米線陣 (荃新天地)

營業中

休息中

今日行去荃新天地行完街，地方都有不少食市，其中有間就是米線陣食過都不錯，而且被門口的海報吸引了，炸雞扒配蕃茄米線，價錢五十元都不貴就入去食，因為差不多收工所以入面不多人，食物未到又要出去付錢，其實如果知道要提早付款，可以我入去之時可以付錢先，又出去有點煩，自己拿了水一陣，食物都幾快來到，雞扒都幾大份，仲要幾香口，食落去好脆口而入面的雞都幾滑身，仲有點辣夠惹味，脆皮不太大片可接受，又夠熱好食。麵的湯底有點淡但都可以，蕃茄碎不少，米線口感都幾好，有驚喜的新品。

作為鍾意食辣既米線愛好者，幾喜歡米線陣既麻辣湯底。湯底夠濃夠香辣，如果唔係咁食得辣可以食小辣。米線好入味，唔會太淋。不過價錢係比其他米線舖貴小小，配餸如果再多啲就更抵食啦。

無可否認個湯底係幾impressive，今次試咗擔擔麵湯底，花生味重，可以成碗飲晒。但係今次叫嘅呢個餃子牛展米線，餃子得兩隻，牛展得三小件，份量甚至少過譚仔，點解會係賣成50蚊一碗。。加埋個幾有特色嘅青瓜豆漿要64蚊。。唔抵

今日突然好想食米線，朋友話米線陣不錯，就去試一試。滋味二人餐湯底及米線配料人氣小食飲品我們點了滋味二人餐，鹵水雞翼雲吞米線(+$2麻辣蕃茄湯中辣)，鹵水雞翼夠入味大大隻，湯底蕃茄味算重但不夠麻辣。香酥豬頸肉牛肚米線(+$2四川麻辣湯中辣)，豬頸肉香口鬆化，牛肚夠淋，可惜湯底不夠味，亦不夠麻辣。黑醋豬軟骨酸酸甜甜好開胃，豬軟骨入味淋身，好食。大汗豬扒炸得剛好，香脆啖啖肉。紅油青瓜雲耳，夏天食涼拌食物很開胃。二人餐可選兩杯飲品。兩人埋單$163，很豐富的一餐。

等四位等左十分鐘，都仲係不斷比一，二位入，連遲過我地攞飛都入哂(起碼10個人），得番我地等，之後問佢仲要等幾耐就話答你唔到，比哂二位入咁四位等到幾時？坐到四位又比遲黎二位既人坐！！唔hold住張枱比4位，所以就算少人等 三至四位都有排等 ，一兩位好快入得唔洗3分鐘！

二人餐包括：$159💕自選兩餸清湯米線 2 碗我地點左：竹笙 雲吞米線鮮牛肉 雞肉 烏冬（加左$5轉烏冬）兩碗麵都好重份量，我同維尼b share食都夠飽，鮮牛肉 同雞肉，清淡之選，俾小朋友食幾好！💕特選小食海南雞同平日食既海南雞唔同，但雞夠滑，合格！💕風味小食香酥豬頸肉我以為一片片，原來係好幼既豬頸肉條，無左豬頸肉既爽口口感，同埋可能翻炸關係？加上唔夠熱，有點太油既感覺。💕菇菌時蔬清湯蘿蔔，炆冬菇蘿蔔似清水煮，無咩味，但夠淋，蘿蔔本身夠甜，唔苦，炆冬菇好淋好滑好入味！💕凍熱飲品 2杯凍菜蜜、凍檸水我飲菜蜜，濃度都唔錯，唔係太淡！呢個價錢係荃新天地一家三口依得飽，唔錯喇！

一連幾個星期日晚上都會去荃灣工聯會上有關預防脊骨側彎的課程，今晚下課後，便到附近的荃新天地的米線陣吃晚餐。由於時間比較晚，這裡都沒太多客人，所以，正當我們想利用手機app 下單時，店員都很主動走來為我們下單。餐牌上有養生湯的米線，但是，這麼晚吃太滋補的，恐怕睡不著，所以都是簡單地叫了一個特盛米線和一個鮮蝦雲吞牛肚酸辣湯米線，一齊吃。特盛米線比較大碗，份量和價錢跟譚仔的過橋米線套餐相若，不過，這個特盛米線的餸較為高檔些。例如它的滷水雞翼非常入味，好腍。另一碗有鮮蝦雲吞，雲吞皮好滑，牛肚好腍。湯底是酸辣湯，味道很不錯，差點兒給我喝乾。

昨天跟老公到荃灣行，突然去了荃灣的米線陣食下午茶，心想這間美線未必有太多選擇，但由於附近都比較人多，所以選擇了這一間比較大的地方來！我跟老公用它新設的'應用程式來点餐， 非常方便 ，我哋非常開心！我叫了一個四寶紫菜米線，老公就叫了一個豬扒包！米線好入味 ， 非常多紫菜，四寶丸夠新鮮。 豬扒包的豬扒很香脆， 又夠Juicy !最值得我讚的是我叫了凍檸茶，它可以幫我走冰而且仲係室溫，真有家的感覺，多謝曬！

每逢到大時大節d 餐廳都會推出聖誕大餐，老實講呀去呢d 連鎖餐廳又貴，野食又唔係有咩特別一諗起淨係可以食a la carte 無曬套餐就唔想食，舊幾水食個意粉仲要唔包湯同野飲今日正值聖誕節正日，同友人出街食飯都唔想食太貴。講真要食貴就唔食呢d 連鎖店，去酒店食啦！行過米線陣見到有二人餐，$153 都有幾多野食，每人一個粉、仲有一個菜、兩個餸同埋飲品，所以就拉左友人入去！老實說以前都食過米線陣既其他分店，次次都有不愉快經歷（員工態度差），所以食既次數寥寥可數。不過因為想食d 澱粉質落肚，又見舖頭唔洗等位先決定入去依家米線陣推出自行落單，不過想揾員工落單都可以講真呢d 自助形式既用餐方式我係一d 都唔buy 既！一係menu d 野食平d 囉仲要自己serve 自己，雖然唔洗俾加一啫⋯⋯ANYWAY 講返食物先我叫既係蕃茄麻辣湯米線配冬菇竹笙（除左清湯外，其他湯底要俾$2），呢個湯底無得選擇辣度的蕃茄同麻辣真係好配！不過個麻辣有少少辣，如果唔算食得辣既都唔建議食辣湯底至於d 料就正正常常無乜特別，竹笙好索汁，好味。鮮冬菇都係咁啦普普通通無乜特別。套餐包既菜－－鮮菇浸生菜呢d  上湯浸既菜同

經過荃灣 見到米線陣新出咗「DIY 狂惹石鍋燒」好似好好食咁 想試🤤我地諗住㩒飛個陣 個人話唔洗攞位 直接入得 但入到去其實係無位既🙄 佢叫我地搵位坐住先 等等再幫我地安排 等左成20分鐘終於有檯啦😄到我地想叫餐個陣 舉極手都無人黎 又叫我地等陣 侍應既態度真心唔多好 我一早講哂要石鍋燒 牛肉 黑椒汁 烏冬 佢話無得咁叫 只可以揀3幅圖其中一個 我：咁要牛肉啊佢：牛肉好 要咩汁我：黑椒汁佢：要咩麵我：烏冬咁同我一開始講既有咩分別啊！！！😡野飲好快就黎到😄但...跟著既就係無止境既等 我等～再等～等到媽咪食完 個石鍋燒都未到😢 最後媽咪頂唔順 決定幫我地問下😄個侍應話幫我地問下 就係呢一刻 廚房出餐個位落緊閘😱 原來因為冇人洗煲 冇得賣😑 由我地入黎落單起 已經冇得賣😑 無人同我地講 我地唔問既話就不了了之 白白等左約45分鐘😡😡😡最後揀咗番茄肥牛餃子皇米線配涼拌三絲粉皮 米線幾好食🤤 其他就中規中矩啦🤔

As first, I don't know 米線陣 belongs to Cafe de coral(大家樂). We come here for a light dinner. But the food is unexpectedly good and I quite like the noodles and soup. so yummy. It's surprise a fast-food chain can provide such good quality of food.I ordered the pork chop dandan noodles (大汗豬扒擔擔麵) and the menu shows it's in level one spicy. Normally I don't really eat spicy food, but this one made me surprised. The soup is well matched with spicy-sweet flavor and such a lovely one.  And the pork chop

很少在荃新天地吃東西，一來必定多人，二來張櫈一定設計得有幾迫得幾迫，張台有咁窄得咁窄，所以我寧願行去荃灣西，起碼有較為寬敞的位置可以挪動一下我那健美的臂部。青衣城也有一間米線陣，吃過一次，印象也頗為不錯，加上時間所限，所以選擇了米線陣，我們點了：蕃茄湯米線$31(加炆冬菇$6+加手打豬肉丸$5+加雞脾肉$6)：以米線來說，湯底十分重要，譚仔開到成行成市，也只因他的湯底，其它加料其實也只是吃原有的味道，這裡的蕃茄湯底略嫌味道不足。辣茄肥牛魚腐米線$46+加豆卜$5+加唐生菜$5+加鮮蝦雲吞$8：茄味本身掩蓋了辣味，變成辣味有點兒多餘，純作吊味。蜜糖檸檬雞翼(5隻)$33：檸檬基本上百搭，"酸味與甜味混合，就像對鞋配對襪"，不過我慣了燒雞翼，因為我自細鐘意食，再搽蜜糖，中和焦味更好吃一些。凍青檸薏米水$15：薏米一直被視為“祛濕神器”，本身就具備健脾、利尿、清熱的功效，而這一杯配青檸，酸酸地易入口，口感剛剛好。近幾年，時代發展得超快，飲食要求也越來越高，連米線都要專門化管理，就像米線陣一樣，不但菜式要標準化，專門化，連叫菜系統也逐漸跟上潮流，用手機下單，單是這一點，值得其它同業深思及學習。

原來佢地有類似JER JER 煲GE SET, 俾你自己炒, 都幾得意。叫左個豬頸肉烏冬煲。用GAS爐慶住, 我地耍落D 粟米, 五香肉丁, 同芝士落去, 炒勻就熜爐食。豬頸肉爽口入味, D 汁再淡D 就好, 而家濃味左少少。烏冬比較少, 份量再多DD就好。可能太早落 芝士, 溶掉後食唔出芝士味。口水雞係有好‵多辣油，　但就只係微辣，　咁岩分到雞脾肉，肉夠滑，份量都算足。ＯＫ的。

叫左個二人米線套餐（$169），用個QR code去點。係揀湯底既時候有個option話唔轉湯底，揀咗嗰個之後侍應嚟問我要咩湯底。我話吓？唔係唔轉，即係原味咩？佢話其實要揀番茄或者豬骨。 個QR code點餐個嘢都幾低能。啲野黎左啦，每樣野個碟/碗都好大，但係張枱就勁細，食得好辛苦。仲要我坐個貼牆嘅位，對筷子食嘢嘅時候就係咁頂著。二人米線：啲肉全部都好鞋颯颯，仲要痴埋一大舊。番茄湯飲落係OK但係同其他味精湯一樣，飲完好口渴。其實同南記啲差唔多。小食（醉雞翼，海南雞）：唔係好特別，又唔係特別好食。餐飲（薏米青檸水）：無味，飲筒勁粗，一飲就成口薏米，好唔掂。

第一次食米線陣，叫左【辣茄肥牛魚腐米線】同【清湯蘿蔔】，原本普普通通一餐午飯冇咩好寫，但食過後都算有小小驚喜，個米線番茄湯嘅湯底味道濃郁，而且蕃茄肉好多，辣味亦很足夠，辣湯不會好多油果種，魚腐米線一人份量啱啱，唯一唔好嘅係肥牛片太少了，又薄，又細片，另外，我仲叫左清湯白蘿蔔，白蘿蔔煲得好淋身，將清湯完完全全滲晒响舊白蘿蔔度，冇晒苦澀味，而且份量都算唔少㗎。見佢餐牌都好多其他選擇，下次可試其他嘢食。