粵來順 (已結業)

朋友搬左，正苦惱有咩食，我就提議左食呢間！之前我已經食過一次，已經不斷話要再食多一次！杏汁白肺湯係一定一定一定要飲，一入口係即刻暖哂，味道剛剛好，杏汁唔會太搶，豬肺又係好好食！！我地三個就叫左個細嘅，剛剛好舀到3碗滿嘅！之後冰梅骨又係必點，超級好味，酸酸地幾好味，半肥瘦肉，一定要趁熱食，凍左無咁好味同較難咬。今次試左支竹班腩，佢魚塊唔係平時雪藏魚，係魚肉！都係個句趁熱食，佢凍左有小小腥腥地。。。對面叫左伊麵，好大碟，絕對唔係呃你。我地仲叫左一碟菜，3個人4碟都係每人180賣單。如果有興趣食，建議早啲book位，多啲人黎食，可以食多幾味。

朋友相聚，有個好姐妹話帶我地去食一間好味既中菜店，佢近大角咀同旺角，返屋企都方便！ 籠仔荷香糯米蒸羔蟹 一打開荷葉很香，重荷葉味，糯米圓同飽滿，包圍著蟹，即使沒吃蟹，都滿有蟹既鮮味！ 蜂蜜豉油雞 呢隻雞點只豉油雞咁簡單！外面雞皮充斥香香的蜂蜜味，但又唔會太甜，令主角失色，豉油係淡淡然般，不太鹹之餘，雞肉鮮嫩。 金沙桶蠔 蠔被香脆金黃的脆漿包圍著。蠔夠大隻，熟左的蠔都有手掌咁大！！咬落勁多汁，十分新鮮又唔鯹，外鬆內實，大家都很喜歡。 我地叫的都係部分招牌菜，都很出色，期待下次再試其他招牌菜！

在朋友的介紹下，喜歡中菜的小編到這一間比較遠離鬧市的中菜店。小編是有點期待，因為朋友已經光顧了一次，所以才推介。 我們等了陣，終於有位。點了：招牌生磨杏汁白肺湯(細)，金沙桶蠔，魚香茄子煲，蜂蜜鼓油雞。 特別一說，朋友說上次來沒有「招牌生磨杏汁白肺湯」，店員說已經售罄！！所以要試的朋友要早少少到哦~~~先來個湯暖暖肚~~~好好味哦~~~~~~~小編對杏汁的印象一般，但這次很好入口，湯不鹹。湯渣看出個肺洗得很好，很清潔。 蜂蜜鼓油雞，雞很滑，而蜂蜜鼓油味很易入口，再加上魚香茄子煲，送飯一流。 魚香茄子煲又是一個推介，因為這個魚香茄子煲不鹹，吃完都不會狂喝水。完全是用鹹魚帶出味道。 最後介紹金沙桶蠔，真係不得了，原來咸蛋黃跟蠔是可以這麼配合。太美味了~~~ 這一餐小編很满意，加上店員的服務態度很好，值得一來。 小編也會再來~~因為還有很多餸菜想試！！

相識十多二十年，幾人還在老東家？一聚之後三兩年，今夕又見六人來。莫笑毒男幾十勾，足不出戶大鄉里。相約登打士街頭，以為便利粵來順。不意家樂走到此，步程卻需十分鐘。對面客棧苛呢地，還有居屋富榮園。天花頂高彩玻璃，懷舊裝潢香港地。入了偏廳五圍檯，兩大兩中一小桌。豪邁哥兒大檯客，酒酣意氣更風發；小桌姐兒先調走，他廳無位六友留。生磨杏汁白肺湯，杏香肺腍湯濃滑；可惜每位四十元，分來不足一碗滿。豆豉鯪魚油麥菜，價錢味道還不賴。鹹魚雞粒豆腐煲，無甚印象好不好。枝竹魚雲另一煲，吃罷想來記不牢。外觀可人沙拉骨，汁濃奈何味不入。金勾銀柳炒粉絲，推介作品味帶腥。人頭白飯六靚佬，小巧到呢無料到。

剛才打去問是不是雅蘭嗰邊嘅登打士街，對方接電話嘅人說“不是”，是廣華醫院附近 。我帶住老人家，響廣華醫院巴士站落車， 再打去餐廳確認清楚地址，對方接聽話，不是廣話醫生嗰邊，吹漲! 離嗮普，亂點，最後吾x去食喇。

星期六在粤來順吃晚飯, 菜還沒上齊, 便隊碟橙上枱, 和侍應説, 餸還沒上齊噃, 但仍堅持放低碟橙, 擾攘一輪才肯拿走, 但不到五分鐘, 餸仍是未上齊, 但又隊碟橙過來! 大佬, 使唔使咁樣趕客先? 你上齊餸我唔走就話啫, 你餸都未上齊就想趕人走? 擺低碟橙又小家又沒作用, 枉作小人之舉。

一直都有朋友話這間好味道，但因為要幾個人黎先抵食，今次終於有4個人就話不如去試下佢，好彩我訂左位同湯，係旺角站行大約十分鐘到達，去到都幾嘈難傾計，但野食吾錯而我地每人$210都價錢合理，由頭到尾都保持住有人黎食，所以黎堅要訂定位。杏汁豬肺湯要之前訂左先，黎到見到勁白已十分期待，大約可以分到5碗湯，湯料都吾少，而且十分軟熟，加上豉油一起食都不錯。湯十分香杏汁味，飲落去都十分香口而濃的口感，感覺類似是吾杰身而咸的杏仁糊，豬肺味道濃又吾會有”散”味，煲得不錯～！怪不知咁多人都黎到點都叫一個啦，但價錢吾叫十分平，都要$238，一碗差不多要$40。炒面都見到桌桌都有我地忍吾住又叫左，講真十分好味，面質又夠幼而乾身，又吾太咸同加上配菜和辣醬一起食，好快我地好快掃晒這碟炒面。炸豆腐味道不錯又炸得吾太油，份量都不少，但醋味吾夠酸。鳳爪一碟有6雙，但超咸，冇朋友想食，最後我一人食完成口都係咸味，有失望。嘟嘟雞煲好熱呼呼黎到，雞肉都嫩而香，但味道偏淡，不過都可以食到原味，本人就覺得味道不錯。這個蒸勝瓜係我地最愛的餸，食落去蒜味濃又香，勝瓜吸晒精華清得黎又有蒜味，十分好味而吾會覺得好油。朋友話小炒皇比較少地

朋友相聚，找來「粵來順」，之前未食過㗎，想試下新嘢就走嚟試下。Book位已經問我要唔要訂呢個「杏汁燉豬肺湯」，我喜歡杏汁，又鐘意豬肺，果然幾好。好香杏汁味，豬肺好淋，點豉油食好好味，鷄腳都好入味。另外叫咗半隻「蜜糖豉油皇雞」，算是中規中矩，雞算滑，豉油也香，唯一係蜜糖，雞雖然係甜甜地，但甜中沒有蜜糖香味，蜜糖味一點都不特出。另叫了「欖豉骨」，聽聞係粵來順的特別菜式。聽個名以為係以豉汁味為主，原來唔係，係酸酸甜甜嗰隻，反而唔係豆豉味，未食過所以都覺得都幾特別。點了「錦勞雲吞」，略嫌失色，雖然夠熱也算脆，但雲吞饀很少，「甜酸汁」好稀，啲料樣樣得一塊，味道也一般。雖然已經飲咗杏汁豬肺湯，最後點都要試埋佢嘅蛋白杏仁茶。好即磨，熱辣辣，夠香夠滑，甜度適中。

今次第二次嚟食，水準依舊今次一行七人，點左個套餐(半席)，好抵食一定要試呢個杏汁豬肚湯，杏汁味好濃，好正有驚喜嘅千絲芝心球，外脆內彈牙，加埋芝心，好有層次聖子夠鮮甜小炒皇，同出面食開嘅唔同，濕身啲冇咁乾，同好多芽菜，我鍾意食芽菜西蘭花炒斑球，火喉啱啱好，上枱仲係熱辣辣蒸斑腩，鮮鹵味拼盤，冇諗過叫半席個分量都咁多我食得一舊咋個個搶住食 肉質夠嫩尾聲仲有麵同炒飯，但實在太飽，但都要試下，食左一"注"麵，好彈牙炒飯都唔錯，粒粒分明呢餐好抵，每人$205

平時去開新填地買野都經過呢間以傳統粵菜招徠嘅菜館, 只係以前中午仍有點心時買過一次點心外賣, 不過不失, 總係想試一次晚飯, 結果~ 當晚約左兩個朋友去試下晚飯, 點左杏汁白肺、招牌豉油雞、千絲芝心球、肉鬆四季豆湯 : 全晚最好, 湯味同材料都好足，都係一個唔錯嘅湯雞 : 鹹、無乜玫瑰露香味, 亦無乜豉油雞雞皮應有甜味, 佢話用新鮮雞, 我信, 但真係麻麻, 轉彎街市入面燒臘檔比佢更好食四季豆 : 四平八穩, 鑊氣亦夠, 不錯全晚最美味大賞 :千絲芝心球～上碟見到芝心球外面包以細麵炸起而成，賣相係吸引嘅, 咬落去就精彩啦, 好似食擦膠咁:鞋、乾、無味, 最利害之處係連入面嘅芝心都係一樣:鞋、乾、無味, 要做到唔同材料但味道同質地都一樣真係好巧功夫, 芝心我以為係流心, 粵來順來個重新演繹, 芝心, 其實都可以用來擦鉛筆, 又好食又好用。另外比到你額外驚喜, 係班伙計愛理不理嘅真誠態度, 真係唔係間間都做得到。所以, 我覺得自己無資格再去食, 我唔配係呢間菜館再浪費我辛苦搵返來嘅錢同有限嘅時間

想起他的杏汁白肺湯，湯料足，夠鮮味，剛在旺角上完堂，一行四人開心地過去晚飯，當侍應將湯料放在碟上，湯料小到你想不到，得6舊細細的豬肺，細小的雞腳3隻，湯味淡而無鮮味，失望😱😱再來小炒皇，太多油，千絲芝心球，蝦不新鮮，味道怪怪，滷水鵝拼盤，只有鵝、大腸、豬肉3種。女侍應態度差，剛吃完叫你埋單，最攪笑單價$686，竟然碌了6,860 多左個零，有個男人過來話我一個人做幾份野睇錯左，完全冇say sorry, 好似應份咁，太過份📡

臨時約吃飯，昨晚訂今晚五位都有位，時間分6點和8點兩更，我選了8點。雖然已訂位，但是等了15分鐘才有位。 因為好久之前無記"夜宵磨"介紹過，所以好想來一試。訂位時已預訂了生磨杏汁豬肺湯。好正！個湯白到好似牛奶般，豬肺好正，湯料除了豬肺，還有好多瘦肉、雞腳。 啫啫生菜煲好香口，有些蝦醬，好開胃。 千絲芝心球，外脆內軟。侍應說外層是麵包絲，不過點睇都不像。不過佐酒一流。(順帶一提，這裡未有酒牌，要飲酒就需要出去買啦！) 桶蠔煲比較一般，不過味道仍是不過不失。 金勾銀絲即蝦米炒粉絲，好好味，不過略油。 滷水鵝拼盤有鵝件外，還是豆腐、豬肉、紅腸。味道不錯，不會太甜口。

好朋友生日，特別要求要吃中菜，尋尋覓覓之下找到這一家評價甚好又在市區的餐廳。一行十幾人，可以多點幾款不同的菜色，吃中菜正合心意！原來這一家餐廳的總廚是之前烹飪比賽節目《大廚出馬》的終極四強之一譚嘉輝師傅，顧問就是該比賽的總冠軍東來順名廚陳國強，難怪菜色水準甚高！聖子皇 ($25/隻)聖子十分大隻，厚肉，配上蒜蓉粉絲蒸真的是最佳配搭，力推！蜂蜜豉油皇雞 ($208/隻)雞不算大隻，中型而且肥瘦適中，肉質頗滑，比很多大酒樓好很多。羔蟹糯米飯 ($608)糯米飯超級好吃！雖然是蒸的但不會太黏，而且十分入味！價錢有點貴不過多人分擔所以可以接受，夠budget的人士務必要試！魚香茄子煲 ($88)好吃！不過很多小菜館做這一道菜都不會差，所以不算特別。咸魚雞粒豆腐煲 ($78)普通小菜，味道不錯，豆腐嫩滑。蘇梅西檸雞 ($78)沒有嚐出蘇梅醬的味道，跟平時的西檸雞味道差不多，味道不錯。五柳斑塊 ($88)我覺得比較像咕嚕斑塊，不太像五柳醬的味道，不過味道不錯。千絲芝心球 ($98)我覺得千絲比芝心球好吃，芝心球跟平時火鍋的芝士丸分別不大，但比較流心，最有驚喜是千絲，炸得脆卜卜，條條分明，只吃千絲也

時光總不留人　難得過去幸運明日如何地變　仍是努力去捉緊回憶彼此同行　和街角故地這樣襯仍可　重溫　曾經憧憬這街中　笑著興奮當晚我倆在街上徘徊，輾轉又回到這街角，奈何時光總不留人.......「粵來順」主打懷舊手功粵菜，猶記得在第三次到訪時與您結緣。您是一位懂得欣賞食物、對烹調充滿熱誠和專業，且親和無架子的人，自然讓人很想親近，可惜緣份來得短暫，一天您竟不辭而別........ 生磨杏汁白肺湯依舊是「粵來順」的招牌湯。湯料除了大量的豬肺，還有馬蹄、銀杏、雞腳和瘦肉，光是豬肺已吃得我倆半飽了，但又捨不得不吃。料足，湯味自然鮮，再配合生磨的杏汁，入口杏香撲鼻、味道醇厚，最好的依舊是最好！仍記得「粵來順」豉油雞的美味，這回來個沙薑煎焗雞。雞件纖巧、皮薄不油、肉質緊緻，精要是選用沙薑乾粉烹調，再加入沙薑粒同煮，雞件表面仿如鋪上沙薑粒，雖然味道要比一般沙薑雞來得淡口，但卻充滿了薑的鮮香，味道較為清純自然！什麼是艇家之寶？這道艇皇浸菜心選用了蝦乾、鮮魷和魚肚。上湯味道未算濃厚，不過蝦乾透出豐郁的甜香、魷魚鮮爽彈牙、魚肚也是鬆彈不腥，足證選料不俗，配襯幼嫩的菜心更是清怡中帶出點點惹味！我很喜歡蒸水蛋，這

粵來順YuetLai Shun (老香港風情的粵菜館)地址：香港九龍旺角登打士街2-8號寶亨大廈地舖10-12號電話：27883078營業時間：星期一至日18:00-02:00交通：港鐵油麻地站A2出口付賬方法：信用卡、現金(茶芥5元及加一服務費)個人推介：欖豉骨,生磨杏汁白肺湯整體評分(滿分為5)：食物4│環境2.5│服務2.5│衛生2.5│抵食3│推薦3評語：坐位太迫，洗手間設在店外很遠的地方，女士晚上去的話建議要結伴前往位於旺角的中菜館粵來順，無錯與城中名店東來順有點相似，皆因陳國強師父亦有份作顧問，掌鑊的是譚師父。2011年中，TVB製作的電視廚藝大賽《大廚出馬》冠軍陳百強師傅一直任職東來順，離任後當了粵來順的顧問，而主理的譚嘉煇大廚亦參加過這比賽勇奪《大廚出馬》初賽與複賽冠軍。粵來順位置遠離旺區，從油麻地地鐵站走過去也許要十分鐘路程。店子在登打士街馬會投注站旁，對面是某酒店集團旗下的BoutiqueHotel，都幾偏僻，不過每晚還是座無虛席，所以建議預先訂位。店子位於街之一角，兩舖相連，玻璃廚窗有燒味外賣。店內舊香港食肆裝潢，由紙皮石牆至鐵窗花和吊扇及懷舊的掛飾等，重現當時的