粉果佬

營業中

休息中

【燒賣關注組今次嚟左大埔粉果佬🤩】成日聽人講好食，人氣店大排長龍，要食到 真係靠運，點知今日燒賣關注組嘅我嚟到唔洗排試到🥹感動但食完就好失望🙍🏻___ ___ ___ ___ ___ ___ ___ ✨魚肉燒賣 $10/5粒出名手打嘅魚肉燒賣同秘製辣椒油 🌶size比普通燒賣大啲，一咬就見到與眾不同嘅魚肉顏色，偏深色，較黏口但不屬於彈牙，味道加左辣椒油但味道唔突出，燒賣本身冇咩味，表示失望🙍🏻可以唔洗試

⭐️【大埔】人氣手製燒賣粉果⭐️聞名以久的大埔昌運中心的〔粉果佬〕一向都是區內超人氣港式小店，店中招牌每日新鮮手包燒賣及粉果深得街坊喜愛，小店主要提供家鄉粉果、燒賣、咖喱魚蛋及碗仔翅，店舖位於人流較多的昌運中心及十字路口位置，非常容易找到，難怪店外有很多人在排隊， 而且一直人流不斷，可見其人氣十足。【魚肉燒賣】(HK$10/ 5粒)每一粒都是人手包製，熱辣辣而且粒粒都很大粒，很有份量，燒賣結實又有咬口，很彈牙煙韌而且皮好薄，沒有魚腥味，蘸上秘製的辣椒油及豉油，這種口味及質感是我最喜歡。【家鄉粉果】(HK$12/ 3個)粉果粒粒都很飽滿，餡料十足及很爽口，外皮偏厚但入口口感非常煙韌，亦很軟熟，辣椒油不嗆亦夠香，配上香甜豉油或蘸上辣椒油，同樣好味道。【魚肉碗仔翅】(HK$27)碗仔翅很足料，有冬菇、粉絲、木耳絲等材料，魚肉質感厚實，每一口都是啖啖的魚肉，加上麻油、胡椒粉及醋都非常香，足料又夠味道。〔粉果佬〕香港新界大埔安慈路4號昌運中心地下32號舖Shop 32, G/F, Fortune Plaza, 4 On Chee Road, Tai Po , N.T., Hong Kong

每逢放長假都見到呢間小食店 - 粉果佬 大排長龍，究竟佢有乜嘢吸引之處？吸引咗我去試吓。呢度嘅餐牌只有幾款小食，包括有魚肉燒賣、家鄉粉果、咖喱魚蛋、生菜魚肉、碗仔翅及碗仔翅魚肉六款美食。由於係婆婆同埋伯伯去售賣，所以效率比較遜色，最後大約排咗15分鐘先買到，最後買咗 $10 五粒魚肉燒賣、$10 八粒咖喱魚蛋及一碗生菜魚肉。呢度嘅魚肉燒賣係人手製造，難怪同平時食嗰啲好唔同，質感比較實比較粉，冇乜驚喜，不過勝在佢哋辣椒夠香，可以補救返。魚蛋就間間差不多，都算爽口彈牙，而且咖喱味都頗為濃郁，不過如果小朋友食就比較辣咗少少。另外生菜魚肉中的生菜好爽口，不過魚肉碌得唔夠淋，所以都係質感比較實，個湯清清地都幾鮮甜。#地道小食 #小店 #粉果佬 大埔安慈路4號昌運中心地下32號舖

大埔名物之一既粉果佬，weekend 人流都係好多，條隊排到去轉角，人雖然多，不過都係大約等10分鐘左右就得，唔係等好耐～❤️魚肉燒賣 熱辣辣既燒賣結實又煙韌，自家人手製既餡料，味道同其他燒賣就係有d 分別～為左個燒賣係值得排隊既！🧡咖喱魚蛋 魚旦係一般正常size 既，但就特別彈牙～ 咖喱味唔特別重，一粒燒賣煙煙韌韌，再一粒陣牙魚蛋，最佳配搭rrr💛魚肉翅 魚肉+冬菇+木耳絲等等既材料十足，足料又夠味，間唔中就想食下～

今日去咗大埔踩單車🚲，途中見到呢一間小食店好多人排隊，身為專業嘅foodie🤣🤣，梗係排埋一份啦。原來呢一間小食店主打係粉果同埋燒賣❤️🥟粉果 $12/三個我覺得佢嘅粉果皮唔會太薄，亦都唔會過分煙韌，裏面嘅餡料亦都好充足，有花生🥜、蘿蔔🥕、韭菜🌱……味道唔錯🤤🍡燒賣 $10/五粒大力推介佢嘅燒賣！食得出係自家製，唔會一味得個麵粉味，亦都有少少🐟魚味！而且大大粒，等我仲貪心買咗$20 ，有啲飽飽濟濟😝同埋一定要試佢嘅辣椒油🌶，同坊間嘅唔同，唔會辣到口渴，反而好過癮🥵🤓—————為食分界線——————📍 粉果佬 (大埔)大埔安慈路4號昌運中心地下32號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $20#mariofatfat #hkfoodie #Foodie #為食馬利奧 #粉果佬 #大埔 #小店 #小食 #街頭小食 #香港 #昌運中心 #燒賣 #粉果 #辣椒油 #魚蛋 #碗仔翅 #生菜魚肉

【大埔• 粉果佬】————————————————————————大埔區旅遊景點之一 「粉果佬」曾經電視有報道過 排隊條人龍長到嚇死人過咗排隊熱潮就係蜜糖小姐試食嘅時候😋店舖位於人流較多嘅斑馬線 所以好易搵到🍯魚肉燒賣 HKD10/5粒雖然店舖叫粉果佬 但係魚肉燒賣比較多人買所以蜜糖小姐買咗兩份🤣每一粒都係人手製作 粒粒都勁大粒咬落好有彈性 食辣嘅朋友記得配埋佢哋秘製辣🍯咖喱魚蛋 HKD10/8粒香濃咖喱汁包住每一粒魚蛋 口感彈牙 唔會粉叫燒賣之餘記得叫埋咖喱魚蛋啊 🍯家鄉粉果 HKD12/3個叫得粉果佬當然要試吓啲粉果啦外型已經同平時食嘅唔同 包到好似餃子咁粉果皮蒸得軟熟 入面包住肉碎.蝦米.粉葛等等口感同平時茶樓食嘅唔一樣餐廳環境：📸📸📸📸服務質素：😊😊😊😊食物味道：👅👅👅👅性價比：💰💰💰💰消費 HKD42✨✨✨✨✨✨✨✨✨✨✨✨✨#nkiki大埔 #nkiki小食店 🏠 粉果佬 📮 大埔安慈路4號昌運中心地下32號舖

成日都排晒隊既粉果佬就可買左黎食，睇到報導最有特色嘅粉果，係全人手做，另外仲有燒賣都係人手做架👍🏻👍🏻👍🏻仲買左咖喱魚蛋和碗仔翅，樣樣都夠晒熱辣辣😄😄😄粉果先點左粉果是全人手做，內裏餡料豐富，大大隻滋味十足👍🏻👍🏻👍🏻燒賣粒粒人手做，肉質新鮮美味，要點辣椒油同豉油先食得更滋味😋😋😋魚蛋魚蛋又爽口又彈牙，有辣同唔辣，岩晒行街口痕想食嘢嘅我啦～碗仔翅大大碗好足料，落埋糊椒和醋更加滋味！

呢間小店曾經係廣福邨冬菇亭開業超過30年，搬遷後繼續主打手包燒賣、汕尾粉果同其他港式地道小食😋💗魚肉燒賣 ($10/ 5粒)手包燒賣以五花肉、鯊魚肉、地魚粉等材料打成，大大粒夠晒份量。但口感死實帶份感，完全唔煙韌，有d失望。魚肉唔夠香，不過好彩冇腥味🐟💗家鄉粉果 ($12/ 3個)粉果皮以人手搓擀，包入粉葛、蝦米、菜脯、芹菜等材料，外皮偏厚但夠煙韌，餡料亦唔算多，欠缺「花生」一大靈魂材料🥟辣椒油香辣惹味，後勁都幾強🌶💗咖哩魚蛋 ($10/ 8粒)魚蛋彈牙有咬口，但咖哩汁未夠濃郁入味🥘

大埔人氣經典小食店🌈依然大排長龍的粉果佬🏃🏼🏃🏼手工燒賣必食！小食店有燒賣、粉果、魚蛋、生菜魚肉和碗仔翅售賣，每樣也很想吃喔！這次買了三款小食：《魚肉燒賣》$10/5粒師傅默默耕耘地在店內人手包燒賣，魚肉燒賣彈牙煙韌，大小適中，容易咀嚼，味道好吃！👍🏻《家鄉粉果》$12/3個粉果皮很煙韌，餡料很香，十分足料！好吃！《咖喱魚蛋》$10/8粒一口魚蛋，不會太辣，魚蛋口感彈牙，好味道呀！總結：魚肉燒賣必食！粉果都值得一試！好好味呀！👍🏻

話說🐻好愛吃魚肉燒賣，平時都留意住香港燒賣關注組，今次難得有機會去大埔工作，當然要去一去尼間小店試下佢地最出名既手造燒賣粉果啦‼️ 今次🐻閒日下午去到仲唔洗排長龍添😝⁡🐻の試食‼️✨「魚肉燒賣」$10/5粒✨「家鄉粉果」$12/3個⁡魚肉燒賣大大粒，不過🐻就覺得唔係熱辣辣而且食落去好粉既感覺 🥲 唔知係味未蒸熟呢…真係有點可惜呢…可能真係要睇彩數 🙈 不過好彩係佢d豉油救番少少分數！反而今次食到餃子形既粉果幾有驚喜，熱好多而且裡面餡料幾香口，皮又唔會厚，一口一個都可以😌⁡

一講大埔粉果佬，相信大家亦都唔會陌生。佢最出名嘅除咗粉果，仲好多人大推佢嘅燒賣。今次我反而推介山菜魚肉😋😋😋我覺得好食！ 星期六去有條人龍，好彩都唔駛等好耐。當然必點呢度嘅魚肉燒賣$10/5粒，因為非常足料，充滿魚肉！燒賣都幾大粒，燒賣辣油好夠香，令到燒賣嘅味道提升。另外仲叫咗魚蛋試吓，魚蛋$10/8粒， 細細粒識落幾爽口辣辣地～ 再加左碗生菜魚肉。生菜魚肉$22！呢個第一次食真係覺得好食😋佢非常足料，超級多魚肉！湯底清清地加咗麻油同胡椒粉非常之香，而且魚肉非常之彈牙，真係食唔停！

🇭🇰 粉果佬·我地初三既時候諗住去行個大運 所以就去咗大帽山 果然真係好大霧 但係見到好靚嘅雲海 開心☁️不過因為初三嘅時候好多舖頭都無開 所以有啲餐廳係我哋之後去嘅 一次過加埋入嚟😌·魚肉燒賣$10/5粒呢間我之前見超多人推介 不過因為真係好少嚟大埔 所以我地都係第一次食🤣我自己覺得佢燒賣質感都ok既 唔會話超粉 而且佢個辣油真係幾惹味 不過老實講就無我想像中咁特別🙊😂·📍 大埔安慈路4號昌運中心地下32號舖·#rbyeat #rby好去處#rby港式#rby上水

粉果佬相信大家都聽過下，今日就嚟試吓佢嘅粉果有幾出色先，排隊嘅人又唔算太多，因為佢哋預先都做好晒，所以只係等左5分鐘到就得啦，我哋梗係嗌咗最出名嘅粉果同埋燒賣啦，佢嘅粉果睇落去同平時唔同，個形狀好似餃子咁，係佢哋客家嘅粉果，第一啖咬落去嘅時候啲皮邊可能凍咗少少所以會有啲硬，但其他地方又ok喎😌😌，佢入面嘅餡料好香，我食得出有西芹嘅味同埋可能有蘿蔔先可以帶出佢嘅精粹，雖然傳統嘅粉果都係有呢啲材料，不過佢嗰種味同傳統粉果真係差好遠，係好入味同好香，我唔係好食得出真實入面嘅餡料有啲咩材料喺度，總言之一句講晒，正👍🏻👍🏻👍🏻之後到個燒賣，佢個外型同一般嘅燒賣冇咩分別，大細都差唔多，但你咬開之後佢裏面就有好大嘅分別，你會見到佢係有好多嘅魚肉，唔會厚粉，我幾鍾意呢個質感，但原來唔係個個都鍾意😆😆

今日帶2個仔去大埔放風～～爸爸見佢哋跑左咁耐，就獎佢哋去食自己一直想試嘅魚肉燒賣🤣不過由大埔工業區行返岀去，其實都好遠…不過我哋搭車都要岀返去，今日唔試唔知幾時有得試🫣😮‍💨但排隊堅長！排左10分鐘，仲有啲人真係嫌等得耐走左…燒賣10蚊2粒咖哩魚旦10蚊8粒燒賣真係好食！豉油唔係好多，不過佢魚旦同燒賣撈埋一齊就…因為我嗌得少🥲咖哩魚旦個咖哩好香，好食！咖哩魚旦個魚旦好彈牙，有魚旦味！但加起上黎就唔夠岀面個啲好食碗仔翅 22蚊呢個係俾小朋友試下咩叫碗仔翅估唔到2個都爭住食！沒有比較就沒有傷害，我同老公都覺得覺得屋企樓下街市嘅碗仔翅仲好食，可惜執咗笠 So far都覺得佢呢碗好足料

趁着假期，就去了大埔「掃街」，上網不少人都推介大埔必食的係燒賣及粉果，今次就去了昌運中心的街舖：粉果佬。地點不算難揾，店舖係東海堂麵包店隔離，不是住該區的人都好快揾到。當日是公眾假期的中午12點左右，人龍雖然不長，但都要排隊。餐廳除了主打的燒賣、粉果，更有碗仔翅及魚肉碗仔翅。餐廳名物魚肉燒賣$10/5粒、粉果$12/3粒。餐廳只供外賣，如果好似我呢D "遊客"，只可以係餐廳前端的空地食食。本身我唔算食好辣，呢個辣椒油已經去到我的盡頭(笑)，辣味勁出，相反甜豉油的味道就不是太夠，有點被辣椒油蓋過了。粉果外皮彈牙，但略為厚了點。餡料唔似平常漲卜卜，不過口感尚算豐富。魚肉燒賣內裏略為乾了少少，而且味道較淡，有少少失望。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)