粉果佬

營業中

休息中

大埔呢度有間好出名既燒賣老字號, 其實呢間貌似係有整燒賣整到分家既故事🤣🥴難得我地黎大埔呢頭就順便試下啦～一去到真係嚇一跳, 點解食粒燒賣要排長龍呢？咁我地排啊排, 睇完一集鬼滅之刃都仲未到, 好不容易排到我地就拿住呢堆野去公園食⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🌞魚肉燒賣$10/6粒 (辣&不辣各一) ($20) 8.5/10佢聲稱係加左鯊魚肉手打既, 咁食落都真係有驚喜幾好食, 因為佢幾有咬口又幾黏, feel到係好多魚肉手打出黎既黏, 唔同出面嘅機器做嘅燒賣係個口感偏向好假嘅感覺💁🏻‍♀️而佢d豉油都好味, 辣油辣得黎好香, 有好多層次, 所以呢個燒賣我地比好高分👅🌞咖喱魚蛋 ($10/8粒) 5/10魚蛋就係正常普通既魚蛋 雖然佢聲稱係咖喱魚蛋 不過無乜咖喱味🥴勝在口感ok啦🌞家鄉粉果 ($12/3個) 3.5/10呢間舖叫粉粿佬 但佢d粉粿真係麻麻🤣🤣個皮厚過我地既面皮🤣🤣佢個皮真係唔得, 食食吓有一個粉果突然間散開咗, 好在佢個餡好食幾有驚喜 ,不過no next time la🤪⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫呢度個燒賣係真

每次大胃之母去大埔，大胃都會求佢買粉果佬嘅燒賣返嚟雖然好好味，但始都係會凍晒，翻蒸點都會打折今次親身嚟買，熱辣辣咁食真係好唔同呢間嘅燒賣同平時真係好有分別，質感實好多冇空氣有重量，啖啖彈牙魚肉仲有特製辣油，好正呀粉果又係零舍不同，形狀呈餃子形，皮薄餡都多，變咗唔會好掗胃，作為小食啱啱好親自嚟到先知，原來仲有魚蛋賣，咖喱入晒肉，細細粒一口一粒，彈性非常好第一次魚肉加埋落碗仔翅，胡椒紅醋落齊晒，惹味暖胃碗仔翅好多菇同肉絲，魚肉同燒賣一樣好有質感

🕖時段-星期日傍晚粉果佬係區內好出名 難得入到大埔決定試試佢! 下午經過見到都差不多10個人排隊放棄左😂傍晚去買個時就得返幾個人排 不過入面係一個婆婆負責收銀同"不"野食 唔係平時街邊小食店咁快手咁chur_▫️家鄉粉果 $12/3個本身無特別鐘意食粉果 純粹因為店名而嗌來試下😂皮既厚薄同饀料份量正常 似細個食個隻味🥟 _▫️魚肉燒賣 $10/5粒出名手打燒賣 口感比平時食既煙韌同實好多見有人推介佢個辣油我都加左d 頗辣🥵但的確係香口好多_▫️咖哩魚蛋 $10/8粒因為三款小食放同一個飯盒 令咖喱味比豉油同辣油搶左😂如果係分開一串應該好d🍡_🍽環境小食店只做外賣 出面有2,3張公園木長椅可以坐低食(不過夏天好熱同可能有蚊😶‍🌫️)

今日 同咗腸仔小朋友去完博物館之後就去昌運嗰邊搵下好嘢食 醫下肚仔先遠處見到有間舖仔 係賣港式嘅小食嘅原來已經有六十年歷史 應該好出名啦二話不說 就一齊衝過去排隊叫嘢食啊真係好多人 見門口仲貼咗好多訪問添有魚肉碗仔翅 家鄉粉果同樽仔奶茶架叫咗幾份我至愛嘅燒賣魚蛋 好滿足哇-魚肉燒賣 ($10/5粒)新鮮滾熱辣 比平時食嘅大粒 食落好結實咬落好煙韌 加埋 自家製嘅辣椒油無得彈-咖喱魚蛋 ($10/8粒)濃濃嘅咖哩汁 辣度啱啱好食落口感彈牙 性價比較高

每次經過都大排長龍😳當日平日收工時間都差唔多排咗半個鐘先買到🙈🙈❥魚肉燒賣 $10@6燒賣新鮮出爐熱辣辣，非常彈牙😍精粹在於佢改自家製辣油，令燒賣更惹味😋❥粉果 $12@3大大粒餡料多，外皮蒸得很軟糯 ，但略嫌個皮厚左啲🫣❥碗仔翅 $22足料碗仔翅🤓落埋醋同胡椒粉更好味🤤🤤

食咗咁多次每一次佢嘅燒賣質素依然😚每隔幾次就會同大家推薦一下🥹-▪️魚肉燒賣$10一如以往10蚊有成5️⃣大粒。同出面嘅魚肉燒賣唔同地方在於呢個係人手逐粒手打魚漿以及少量五花肉而成！兼且係手包燒賣！咬落係煙煙韌韌，一籠籠咁即刻蒸出黎😚品質如一！今次我叫左$40燒賣😋個姨姨仲送多2粒燒賣比我🥺真係好有人情味嘅小店😚▪️辣椒油 因為我話諗住拎返屋企慢慢嘆🤭姨姨即刻俾咗外賣盒仔裝住嘅豉油同埋辣椒油我🥹仲叮囑我天氣咁熱記得要雪返雪櫃！呢個自家炒製嘅辣椒油超級無敵香，辣勁十足🌶️辣得又唔會攻鼻攻眼！

📌 粉果佬📍 大埔 Tai Po係大埔食完lunch 行下附近周圍, 見到一間排曬長龍, 公公婆婆都排緊隊嘅街頭小食店🤣 跟住我都一齊排～ 因為太久無食燒賣同碗仔翅😋 小店有燒賣魚蛋, 家鄉粉果, 生菜魚肉, 碗仔翅食✨ 店主好好咁俾多幾粒燒賣我🤓❤️-(👑爲推薦)魚肉燒賣 $10/5粒家鄉粉果 $12/3個魚肉碗仔翅 $27 👑-❥ ❥ 魚肉燒賣一粒都幾大粒🤣🙌🏻 見到蒸籠裡面一粒粒好吸引!!必點辣椒油食🌶️ 惹味好多食落比較實同粉少少 如果彈牙會比較好👍🏻不過好香魚肉味❤️❥ ❥ 家鄉粉果粉果都係超大隻🤣 一攞起就已經爆曬餡👍🏻略嫌外皮唔夠彈牙, 不過味道幾好食😋同埋記得沾辣椒油!!! 好重要因為辣椒油真係超香超惹味！一定要試❥ ❥ 魚肉碗仔翅魚肉超級多!!! 食到下面都仲有好多條🤣連埋碗仔翅一齊食好好食👍🏻碗仔翅足料, 有冬菇, 粉絲, 木耳絲!!食每一啖都有✨ 個人建議加曬胡椒粉, 麻油, 醋等等🙌🏻-▫️味道：7.5/10▪️賣相：7/10▫️環境：10/10▪️價錢：9/10▫️服務：9/10▪️Overall：7.8/10-

自從朋友介紹，黎親大埔必會去買「粉果佬」既粉果燒賣set。本身開系大埔廣福邨果冬菇亭，之後就搬左系昌運中心，正正系大埔既市中心。 老闆參叔每朝都會落舖幫手人手包燒賣同粉果，唔講唔知老闆已經80幾歲，事事都親力親為，難怪深得食客既心。 ⦁魚肉燒賣 $10/5粒粒粒都系人手包，粒粒都唔同，口感煙煙韌韌。提提大家黎到一定要試下佢地既秘制辣醬，後勁好強。 ⦁家鄉粉果 $12/3個外皮呈半透明狀，粉果皮略嫌厚左d，但都彈爽口彈牙既。入面包滿粉葛粒、豬肉、芹菜，有種爽口既感覺。 整體來說，粉果佬既燒賣比粉果出色，前提辣油必加。仲有有時要排好耐隊架！

成日聽聞大埔有間手工燒賣好大粒好得，去開一田購物日終於有機會試試🤣就係附近咋！.果然手包魚肉燒賣大大粒又夠煙靭😋同場試埋佢嘅粉果～係燈光下睇到透光就知皮有幾薄😯餡料都幾多～醫肚一流🤰🏻～.另外仲有生菜魚肉係水準作，無食到碎骨啖啖肉的的🥹🥹.呢間店賣嘅，都係香港最signature嘅特色小食🍡～亦保留到90年代街邊小販車風味(有果d小食名牌🫢）好唔想呢種文化、呢類小店被淘汰，所以值得間唔中去支持💪🏻

📍粉果佬🍢 魚肉燒賣 $10 @ 5粒燒賣由小店人手每日新鮮製作，口感煙韌有咬口，唔會好粉感，魚味十足，豬油味幾香。配埋自家調配豉油同辣油，幾帶得出到燒賣既鮮味。🍢粉果 $12 @ 3粒粉果大隻飽滿，外皮煙韌，餡料有粉葛、芹菜粒、花生，咬落非常爽口，而且份量幾多幾爆餡，啖啖係料，好有口感。

粉果佬 個個嚟親大埔都會去試！好彩人龍未算好長，但食落普通到有啲失望😰唔知點解咁多人排長龍…🍢咖哩魚蛋- $10@8咖哩味無乜，唔知係咪比辣椒豉油蓋過晒原有味道，但點都好無乜特別之處。🍢燒賣- $10@5大大粒，食落感覺好粉，加小辣就只食到辣椒味，無坊間講到咁特別。

呢間大埔小食店比我印象就係長期排隊叔侄反目新聞。今日終有機會一試這位粉果佬。燒賣果然煙韌彈牙唔係一舊粉，有魚肉豬肉香，$10/5粒；粉果就餡料一流，兒時婆婆包嘅味道，有蝦米沙葛芹菜菜脯，私心的覺得很好吃。$12/3隻。但略嫌醬油有點偏咸，連累了主角偏咸...

【大埔區長期有人龍嘅小食店🔍🙆🏻‍♀️】/////放假同朋友去左梧桐寨行山 有好多條瀑布 多樹遮蔭涼涼地去行幾舒服😌搭車落返嚟有啲肚餓 就一齊試吓呢間成日要排隊排到轉角位嘅小食店‼️我地排左15mins左右先買到💭👉🏻魚肉燒賣 ($10/5粒)無論外皮定餡料都由人手製造 係自家出品幾欣賞🫶味道加上口感同其他小店嘅燒賣都有唔同〰️燒賣帶有香濃嘅魚肉味 口感比較粉糯 可惜小編比較中意煙韌啲嘅燒賣💁🏻‍♀️加分位係配佢哋嘅辣椒油夠晒辣同惹味😝.👉🏻咖喱魚蛋 ($10/8粒)魚蛋細細粒幾彈牙 有魚香味🤤咖喱辣味偏重 如果咖喱味重番啲會更顯特色 強列建議真係食得辣先好叫😳————📍粉果佬 (大埔)大埔安慈路4號昌運中心地下32號舖

久聞粉果佬手打魚肉燒賣嘅大名,趁五一假期入大埔海濱踩完單車,便直搗其舖號。光顧了廿蚊燒賣和三隻粉果共三十二蚊大洋。以上皆配上其自家製辣椒油，果然沒令小弟一眾失望。燒賣肉爽口彈牙與坊間一眾冰鮮燒賣、火車站批發燒賣有明顯口感上之分別，辣椒油的辣度更給予味蕾另類刺激,係誠意之作；粉果餡足而皮煙靭, 與傳統潮式粉果頗有分別, 很有新鮮感😋莫怪乎能屹立區內幾十年, 經歷經濟起承轉合而不倒, 果有其原因。想俾六粒星, 會再光顧。

$22碗仔翅,$10/8粒魚蛋,$10/5粒燒賣,$12/3粒粉果,從未試過難食到要寫負評,前幾日睇網上有條片講呢間野既燒賣有幾咁彈牙好食,我就幫襯埋其他小食試下,燒賣我都買左3份,碗仔翅一打開見到好多油,入口超咸食唔到落去要即掉,燒賣食落好粉完全唔彈牙,真心火車站個間都好過呢間好多,完全感覺俾錢買難受,魚蛋又唔彈,鬆泡泡咁,粉果食左一粒放棄,講真平時食野有幾難食可以食完算數唔再買,呢間係食一啖就唔想再食第二啖,又貴又唔好食,如果可以既話我想俾負分,真係好難食,但唔知點解咁多好評