粉果佬

營業中

休息中

今日講下呢間大埔嘅小食店［粉果佬］，唔好睇佢個名以為我想推粉果☝🏻Sorry~世事往往都係你估唔到嘅~❤️‍🩹今次我係想講吓Q彈彈嘅人手製魚肉燒賣👍🏻粉果就😅😅😅你鍾意試就試囉～我就麻麻喇😏［燒賣］一粒燒賣彈牙煙韌已經係贏咗一大截～咁佢有嘅～我就唔識話佢用咩魚肉去整先係好味，我剩係知佢無魚腥味，又唔會係成口粉咁，口感QQ再配上佢嘅辣醬豉油係幾正嘅🤤佢嘅辣係有少少帶麻～又確實惹味～令佢嘅燒賣更生色不少！不過平時我就唔係太食辣野架😖但呢到嘅辣加少少，真係會正好多！👍🏻呢到係人手包製嘅魚肉燒賣，同埋佢流量夠好少話會蒸過龍，熱辣辣而且粒粒都大粒，10蚊5粒差唔多價啦～合理收費～如果唔好食嘅10蚊有10粒都無用啦～🤪［粉果］即係咁雖然佢舖名叫粉果佬，但我就唔覺得佢嘅粉果係特別出色喇～咁佢個皮都上算煙靭嘅，但唔係粉果應有嘅口感咩？🙄 或者我唔本身對粉果麻麻地喜愛啦～💢但我都係想講，唔好浪費Quota～我寧願食多一串燒賣好過🤣

【大埔】人氣手製燒賣粉果聞名以久的大埔昌運中心的〔粉果佬〕每日新鮮手包燒賣及粉果，手掣即整燒賣熱辣辣，確實幾好食，重魚肉味又彈下，鍾意食辣嘅朋友一定要試吓他們的自家製辣椒油，非常惹味😋😋😋😋😋😋一試難忘😋😋😋😋😋

閃令令到以為嚿魚肉係5卡鑽石，多得個猛烈太陽，成碗魚肉翅變到珠寶咁閃閃發光✨！我諗……我可以試下影fashion😂，喀！發覺自己原來冇出post講過呢個由細食到大嘅大埔名物 #粉果佬，由冬菇亭到地舖，自己燒賣粉果自己包，所以味道始終如一，秘製辣油畫龍點睛：粉果唔係皮薄，厚度啱啱好做到煙un口感。至於個閃令令魚肉翅，熟客仔privilege 滿到瀉，店員姐姐超級nice「阿妹你記得平放咁拎，太滿好易倒瀉㗎！」

提起粉果佬，相信大埔街坊一定會識！因為呢一間都係區內數一數二出名嘅小食店😊重點係佢每日都係手工製造粉果同燒賣！平日好少黎大埔，今日嚟到梗係要試吓依間！一嚟到門口就已經有條隊排緊，觀察咗一陣都發覺人流絡繹不絕！無乜點停手！可見小店大受街坊歡迎😉話明粉果佬，梗係要食粉果啦！仲順便叫埋燒賣關注組推介嘅燒賣同生菜魚肉食！由於只有外賣，所以唯有喺附近公園開餐😂🔸粉果 $12 3個粉果餡料十足！有豬肉粒、芹菜、粉葛粒等！ （鍾意佢入面冇加花生😛因為我唔食花生🥜🤪) 粉果皮比較厚身，如果個皮可以煙靭啲就好😍🔹魚肉燒賣 $10 5粒一打開蓋就聞到燒賣味❤️依間燒賣真係比平時食嘅大粒少少！而且更加係員工親手包製！食落去口感比較實同粉少少，但確實有好香魚肉味😋加埋少少辣油吊下味都唔錯！🔸生菜魚肉 $22碗超級大碗！勁多魚肉！抵食！(平時喺出面食係生菜多過魚肉)每一啖都可以食到魚肉！夠彈牙！加埋麻油、胡椒粉撈埋一齊食！一個字！ 正👍🏻本身仲諗住試吓佢嘅絲襪奶茶，好可惜啱啱賣晒~姨姨好好人同我講唔好意思賣晒仲送多咗兩粒燒賣俾我😍依間舖頭真係好多人食！喺區內真係好有名氣👍🏻出名到連我呢啲非區內人士都識😛

-粉果佬-@大埔.大埔名物，好多人話佢地的燒賣名過其實，但粉果佬燒賣一直係我心目中燒賣的No.1。.魚肉燒賣 ($10/5粒)每粒燒賣都係每日人手包的，粒粒形狀不一但都好飽滿。燒賣皮蒸得好滑身；餡料用上豬肉同魚肉，食落夠晒口感，特別煙韌。.另外都好鍾意佢地的辣油，唔會一味死辣，仲好重辣椒香味，一流。.平時會買定一大盒未整熟的燒賣返屋企，口痕個時蒸15分鐘就食得 (圖2)。.依家好少見佢地大排長龍，對我黎講係好事，唔洗等。如果黎大埔真係好值得一試。.老闆娘同店長姐姐都好nice，有時會送多粒。

之前有睇我推介話佢嘅魚肉燒賣出名，我想試咗好耐啦今次終於有機會哈哈哈😆比起一般嘅舖頭都大粒，彈牙方面我就覺得正常，味道都幾好，啱啱買完真係熱辣辣，我都攤咗一陣先至食，唔使幾分鐘已經食晒啦哈哈我覺得都幾抵$10有五粒，仲要大大粒😋另外我都買咗碗仔翅，呢個我要讚喎我真係幾鍾意食！好足料，味道啱啱好，不過呢個就買到返屋企先至食，我都覺得OK😛因為佢冇得坐低先可以喺街邊食🤣如果我住大埔我覺得我都會成日食，係我宵夜嘅好朋友👭🏻

《大埔名物-粉果佬》 住附近或經過就去食下，平民美食🙈。========================================== $10 5粒魚肉燒賣每日新鮮手造，購買時見到姨姨密密包，密密蒸~魚肉燒賣配上辣椒油及豉油，令魚肉燒賣更好味。$22 生菜魚肉店姨姨絕不吝嗇，完全唔孤寒，滿滿的魚肉，配上生菜；撒上胡椒粉、麻油，食落好香；魚肉彈牙，生菜爽口，滿足感100分。 $22 碗仔翅勁足料，有肉絲、木耳絲、冬菇絲、粉絲；調味適中，不會過鹹；店姨姨幫我加上麻油、大紅浙醋，令味道更上一層樓。

𓂃 𓈒𓏸𓆡 魚肉燒賣 $10/5粒魚肉燒賣一直係香港著名既街頭小食之一✨ 今次試咗燒賣關注組介紹位於大埔既粉果佬🤩 十蚊五蚊既價錢都算正常 食落幾彈牙好香魚肉味🤤 不過燒賣皮就有啲太粉、太濕 令整體口感扣咗分🥲 不過當日個姨姨超好人咁送多咗粒俾我哋 咁2個人就可以平均分唔洗爭🤣 當然味道唔算太驚豔 但呢份人情味都值得我哋再去🤍Fish meat shaomai is a famous street food in Hong Kong🔥 It is soft and chewy, with a hints of freshness from the fish meat🐟 The wrapper for shaomai is quite starchy with a soggy texture, but the staff is super friendly as she gives us one more piece🥰 Although the taste is just simple, the humane staff is the reason why I will revisit

大埔有間小食店在大埔中心，大埔中心故名思義係大埔既中心地帶呢間小食店就係大埔既中心點🤓以前舊舖在大埔既一條屋村街市入面，出名係人手制既燒賣同粉果。我覺得食小店大家係要注重手制，係食心機，每一粒燒賣同粉果皮都係人手去包，有別於機制既點心。當然機制好手制好都有佢地既長短處，黎小店就係食手工。所以我路過都會支持， 尤其係放工時候。疫情前最正係督串燒賣係街到食🤣🤣今日我就係買外賣同家人一齊分享燒賣入面係好多魚肉 😚😚 另外都叫左咖哩魚蛋，阿姐仲送多左粒比我🤭🤭呢到既粉果係有別茶樓果隻潮洲粉果，皮比較彈同厚，比較有咬口最後食埋碗多料碗仔翅，一次過食左咁多款街頭小食，好滿足😋

📍 粉果佬大埔安慈路4號昌運中心地下32號舖———————————————家鄉粉果(💰: 12 hkd/3個)每粒粉果都好飽滿，餡料份量十足💯包括蝦米、沙葛、芹菜、菜脯等，咬落好爽口，外皮亦蒸得好軟糯，如果薄返少少會更好😆 不過雖然舖頭名叫粉果佬，但感覺佢嘅魚肉燒賣更加出色🤣 不過值唔值得大排長龍去買就見仁見智啦～魚肉燒賣(💰: 10 hkd/ 5粒)燒賣全部都係人手親自包製，咬落煙煙韌韌，亦唔會成口粉，唯一係如果魚肉味可以濃啲會更好👍🏻 特別鐘意佢嘅辣椒油，好香但唔會太辣，好有驚喜🤩❤️ 老闆聲稱燒賣加入咗鯊魚肉同大地魚粉，雖然我本身就唔太清楚鯊魚肉嘅味道，但咬落真係感覺到魚肉係人手打出嚟嘅黏身，口感十分彈牙💓魚肉碗仔翅(💰: 22 hkd)成碗都超級足料，淨係魚肉都佔咗成三份一，食極都有咁🤣🤭 魚肉質感口實，配料仲有冬菇、木耳、粉絲，加埋胡椒粉、麻油同醋令香味再提升，不愧為香港最地道街頭小食之一🥰整體評分 (6個🐽為滿分)味道：🐽🐽🐽🐽🐽抵食：🐽🐽🐽🐽🐽環境：🐽🐽🐽🐽🐽服務：🐽🐽🐽🐽🐽手：

難得去到大埔緊係要試下粉果佬好早之前已經想試好耐其實最主要因為當年新聞而認識🙈完全係大埔名物❕❕❕應該係每個大埔人必定認識⚠️鋪頭寫到明 "參叔手造" 先係正品*❣️魚肉燒賣 $10/5粒燒賣係由參叔同員工親自人手包製咬落粒粒都好有口感🫣不過唔知係咪因為賣嘅速度快過蒸嘅時間粒燒賣唔算太熱下 再蒸耐少少會更正*❣️家鄉粉果 $12/3個雖然佢地出品嘅燒賣係出名但不得不提佢地嘅粉果📣屋企人把口試過都話好食😋👍🏼仲話食返佢地以前年代嘅感覺粉果餡料加入左粉葛粒、豬肉、芹菜等粉果皮好厚身 好煙韌*❣️咖哩魚蛋 $10/8粒彈口魚蛋🐟細細粒唔似有啲蒸完會發大到成粒波咁大

有動人的故事再加上人手製作就一定等如好野？呢一間就係一個好好的例子，其實唔係唔好食，不過希望越大失望越大，如果仲要山長水遠專登黎試就真係唔值，好彩我今日都係咁啱路過。價錢絕對超值，可惜味道只屬一般，如果要排隊就真係會反枱。買了三隻潮州粉果$12，再加$10五粒燒賣。先講佢個招牌粉果，入面嘅餡料主要有冬菇粒同沙葛粒，咬落去一個爽一個煙韌，可惜塊粉果皮唔好食，有D韌，感覺好似膠膠地，整體就係唔多掂啦。至於佢D燒賣嘅味道就好少少，不過成舊都係粉，唔係好feel到有魚肉。

大埔鼎鼎大名既粉果佬～有時仲要大排長龍 亦有人會覺得名過其實今日小妹決定去試一試 自己條脷先係最真實😂星期六下午好好彩唔洗排隊 美中不足嘅係只提供外賣🥲🍄魚肉碗仔翅（$27）一打開個蓋 已經聞到好香嘅麻油味小妹對碗仔翅既認知係好濃稠既芡汁加少少木耳絲瘦肉絲呢碗碗仔翅改寫左我對碗仔翅嘅認知‼️成碗都係料 魚肉感覺起碼佔咗三份一仲有好多木耳絲、冬菇絲同肉絲 絕對可以當一餐味道方面都唔錯 芡汁唔會太濃稠👍🏻亦唔會太稀🍄家鄉粉果（$12）三粒黎到粉果佬當然要食粉果粉果個皮包到好似餃子咁🥟個皮唔算太厚 咬落去係煙煙韌韌裏面有粉葛粒、豬肉、芹菜等等食落口仲有啲鹹香味 類似蝦米咁樣加埋辣椒油成件事為汕尾粉果加咗好多分☺️認真係小妹食過最好食嘅粉果🤔自己都好驚訝🙀🍄魚肉燒賣（$10）五粒至於燒賣 十蚊五粒其實就唔算平🤔大細算係平均 不大也不細入口喺煙韌亦都唔會冇粉感 反而魚肉味比較淡可能因為佢個辣椒油太搶鏡😂😂香而不太辣整體魚肉燒賣中規中矩😋

千里迢迢入到嚟大埔，見啲x周刊x假期推薦大埔美食，總有佢上榜，唔係唔食呀？1）燒賣：係一舊粉團，完全食唔到魚肉嘅味道，但係有魚骨! 相信佢真係有魚喺入面嘅😓可惜真係極唔好味，買咗十粒，食剩五粒，都費事嘥quota🥶2) 粉果：十二蚊三粒嘅粉果，阿姐竟然送多一隻俾我，所謂阿婆走得快，一定有古怪🤨佢撩咗幾粒上嚟，又掉返落去，揀嚟揀去終於揀咗四隻。一試，哇！原來皮又硬又爛又乾，一啲都唔軟滑煙韌，又無乜餡，而且餡料亦唔香。配個辣椒油，得個辣字唔香。失望！！搭綠的嘅時候同local司機大哥傾計，佢都好認同其實係出面啲人吹捧到好好食👀總括而言，好中意食燒賣嘅我，對呢間嘢極之失望，一定no next time 👋🏻

*粉果佬*幾十年歷史。原址位於大埔廣福村街市裡。現址在大埔昌運中心馬路旁。係大埔人氣人氣小店❣️。*粉果佬*唔只粉果燒賣受歡迎🤩。魚肉碗仔翅。生菜魚肉。咖喱魚蛋。都好多人衝著前來幫襯🥹。家鄉粉果十二蚊有三個。大大個勁足料。粉果皮丁丁厚啦😅。唔厚又點包餡先😂😂。餡料有蝦米。菜脯。沙葛。芹菜等材料。魚肉燒賣十蚊有五粒。燒賣佬參叔堅持人手打製餡料加入新鮮鯊魚肉和自製地魚粉，成品香口鮮甜。煙韌彈牙。