米線陣 (鱷魚恤中心)

營業中

休息中

#小秘書 呢排睡眠質素都麻麻，輾轉反側最終搞到今朝先瞓得着，一覺醒來已經係中午嘅時間😅 起身hea咗一陣，又差唔多夠鐘出門口👉🏻👈🏻 不過話哂十幾個鐘頭冇嘢落過肚，但時候都唔早，只好簡簡單單去食碗我至愛嘅 #湯米線 滿足吓口腹感😚 今日我決定食得健康啲😅 叫咗個 #麻辣蕃茄 做湯底，配埋 #肥牛 同 #韭菜 做配料，諗起都開心🥳 熱辣辣帶微酸辣嘅湯底，配上肥嘟嘟嘅 #米線，味道非常之夾🤤 韭菜夠香口，肥牛嘅咬口又唔會太韌，加埋杯飲品☕️埋單都唔使五十蚊… 最緊要係一餐嘅價錢頂到三餐，抵哂啦🤭

仿蟹棒 酸辣湯底米線($36)酸辣湯底有少少肉碎仿蟹棒得3條, 幾鮮甜, 如果比多幾條就好牛肉蕃茄痳辣湯底米線($36)湯底有大大件蕃茄, 蕃茄酸酸甜甜好食, 湯底辣中帶酸甜牛肉幾幼嫩食米線陣最開心係有多款湯底可以選擇而且湯底係用足料

今日經開觀塘，想食少少辣嘢，但係又唔想太過濃味，所以選擇咗米線陣。見佢新推出左幾款新米線🍜清湯炆冬菇魚腐米線🍜呢個湯底可以轉做其他辣嘅湯底，我揀咗重慶酸辣，炆冬菇非常入味，又唔會得個辣字。香辣皮蛋辣得來都食到皮蛋味大汗雞翼出面非常香脆可口，裏面肉質鮮嫩，值得推介一試加大凍奶茶冇咩特別

地點算方便之外，環境座位非常闊落，坐得都算好舒服😌同埋個湯底唔會太過重口味，絕對啱唔鍾意太重口味嘅人。佢嘅蘿蔔非常清甜，豬大腸都唔會太多肥膏，加埋個湯底有花生🥜非常之香口，仲有佢個麻辣黑木耳小食，非常爽口入味。最鍾意佢呢度嘅青瓜豆漿夠獨特。

依個餐包括左吉列魚柳一大條、自選嘅配菜兩樣、麵包同飲品。魚嘅質素中上啦，唔腥份量大，而且食得出係啱啱炸既脆口感 又熱辣辣，但係條魚就好薄，一咬落去其實食緊炸皮多過魚肉，所以你問我魚肉滑唔滑？我都唔知道😂另外個蕃茄生既，雖然我知道有啲人鍾意食生蕃茄，但呢個味道就非常之青，我就唔太ok 🥲

尋晚係度食晚飯啦叫左個肥牛魚腐米線果個餐，哇，個蕃茄湯超淡囉，稀到不行了，對唔住佢佢價錢，情願去食雲貴香仲好。再叫左個豬排啖啖麵，真係喊出來。從未見個個啖啖麵可以稀到咁，個肉碎比魚食咩，好似比魚食啲魚糧咁q少呢個湯水。。。嚇死人個豬扒仲嚇死人，食咁多次都未見過塊豬扒會咁。細塊都算，仲要好乾，一d水準都無。好差呢間野，越做越差，成餐得杯凍嘅薏米水叫正常，超級唔推薦去呢間食，情願去翻中港城同cwb(^з^)-☆

下午茶時間，不知道是加唔到價，以份量食材偷工減料作掩飾⁉️ 還是是員工問題⁉️ 向員工反映問題，員工叫來EM來擋，但面對顧客不滿，EM完全唔識對應，情商很低，態度囂張‼️ 服務態度超差。重慶粉份量比其他分店少咗1/3，肥牛只有4條小碎條，加$9加肥腸，只原來只有4小舊...🤦🏻‍♀️🤦🏻‍♀️🤦🏻‍♀️

今日去左觀塘APM個間米線陣我哋叫左蕃茄湯底蟹棒米線、酸菜湯底雞脾肉米線、麻辣土豆絲、一罐罐裝可樂、凍即磨咖啡蕃茄湯底蟹棒米線：有一啲甜嘅蕃茄肉係到，蟹棒有三條，我覺得味道還好。不過米線林左少少，可以唔好煮太林會好啲酸菜湯底雞脾肉米線：都有幾多雞髀肉，不過同樣都係米線林左少少！個人認為米線太林/太硬都唔係太好麻辣土豆絲: 份量都可以一條條土豆絲食落好開胃，不過真係有麻麻痹痹嘅感覺，但係又好想不停食之前我都有食過米線陣嘅豬軟骨，都係唔錯架

米線不好吃 好淋 一睇就知煮咗好耐 放系到還嫌客人麻煩 服務員態度不好吾識處理客人問題本場我都會去幫襯下米線陣吾稱得上常客 但我都去過吾小分店同之前去果d分店既感受完全吾同…除左態度 佢既湯底同米缐都吾好食去過甘多間 我自己覺得最差呢間甘大間店 仲要系集團個客一時吾記得轉薯粉 個類似經理話叫我下次自己小心d. 今次一定要食左佢比我種感覺勁吾好受 吾識顧客感受所以我吾會要幫襯佢 去觀塘都吾會幫襯佢直頭想成碗野掉左佢食左2啖 掉左

平時經過呢間米線陣好多次，但都無食過，想不到第一次食，服務真係感覺不太好和小朋友去到餐廳門口，在門口穿黑衫的主管（？）抬頭望一望我們，完全無反應，繼續掛住襟電話，我和小朋友在門口企左差不多成分鐘，然後才問我們幾多人，先招呼我們入去行入去坐係度，店員只是將單據放在我面前，什麼也沒有講，連Menu都完全無俾我，幸好我見到張單據上的QR Code，知道可以用電話下單（但我又見到佢地有啲客人會俾menu，又係帶住小朋友既，唔知係用咩標準俾menu)坐定後，禮貌問店員可否兩杯水，第一個女店員完全無反應，我猜想可能自己唔夠大聲，唯有再大聲啲叫「唔該」，該女店員只是望一望我，我猜想應該是聽到了，但該店員仍然只顧叫新客人入嚟，等到佢招呼完大約三至四枱新客人後，又黑面叫我等陣，然後又去拎食物給其他客人（其實當時餐廳又唔算真係好忙），咁見個店員咁多野做，我就叫另一個女店員，該女店員就話我知係自助，而在我準備自己斟水時，原先好忙既女店員又斟水俾我，我也表示感謝小朋友坐坐下覺得唔夠高，所以我也問店員拎張高椅，我舉手想問店員，店員們繼續無視，我唯有再舉手，該叫自助斟水既店員過嚟，聽到我要求又黑面，不過也有拎張高

擔擔麵湯底既米線相當吸引，所以就去試下，佢既湯底有齊擔擔麵既精髓，就係花生碎花生醬同埋小小辣，湯底超級香濃，但又唔會太膩，用呢個湯底去食米線配搭新奇，加上炸到脆卜卜既豬扒，口感一流！

屋企附近本身都有間米線陣，今次出去觀塘做野見到有間成日都食開嘅餐廳當然揀佢，本來食開蕃茄麻辣肥牛米線，今次轉轉口味食個酸辣腐皮豬腩米線，酸辣味道可以，夠酸，不過好似無乜酸菜。其實現時啲酸辣米線好多已經唔係由真正酸菜帶出嘅酸，好多時都只係靠醋等等調味，另外想講腐皮太少，因為係自選兩款但嚟到竟然得兩三塊，仲要唔係大大塊，同本身叫米線免費跟嘅配菜差唔多感覺要加錢反而令到成件事更加唔值，下次都係叫番肉類算數

上次提到由於是米線陣會員,所以經常性吃米線陣。其實本人不太愛吃米線,但又好鍾意吃車仔面的餸。所以地方乾淨衛生連鎖的米線陣就成為我經常到訪的快餐店~今日12點抵達,未有人等位,拿拿林入座。未夠10分鐘轉頭己經坐滿人~ 午餐沒有飲品送, 但可以優惠價加配。既然今天沒飲品送就不吃辣! 嘿嘿~~清湯蘿蔔米線,加鹵水豬大腸、金錢肚、豬膶 -- 鹵水大腸依舊入味、蘿蔔鮮味、金錢肚夠軟又入味、豬膶可能怕煮不熟,所以overcook左好鞋呀!

由於是米線陣會員,所以經常性吃米線陣。其實本人不太愛吃米線,但又好鍾意吃車仔面的餸。所以地方乾淨衛生連鎖的米線陣就成為我經常到訪的快餐店~今日兩點多抵達,正好是下午茶~ 下午茶有飲品送呀!!! 今日飲熱檸檬蜜 ^3^清湯鮮雲蝦雲吞米線,轉麻辣蕃茄湯加清湯蘿蔔、鹵水豬大腸再轉烏冬 -- 鮮蝦雲吞爽口、鹵水大腸入味、蘿蔔味美、湯底惹味、烏冬好味~這個配搭, 我一年吃很多次,但不知是否每間分店不同師傅手勢不同,有時湯底不夠辣不惹味~

有份禮物籌備咗好耐一直未送出，呢日趁lunch time有啲空檔，#小秘書 發揮小宇宙，#DIY 為 #小禮物 包裝，雖然手工唔夠專業，不過總算盡咗力😝 好在 #朋友仔 都無嫌棄😉 見到人哋開心、我就心滿足❤️ 掛住做，幾乎唔記得去食晏，好彩朝早食咗個 #大早餐 頂得住，收咗工我又可以去嘆 #下午茶餐 喇😉呢日約埋 #同事 又嚟到 米線陣 Mixian Sense，經過上次嘅伏，我決定唔再試新野，照舊叫個 #碎牛腩野菌湯米線，加錢轉 #四川麻辣湯底 醒醒胃🤪 雖然佢哋嘅 #湯底 唔算 #正宗四川口味，不過唔知點解我就係鍾意嗰種味道😝 本來可以$39埋單嘅我，點知有人話未夠飽，要試埋個 #蜜糖檸檬豬扒 先肯罷休... 呵呵😄就陪吓佢🤪 一件 #豬扒🐷🐽 一分為四，份量唔會太多，不過件豬扒即叫即炸，肉質都幾鬆化，再淋啲 #蜜糖 上面，香脆得嚟又甜甜地... 估唔到又記得喎🤤不過當時人客都幾多、而本身枱與枱之間都比較迫夾，四人枱中間仲要加塊 #膠板，#服務員 問都無問就 #老奉 擺兩個陌生人坐喺我哋隔離(即係搭枱呀)... 我覺得大家close咗啲囉👉🏻👈🏻