粵來順 (已結業)

I have tried the crab, it was amazing! I'll def. come back as soon as possible to try other dishes. The staff was super friendly and we had a chat about Hong Kong and Thailand. Furthermore he told me the story of the restaurant and how they received the Bib Gourmand from Michelin.

其實好少, 甚少, 因為米芝蓮而去試菜, 但睇過眾多食評, 大都是偏好, 再加上朋友也食過, 也想試下他們功夫。挑了星期四, 因為怕星期五.六.日, 這裏旺場, 有種被催食, 被催埋單感覺,  又想好好的和朋友閒談, 星期四再加上是晚3號風球下的日子, 人流適中, 坐得輕鬆。1) 訂位時, 已預訂杏汁豬肺湯, 店家說''4人'' 要大的份量 $248有五碗。以個人口味來說, 咸左DD 咁多, 但豬肺洗得好乾淨,  湯好飲, 豬肺份量唔係好多嫁乍, 瘦肉已鞋不食了。2) 千絲芝心球 $128, 是一碟巧手菜, 外層千絲雀巢, 是用麵包絲炸, 其實我不太明甚麼是麵包絲, 我會估計是麵粉開成漿, 然後炸成千絲狀, 千絲十分幼, 雖是炸品, 但炸得乾身, 內裏是蟹肉, 中心夾入芝士。千絲十分多, 雖然並不油, 但食晒所有麵粉絲實在很''漏'' ,  所以我們大部份炸絲撥走。後來老闆娘告訢我們, 原來有客人就是欣賞千絲(即是千絲才是主菜), 要求將千絲份量加厚, 她說: 如果我們下次來,可以叫廚房減少千絲份量。3) 椒鹽豆付 $68 應該改名為蝦碌豆付, 因為冇加到椒鹽, 我們有請老闆娘試食,

I am Korean. This restaurant, which was selected by the Michelin Guide Bib Gourmand in 2018, was the most satisfying restaurant in many of the restaurants it has visited in Hong Kong. The location was also easy to find near the Holiday Inn Hotel in Mongkok. The dishes made with good ingredients were especially good in fresh and rich texture of seafood. I remember that the fruit that came out of the dessert was fresh and fresh, so I finished the meal pleasantly. The people who work are friendly,

差唔多一至兩季先約得成功嘅聚會，今次有七人岀席，當中公認嘅食家負責book位，佢以杏汁肺湯為找尋目標下，訂咗我亦未食過嘅「粵來順」啦！當晚其中一位朋友早十多分鐘到達拎枱，我亦差不多時間到，餐廳居然話訂了的枱誤俾他人！誤俾他人！！？？朋友訂枱時已預留一湯兩菜式，怎麼可能錯誤俾了他人呢？！解決係可即時坐另一張枱但限時90分鐘還枱或等等等！我真係覺得這個係什麼道理，明明係餐廳自己攪錯，沒有歉意之餘，要顧客承受返後果！！！之後話有另一張枱結賬清理，等了又等，眼見門口等位的食客陸續入座，還未叫我哋。最後我忍唔住再問，先話可以入座，已比訂座時間足足遲四十分鐘！這是對客之道？儘管餐廳係咩米芝蓮推介、儘管你的食物如果是好，已影響我心情、影響我對餐廳嘅印象！食物方面如下⋯⋯生磨杏汁白肺湯(預留)：都算幾夠味，杏仁香白肺潤，不過一大一細湯料都係得個六、七舊肺，似乎少咗d！蜂蜜豉油雞(預留)：比一般豉油雞多一分蜜糖甜，雞肉滑滑，幾好味。籠仔荷香糯米蒸羔蟹(預留)：荷葉蟹鮮甜，將蟹蓋嘅羔混合糯米飯一齊更能提升味道，好食！千絲芝心球：芝心比想像中少，無好似預期多到似芝心丸般，外層超脆脆而蝦丸無驚喜！蒜蓉粉絲蒸開

論蟹鮮美不夠，糯米飯味道、口感亦很平凡。我不知道是否又是因爲米芝連推介就賣到$5xx 元。中伏！還有粉絲蒸圣子，調味不足，海鮮本身鮮味欠奉，口感亦不足，賣到$50元一隻，又中伏！

星期六晚臨急上網搵晚餐地方，打去即時話有位，即刻行快兩步，要在預定時間到達，地方比較偏僻，但都唔難搵。6:45去到已經差不多滿坐，就本身期望唔大，入到去啲侍應不斷介紹菜式，侍應服務一流，介紹咗啲餸唔叫都冇黑面。先叫左杏汁豬肺湯，入口飲到好香杏汁味，估唔到咁好飲。侍應問我地食唔食聖子皇，$65一隻，就跟佢推介叫左4隻，黎到啲粉絲勁多，又多炸蒜，聖子又唔會蒸得過火，讚見2018米之蓮推介-千絲芝士球、金勾銀柳及冰梅欖豉骨就叫埋這三款冰梅欖豉骨，少少酸酸甜甜，又帶點咸，骨又煮得好淋，真係必食千絲芝士球，面層啲炸面同出面食開得唔一樣，比較柔細，好脆口，若蝦球再大粒啲會更好，比啲沙律醬配襯下更好金勾粉絲個名好特別，原來是粉絲加左啲炸魚肚再加埋啲XO醬去炒，都好野味以上所有菜式一落單就好快上菜，而且仲好有鑊氣，下次要再去試埋其他菜式

對上一次光顧粵來順已經是兩年前的事，當時感到她的水準每況愈下，每碟餸鹹得難以形容，師傅好像生怕客人的味蕾全死，要用鹹味喚醒大家的味覺般，很可怕😱得知上環分店關門大吉，心想大廚不知會否返回坐鎮，於是再次重臨舊地，希望可以吃回最初的味道。鋪面依舊，侍應們殷勤款待，餐具依然亮麗，極富中國特色。我們人不多，所以只點了三味餸 ：1）小炒皇：這碟菜材料豐富，有韮菜花，芽菜，紅椒，魷魚，菜哺，蝦乾，鹹魚仔，腰果及花生，顏色吸引，香味四溢，最重要是食第一口，鹹味恰到好處，再不是死鹹，好味😋2）冰梅欖豉骨 ： 這碟骨以肉居多，但絕不鞋口，肉質鮮美，炒得很入味，梅子味不重，但那份梅甜是有的，同樣地，鹹度適中，跟白飯絕對是最佳拍檔🤓3）花膠海參豆腐煲：所謂花膠當然是普通貨式，薄薄的，花膠味不重，海參份量也不多，主角反而落在豆腐身上，豆腐面層炸得金香，內裡幼滑，實在是好好味😋最後還奉上甜橙給客解膩，真細心😊所以我依然覺得，一間食店做得好，真的不需開分店，專注一間即使未能提高水準，也必定能夠保持，我今晚很開心可以再食到當年粵來順初開張時的味道，希望她可以繼續保持著，這樣入選米芝連才算是實至明歸😆

昨晚去粵來順團年，一行10人有老有嫩。到達門口已見排晒長龍，雖然有訂位，但都要多等15分鐘。服務員曾小姐見我地成家人，都好快手俾張枱我地，同埋好熱情地介紹有乜特色菜。成晚最好食真的要介紹冰梅欖鼓骨，70歲伯伯都食到，肉質好霖。仲有呢到切餅是不需另收切餅費啊！

好朋友嘅生日飯，粵來順係考慮中嘅其中一間，商量過後決定試一試。雖然交通唔算「一落車就係」但一 d 都唔難搵（係旺角，唔方便極都有限 ）。懷舊風格，友善嘅員工，美味嘅食物。我地一行五人，但因為太多嘢想試，最後叫咗七餸一湯。飯後當然仲準備咗比壽星女嘅「蛋糕」啦～非常盡興嘅一餐！

2017年最後一日同朋友係旺角收工就過來食。粵來順一向都係呢區最高質粵菜，由東來順老闆開既黃金炸蠔薄薄脆漿控制得好好，加上本身蠔夠曬身，非常大隻，外脆內軟。外層有薄薄鹹蛋黃，非常惹味。沙律骨本身用上腩排，有肉得來又有骨食底層用秘制醬煮左先再面上沙律醬，兩者配合得宜每次必點菜色咕嚕肉當然到到都有得叫，但要好食既都唔係容易呢到都係高質水準，酸甜剛好，一口豬肉size，方便入口。上湯豆苗基本野，無乜特別最後來個蒸蝦飯如果旺角想食中菜又唔介意價錢的話，粵來順一定係第一推介。

上次食完番尋味，今次都係訂咗個杏汁豬肺湯，一如既往的好，好香濃既杏汁味，豬肺冇壓味，飲完真係夠晒潤。今次叫咗薑蔥蠔，比上次金沙蠔好好多，呢個唔會太油，又好夠鑊氣，蠔味又十足，正呀！再叫咗個豉汁帶子蒸豆腐，豆腐好夠滑，豆豉好香好濃，帶子如果厚切就好啦🤤侍應服務好周到，真心讚！

友人提議到米芝蓮推介的粵來順飯聚，用膳時間限時1.5 小時。按店員推介，我們點了杏汁白肺湯(細)、千絲芝心球、冰梅欖豉骨和金勾銀柳。杏汁白肺湯雞湯味濃，但杏汁和豬肺味較弱，比歌利亞早年在觀塘工廈私房菜店喝的杏汁豬肺湯遜色(可惜該店已結業了)。千絲芝心球，味道有點像飲宴的炸蝦球，好味但欠驚喜。冰梅欖豉骨，味道酸酸甜甜的，不錯。最有驚喜的反而是道炒粉絲-- 金勾銀柳，配料簡單，但夠鑊氣夠香口。雖然食物整體味道不錯，但由於店員過份殷勤，令人有點不自在的感覺，而且位於後巷的洗手間雖有三隔，但竟男女共用，令印象分大減。

昨晚和朋友慶祝一下2018年，兩個人揾d好野食，又想方便泊車，就諗起旺角的粤來順，如果揸車，可以泊門外，不過當然要小心抄牌，或者可以泊過隔嚟街既錶位，就可以食得更安心！喜歡粤來順的原因是因由裝修到食具以至食物都充滿廣州風味！ 怪不得會得到米芝蓮的推介！是晚叫左幾個小菜，份量一般，好似我哋兩個男士的話，我建議叫3 個菜會比較好！如果有閒錢，不妨再叫一個豬肺湯試下！坐低先叫左馳名既豬肺湯，再order左一份鹵水鵝拼盤！ 鵝片配上醬汁非常好味，鹵水肥豬肉也是肥瘦適中！重點係d豆腐，吸晒d汁，味道非常好味！仲有芥蘭炒臘味，用料不錯，臘味炒出來的芥蘭特別好食，臘味也好食！特別介紹呢個薯仔 牛仔粒，薯仔食落仲脆，牛肉有牛味，感覺像是新鮮牛！ 加上黑椒的配合，非常惹味！推介！

自從榮登 美食金榜之後， 粵來順 便成為了城中排隊熱門食肆之ㄧ。 每日都有長長嘅人龍 ，慕名而來 光顧。 作為為食獎門人 ， 福福郎當然係唔執輸啦！ 一早訂番檯靚位， 同朋友嚟擦餐勁， 試一下 瘋魔全城嘅粵菜精點。。。杏汁白肺湯 ----- 湯色白潤， 喝下去有一抹杏仁香， 但卻沒有搶去豬肺的味道， 豬肺應該清洗得很乾淨，沒有一種羶的味道。 很舒服潤喉的一道湯品， 最合這個秋冬乾燥時節。鹵水鵝、豆腐及紅腸 ------ 秘製滷水汁的味道調較得恰到好處， 沒有ㄧ味呼天搶地嘅鹹，也不是那種濃稠得令人口渴的重囗味， 一切是來得那麼自然 、恰到好處， 令你吃完一嚿 鹵水鵝。。。 不其然 再舉筷子多夾一嚿 鹵水豆腐 來食。豉油雞 ----- 沒有弄得過鹹， 味道剛剛好。 雞 ，也是剛熟， 很鮮嫩很滑口。 骨頭裏面沒有紅紅的血水， 感覺吃得安全， 吃得放心。米芝蓮 的后冠 ，果然是實至名歸， 值得一讚。唯一美中不足的是 : 人很多， 座位很逼狹， 坐得不太舒服。 侍應也不太理人， 很高竇。。。直頭 港女 feel 滿瀉。今夜。。。你會不會來，一親 的香澤?

朋友推薦，特登嚟試味！試咗四個招牌：杏汁白肺湯，蟹蒸飯，炸蠔，唔記得咩骨，有D失望，可能期望太高，麻麻地！唔夠大排檔好食，路過試下還可以，唔使特登嚟食！夥計服務態度就非常好，可能因為系lunch time，好少人，仲送埋碟生果添！