粉制良品

營業中

休息中

就係因為見到咁多好評，所以試咗以下幾樣嘢: 1. 手撕雞手工河粉平心而論，佢個河粉係幾薄幾滑嘅，但係個敗筆喺個醬汁（豉油+蒜+油）度，咸到喊，食咗一半食唔到落去仲有見到有食評話個菜甫好食，我覺得甜記個菜甫好食過佢一百倍2. 火鴨絲碗仔翅目測係好足料，不過食落有陣酸味，可能店員落咗醋(?)我知有D人有時食翅會落醋，但都有一班人係食翅唔食醋架嘛！（例如我）要落醋可唔可以問聲先落？又係成碗食唔到3. 滷水大雜燴（大）睇落就好豐富，同埋顏色好似好入味食落就極一般，完全無味牛肚咬唔爛、蘿蔔唔夠淋、牛筋無味。。。4. 燒賣、牛肉球粉到爆（如圖），我理解呢D都係入貨，但可唔可以入D好少少既貨？真係好難食呢個底又係嗰隻咸到爆醬汁（豉油+蒜+油）真心唔知D好評邊度黎，無下次唔信既自己試一次就知

深水埗美食多就毋庸置疑，而且好多臥虎藏龍嘅小店，隱藏好多民間美食，呢間相信係其中一間。《粉制良品》主打筲箕河粉。呢個名詞對我都好新穎。河粉就食得多，筲箕河粉真係第一次聽。原來係嚴選陳年梯田糙米，再經過超過1800次碾磨，令米漿變細膩幼滑，再以筲箕蒸粉。整個過程都堅持人手製作，而且現蒸現切，好新鮮。分別試左手撕雞筲箕河粉同麻辣豬肚筲箕河粉。本身好驚啲河粉好易爛，但完全唔會，而且真係好滑。配料份量都唔少，手撕雞夠滑夠香、豬肚爽彈麻辣味夠惹味。每碗仲有啲青瓜絲同花生粒，加埋秘製嘅蒜蓉醬汁會令成件事更好味。整體係幾有驚喜。加配左一支自家豆漿，甜度剛好，夠細滑。

今日同朋友去咗深水埗行街、掃街，見到經過呢間有一間食筲箕河粉，門口有個牌介紹筲箕河粉嘅製作過程，見到老闆即叫即蒸即場係筲箕度拎起啲新鮮整河粉切，又幾特別喎！而家真係比較少見呢啲手工野，同朋友決定試吓😋😋手撕雞筲箕河粉🐔筲箕河粉上面鋪滿左松子仁、菜甫、青瓜絲同手撕雞。另外附上一個特製醬汁。筲箕河粉好滑，帶有一陣嘅米香，口感有啲似腸粉咁😋加埋佢嘅特製醬汁令到個河粉更加香，好好味😋火鴨絲碗仔翅入邊好多了有木耳絲、冬菇絲、粉絲、火鴨絲，木耳好爽，加入碗仔翅口感好豐富，而火鴨絲一d都唔乾仲好香添😋而且碗仔翅唔會過杰同稀👍🏻👍🏻涼拌麻辣豬肚🐽豬肚嘅份量都唔少，而佢嘅質感爽口淋，醬汁好香嘅麻辣，夠哂惹味😋豬肚洗得都好乾淨唔會一陣異味👍🏻呢間筲箕河粉真係令我有驚喜！下次去深水埗一定又再幫襯其他口味嘅筲箕河粉😋😋

深水埗係小食雲集嘅好地方，最近又開咗間幾有特色嘅食店賣筲箕手工河粉，相信大家都比較少機會食過，宜家深水埗咁近就有，你唔係唔試呀嘛。 筲箕河粉係呢度嘅招牌菜，絕對係必點，河粉嚴選梯田糙米，磨超過1800次，令啲米漿細膩絲滑再蒸，晶瑩剔透，非常滑溜。上面加咗花生同菜脯，增加層次，再加埋店舖秘制醬汁就更加美味，呢個醬汁絕對係靈魂所在，即刻令成個味道提鮮🤤。 小食火鴨絲碗仔翅非常足料，好多火鴨絲，另外唔少得冬菇絲、粉絲同埋木耳絲，非常豐富😋！ 滷水大雜燴：叫咗個大份量，有滷水蛋、牛腩、豬大腸、蘿蔔、冬菇、牛肚，滷水都算入味，牛腩亦炆得咁稔，可以一次過食晒多種唔同嘅滷水，相當滿足！😍

近排就去左深水埗買年貨去開深水埗梗係要順手試埋附近既特色美食行經呢間粉制良品比佢門口個部河粉模型吸引到睇番介紹原來呢個手工筲箕河粉係用陳年梯田糙米石石磨成米漿後再用筲箕即蒸即切整成河粉好似幾吸引!試左兩款河粉1.手撕雞筲箕河粉 $36個河粉超級滑而且有淡淡既米香口感係比較似涼皮個種質地手撕雞都比得多 唔會話食到尾冇哂餸食!個汁都好食!唔錯!2.牛三寶筲箕河粉 $48牛三寶有齊牛腩、牛肚、牛筋個腩汁好重五香味好正~牛三寶每樣都好入味好淋唯一可惜既係每款牛三寶都切得好細件同碎如果可以多大舊D就好啦 咁食落先有滿足感另外立食台面附有酸菜同脆豆可以比你自己加提提大家落單個時仲可以加辣有D辣味個河粉會再惹味D!餐廳可以whatsapp落單如果大家想食可以提早order定咁就可以慳番d時間啦~

終於喺深水埗食到咗超級好食嘅腸粉，係竹糍做嘅腸粉哦，完全比大飯店嘅味道好，而且入面嘅用料超級豐富 ，大家一定要點牛三寶，因為入面肉比嘅超級多，而且滷汁好香，小食要食魚蛋同燒麥，一定唔會後悔！

難得到深水埗當然要把握機會一試區內特色美食，經過「粉制良品」相信不少人都與我一樣，正是被門外的河粉機動模型吸引。小店原來是全港首間即點即蒸手工筲箕河粉店，將陳年梯田糙米石磨成米漿，再用筲箕即蒸即切製成河粉。餐牌以筲箕河粉或撈麵為主，配料包括手撕雞、麻辣豬肚、滷肉等，除了可以雙拼或甚至三拼之外更可再加配青瓜絲、生菜、芫茜、辣菜脯等其他配菜。大腸筲箕河粉 ($34)大腸滷得軟彈入味並不帶絲毫腥羶，另加芫茜($3)、辣菜脯($5)及滷水蛋($8)，寬身河粉掛汁一流，質感爽滑煙韌並富米香。牛腩筲箕河粉 ($36)牛腩蘿蔔($5)清甜無渣與牛腩向來是天作之合，牛筋軟腍但牛腩較瘦，另加辣菜脯($5)更加惹味。

今次我哋嚟到位於深水埗嘅一間高質小店🌟。呢度喺最多嘢食、最旺嘅地鐵站附近🚇。舖頭主打自製筲箕河粉🍜，自己整出嚟，果然係特別軟滑😍、米味香濃🌾，同入貨嘅冇得比。.🐔手撕雞筲箕河粉($36)我哋仲加咗配料脆脆豆(+$3)🫛、同埋辣菜脯(+$5)🌶️。手撕雞雞味濃🐥，而且口感啱啱好，仲有好濃嘅油香味😋，配埋脆卜卜嘅脆豆💥，惹味嘅辣菜脯👅，同埋好香嘅秘製醬汁💕，真係好夾撈河粉。.🐮牛三寶筲箕河粉($48)裏面有牛肚、牛腩、牛筋🤤，一次過食晒唔同部位，口感豐富🫦，好滿足。同樣有秘製醬汁🍝，撈落去河粉。味道甜甜香香，食到類似韭菜、蒜香等等👅嘅惹味調味。.🥘滷水大雜燴(大, $58)真係夠晒大份，兩個人都食到好飽😍。裏面有唔同嘅部位，點埋舖頭嘅滷水醬真係好香🤤。滷水汁係以甜香味為主調🍬，加埋配料嘅油香味好正。.🥛自家製豆漿($10)舖頭特別推廣係自己磨製嘅豆漿🧑🏻‍🍳，出到嚟真係特別滑，完全冇顆粒感🌟，超級順口。甜甜、香香、滑滑👅嘅感覺正過外面嘅豆漿。

超打耳手工美食✨即叫即蒸筲箕河粉✨深水埗呢間門口大字報「童叟無欺。物美價廉」既小店🌟粉制良品🌟近排幾Hit🔥Open Kitchen即蒸夠晒睇頭講到物美價廉🌝窮煮婦就一定要抽時間去一探究竟🚗...🌟粉制良品🌟陳年梯田糙米石磨1800次🌾米香Q彈一齊睇下窮煮婦食左D咩💁🏻‍♀🔸大腸冬菇筲箕河粉🍄$46大腸夠厚身爽口🐷處理得乾淨無異味👍🏼冬菇肥厚夠咬口🍄炆得足夠⏰香濃入味🥰儘管醬汁味道濃厚但都掩蓋唔到石磨河粉既米香味🌾🔸牛三寶筲箕河粉🐮$48牛3️⃣寶有牛肚﹑牛腩﹑牛筋🈵給料份量多超抵食🉐牛肚彈牙爽口💥牛腩﹑牛筋都炆得啱啱好唔會太淋淋入蒜油味香濃既秘制醬油之後💧河粉掛汁惹味🥰儘管醬汁味道濃厚但都掩蓋唔到石磨河粉既米香味🌾🔸涼拌手撕雞🐥$48雞肉連雞皮夠味又唔乾柴🌼加埋特製芝麻醬夠惹味最驚喜配菜加左菜鋪粒💥多一層口感👍🏼🔸滷水大雜燴(小)$38CP值超高乜都有🥳叫個細份量都好夠食喇🉐滷水底唔會太咸，蘿蔔超鮮甜🌼仲有吸晒蘿蔔甜甜既牛肚﹑牛腩🐮絕對值得Encore🤟🏼🔸自家製豆漿🥛$10口感厚身但夠滑💧豆味香濃少少甜🌷質素似足豆品廠出品既靚豆漿💯因為係Hidden Item所以記得要直接問店員落單🤭

前幾日去深水埗買聖誕裝飾見到間新式傳統小店，大大隻字寫住筲箕腸粉好奇心驅使之下入咗去睇原來筲箕腸粉係人手製作經過1800次研磨製作而成既腸粉聽落都估到米漿一定更幼滑細膩加上用既米係店家嚴選陳年梯田糙米好似好有功架咁__________________________🔹手撕雞筲箕腸粉 $36👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌第一個感覺絕對係好足料好重手塞滿成個外賣盒，餸同腸粉係50:50比例.叫左手撕雞筲箕手工河粉，另外再加左大腸(+$14), 青瓜絲(+$3)溏心蛋(+$8)同菜甫粒(+$5).首先梗係主角河粉，食得出米味超濃郁，手作黎講好滑溜手撕雞同大腸都好入味，菜甫唔係辣果種，口感勁脆。.本身淋面既胡麻醬花生碎幾香，另外撈埋自家秘制汁醬甜中帶咸，令整個腸粉更鮮味，好辣既朋友仲可以加埋辣醬，但我覺得夠味就無加。下次想試埋牛腩，睇comment 好淋好入味.🔹涼拌麻辣豬肚 $58👰🏻:🌕🌕🌕🌑🌑🤵🏻:🌕🌕🌕🌑🌑Keto friendly: ⭕️同腸粉一樣咁足料豬肚切做幼絲好易食口感有啲似烤魷魚筒可能我太重口味，感覺再濃味會更好食沾上原本配腸粉既辣醬一齊食就岩

呢間由晏晝三點開到凌晨2:30 係宵夜好去處🤣用陳年梯田糙米 碾磨1800次變成米漿米漿更細膩絲滑 每份即叫即蒸 配唔同餸一齊食唔想食撈河粉仲有撈麵揀～揀左三款餸 分別係手撕雞+豬肚+大腸！河粉有啲似腸粉 口感滑滑😋豬肚爽口 大腸無異味👍🏻河粉加秘製豉油食用喜歡食辣推薦加自家制辣油 好香xo味😍辣油係比較溫和 仲見到入面有粒粒蝦米撈埋河粉食好味啊😋另外仲有火鴨絲碗仔翅、燒賣、魚蛋、牛肉球自家製豆漿等等～

👍🏻手撕雞拼大腸筲箕河粉 $48深水埗筲箕手工糙米河粉🔥！小店主打即叫即蒸糙米河粉，糙米漿碾磨超過1800次，放入筲箕蒸成米粉河粉食落似腸粉，厚薄適中，口感軟滑，微酸米味重招牌手撕雞肉質都幾滑，連埋少少雞皮有鹹香雞味，份量都多😌雙拼滷水大腸軟腍入味，偏甜唔鹹，乾淨冇異味本身落咗啲油唔會咁容易黐埋一舊，撈埋大量花生碎、青瓜絲、少量麻醬鍾意食辣推薦加XO醬辣油，大大兜任落🤪另外仲有招牌火鴨絲碗仔翅、滷水大雜燴、燒賣魚蛋等小食自家製豆漿都唔錯，豆味重，口感夠晒濃郁，$10枝好抵！-👍🏻火鴨絲碗仔翅 $28 👍🏻滷水大雜燴 $38/小、$58/大👍🏻咖喱魚蛋拼魚肉燒賣 $14/10粒👍🏻自家製豆漿 $10/枝-味道：7/10性價比：8/10-📍#粉制良品深水埗桂林街143H號地下F3號舖

💖深水埗有間行懷舊港風嘅小食店，外觀幾適合打卡，主打手工筲箕河粉，仲有撈麵、鹵水等地道香港小食，定價親民，買返去做晚餐都方便。1⃣️手撕雞筲箕河粉🐔 $36💖推薦！筲箕河粉話滑嫩彈牙，味道清淡，加麻醬就更香口，手撕雞滑、有芝麻香，整體健康唔膩。2⃣️牛腩撈麵🐮 $36💖呢份就邪惡啲🤭，乾身嘅撈麵鹹香，配上軟淋入味嘅牛腩好香口，份量比預期大，一個正餐會有飽足感！3⃣️鹵水大雜燴🐂 $38💖有大份同細份，包括牛腩、鹵蛋、蘿蔔、牛肚，豬大腸等🤤，全部都好入味、處理得乾淨，最鐘意吸曬汁嘅蘿蔔同口感正嘅牛肚/豬大腸！4⃣️豆漿 $10💖味道清甜帶豆香，健康～💖全部嘢都係店主一腳踢，可能要等耐啲，佢地都可以foodpanda落單。

📍粉制良品 (深水埗)📍深水埗桂林街143H號地下F3號🟡手撕雞筲箕河粉$36+$24三拼（大腸、牛肚）+$3青瓜絲+$5生菜+$8滷水蛋🟡魚蛋燒賣$14（各5粒）🟡石磨豆漿$10今日去了深水埗的粉制良品，見到好多人，勁吸引，試咗佢哋的手撕雞筲箕河粉和其他一些小吃。我點了一份手撕雞筲箕河粉，手撕雞肉搭配著綿密的河粉，味道好夾！只能說個河粉真係好滑，真係好值得食！配料方面，我另外加醒了三拼（大腸和牛肚）、青瓜絲、生菜、蛋，增添咗口感。另外搭配嘅麻油醬汁都正，可以令到啲腸粉keep住順滑！我仲試了他們的魚蛋燒賣，雙拼14元。燒賣好彈牙，已經加晒分，魚蛋正常發揮。最後，我叫咗一樽石磨豆漿，有濃郁的豆香味，口感順滑，正！簡單嘅一餐，喺深水埗經過真係值得食！手撕雞筲箕河粉、魚蛋燒賣和石磨豆漿也都非常出色，服務態度都好友善！

最近發掘到一個好好食嘅外賣手工河粉，我睇宣傳話係比較特別嘅純手工筲箕河粉，有評論話係滑脫脫。果然幾好呀，好少係香港食到咁正的手工河粉，粉拉得好薄，有小小咬勁，唔會完全淋皮皮嗰種，而且💰好抵 豉油好好味，配河粉好夾。平時工作餐點呢個都幾好，又有青瓜又有手撕雞又有主食都幾健康有營養。湊单還點左燒賣，冇諗到燒賣都幾好食，比出邊好多買嘅燒賣都香口啲，特別係燒賣啲豉油都好好食😋之後如果去深水埗，試吓堂食先得！