米亭 (已結業)

米亭係人哋介紹, 本身係為咗佢既花膠而黎, 點知是日冇花膠供應 (sad)不過, 整體幫襯完都覺得: 值得推介!尤其是食完唔會覺得口渴.weekday lunch hour佢生意都幾好, 門口仲有唔少人等外賣, 但樓面數落得兩個人, 明顯人手不足, 但係店員都好友善, 服務不錯. 環境方面, 燈火通明, 座位都尚算舒適, 未至於同人迫, 我一條友黎更加係唔洗點等位. 食物方面選擇幾多, 有米線/上海面/飯, 同餃子.鎮店之寶自然是雞湯米線吧.聽聞煲16個鐘同循環再用的膠板落單, 好環保, 加分!$48 秘製醬脆手撕雞/米線/特濃雞湯/黑豆漿等待時間有點耐, 但黎到個湯好香, 聞到有點金華火腿味,顏色金黃, 望落似模似樣,溫度滾燙, 米線冇overcook, 又冇漿住一舊舊, 質地唔錯, 配雞湯一流!對上飲過類似咁既高湯口感係北角既大熱高湯麵(執咗)一上枱我覺得$48真係抵食, 性價比極高手撕雞睇落份量幾多, 夾雜咗d黃瓜, 入味, 唔肥膩, 雞肉醬汁豐富, 肉質都嫩滑, 食到底下面係蓮藕黎, (都估到冇理由俾咁多雞), 蓮藕都好爽脆, 好味.另外配以醃蘿蔔、菜甫(也是蘿蔔),和蝦醬菜甫

自從食過花膠雞湯麵,就成日去搵邊度有正花膠雞湯。今次一於去深水埗覓食!呢區有好多正嘢食就係人都知,但仲有啲禾稈冚珍珠嘅好食餐廳~呢間餐廳主打特濃雞湯,加15蚊就可以升級花膠雞湯。上檯超級熱辣辣,記得一定要吹好耐先好飲呀!我就係咁淥熟咗個嘴💋佢嘅秘製脆汁豬扒好搞笑,仲諗緊同炸豬扒有咩分別~原來唔係炸嘅,但有啲脆卜卜嘅粟米片喺個汁度,非常有創意~比起脆汁豬扒,呢個米亭炸豬扒就稍為失色,因為豬扒炸得有啲乾身,而且無乜特別。但係湯底真係好濃香,天氣凍,面頭仲會結咗一層薄膜,好有自家靚湯嘅感覺。而我由細到大都好鍾意食呢片膜,會用筷子捲起直接食🙈套餐仲跟咗菜甫,蝦醬同埋醃蘿蔔,而我三樣都好喜歡!尤其是個蝦醬,佢係好多啲蝦仔炒香,所以每啖都有鹹鮮香味。咁正嘅醬,用嚟炒麵炒飯應該都好正,唔知佢有冇得賣呢?

去黃金行左個圈，買左啲工作需要既野，買完見4點幾就行下附近有咩食。開頭想去文記食車仔麵既，不過見到下午4點幾都仲有十幾人排隊，就放棄，搵過第二間，黎到呢間門口，見冇乜人，原本想睇下車仔麵有乜料，不過望到全日飯餐，望望下又想食下飯，就入去食。呢間最好就係夠平（限飯餐，麵我就覺得貴，係48蚊起喎）我就叫左金蛋肉餅飯連一罐可樂，都係45蚊。可能呢個時段少人，啲野食黎得又快又熱，肉餅岩岩炸起，咬落去外脆內軟。太陽蛋都ok既，冇煮到太熟。飯就一般般，唔太硬都ok啦。呢間之前未黎過。不過可能我問題，對佢地啲麵真係冇興趣，尤其係48蚊起，叫某個麵要加15蚊，轉某個湯又要加8蚊，加加埋埋都6-70蚊一條友，都係求其食算啦。

「 呢間野比漏野 + 唔check就出貨。」在疫情無堂食之下，今天滿心歡喜㨂呢間野做晚餐。點知，個外賣拎到返屋企一打開，先發覺店家（！）比漏（！）份手撕雞我！！！！！！！！！ 我得番一碗麵，無餸食。！！！！我同我家人，要兩碗麵得一份餸食，好彩手痕加左份餃子，先不止於兩個人爭食！！！！！我不是住深水埗區，根本無法再跨區拎番份比左錢應有的手撕雞。一肚氣下打番去呢間店，諗住會唔會可以他們再送番比我。點知，間店話唔夠人手送番比我（我知無得勉強），它的解決方法係下次我再（跨區）黎買，他們free番比我，又解釋剛才太多單...呢個解決方法不敢說無誠意，但我餓住肚及滿心歡喜的期待一掃而空。總之，要買外賣，請各位再諗諗~~~~~（（（因為呢間野會因為多單））,店主又（（無意識檢查清楚（！）））先出貨！！！！錢又照比，返到去無野食，人生第一次在open rice寫負評，米亭 千其要停！！！

🍴米亭麻辣手撕雞 24 蚊🐥🌶️用左花生 青瓜 蓮藕 做配菜 麻辣汁幾香 🌶️ 雞肉雞絲夠幼 口感唔錯 而且夠嫩滑 十分唔錯既凍食小食[ 🍴金絲蜜椒雞翼 3 隻18 蚊🐥上面點左香甜既蜜糖醬🍯 雞翼炸得好香脆 食得出用左少油 雞翼咬開皮後熱辣辣 雞肉嫩滑 好食[ 🍴餃子上海麵 豆乳豚骨湯 58 蚊 加8 蚊川味黑豚肉餃🥟餃皮好夠爽 厚度適中 入面既豬肉 juicy帶 d麻辣香 🐖湯底 豬骨味香濃帶 d豆香 上海麵比較爽口同幼身 🍜 同湯底好 match夠入味 🍴米亭海南雞飯 48 蚊 🍚🐥 免費加黑豆漿海南雞既飯粒比較彈牙 雞肉整得幾嫩滑 無論雞任何位 點 d薑蓉同甜豉油都唔錯 仲有木耳同醃蘿蔔調味 唔錯👍🏻

一心打算去食米亭既餃子, 聽講話超出色, 一定要試, 點知當日店員話比我地知整餃子既師傅有時請左成個星期假, 所以成個星期都冇餃子食, 可惜了!1️⃣秘製醬脆手撕雞 + 米線 + 特濃雞湯 – 其實無預期到D手撕雞咁大份, 講真好抵食!淡香醬油味既手撕雞, 花生香口同脆, 吾係淋身難食個D, 最底下係蓮藕, 爽脆小小咸, 幾好食! 湯底飲得出好濃雞湯, 似係自己新鮮煲既, 掛住影相放左一陣面頭D黃色雞油開始立身, 所以點都吾會係用市面上買既個D雞湯倒入去! 平時食米線吾會飲湯既我, 今次都會飲大半碗湯, 撈埋米線咁食好正!2️⃣米亭麻辣手撕雞+ 米線 + 特濃雞湯 – 麻辣既手撕雞就好多花椒, 食之前要先一粒一粒咁夾出黎, 小小麻麻香香, 吾會好勁, 都適合食到小辣既人, 完全冇問題, 麻辣味就會比較惹味D~同樣都係超大份呀~~~!!!3️⃣金絲蜜椒雞翼3隻 – 追加左, 雞翼好香口, 沾D蜜糖醬甜甜地, 幾好食。D肉質吾會乾身, 而且肉都幾多, 雞翼吾係細細粒個D

今日同朋友嚟到深水埗美食天堂之稱嘅食街， 有一 間餐廳 價錢平民 但係款式出眾 所以特登嚟試下食特製湯底嘅米線上海麵 特濃雞湯米亭麻辣手撕雞米線麻辣手撕雞惹味非常， 食完之後舌頭麻麻痺痺 ，香香辣辣， 手撕雞肉條條都嫩滑美味，再加上特濃雞湯米線，米線吸收了湯底嘅精華食到停唔到口 特濃花膠雞湯 白菜黑豚肉餃 上海麵呢度嘅招牌菜色之一 ，特製花膠雞湯底，用新鮮嘅雞肉，再加上花膠淆製而成，白菜黑豚肉餃鎖住咗鮮甜白菜嘅味道，仲有黑豚肉味嘅肉汁花膠雞湯底嘅味道配合埋上海麵令湯底 又濃厚又清甜 炸和牛餃和牛嘅牛肉同油脂香被香脆可口嘅炸餃餃皮 鎖住咗內裏嘅和牛， 香軟味濃， 同一般嘅炸牛肉餃子味道， 簡直係天淵之別 凍豆漿食完飲返杯凍豆漿， 既鮮甜又解辣

這天與朋友到深水埗尋寶，午餐就選了福榮街這家米亭。以日系漫畫帶出食品主題，是深水埗食店少有的年青風格。原以為是飯餐的小店，原來也有粉麵可選擇的，食材方面有用本地黑毛豬入饌。食物質素和賣相都有驚喜。而服務員都是親切有禮的。麻辣手撕雞上海麵餐 $66😋😋選了中辣度，手撕雞細嫩有雞香，麻而不太辣，伴隨薄蓮藕片和香口的脆花生。上海麵口感柔軟順滑，以沒有味精的特濃雞湯作湯底，幾乎給我喝過清光。菜心 +$10 金絲蜜椒雞翼三隻+$18😋😋雞翼皮薄肉滑入味。芫荽黑豚肉餃上海麵餐 $66😋😋餃子皮薄，黑豚肉質香爽，芫荽新鮮，有五大隻，份量與味道十足。柑桔酸梅湯 $8 👍🏻酸甜度適中，解熱開胃又清腸胃。

突然想吃餃子，朋友帶我到米亭試試😎一進去看到港式漫畫風的大型壁畫🥰白菜黑豚肉餃套餐$58配豆乳豚骨湯，比較少見這種湯底，湯底很濃郁上海麵配豆乳湯真的好好吃，感覺上海麵會比米線更掛湯😜白菜黑豚肉餃十分鮮甜皮厚薄適中，包得十分好😚米亭和牛餃套餐$73和牛餃牛肉味超級濃郁，非常適合重口味人士🤤麵量適中，餃子有五隻還配有餐飲，涼菜和醬菜餃子和湯底都很出色，可稱得上平民美食，下次也想試試這裏其他餃子😋😋

今日喺深水埗附近買嘢，之後肚餓喺福榮街搵咗一間米線店，入到去見到係除咗米線餃子仲有飯食！我哋今次就叫咗一個咖喱牛腩飯同埋一個餃子套餐！主要俾佢嘅餃子套餐吸引咗，我哋揀咗米線配餃子，餃子方面就揀咗白菜黑豚肉餃，佢餃子嘅份量都算多，有五隻左右而且每隻嘅餡料都非常多，非常脹卜卜嘅餃子🥟加埋米線真係食到非常之飽，佢哋嘅餃子套餐仲會送一個豆漿同埋涼菜，我哋就揀咗熱豆漿。除咗餃子套餐我哋仲另外再加左兩個小食，分別係金絲蜜椒雞翼同埋秘製脆汁豬扒，佢哋嘅吹豬扒非常之吸引，仲有一啲炸蒜令到個炸豬扒更加香和有口感！蜜椒雞翼都非常香酥，咬落口啖啖肉非常吸引！仲有我哋叫咗個咖喱牛腩飯佢哋嘅咖喱非常香濃，不知不覺就食晒成碗飯，如果將佢哋嘅秘製脆汁豬扒加落啲咖喱度一齊送飯都非常之好味

唔一定要貴嘢先好食嘅，今晚來到深水埗搵平民美食，Ｄ餃子真係食過返尋味餃子配麵（5隻）＄58招牌菜，試左兩款餃子都皮薄餡靚，湯底都好高質，仲有配料可以自己調味，而且好飽肚~上海麵會比較吸湯，至於米線口感就light D 芫茜豚肉餃+$8豆乳豚骨湯鍾意食芫茜的人一定要試！非常香口，仲要回甘！豚肉剁得好細，所以口感好細滑，而且Ｄ肉夠新鮮，好甜豆乳豚骨湯係難得唔辣而我覺得正的湯底，好香大豆味又清甜，當湯飲都得～米亭和牛餃+$15香辣濃湯+$8中辣牛魔王又點可以唔食牛呢~~以和牛來做餃子，牛味香濃，而且仲有油脂香香辣湯的中辣夠哂辣，好惹味整體來講都很推薦！記得嗌返杯豆漿解辣！

深水埗越來越多新開小店，喜歡吃餃子的我，見到這間米亭有新式餃子，今日一個人的下午茶就來這裏吧。我點了一套餐，有芫荽黑豚肉湯餃、醬菜和飲品可選👍🏼芫荽黑豚肉湯餃芫荽新鮮，好重芫荽味，很足料！之所以選黑豚肉，因為黑豚肉肉味濃，芫荽和豬肉這配搭好吃，餃子皮不會過厚，有咬口。而湯底也是特濃雞湯，成件事好足料😋醬菜有醃蘿蔔和甘筍絲，還有微辣菜脯仔，作為餐前小食的份量剛剛好。豆漿豆漿暖笠笠，有豆香，不會死甜。因此，我也飲了一整杯，好滿足。🤟🏼🥰

今日終於有時間update 下😃今次推介下一間係深水埗人氣幾高嘅小店先☺️店面積唔大，走年青路線，有一幅好大嘅卡通璧畫，入座嘅時候餐廳已有七成滿。米亭麻辣手撕雞 $48香辣濃湯 加$8手撕雞份量都唔少，食落唔會太辣，個味道都幾惹味，雞肉嫩，下面仲有爽口蓮藕片，同個麻辣汁好夾。個湯底有好多脆卜卜花生，有啲似擔擔麵個湯，味道唔太辣。秘製脆汁🐷豬扒 上海麵 $48 特濃花膠雞湯 加$15呢十五蚊一定要比，個雞湯真係好濃郁，花膠份量都唔少，女仔至愛。仲有兩隻大雞腳，軟腍好食。豬扒鬆軟，配上蜜糖汁，上面仲有啲粟米脆片，脆卜卜，夾埋個蜜糖汁，幾好食。上海麵幼身，唔會煮至好林，食落爽口。炸韭菜餃 $21韭菜餃炸至外層脆卜卜，最愛濃濃嘅韭菜味。油菜 $10菜芯清甜翠綠，食落無渣。凍黑豆漿凍豆漿都夠凍，豆味都濃郁濃郁。米亭仲有湯或煎餃子🥟可以揀，下次試下先^_^好在早入去，出邊已經有人排隊😳

今日要去深水埗買嘢，搞到三點先食晏，今晚又約左friend 食飯，所以諗住食少少野頂下肚先，咁岩行過見到哩間米亭，所以入去食碗餃子”浪”下胃。呢度環境唔錯，我最鍾意佢牆上嗰幅好靚嘅畫我點左和牛餃子配雞湯，雞湯超濃超好飲，每一啖都飲到”骨膠原”，因為佢絕對唔係史xx清雞湯嗰種咁稀嘅湯底，而係你會覺得用咗好多隻雞去熬嘅雞湯😌😌至於和牛餃子，第一啖已經食到牛肉味好濃，真係皮薄餡靚，最估唔到就係和牛餃子配雞湯係好夾。另外我追加左金絲蜜椒雞翼，雞翼外面炸到脆脆地，加咗蜜糖甜甜地，仲有少少黑椒令雞翼有少少辣味，味道豐富，而且裏面炸到好鮮嫩。豆漿：少少甜，豆味香濃另外佢有少少配菜：醃蘿蔔，酸酸甜甜，勁開胃；菜脯好脆口。最後個湯好味到我忍唔住飲晒

同朋友出街穩食，睇到哩間正野。然後上網查過，網評還不錯，特別是花膠雞湯同餃子🥟花膠雞湯米線+豬扒雞湯是哩到嘎招牌，味道好濃郁，雞腳都好入味，正。麻辣手撕雞🐔好嫩滑，有滴辣辣地，一疊24$，都好平，唔錯唔錯。黑松露雞肉餃子上海麵又有花膠，餃子好Q彈