影片
港鐵灣仔站 A1 出口, 步行約5分鐘
繼續閱讀
電話號碼
28663806
開飯介紹
供應巧手粵菜、精美點心及小食
繼續閱讀
獎項殊榮
美食之最大賞 (2014)
營業時間
今日營業
10:00 - 15:00
18:00 - 23:00
星期一至日
10:00 - 15:00
18:00 - 23:00
公眾假期
10:00 - 15:00
18:00 - 23:00
以上資料只供參考, 請與餐廳確認詳情
相關文章
食評 (219)
402 瀏覽
六月初喺面書見到「KKday」同灣仔「六國酒店」搞咗個快閃優惠，可以半價預購中菜廳「粵軒」限量推出嘅「佛跳牆風味菜」二人套餐（原價$2,398/二人；快閃價$1,198/二人），XO仔一吹雞即有為食貓回應，十五分鐘內更成功網購兼訂位。用餐當晚落著滂沱大雨，識路嘅長輩都喺酒店後門個停車場度落車，有瓦遮頭唔怕揼濕。位於一樓嘅酒店餐廳樓底高高，用餐大堂闊落通爽，光線充裕，餐桌與餐桌間有足夠嘅活動空間。每位席上都擺有齊備嘅自用及公用餐具。值得一提嘅係場內嘅服務生雖則年紀唔輕，但卻極之落力，酒杯茶壺可保持常滿狀態好多餐廳都做唔到架！最令細佬感動嘅就係埋位一刻，經理哥哥話已知悉其中一人對花生敏感，同廚房夾咗晚餐不會含任何花生成份，不過為安全起見，原定嘅杏仁茶甜品就換咗做紅棗雪耳燉桃膠，細心周到得很！套餐除咗已包茶芥、小食及加一服務費，另外每人仲有智利白酒一杯。青瓜小食：六人用餐共有兩碟清新爽脆嘅青瓜小食。風味三寶（銷魂叉燒、金錢雞、黑醋木耳）：三式前菜賣相精巧，一人一份衛生又得體！拼盤中嘅黑醋木耳清爽醒胃；件金錢雞就較為失色，因為舊肥豬肉唔夠肥潤，雞肝偏嚡同乾，直令菜式唔得爽滑。最正係鎮店嘅叉燒，三片同樣肥瘦均勻，肉汁豐沛，鬆軟甜美，確真銷魂！粵軒佛跳牆：佛跳牆乃福建菜，傳統做法會用上鮑參翅肚、花菇、鮮雞、雲腿等高級食材燉出，酒店以六百蚊/位推出嘅套餐竟然有得食喎，好自然地會喺用料方面作出調整，不過粵式版本每盅都含一隻鮑魚、海參、花膠、瑤柱、雞肉等，只係明顯少咗酒店業唔再供應嘅魚翅，都好合理。平心而論，佛跳牆個湯底好清甜，原隻鮮鮑夠彈牙、海參好爽，啲料都唔差嘅。釀焗蟹蓋：套餐以「佛跳牆」起名，但掀起高潮嘅竟然係連隻碟都特別襯嘅釀焗蟹蓋，啲鐵腳仔先得意呀！金黃亮麗嘅蟹蓋脹卜卜，絕對稱得上樣靚身材正！芝香尤甚嘅外皮下嘅蟹肉鮮甜幼嫩，柔滑無比，而且份量勁足，淨係依味已經值回票價！紙包骨：小肥真係大鄉里，第一次食紙包骨，諗住張紙係食得嘅，好在哥哥及時制止先冇出事，唔怪得知會連埋把鉸剪上啦！用張紙包住黎炸嘅豬排咬落好爽身，肉汁夠且惹味香口，送酒佳品也。魚湯浸時蔬：大大條嘅菜心爽脆冇渣，個人覺得個魚湯底比之前盅佛跳牆濃甜得多。荔蓉香酥鴨：嘻嘻，寫食評先發現自己酒精影響下影嗰幅相冇對都焦，真係唔好意思，希望讀者們仲睇到個香酥鴨好夠乾身。功夫菜炸得夠酥化輕盈，個荔蓉鬆軟且唔溜，美中不足係啲鴨肉偏咗少少實同硬。迷你桶仔飯：桶仔飯清香不油膩，只係即使係迷你，單尾每人一桶真係未必人人食得到，好在食唔哂可以打包，建議環保人士自備定飯盒。紅棗雪耳燉桃膠：紅棗雪耳糖水滋潤甜美，桃膠Q彈軟糯，簡單可口。杞子桂花糕：透出杞子同桂花嘅糕點清甜冰涼，芳香淡雅，輕巧不膩口。六國酒店中餐廳「粵軒」環境高雅大方，服務生專業好客，快閃半價優惠之「佛跳牆風味菜」二人套餐用材優質，豐富抵食，絕對值得一試。
繼續閱讀
很喜歡食六國酒店「粵軒」的粵菜，食材高質之餘更保留傳統風味，原來六國酒店由1933年開業已經92年，近期更推出《一九三三味道尋根》 昔日六國飯店的菜譜如今重現，讓大家再次品味到那獨特的六國滋味，仿佛回到了昔日的老香江。《1933･舊影時光珍味套餐》 每位 $888完全懷舊風味嘅套餐，而且大部份係手工菜，坊間粵菜廳少有，特別係柚皮製作繁複，經典懷舊粵菜「合浦環珠」更是從未聽過的菜式😋▪️鴻運乳豬件乳豬件豬皮超脆，而且肉質是肥瘦相間，配上熱辣辣的又軟熟的刈包，沾上乳豬醬非常滋味，加上爽口彈牙的海蜇，配搭得非常之好▪️蟹黃燕窩呢個簡直係回本之作，濃郁的蟹黃羹配上非常豐盛嘅燕窩，入口甘香之餘每一啖都係燕窩，養顏好味▪️合浦環珠原來係用豬油網包裹住鹹蛋黃、合桃、蝦及雞肉，內層口感豐富，外層金黃酥脆，餡料Juicy又彈牙，而且完全唔覺油膩，就咁食或者淋上喼汁一樣咁正▪️柚皮金山鮑製作繁複要經過多重工序才會令柚皮入味好食，「粵軒」師傅當然掌握得好好，鮑魚軟腍入味帶點溏心，柚皮炆得軟腍，吸收醬汁後非常滋味▪️雞茸露笋露笋鮮嫩爽口，雞茸芡汁充滿鮮香，和蘆筍非常搭配▪️汀州伊麵中式酒樓傳統的美味，伊麵口感嫩滑爽口、麵質彈牙香滑，配合韭黃、草菇，充滿蠔油的香氣味道剛好▪️紅棗桂圓糖水｜杞子桂花糕清潤滋陰糖水和糕點，非常足料而且做得唔太甜，熱愛中式甜點的我表示非常喜歡
繼續閱讀
聽朋友說「六國酒店・粵軒」推出了懷舊粵菜的的套餐，一於帶媽咪來品嚐一下，尋回當年的味道。入座後，服務員細心介紹餐牌，服務貼心周到，食物水準也很高❣️《一九三三舊影時光珍味套餐》$888/位鴻運乳豬件外皮燒得酥脆的乳豬🐷，肉質嫩滑，油潤而不膩，肉汁四溢，夾著鬆軟及微甜的刈包一起吃，口感及味道都豐富。蟹黃燕窩蟹黃、蟹肉🦀和燕窩的份量很多🤩蟹黃味道濃郁，配搭清淡的燕窩，再加上蟹肉的鮮味和實肉的質感，誠意十足‼️合浦環珠用上豬網油包裹著鮮蝦、鹹蛋黃、蠔乾和合桃仁下鍋油炸，吃起來層次分明。柚皮金山鮑製作柚皮的工序繁複，要重複浸泡和榨壓去除澀味，再把它油炸至鬆化，再將柚皮以鯪魚、火腿及老雞的上湯燉煮入味，柚皮吸盡湯汁精華，吃下去柚皮🍊軟綿無渣，入口即融，吃得出廚師功架👍🏻鮑魚肉質腍滑🦪，咀嚼口感充實，鮑魚鮮味濃厚🤩雞茸露笋雞茸以雞肉造成的肉泥，加入雞湯拌勻，配搭露笋一起食，露笋鮮嫩清甜。汀州伊麵將麵浸軟後，用雞湯煨炆煮成，好美味🥰紅棗茶仲送了糖水紅棗茶，滋潤一下😋
繼續閱讀
呢間格調滿分嘅中菜館，一入門就被溫暖嘅燈光同埋高雅嘅裝潢深深吸引住！餐廳設計充滿美感，營造出溫馨嘅用餐氛圍，每張白色餐桌都整齊有序地排列，俾人一種舒適優雅嘅感覺。今次試咗佢哋嘅「一九三三歲月情懷套餐」，每位$428（兩位起）蜜汁叉燒 皇牌蜜汁叉燒以柔嫩的肉質與輕微焦香的外層著稱，甜而不膩的蜜汁調味與肥瘦均衡的切配相輔相成，展現經典風味令人回味。煎大蝦碌煎大蝦搭配酸甜的茄汁醬汁提味，醬汁與蝦肉的完美交融帶來豐富口感。上湯魚肚 魚肚以軟滑入味的質感呈現，上湯以高湯為基，加入豬肉的濃郁滋味與冬菇的鮮香提味，溫暖滋潤並帶有天然鹹香，飲用時更顯滋補養生之效雙鳳朝陽巧妙融合雞肉與鴿肉，鮮嫩入味的肉質展現精心燉煮的工藝，健康養生的特色令人耳目一新。蟹扒菜苗 鮮甜蟹肉份量非常充足， 與菠菜形成絕妙搭配，簡約烹調手法保留食材原味，口感與風味相得益彰。羅漢齋麵 羅漢齋麵以爽脆麵條為基，佐以濃郁芡汁及多樣新鮮蔬菜與菇類，健康與美味兼備。每道菜都係用心製作，食材新鮮，擺盤精美餐廳服務員都專業有禮，為整個用餐體驗加分不少。
繼續閱讀
六國酒店自1933年屹立香江，承載咗無數回憶💫 今次粵軒推出懷舊主題套餐，重現昔日六國飯店嘅經典菜譜，帶你一秒穿越回老香江嘅味道！小編試咗一餐，味道同情懷兼備，真心推介畀鍾意粵菜嘅你🥢粵軒位於六國酒店一樓，環境典雅舒適，帶點復古情調💽，無論係同家人聚會定朋友飯局👫都好適合！服務員態度親切，細心周到，令人感覺賓至如歸👍🏻𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ❁ 蜜汁叉燒 🍖叉燒入口好軟腍，好鍾意邊位微微焦香😌，而且甜而不膩，肥瘦適中！每一口都充滿🍯蜜汁嘅濃郁香氣，經典得來令人回味無窮😋❁ 煎大蝦碌🍤大蝦碌煎得外脆內嫩，🍅茄汁酸甜開胃，醬汁裹住蝦肉，味道層次豐富，食完真心滿足🦐❁ 上湯魚肚 🐟魚肚軟滑入味，上湯清甜鮮味，湯底充滿海鮮嘅精華，飲完一碗暖胃又滋補，超推🪄❁ 雙鳳朝陽 🐔🕊️雞肉同鴿肉嘅完美組合，肉質鮮嫩，燉得入味，食落健康又養生，係一道好有心思嘅菜式✨❁ 蟹扒菜苗 🦀蟹扒鮮甜，菜苗爽脆，兩者搭配得天衣無縫，簡單嘅烹調方式將食材嘅原味完全帶出，讚👍🏻❁ 羅漢齋麵 🍜素食嘅經典之選，脆卜卜麵條加上芡汁，再配上多款新鮮蔬菜同菇類🍄🟫，健康又美味，食到好飽啊😍❁ 紫米露 💜甜品紫米露香滑濃郁，紫米粒粒分明，甜度剛好，作為飯後甜品真是一個完美嘅句號❣️粵軒嘅懷舊粵菜真是一個時光隧道🌈，將老香港嘅味道同回憶帶到你面前。無論係想回味傳統粵菜，定係搵個地方同朋友聚餐，呢度都係一個好選擇❣️
繼續閱讀