇吓有咩嘢食。點知佢真係有新發現！😳佢見到之前喺太子嗰間籠太子店，原來開咗分店喺銅鑼灣。😍所以我哋決定去嗰度食！記得太子嗰間總店係以綠色為主題，而今次呢一間係用咗港女摯愛👩🏻嘅Tiffany Blue顏色黎都做主題，好靚啊！😍🍵入到去都幾大，位置都好多，枱面上已經放好一壺茶同調味料。🐦燈飾方面都好靚，見到有啲雀仔係上面。🙉我實在太大鄉里，我連佢d茶同調味料都J。佢嘅唔係傳統酒樓飲到嘅茶，佢係日式嘅綠茶，第一次比茶界比得咁開心。🍵⭐️另外佢個XO醬超正，高質XO醬！❤️入面有蝦米🦐 ，炒得好香又脆。賣單嘅時候發現櫃檯隔離都有得賣，佢呢啲嘅自家製XO醬。見到牆上佢有寫到今日嘅老火湯係乜嘢。⭐️瑪卡大補湯煲豬骨👍🏼今日有近期大熱嘅瑪卡，可以有豐富營養同去疲勞等嘅功效，咁梗係唔會錯過，仲要呢度係冇加味精，啱晒啲屋企唔係成日煲湯嘅人。😚⭐️原隻鮑魚燒賣😍佢啲點心都做得好出色，呢一個鮑魚燒賣上面嗰隻鮑魚唔會太乾，口感同汁都好好。 燒賣本身亦都大粒又好食。👍🏼⭐️籠太子蝦餃皇😋真係抵佢叫蝦餃皇，好耐冇食過蝦餃係會有汁彈出嚟，蝦味都好濃，好味！🦐⭐️古法糯米雞👍

本身好鍾意飲茶食點心，2丁友最適合去呢類點心舖，之前食過太子嗰間，真係好味兼抵食，後來行過先知老銅都有分店😱閒日晚上7點幾都9成坐滿，剛好有人離座先唔洗排隊等位👏🏽👏🏽點心紙食物款式眾多，真係花多眼亂😂😂😂😂籠太子蝦餃皇，蝦餃皮都幾夠薄，入面蝦肉超大粒而且非常彈牙！仲可以揀一籠兩件，怕太多食唔晒！原隻鮮蝦腸同樣每件都有大大粒蝦肉🍤🍤🍤腸粉做得幼滑，不錯！流沙奶皇包👍👍👍👍👍👍搣開中間真係有流沙效果嘅奶皇包，熱辣辣嘅奶皇散發着陣陣蛋黃的咸香😋多汁小籠包，一籠有4件小籠包，外皮厚度適中，入面饀料豐富多汁山竹牛肉球👍👍👍牛肉球都幾大料，而且口感唔錯，一啲都唔粉仲好香牛肉味加上旁邊有成樽喼汁及其他醬料任加！親鮮即炸嘅春卷，外層脆卜卜好滋味！整體來說，食物質素唔差，價錢又唔貴！兩丁友叫咁多野食都唔洗2舊水🙀🙀難怪咁多人光顧！

今晚去左銅鑼灣呢間餐廳食點心, 齋睇外表, 仲以為係 Café 店添｡餐紙上有好多特色點心, 而且點心價錢非常大眾化, 茶芥都係收 $3 位, 認真超值｡牆上仲寫明是日嘅老火靚湯｡原隻鮑魚燒賣大大粒嘅燒賣上面放左件原隻鮑魚, 一籠有兩粒, 豬肉同蝦肉比例平均, 口感爽脆｡籠太子蝦餃皇蝦餃皮非常晶透, 入面有大大粒超彈牙嘅蝦肉, 食落去皮薄 Q 彈｡鮮竹牛肉球牛肉球口感嫩滑, 加左馬蹄碎 & 芫荽碎令咬口更加豐富, 食埋索滿喼汁嘅腐竹簡直係無得頂 !!蜜味叉燒腸腸粉外皮雪白軟滑, 包住叉燒片 & 香菜, 配埋醬油食, 係我每次必點點心之一｡蒜香蝦春卷外皮炸到非常香脆, 蝦肉仍 Keep 到夠彈口, 仲有淡淡嘅蒜香味｡鳳爪排骨飯店內人氣點心, 最喜歡腌過嘅排骨和鳳爪放入米上一起蒸煮完出黎嘅味道, 肉汁精華完全俾白飯吸收晒, 係我嘅大愛 !!老火湯是日老火湯係木瓜雪耳魚尾煲豬骨, 完全不含味精, 係一個非常清潤嘅湯水｡

今日行經銅鑼灣，冇book任何餐廳，唸住行到邊就睇吓有咩啱食。蘭芳道呢間“籠仔點心專門店”。望落都應該坐得舒服唔迫夾。所以就入咗去。一坐底就係點心紙揀點心。款式都幾多。而且有d名幾特別。亦有食物推介。金銀菜生魚湯$19~好大碗的，飲落係冇味精的。鮑魚燒賣$34有2粒。鮑魚都算大粒！而且又夠淋。籠太子蝦餃皇$15有2粒 皮簿饀靚，有原粒蝦柴魚花生粥$22~粥底唔錯，但我覺得柴魚少咗d天鵝酥$32~一碟有2隻天鵝，其實係 叉燒酥， 叉燒份量多，但酥皮比較厚，有點漏。煎蝦膠釀茄子$22~呢款必食。蝦膠釀係茄子上，半煎炸，茄子皮有少少脆蝦膠彈牙，再淋上有豆豉製成的醬汁，非常配襯。又夠野味金魚餃$30~一籠有23條金魚，賣相唔錯。裡面都係蝦肉藥膳雞腳$24~職員放係枱面已經聞到好香藥膳味。雞腳夠淋。皮蛋牛肉腸粉$26~第一次食，3條腸粉每條切成3-4，每件都有一粒皮蛋及牛肉。皮薄，好味椰汁桂花糕$24~一碟有4件，一定要食。桂花多，椰汁夠香，最重慶唔係太甜櫻之戀$22~原來就係水玄餅，食落冇咩特別