糖室 (已結業)

前排常常在網上或電視上介紹南山村這地方，就同幾位好姊妹來到拍拍照，試試這裡的美食。南山村算是舊屋村，周圍環境雖然沒有翻新，但是吃東西的地方反而較新，款式亦不少。當中，這一間糖室甜品屋算是最帶特色的小店。坐於香港舊屋苑環境中的一間好有日本小店風味的小店，雖然地方不算太大，但小店環境好舒適。我們幾人選擇了幾款不同甜品，各帶特色玫瑰杞子雪耳露雪耳露很清甜，很潤喉。雪耳份量亦不少，口感很爽口。配上玫瑰花的雪耳露，更加芳香，玫瑰花的香味，亦令人很放鬆。茉莉陳皮燉蛋平時亦試過不同燉蛋，多數制作都是差不多。而這個燉蛋頂層少少脆，燉蛋亦很滑口，但最特別是加上了陳皮，及一杯熱熱的茉莉花茶，令膩感減低。鐵鍋棉花糖吐司相信這個甜品比較出名，朋友們一致同意下單。的而且確，非常美味，棉花糖烤至外皮脆，裡面半溶狀態。加上麵包底， 外脆內軟，加上雪糕，朱古力醬，棉花糖，脆脆，同新鮮的士多啤梨，口感真是200分！！！非常滿足，亦好有視覺享受。桂花桂圓燉雪梨桂花很清香，非常清潤的甜品。

考完試夜媽媽，諗住同個同學去食糖水慶祝下。南山邨有好味大排檔就不嬲都知，但原來都隱藏左一間幾有格調嘅甜品店，位置就隱蔽左少少，用google map搵左一排先排到，但黎到試過又覺得值得推介。舖面細細，數埋都唔夠十張枱，我地去到時更加係全店唯一一枱客。侍應遞上餐牌，真係估佢唔到有咁多選擇，中式、日式以至近年流行嘅台式吐司都有。今次就揀左食鐵鍋棉花糖吐司。熱辣辣嘅鐵鍋上枱後，棉花糖嘅香甜撲鼻而來，加上入面嘅藍莓、士多啤梨中和一下甜膩感，啱啱好。食到入面就見到吐司，因為鐵鍋嘅保護食到入面都仲係熱嘅，脆卜卜嘅多士仲有淡淡嘅蜜糖香味，夠飽肚，作為一個飯後甜品可能太過膩，但對於未食晚飯嘅我黎講就相當唔錯喇！好多時同朋友喺又一城食完飯都搵唔到甜品店，而家就有多個好選擇。食飽飯，行多兩步去南山邨，再食，咁先至盡興！

南山邨！冬菇亭裡的甜品店！糖室豆花蜜豆配芋圓😋。舊式公屋的熟食亭（即冬菇亭）買少見少，難得到來除了拍偽文青照外，當然要坐下來感受一下懷舊的風味。糖室（諧音「躺室」）是芸芸老派餐廳中的新式甜品店，全木的裝潢在傳統的冬菇亭中非常特別🎉。甜品的選擇也十分多，中式、台式、西式，傳統的中式養生和寶島的芋圓特別吸引！😋芋圓控的我選了台式糖水，紅豆略甜略多，但豆花真的豆味十足，芋圓也頗為煙韌👍👍👍。下午來，三五知己，獨佔了一室清閒。

係又一城食完dinner想搵甜品食，行左去石硤尾，都只係十分鐘左右。石峽尾出名多好野食，晚飯後要食埋甜品，盡興而歸！宇冶抹茶冰$46，係抺茶汁，醬會比較好。否則個味好快淡哂！大大兜，食極都食唔完，最尾剩左三分之一！宇冶抹茶心太軟$48，本來見到個抺茶冰會有點失望。但呢個抺茶心太軟反而濃得黎有小甜中和下，仲要係非常流心！蘋果金寶$38，蘋果舖底，麵包舖面，不過等左好耐，不過不失！但好飽飽！鐵鍋棉花糖吐司$58，全個都係棉花糖、仲有粟米脆片同小量雜苺！一人兩三粒都夠哂！如果多d醬會好d！

从cityu走五分鐘就到，下午三點來的，沒過多久店裡都坐滿按推薦點抹茶冰有dd失望😞冰體抹茶味好淡，很想吃蕨餅但是到碗底都沒出現，問下才知道沒有蕨餅換成粟米片了。還有牛乳冰淇淋，不知是否因為我吃的太慢化掉了，也同樣消失不見= =配料還是驚喜的，椰汁涼粉，紫薯粒，粟米片味道足。但是下次應當不會為了配料點⋯紅豆沙好正！有芋圓蓮子百合，不會太甜

位置於石硤尾南山村商場平台，格格不入出現咗一間甜品鋪~由於南山村屬於比較舊嘅屋村，平台嘅食肆廚房都半開放，用餐位置都係處於室外，有帳篷作頂，唔怕日曬雨淋。粥、粉、麵、飯樣樣有，每間都經營已久。由於每間食店都裝修殘舊，所以更突顯糖室嘅特別。糖室個裝修設計的確唔錯，可以帶俾人高檔而且別樹一格嘅味道。由2016年至今，其實都只係營業咗年半左右，前幾個月突然圍板，仲以為執咗！原來都只係內部裝修，既然重開，當然要再嚟支持支持啦。因為附近都冇乜可以值得再光顧嘅甜品店。糖室重開係件值得開心嘅事，但餐牌嘅甜品種類卻重新大洗牌，今日嘅糖室仲係之前嘅糖室嗎？好多之前嘅甜品都消失咗，當然亦多咗好多新甜品。餐牌設計同之前一樣都係過膠嘅分頁，有分中式同西式類，好懷念之前嘅「白果薏米腐竹蛋」！所以特別要點返嚟回味！仲加多一個新甜品「糖室豆花伴蜜紅豆芋圓」。先講個豆花伴蜜紅豆芋圓，個名有啲長，所以要打好多幾隻字...賣相的確唔錯，味道上亦好難唔好！根本就係百福豆腐花配三花淡奶嘅味道，所以點會差？聽聞豆花係即撞，如果可以撞出百福嘅味道，師傅技術也未免太高超喇！地瓜同芋圓QQ彈，口感唔錯，紅豆煮到微爛，微甜。整體嚟講，

同朋友係附近食完飯，見到有一個幾靚既鋪頭，原來係一間甜品店，咁咪入去試下，環境幾好，服務都唔太差，1）宇治抹茶心太軟，我覺得抺茶味重左少少，2）朱古力心太軟，都幾好味，不太差，3）檸檬夾心餅心太軟，呢個我就覺得麻麻地😅，4）玫瑰荔枝冰，略嫌淡左少少，總括嚟講，係可以一試，因為價錢都唔係好貴

上網又留意到 南山村 有一間甜品店去開南山村影相嘅朋友仔 可以去哩度hea 下原身好似係大排擋改裝 所以樓底好高我地一行三人 點左三種 share 宇治抹茶冰 $46 圖片只供參考 真實的比圖中的更高更大老實說 我都算是一個抹茶控但這個宇治抹茶冰 味道唔夠濃 有點失望內裡的白涼粉雪糕都不錯！由於太高 我地食到冰山倒塌有啲論盡法式焦糖陳皮燉蛋 $38我地比陳皮哩兩個字 吸引住左淡淡的陳皮味 但個燉蛋稍為老左啲 實的的另外配一小杯茶 都幾好蜂蜜藍莓吐司 $40太甜 太甜 太甜 ！真係好甜 所以要重複三次而且吐司硬得好似餅乾 最後咬了兩口 就放棄了.... 好在仲有一個蜜桃 雪糕 食

這日，與C去了石硤尾南山邨一遊。悶熱天氣，幾乎把我們融化了。糖室仍未開門，我倆已在門外靜候了。炎夏，吃一碗冰，是最適合不過的消暑妙方了﹗ 推門而入，小店裝潢走質樸簡約的年輕路線，與陳舊的南山邨好像有點格格不入之感。一股寒流從四方八面湧來，C馬上從背包中取出一件外套被上。小妹，只能緊緊地把背包抱著取暖。唉，門外是火焰山，門內，則是寒冰洞﹗ 糖室除了有中西甜品糖水外，還推出了五款「炎夏冰祭」的七彩刨冰。 也許，是高溫讓我們失去了理智，我們各點來了一客刨冰﹗望著店員送上枱的兩座小雪山 - 玫瑰荔枝冰$46和野莓櫻桃冰$46，我們不禁頭痛了 - 吃得完嗎？ 小妹的野莓櫻桃冰$46，淋上野莓櫻桃汁，色澤呈深紅色的，刨冰口感細滑，入口味道酸香有致，較為濃味之作。小妹邊吃，邊擔心小雪山會融化。幸而，估計因室溫較低關係，小雪山完全沒有倒塌的迹象。只是，冷氣太凍，刨冰又冷，我們倆人，越吃越凍。 吃到接近碗邊時，會吃鮮草莓、藍莓、蜜餞覆盆子，以及香滑奶味濃的北海道牛乳雪糕。 最後，刨冰化為了一碗深紅色的冰水。 C的玫瑰荔枝冰$46，是熱賣之一，玫瑰味的刨冰呈淺粉紅色的，且撒上乾玫瑰花瓣作點綴

炎炎夏日,和朋友去南山村拍照,熱得不停流汗,看到糖室這甜品店,馬上衝過去,看到未開門,已經大排長龍,我和朋友也等埋一份,幸好還有幾分鐘就開門。原來這甜品有室內和戶外的地方,要是秋冬的話,在戶外食甜品也是不錯的選擇。看到環境也幾雅緻和文青的味道。甜品的款式也幾多。不過我們實在太熱,所以二話不說都是點了刨冰來食。玫瑰荔枝冰看到紅色的冰，上面有玫瑰花，食下去也有淡淡荔枝味的冰，還夾雜一些糯米磁。食到底時，也會有乳酪味的雪糕。令到刨冰的味道變化多端。宇治抹茶冰很日系的感覺！冰混合了煉奶的味道，也有軟綿綿的抹茶蕨餅，煙煙韌韌,很有口感。還有一些像豆腐,但其實是白涼粉,比較硬身一點,和刨冰幾夾,是一道幾有特色的刨冰。賣相和味道也不錯，服務也很友善，價錢也很大眾化，有機會的話，也會和朋友再光顧！

讀書時很喜歡到南山邨吃飯。難得放假，約同好友回來影下相、懷緬一番。今天我們不是吃茶餐廳，而是吃甜品。 糖室是官塘躺室的姊妹店，主打刨冰。新簇簇的裝修別樹一格，但與周遭的茶檔没半點違和感。 黒色牆配木色桌椅裝潢，非常型格。 夏日炎炎，吃個刨冰消消暑就最適合不過。刨冰份量不小，叫1-2款與友人share剛剛好。 玫瑰荔枝冰 $46 - ★★★☆☆  本想試香桃葡萄冰，但賣晒。店員推薦這款玫瑰荔枝冰。紅色的荔枝冰加上玫瑰乾花瓣，非常少女風。朋友們都不禁要影影相 平常吃的刨冰通常因爲糖漿太甜，影完相、吃幾口就算了。但這𥚃的甜度剛好，吃了一大半也没有甜都漏的感覺。碎冰也刨得夠細緻，什至有點綿綿冰的口感。吃到中間，還有白桃蒟蒻、粟米片、荔枝味雪米糍、白桃乳酪雪糕，用料非常豐富。喜歡粟米片，為刨冰更添口感。乳酪雪糕桃味香甜，與刨冰的荔枝味配搭得宜。整體味道都很清新，非常適合夏天。 宇治抹茶冰 $46 - ★★★★☆   宇治抹茶冰口感依舊細緻，抹茶味香而濃厚，没半點苦澀。 配上冰頂的牛乳雪糕，與抹茶味相映襯。 相比荔枝冰，我更喜歡這個抹茶冰。 內𥚃有紫薯粒、自家製抹茶蕨餅、我喜歡的白涼粉和北海道

呢間甜品鋪食過2 次，第一次去排左幾耐，但第二次就完全唔駛排！不過呢間野抵佢咁多好評嘅，係真係幾好食，班cake超正，中間勁多nuts, 好有口感！生果又多，藍莓同士多啤梨酸酸地，中和左班cake嘅甜，配搭得勁好！超級抵食，不過就要等耐少少，事關佢新鮮整，上嚟都仲熱！宇治抹茶冰又係正，個冰應該落咗煉奶，但上層又食到抺茶味，好味！反而奶凍就覺得冇咩特別，反而係伴碟嘅蜜糖脆脆幾好食！唔知係咪自家製呢？其實仲有好多甜品想食，但得三個人嚟，唯有下次再試！

呢間店坐落係南山邨大排檔入面，裝修都幾特別，但就好似同周圍有D格格不入。店入面呢句說話簡直係我嘅心聲哈哈不過裝修從來都唔係重點，食物先係～同朋友3 個人黎食，叫左2個甜品。大家要注意呀，店入面係有最低消費嘅，好似係要每人$26，不過就冇限要叫幾多樣食物，所以叫樣貴少少嘅同朋友share 都係ok 嘅，雖然個人就覺得呢度嘅野食份量比較細。第一樣野食係芋圓黑糖寒天白涼粉。呢個都幾有驚喜！芋圓都幾煙韌，如果可以多幾粒就好啦～不過成碗野我最欣賞嘅就係D黑糖寒天因為本身就好鐘意食黑糖口味嘅野，夾埋落D淡奶嘅味道真係幾正，朋友都大讚～另一樣甜品就係覆盆子梳乎厘oreo 批。呢個佢寫係季節限定嘅。等呢個梳乎厘真係等左好耐，餐牌上寫左等25分鐘左右，但最後就等左差唔多40分鐘，要有D耐性先得。買相好吸引嘅，而且佢足足有6 吋，可以比2個人share 食。不過其實梳乎厘都唔會飽嘅，只係好似冇咁大罪惡感咁姐食落去味道酸酸地，應該係覆盆子嘅味道（其實我唔知咩係覆盆子），不過同埋梳乎厘同oreo 批一齊食就可以中和返D甜味，食落會冇咁易膩。呢個配搭真係唔錯～唯一美中不足嘅係個梳乎厘味道未算好香，而個質感都唔算

飯后食個甜品, 是香港人的既定動作, 令這ㄧ晚錦上添花真的估不到南山邨也有ㄧ間很新穎的糖水店, 驚喜!!店內裏的設計很新潮, 枱櫈不算太多, 所以很舒適, 沒有壓迫感, 外邊有一個細小面積的品嘗區, 有吊起的網櫈, 好特别其中ㄧ頁的餐牌, 價錢相宜較為特別的是白涼粉, 今次沒有叫,留待下次吧!鮮芒黑糖豆花 - 用木製的碗盛載著, 很有美感, 滿載著芒果, 雖然吃不出黑糖味, 甜甜的, 冰凍的, 已很好味!很喜歡這裡的寧靜, 美食, 很舒服噢!

係附近食完飯，去咗糖室食埋糖水，見今日唔係好熱，我地成班人坐出面。我叫咗茉莉奶凍，奶凍好滑，好香奶味，仲有陣陣茉莉花香，細細地，啱晒我。宇治抺茶冰，抺茶味就淡D，不過食落好多料，有煙煙韌靭嘅蕨餅，又有北海道牛乳雪糕係頂頂，睇落似一朵花，襯喺綠茶冰到，賣相唔錯，不過如果加多D抺茶，等D味再濃D，會更加好食。玫瑰茘枝冰，個樣夠晒靚，所以一定叫，最鍾意佢D玫瑰花，仲有茘枝味嘅雪米糍，又有白桃味雪糕，夠晒豐富。桂花桃膠燉雪梨，聽個名都夠晒滋潤養顏，仲加埋桂花香，又唔會太甜，啱晒女士飲。