粵來順 (已結業)

因媽媽鍾意食中餐，而粵來順又被稱2018米米之推介，所以一行5人就去試試。坐定定後，叫了茶&上湯（已book既豬肺湯），然後睇叫什麼菜。Order 菜時，湯還未上，茶亦未到。可能多人啦，我地亦都無追。第一味粟子雞到時，阿姐話湯仲未到呀！？我答：係，連茶都未到。隔左陣，茶到&其他菜都跟住來。湯終於係上完幾道菜到啦⋯⋯重點，我細佬食左舊雞，唔係好熟，有dd血，可能舊雞大舊d，所以唔係太熟。我媽&男友再食，原來有d大大舊d肉係唔熟🤭⋯⋯咁就同阿姐講，可唔可以回一回鑊，因唔係好熟。短髮阿姐：你地唔早d講，食左幾舊先講。一係你地轉第二樣啦，一係比多幾舊你地。（態度極之惡劣）我：而家係佢唔熟，叫你回一回鑊，唔係叫你比返幾舊我地。另外，埋單時發現，菜價錢比餐牌上多左$20蚊。咁就同長髮阿姐講，最後係短髮阿姐走過來。我：唔該我想問下，點解 有個「廚房手寫單」$108，菜唔係$88？短髮阿姐：你叫左咩菜呀⋯⋯我：豆苗短髮阿姐：豆苗緊係貴d啦，你係街市買送都知。我：但落單時又唔講，咁到埋單你先講。咁你唔止加$20都得啦。真係無咁好氣，下次唔會再來！服務，除左個個短髮阿姐，其他人態度好好。食物，都ok,但偏

一大班男仔一齊食飯，叫餸特別多，食物特色一定要有，今次呢間粵來順真係非常之啱食！不過價錢都幾襟計！朋友預咗過嚟食飯，定位是一早留咗呢個杏汁豬肚湯，招牌雞，蟹膏蒸飯。先講個杏汁豬肚湯，處理得非常之好，杏汁嘅味道好足，但又唔會太苦，豬肚煮得好琳，容易食！蟹膏蒸飯就有啲失望啦！開工嘅味道並沒有滲透在飯中，個飯只係普通嘅糯米飯，唔值得用呢個價錢去食！隻蟹係有啲糕嘅，但係唔係話好好食囉！呢度就招牌雞係好滑，味道又好好食！大家都搶着食！佢雞胸真係不得了，點解都咁多汁呢！呢個金沙蠔真係高膽固醇嘅表表者，但偏偏就係最好食嘅，蠔就夠鮮味啦，仲要大大隻，點會吸引唔到人呢！我最欣賞就係呢個羊腩煲，因為冬天食佢特別開心，食完全身暖曬，我食嗰夠就完全諗嘅，但男朋友嗰舊就有啲硬，馬蹄同筍都非常之諗，果汁真係冇得頂！

Walk-in無訂位，等左半小時多。幸好食物，服務令我覺得值回票價。叫了幾道招牌菜，全部熱騰騰上菜，十分好味。下次一定會訂枱，同叫多些朋友來，可以試多幾味餸。😋

近期大熱...最近得到"2018米芝蓮推介食肆"，生日同屋企人嚟試新嘢~一去到已經人頭湧湧, 入到去好有懷舊FEEL, 因為之前訂位已經訂咗生磨杏汁白肺湯($238), 上到嚟真係好香杏汁味, 飲落去好濃郁好香~豬肺亦洗得好乾淨, 好味!仲叫咗千絲芝心球(必食)($128)炸完唔覺佢油膩, 用蝦膠包住芝士嚟炸, 炸得火喉適中, 唔會太燶, 蝦膠又彈牙, 無得頂呀!! 冰梅欖豉骨($98), 味道唔錯都好夾味~金勾銀柳($98), 炒得好乾身, 但我食唔出入面有咩材料, 哈哈!! 金沙桶蠔($188), 用咸蛋黃走油炸桶蠔, 味道OK, 但好油淋淋, 下次可能試佢其他做法會好D~ 蜂蜜豉油雞一隻($208)真係好有蜜糖味, 雞好滑~ 金銀蒜蒸勝瓜($78) 同平時出街食既冇咩分別, 籠仔荷香糯米蒸膏蟹, 見好多人都試嚟得冇理由唔試埋佢架~隻蟹都大隻~仲要多膏又鮮甜, 可惜糯米飯太油, 真係試咗少少就唔敢再食啦~ 值得一提, 職員好好人, 又有禮貌, 真係服務得好好~有良心既店舖!!下次會再嚟幫襯佢~

今晚我們喺旺角附近做完嘢之後諗著去喺登打士街已經有一段時間無嚟嘅「粵來順」食晚飯，但一去到就見到店外同之前一樣都係有好多人排隊等位，由於今次我們係臨時決定，無預早訂位，所以我們都要同其他人客一齊等位，但喺等位嘅時候見到喺牆上貼著一份報章，認真一睇，原來係他們最近得到「2018米芝蓮推介食肆」，所以就算要等咗好耐先有位，我們都會想繼續等落去！我們叫咗木瓜燉花旗參湯嘅湯底味道好甘甜濃郁，而且感覺好滋潤，最啱喺而家呢啲咁乾燥嘅天氣飲！冰梅欖豉骨嘅肉質極之鬆化軟滑，完全唔會有好硬實實嘅感覺，而且好離骨，至於醬汁嘅味道酸酸甜甜相當醒胃，而且好入味！金沙涼瓜片嘅涼瓜片相當甘甜爽脆，外層係甘香濃郁嘅金沙鹹蛋黃，食落味道非常夾，真係創意十足！沙薑煎焗鷄係用一個燒到熱辣辣嘅煲仔嚟盛載著上碟，聽店員話首先將啲鷄肉煎香咗之後再焗，所以香濃嘅沙薑味滲透晒啲鷄肉入面，而且肉質好軟滑，完全唔會有「嚡」嘅感覺，真係好正呀！豉汁蒸魚雲蒸嘅時間火候控制得恰到好處，而且魚雲係新鮮即劏，所以肉質非常鮮甜嫩滑！總括：雖然已經有一段時間無嚟，但師傅仍然可以保持著水準，所以他們得到「2018米芝蓮推介食肆」嘅榮譽，係值得嘅！

訂了5/11 星期日晚上7:30 五位去到餐廳早左7:20，店內人頭湧湧心諗應該有排等點知7:30當真有位入得但眼見如果只有兩位，會坐門外摺檯，食物都會由餐廳職員由廚房拎出嚟，門外就係對住一條條大馬路，會有大排檔的感覺。餐廳有BB櫈，但環境比較擠迫，好多時餐廳職員都好難上菜門面已經有推介菜式五個大人叫左4個餸1個湯杏汁豬肺湯非常足料我覺得金銀蛋浸時蔬最好味芝心蝦球，略為普通重點推介菜:糯米蒸蟹，以520元左右的蟹肉黎講可以更好不過蟹身大隻，而且充滿豐富的蟹膏，都值得一試！

walk in 咁岩有位，兩個人點左細杏汁白肺湯，半隻白切雞同 釀豆腐。湯有杏汁味，清清地ok啦，個人認為濃味多少少會好飲啲，都足料嘅。白切雞唔會鞋口，唔會太肥，幾好咁啦。釀豆腐就真係失敗，就好似蒸豆腐就咁放啲蝦膠係面，唔係釀入去。另外就係無乜調味， 淡茂茂，浪費左啲食材。值得一讚嘅係啲飯，粒粒分明。兩個人連埋加一要四百幾。食左一半先記得影相:

朋友推介我黎試下呢間餐廳，佢既裝修好古色古香，由其係吊扇。因為位置近酒店，都有好多外國人黎呢度食野。呢度好出名既杏汁豬肺湯，最好早一日訂定，我地今次試左呢個湯，D湯有杏汁既滑同香味，用黎煲湯既豬肺我地都食晒，煲豬肺湯係非常要時間心機，出面冇乜地方食得到。我本身唔係好食杏仁糊之類既，但呢個湯既杏汁味道我接受得到，而且唔會搶左豬肺湯既味，呢個味恰到好處，非常討好。其他小菜都做得好出色，真係值得一試再試。

せんせいあのね、チャーハンが食べたくて食べたくて震えそうだったから来ました。食べたら食べたで美味し過ぎて震えました。結局震えるんだなー、と思いました。一緒に頼んだクラゲと豆腐もなかなか美味しかったです。もっと他の料理も食べてみたいですね。店員さんもフレンドリーで良い感じです。ソーリー、アイキャンノットスピークイングリッシュって言われたのでミートゥーって返しました。ビールもキンキンに冷えてて最高でした。また来ます！！

一黎到太肚餓了，相都無影飲左個東瓜湯消一消暑，好飲既，4個人每人都有碗半既！金沙桶蠔 一咬落去啖啖咸蛋黃味，蠔的質地也不錯👍金銀蒜蒸勝瓜呢個好好味一定要試 勝瓜入晒蒜頭既味 還有粉絲伴碟，推介推介籠仔荷香糯米蒸膏蟹 賣相很好👍食落去感覺有點像飯有飯蒸，蟹有蟹蒸的感覺，飯的蟹味不濃，驚喜的是蟹膏都算多！最後結算時才知道需要$520，本人覺得不太抵食。金鈎銀柳味道一般，淡淡的，沒有什麼特別，可以不試！冰梅欖鼓骨見到好多網友都有post呢味餸，最後決定一定要試試，酸梅味很入味送飯一流，肉質很爽離骨！又是必試之選！

由於早前我們喺午飯時間嚟旺角登打士街嘅「粵來順」食過覺得出品相當唔錯，所以今晚我們特意喺晚飯時段嚟食，一嚟到就見到較早前好朋友同我們講嘅一樣，有好多人喺門口排隊等位，我們起碼等咗半個鐘先有位！我們叫咗八寶燉冬瓜湯係每日原個燉盅新鮮即燉，湯底嘅味道非常清甜，同材料相當足料豐富，同埋喺而家炎炎夏日嘅天氣飲呢個湯，真係特別覺得消暑解渴！鴛鴦鷄係用兩款鷄組合而成，分別係蜂蜜豉油鷄同客家走地鷄，肉質就極之嫩滑，就算鷄胸嘅位置都完全唔會有「嚡」嘅感覺，可以一次過食到兩款鷄，感覺好有創意同特色，兩款鷄之中，我們比較鍾意蜂蜜豉油鷄，因浸得好入味，但唔會有鹹嘅感覺，而且食落仲會散發出蜂蜜嘅香甜味，真係好正呀！籠仔荷香糯米蒸膏蟹一打開個蒸籠蓋，就有一股香氣撲鼻，由於師傅將膏蟹擺放得好整齊，所以令到賣相更加吸引，膏蟹嘅蟹膏份量超多，質感好甘香軟滑，蟹肉嘅肉質非常鮮甜嫩滑，舖底嘅糯米飯質感好煙煙韌韌，而蟹肉嘅精華，仲有蔥花同蒜香嘅香氣都滲透晒入糯米飯入面，令到味道更加芳香惹味，令正在「扮減肥中」嘅我，都食到停唔到口，真係好正呀！西施蛋白炒龍躉腩聽店員話係用50斤嘅龍躉魚腩位置，所以肉質超結實彈牙，味道相當鮮甜

約埋三五知己一齊食飯, 見食評不錯,所以去試, 地方唔算寬闊, 枱與枱之間有點迫， 餸菜款式 可以, 都幾多選擇 杏汁豬肺湯 - 果然冇介紹錯,好好飲, 好足料， 出面好多地方都冇得飲 椒鹽鮮魷 - 正常嘢，冇特別 啫啫雞煲 - 熱辣辣上菜, 但味道比較鹹 炒通菜 - 味道亦是过鹹 欖豉骨 - 幾好味, 肉質唔鞋，唔so 金沙桶蠔 - 味道亦是一般，桶蠔唔係好大隻 揚州炒飯 - 炒得剛剛好，唔會太濕， 几大碟成晚淨係得個杏汁豬肺湯好飲，其他餸比較鹹，有待改善！

食物：大部份食物都幾正常，白肺湯幾好飲，油雞都可以。唯獨是有碟酥炸魷魚酥好差，超級淡，外面有味但入面完全無調過味，差到陣。份量：4個人叫左5樣野後來加錢換左樣，5至6碟食物4個人食，夠飽，份量適中。服務：幾好，我有朋友出聲同佢哋講要退碟魷魚，因為真係唔好食，老闆話可以加錢轉其他野食，我哋都接受。環境：無乜特別，茶記坐位個啲，有卡位，都可以，唔差亦唔會特別舒服。價錢：唔貴，正常價亦唔會特別抵，正常。

由於有個好朋友介紹我們話喺旺角登打士街嘅「粵來順」嘅招牌生磨杏汁白肺湯同其他小炒都非常出色，叫我們必定要去食，兼且畀咗個溫馨提示我們話呢間店晚晚都全場爆滿，要早啲去食，所以我們今日下午就去咗食午飯！我們叫咗招牌生磨杏汁白肺湯「大」一打開個蓋就有好芳香嘅杏汁味香氣撲鼻，店員同我們講話他們係每日新鮮即磨杏仁同湯料非常足料有清洗得超乾淨衛生嘅豬肺、瘦肉、鷄腳、馬蹄、白果去燉製幾個鐘，所以湯底超級香滑濃郁，味道極之清甜鮮味，飲完令人有一種好滋潤嘅感覺！薑蔥魚鰾煲係用一個燒到熱辣辣嘅鍋盛載著上碟，魚鰾嘅質感非常爽脆，而且吸收晒爆得好芳香惹味嘅薑蔥味，真係超正呀！乾炒牛河嘅河粉好煙韌軟滑，牛肉嘅肉質好鬆軟，而且炒得好乾身同好入味！香煎腐皮卷聽店員話他們係用新鮮嘅腐皮自家包製，所以腐皮嘅質感好軟熟，而且相當薄身，同埋他們係即叫即煎，煎到外層好金黃香脆，而唔係平日食開用油炸，所以完全唔會有好油膩嘅感覺！蒜蓉炒蕃薯葉炒得鑊氣十足，蕃薯葉嘅質感相當爽甜！總括：店內嘅環境裝修充滿著懷舊風味，聽爹哋話好有六七十年代嘅茶居感覺，有吊風扇、餐具同鐵窗花等等等等⋯⋯真係別有一番風味！

食物款色多，價錢中上。色香味皆備，惟味道偏鹹，要不停喝茶。我們點了五餸一湯，分別是生磨杏汁白肺湯、蜂蜜豉油雞、蒜茸粉絲開邊蝦、花膠海味一品煲、翡翠炒深海龍躉腩和薑蔥豆卜鮮鮑魚煲。