米走雞Live

營業中

休息中

超正！對於一個好鍾意火鍋嘅我嚟講，呢間店簡直係寶藏，我嘅favorite list又多咗一行。晚餐我時不時都會拉住男朋友到處去試新嘅火鍋店，或者喺我嘅list入面盲選一間火鍋店嚟食。啱啱喺前幾日畀我搵到呢間店，於是就拉我男朋友嚟陪我試食咗。我好鍾意呢間火鍋店嘅布置，喺微暗嘅環境度食火鍋，感覺真係好nice！我哋點咗一個雞湯火鍋——金湯桃膠花膠雞湯。好香甜，睇啲食材就感覺好補嘅一道料理。真係好鍾意呢個湯底，飲咗一口就唔想停落嚟。將雞湯入面嘅雞食到差唔多時，我哋就將脆鯇片放落去煮。佢哋嘅脆鯇片擺盤得好精美，好新鮮。放入鍋煮一陣之後，變得好鮮嫩又鮮甜，非常美味。我哋仲點咗鴨肝M5同牛丸。主要係我男朋友鍾意食，我個人唔係好識食，但係睇我男朋友食到好開心，感覺唔錯，識享受嘅人應該會鍾意。蔬菜方面我哋點咗萵筍，佢哋嘅擺盤真係驚艷到我，萵筍切得啱啱好，唔會太厚亦唔會太薄。佢哋嘅菜單有好多選擇，睇落都好唔錯，下次嚟仲想試其他嘅料理。

今晚同屋企人嚟呢間餐廳打邊爐，以前都一直都係點佢哋嘅雞煲，今次就嚟試吓火鍋囉～餐廳裝修好新穎，而且空間好闊落。多人嘅話推薦可以一次試佢哋嘅雞煲同火鍋，因為食完雞煲可以加湯底變做火鍋底，點火鍋材料就可以開始碌嘢食😌今日老豆話要試吓沙嗲湯底，一端上嚟就聞到濃郁嘅花生香味🤤 湯底嘅花生香味混合住微微嘅椰奶香，食材擺落去都可以食到花生嘅顆粒感，超濃郁超好食！！一點都唔辣，都唔會過鹹，飲啖落去仲有回甘口感，正啊👍🏼青花椒牛脷新鮮嘅牛脷配沙嗲湯底都太好食啦！我本身唔係好鍾意牛脷但係呢碟牛脷有畀到我驚喜😋 一點腥味都冇，用青花椒醃製過嘅牛脷香香麻麻，鮮嫩同爽脆嘅口感啱啱好！我哋成家人都忍唔住再點多一碟😂脆鲩片薄切嘅脆鲩肉片喺煲入面涮煮10秒左右魚肉就已經夠晒～ 一點泥腥味都冇，吸收咗沙嗲湯底嘅鹹香味更加鮮甜！緊緻彈牙嘅肉感我超愛🧡🧡娃娃菜湯底已經變得好濃郁，最後碌啲娃娃菜更加入味，吸收咗沙嗲湯底嘅味道口感更加甘甜細膩！

聽同事講呢間餐廳啲嘢食好好食，就好有興趣，打算去試吓。因為係第一次嚟，侍應好熱情介紹幾樣熱銷菜式，每一樣都好好食！我好鐘意！娃娃菜吸收咗湯底嘅精華後，更加清甜可口，好鮮嫩。食菜配肉好解腻，又健康，係完美搭配！呢度嘅脆炸哈蝦餅炸到外皮香脆，內裡香滑，第一啖仲可以食到滿滿嘅蝦甜味，特別啱食完晚餐，當小食享用！仲有醬料嘅搭配，口感同味道更加好！仲有佢哋嘅蒙古羊肉片都好正。羊肉片涮入雞湯後，好juicy，食落仲有啲淡淡嘅清香味，肥瘦適中，成個口感好豐富。羊肉片嘅口感都好鮮嫩，香味撲鼻，味道真係太正啦！最推薦佢哋嘅金湯桃膠花膠雞湯！！！我而家先知原來花膠同桃膠吸咗雞湯嘅味道原來係咁豐富，每一啖都好滿足！而且花膠同桃膠都冇腥味，口感特別似豆腐咁滑，加上雞肉煮得特別香軟，成個口感同味道真係一流！呢度嘅嘢食味道真係正，正所謂好嘢就係要同朋友分享！下次可以約埋朋友一齊嚟食！

嗰日我哋一家人又到咗觀塘嘅米走雞雞煲店食晚餐，我哋喺呢度食咗咁多次，老豆都係叫一樣嘅 湯底，就係惹味沙爹湯。我哋都係鍾意食重口味嘅人，所以沙爹湯底好適合我哋。沙爹湯有少少 辣味，鹹香味，同埋香甜味，多種味道混合埋一齊，飲落口嗰陣仲有花生嘅香味，好開胃，配埋火 鍋配料仲好食。必點嘅肉類有霜降Prime牛板腱，望落去油花分布得好平均，烚一烚就可以食，食落去可以感受到 牛肉嘅肉質好嫩，味道鮮美多汁，百食不厭。而我哋一家人最鍾意食嘅海鮮係脆鯇片，脆鯇片食落去肉質特別軟滑，喺口中仲可以感受到佢嘅 爽脆感，食落去仲好有咬口，係一道一定要試吓嘅海鮮。我哋最鍾意食嘅蔬菜就係萵筍，係一定要食嘅一道菜，萵筍食落去口感鮮嫩清脆，入面嘅水分好 多，味道清香可口，真係好好食。呢度仲有好多其他嘅海鮮，肉類同蔬菜等等其他好食嘅食物，大家不妨嚟試吓。

同事介紹觀塘人氣好高嘅火鍋店，決定收工一齊去！黃金芝士雞煲可以揀芝士碎嘅份量，少量、普通同激量。上枱之後就聞到好濃嘅芝士味，滿滿嘅芝士滲透到雞肉入面，勁多拉絲，雞肉食落都好有咬口，雞煲入面仲有洋蔥、芹菜、芫茜嚟調味，味道好豐富。食完雞煲後，仲可以加湯打邊爐！澳洲頂級和牛封門柳牛肉好有肉汁同牛肉味。口感軟腍，同時又有D咬口，搭配埋芝士湯底真係好好食。黑松露蟹籽魚麵魚麵煮熟後黑松露味依然好突出，好香，麵條Q彈食落非常口感爽滑，味道新鮮，加入蟹籽口感食落脆脆地，好特別！蟹籽鮮蝦滑蝦滑有爽脆嘅口感，蝦嘅鮮味十足，口感好嫩滑，蟹籽提升咗蝦滑嘅鮮味同口感，整體味道好滿意！仲有其他新鮮蔬菜同海鮮都好好食，真係好滿足呀！

公司今日有新人嚟，老闆話要帶佢出嚟食餐好嘅，歡迎佢！上次我哋去嘅餐廳啲嘢食唔錯，就打算今次都去嗰邊食晚餐，開心吓！我哋叫咗幾樣餸菜，每一樣都各有特色。Wasabi鮮墨丸嘅丸子同其他餐廳嘅味道好唔同，呢度嘅墨丸係手打製造嘅，入口好有彈性，口感爽脆，加上wasabi強烈嘅味道，成個口感變得好有層次。竹笙墨魚滑同wasabi墨丸一樣，都係親手打出嚟嘅，竹笙包住咗入面嘅墨魚滑，帶出咗淡淡嘅菌菇類香味，食落去特別滑，基本上唔使咬，好爽口！哈蝦餅炸得好香脆，咔滋咔滋嘅，聽落好爽！加上蝦子嘅鮮甜味道，配埋醬料，味道更加濃郁香甜，令人回味無窮。Prime牛板腱嘅份量啱啱好，而且粉紅色嘅肉質，仲可以見到脂肪分佈均勻，煮熟咗之後，味道更加鮮甜，配火鍋真係絕配！每一啖都可以食到濃郁嘅牛肉香，好正💯仲有我最愛嘅芝士雞煲，既然可以揀芝士碎嘅份量，雞肉嘅軟嫩香甜，配上芝士鹹鹹嘅味道，好正啊！！！而且仲加咗洋蔥、中芹同芫茜，成個雞煲嘅味道更加香甜，食到我哋停唔到口。今次叫嘅菜式同上次完全唔同，但係食物嘅水準依然同以前一樣咁高，我哋都食得好滿意！

近年雞煲火鍋成為咗香港人嘅至愛，我就梗係「咪走雞」咁試埋一份啦🤣【米走雞】最出名嘅就係食完雞煲之後可以加湯打邊爐😋我哋點咗黃金芝士雞煲，芝士味非常濃郁，仲有啲奶香味，而雞肉就非常嫩滑，芝士拉絲配嫩雞，滿足感十足。🧀🍗肉方面叫咗西班牙黑豚肉🐷，肉質柔嫩多汁，口感幾好。另外，打邊爐又點少得魚滑，煮熟嘅魚滑非常Q彈，搭埋黑松露同蟹籽，口感一流。花枝片帶少少嚼勁，口感爽嫩。而雲吞就皮薄多料，咬落去仲多汁添😆如果你都鍾意食雞煲邊爐，就唔好錯過呢間米走雞喇👍🏻

今日嚟咗米走雞食火鍋晚餐，我哋食咗好多道菜，其中最令我印象深刻嘅係以下幾道菜。🍲蒜蓉トト蜆鍋🍲新鮮嘅蒜蓉散發住濃郁嘅香氣同獨特嘅辣味，而且香味四溢，加上蜆嘅鮮甜味，每一啖都好開胃。🥓蒙古羊肉片🥓羊肉片一涮即熟，肉片肥而不油，羊肉味清香撲鼻，肉質新鮮緊實，食落去好有咬口，完全停唔到口。🍞黃金炸饅頭🍞饅頭外表金黃色，食落去口感酥脆，內部鬆軟，香甜可口，配上淡淡嘅奶香味嘅煉奶，增添咗饅頭嘅香甜味，我哋都好鍾意食。⚫️黑松露蟹籽魚麵⚫️魚肉麵入面混入咗黑松露同蟹籽, 煮熟後再沾上隔離細碗入面嘅松露同蟹籽, 滿口充滿咗濃郁松露嘅香味, 魚麵好有彈性又可以食到蟹籽嘅脆感，真係好正。🍄‍🟫雜菇拼盤🍄‍🟫新鮮冬菇同金針菇等等嘅菌類拼盤，菌類放喺火鍋湯入面，吸收湯底嘅精華之後口感柔軟滑溜，更加美味！

前幾日放工後，我同同事去咗附近嘅【米走雞】餐廳食晚餐。呢間餐廳主打火鍋，環境好乾淨舒服，真係好適合放鬆聚餐。我哋點咗惹味沙爹湯。呢個湯底嘅主要調料係沙爹醬，帶有濃郁嘅花生香氣，混合咗微辣嘅香料味。無論係搭配咩配料，呢個湯底都顯得非常適合。火鍋嘅配料方面，我哋揀咗蒙古羊肉片同埋雜菇拼盤。羊肉被切成薄片，經過調料醃製後，香氣四溢，口感柔嫩。喺火鍋湯底中煮過後，更加有別樣風味。雜菇拼盤包含咗多種菇類，可以一次過試到唔同嘅菇類，每一種都好味。除咗火鍋，我哋仲額外點咗涼拌海蜇木耳絲。海蜇口感Q彈，木耳嫩脆，呢道涼拌菜酸甜又帶啲辣，非常開胃。整體嚟講，我哋點嘅食物味道都非常唔錯，食完後大家都感到非常滿足。如果你都係火鍋愛好者，強烈推薦你試吓呢間餐廳嘅火鍋，絕對唔會令你失望 🤤

星期五收工梗係要relax吓，想食得過癮又刺激，首選梗係雞煲，一定要食麻辣鍋。之前嚟過食芝士雞煲真係唔錯。麻辣雞煲用咗洋蔥同辣椒一齊炒，配料雖然唔算好多但已經夠晒入味，辣味越煲越入味。雞肉都非常鮮甜，隨著烹調時間嘅延長，麻辣嘅香味逐漸滲入雞肉，令佢更加可口。當雞肉食得七七八八，就可以加清水續煲成火鍋，又係另一種滋味。火鍋配料嘅選擇都相當講究，M5和牛餃皮薄餡多，一啖咬落去，濃郁嘅牛肉香味即刻喺口中散開。牛柏葉口感細嫩，輕輕咬就化咗。脆炸哈蝦餅外酥內軟，蝦味濃郁。虎蝦鮮甜彈牙，搭配麻辣湯底，更加美味。霜降Prime牛板腱肉質同油花分佈均勻。整體嚟講，米走雞嘅麻辣雞煲味道出眾，由一開始品嚐雞煲，到後尾嘅火鍋，每一個環節都令人感到驚喜。呢度嘅食材新鮮，烹調技巧純熟，將麻辣嘅香味同各種食材嘅本味完美結合。無論係同朋友聚會，定係自己放鬆，呢度都係一個值得再三光顧嘅好去處。

想食雞煲，揀咗呢間雞煲專賣店，一般喺其他地方食雞煲都係點辣嘅，今次試咗沙爹湯雞煲，有驚喜。雞煲份量十足，入面有好多雞肉。我哋先試咗個湯先，沙爹雞湯湯底味道濃郁，好好飲。雞肉口感嫩滑，有咬感，雞味好濃郁。總括真材實料，好惹味。火鍋配料嘅選擇都幾用心。Wasabi鮮墨丸帶住淡淡嘅辛辣，同沙爹湯底形成有趣嘅味蕾對比。沙白蜆新鮮飽滿，煮熟後鮮甜可口。花枝片口感Q彈，吸收咗湯汁再配蒜拍青瓜一齊食真係好爽脆清新。西班牙黑豚肉肉質細緻，肥瘦適中，喺湯度涮煮一陣後口感仲正。雜菇拼盤種類豐富，每種菇類都有自己獨特嘅口感同香味。最令人驚喜嘅莫過於黑松露蟹籽魚麵。自家製嘅魚麵口感彈韌，吸湯汁嘅能力極佳。可以自行調整黑松露同蟹籽嘅比例，更加體現咗店家對顧客嘅用心。每一個細節都彰顯出店家嘅用心，令人唔禁想再次光顧。

一個人行完街街，晚餐想食邊爐，揀咗呢間米走雞，價錢親民，餐廳氛圍服務都唔錯，一人食都唔使怕尷尬.點咗以下呢幾道：【惹味沙爹湯】香氣四溢夠惹味湯底，辣味足但唔會太呛口，飲起嚟非常順滑鮮香。.【白鱔片】🐟一盤有5片，魚肉好大塊鮮嫩，吸盡湯底惹味嘅香氣，食起嚟鮮嫩多汁。.【Wasabi鮮墨丸】🦑全手打嘅鮮墨丸，入邊仲含有墨魚粒，食起嚟Q彈有嚼勁感。.【娃娃菜】打邊爐唔可缺少嘅蔬菜，混合住食可以協調寫飲食平衡，唔會咁膩。娃娃菜亦唔使燙太耐，咁樣食起嚟先會脆脆嘅，非常鮮甜~

有一日朋友話打邊爐，話之前工作一直好忙，都好耐冇同我一齊出嚟逛街、食飯，我哋就約咗禮拜晚上去觀塘附近逛街食飯。然後我哋喺觀塘搵到呢間米走雞Live，感覺環境都唔錯，決定嚟呢度食晚餐。呢度有雞煲同火鍋選擇，有一味睇住個名就好吸引我，【蒜蓉卜卜蜆鍋】，聽落就非常得意。蒜蓉卜卜蜆鍋有濃郁嘅蒜蓉香，然後有蜆同白蘿蔔，成鍋湯係非常鮮香，好好飲，仲未同其他料一齊煮，就已經流口水。感覺牛肉好適合配住呢個湯底一齊食，就揀咗【澳洲頂級和牛封門柳】，色澤好吸引，好惹味，油脂好多，而且仲好新鮮，口感係非常鮮嫩。然後搭配蜆湯嘅海鮮味，仲有【蟹籽鮮蝦滑】，食住好彈，然後就係一個字，鮮！真係好正！牛柏葉亦都好唔錯，每一口都係湯底嘅鮮味，再配上佢滑嫩嘅口感，真係非常享受！為咗嘗試唔同嘅口感，朋友仲多叫咗一碗【脆炸哈蝦餅】。炸得真係非常香脆，入面嘅蝦肉亦都好新鮮，肉質都係好彈，再沾上辣醬，簡直絕配！！朋友話食得好飽，好滿足，呢度嘅食物真係一流！

做嘢做到咁辛苦，今日係時候獎勵下自己，一直好想食金湯雞煲，就同朋友嚟咗之前已經食過一次嘅米走雞打邊爐。晚市7點入座，已經好熱鬧，所以一定要訂位。環境舒適，通風好，唔會有好大陣味。上次就諗住下次嚟一定要試吓花膠雞湯就揀咗佢啦好快就上咗個雞煲先～原來係有湯嘅雞煲！花膠雞味超級濃郁，湯底金黃色，鍾意食花膠雞湯嘅朋友一定要試吓！花膠同雞件都有好多，三個人都食唔晒架，之後我哋就直接用埋個湯底嚟打邊爐～試飲第一啖湯，濃郁嘅雞湯香味喺口中綻放，花膠嘅鮮美同甘甜完美配合。湯底口感滑溜，唔油膩，但又充滿層次感。桃膠帶嚟一絲清甜，雞肉煮得鮮嫩多汁，入口即化。花膠則帶有獨特嘅彈性，咀嚼時可以感受到滿滿嘅膠質。呢煲湯唔單止味道出色，份量仲好夠，三個人食得盡興，仲有剩餘可以用嚟涮火鍋，可謂一舉兩得。將湯底用作火鍋底料，更加係將美味延續，令每一種食材都吸收呢份濃郁嘅湯汁。火鍋配料種類豐富，每一款都好新鮮好好食。雲吞皮薄餡靚，蒙古羊肉片鮮嫩唔羶。脆鯇片口感獨特，美國桶蠔肥美多汁。竹笙墨魚滑口感細膩，白鱔片則鮮滑爽口。呢啲料喺金湯嘅襯托下，食到各自最好嘅風味。

近日天氣開始涼涼地，我又係時候出動啦！我哋一早訂咗位，雖然店內面積好大，座位數量好多，但六點鐘嚟到嘅時候發現全場已經八成滿。友人介紹要食黃金芝士雞煲，係店入面招牌。芝士嘅用量十分慷慨，厚厚一層覆蓋喺雞肉上，呈現出金黃誘人嘅色澤。每一啖都食到芝士嘅濃郁，拉絲效果相當出色，為成個菜式增添咗趣味性。雞肉同芝士嘅結合口感豐富多層。即使唔加湯底，淨係靠雞肉本身嘅鮮味同芝士嘅香濃，已經足夠令人回味無窮。呢種獨特嘅搭配方式，令到呢個雞煲喺眾多火鍋選擇入面脫穎而出。牛柏葉質地同濃郁嘅芝士湯底搭配，風味獨特。白鱔片新鮮彈牙，帶有淡淡嘅鮮甜，增添咗一絲清爽。蒙古羊肉片口感細膩，羊肉嘅特有香氣同芝士嘅濃郁形成有趣嘅衝擊。蟹籽鮮蝦滑則係一大亮點，蝦滑口感爽口，蟹籽嘅鮮味更加係錦上添花。隨住天氣轉涼，相信咁一鍋暖胃暖心嘅美食，會吸引更多食客嚟品嚐。