糖室 (已結業)

吃貨記憶，離不開食。上至介紹，下至餐牌……提起屋邨大排檔的文青系甜品，零碎片段即從腦海拼湊出。一拍即合，立時起行。食前，心內抱怨著山長水遠唔就腳。一食才知，CP值爆燈，不枉此行。鐵鍋棉花糖吐司 ($56)即叫即焗，約6吋的鐵鍋原個上陣。一看得知烤得剛好，要等20分鐘也是值得。必食！鋪滿士多啤梨、藍莓、粟米片，再加球雪糕。繽紛漂亮，未吃先興奮，絕對要相機食先！翻開一看，內藏麵包粒夾層，構成吐司組合。萬惡的棉花糖，外脆內軟，又是玩拉絲的時候～飽肚度十足，甜品當正餐無難度，建議跟愛人、姊妹（2-3個）甜蜜分享。蜂蜜藍莓吐司條 ($38)加碼要多一份吐司，同樣是超水準之作。別小看那奶白色的一球，是白桃雪糕呢！清香特別，直接把一旁較稀的蜂蜜藍莓醬比下去。（利申：小P分明是藍莓控喔……）回到主角吐司條，鬆脆度完勝薯片。烤香後甜香誘人，不用點醬已經超好食。必食+1！宇治抹茶冰 ($42)越凍越想食雪糕、刨冰，當日在河口湖凍病了亦然。見到心愛的抹茶，自然點上一份。滿滿的一碗，堆成小山狀，對得起這價錢有餘。可惜，拌上煉奶、蜂蜜和北海道牛乳後，抹茶味過弱了啦……是照顧了偏好淡茶的口味嗎？挖著挖著，中間找到

今日黎到南山邨影相影到夜 幫襯左隔離糖室2個女仔 點左3個甜品😋首先點左個宇治抹茶冰 份量適中 價錢合理有紫薯粒，抹茶蕨餅，白涼粉，煉奶，北海道牛雞雪糕但抹茶味如果再濃d就好。重點左呢個個個都話正既香脆牛油吐司條用吐司點果醬同雪糕一齊食 正！雪糕我地揀左白桃乳酩雪糕球雪糕堅正呀！😍😍😍可以要多球嗎？最後一個係宇治抹茶心太軟好流心的心太軟配上海鹽牛奶雪糕帶點咸 又幾得意❤️最愛還是吐司條同白桃雪糕❤️

呢間甜品店俾屋邨包圍住, 感覺好特別。出面仲有個木鞦韆, 俾人一種悠閒既感覺。抹茶冰茶味唔錯, 夠濃郁, 裏面材料豐富, 除左煙韌既蕨餅同爽滑既涼粉, 仲有香濃既牛乳雪糕, 愈食愈精彩, 超正!玫瑰荔枝冰比起抹茶冰更加開胃, 酸酸甜甜, 裏面仲有白桃啫喱同荔枝雪米糍, 食完胃口大開。抹茶心太軟茶味一樣濃! 不過質感太濕淋, 如果乾啲脆啲就好啦。反而海鹽雪糕有驚喜, 少少咸中帶甜既味道, 令人回味。最後嚟既荷蘭班戟熱辣辣, 食完凍既甜品就啱啱好! 脆脆既邊位, 濃郁既蛋味, 加埋煙韌燕麥脆脆同鮮果, 好正!總括嚟講, 呢間店細細地, 但就好大驚喜, 價錢仲唔貴添, 值得再嚟!

今次黎到位於石硤尾既糖室，地點非常方便各位文青們係南山邨影完靚相黎食個糖水抖下。呢間鋪頭未入到去去已經感受到果份文青氣息。入到鋪頭，雖然唔算大，但都感覺都好舒服。簡單既設計 簡約既裝飾 完全感受到 麻雀雖小 五臟俱全既感覺呀。我同朋友叫左 宇治抺茶冰同原味梳乎厘。 個抺茶冰上枱時 真係嘩左一聲呀，因為真係好滿滿滿滿。個抺茶冰望落雖平平無奇，但食落你就知內有乾坤 佢入面有紫薯粒，手製抺茶蕨餅同白涼粉，仲有煉奶同蜂蜜係面 再加埋個北海道牛乳雪糕真係不得了啲紫薯粒意外地同抺茶冰好夾好夾。呢個組合都係第一次試，而手製抺茶蕨餅就軟淋淋咁，幫個抺茶冰增加不少既口感。啲白涼粉就有啲似椰汁糕咁 都係一個幾特別既配搭。而啲煉奶就係個冰溶得七七八八既時候發揮佢最大既作用 唔會令到個冰變到好似水咁淡味 呢個冰 值得一試！另外我地嗌左既原味梳乎厘都非常之不錯，個梳乎厘好鬆軟 亦唔算太甜。個雲尼拿雪糕非常香。值得一提既係佢用左小兜裝起個雪糕，令到啲即使開始溶都唔係溶到成碟都係，仲可以配埋個梳乎厘食。一流！

經過南山邨，聽朋友推介試食了糖室甜品屋，甜品屋環境不錯，裝潢簡單舒適，外面有吊床讓客人坐，就像個小咖啡室。這裏不會太過嘈吵，和朋友聊天和拍照都是不錯的選擇。我和朋友點了鐵窩綿花糖吐司和宇治抹茶冰，味道都不錯，價錢亦合理。特別值得一提的是宇治抹茶冰，因為最令我感到驚喜，份量正常，冰亦很細很綿，不會很硬很實，味道夠濃郁，但裏面的味道較淡，建議可以多落些煉奶。冰內也有驚喜，冰上有一球北海道牛奶雪糕，冰內藏有紫薯粒、手製抹茶蕨餅、白涼粉等配料。平時不太好綠茶的我，都覺得不錯。味道清新，有綠茶味，不會太過於苦澀，口感Creamy，先吃其他甜品都不會很快融化。

​ 南山邨出名多野食，不過通常都係食同一間餐廳，睇見原來有一間甜品舖，決定去試一試 甜品舖隔離就係大牌檔，望落對比好大，好有趣。 門口實在吸引，唔同普通甜品舖既裝修，呢一度好有大自然既感覺，望落去已經好舒服。 餐牌都設計得好精美，每一個甜品都有相片對照，比客人可以諗清楚自己想食咩， 岩哂有選擇困難既我，好貼心呀。 雖然呢排好凍，但喜歡挑戰既我，當然揀番個沙冰黎試下。平時食得多抹茶味， 今次就試下新口味，最後揀左個玫瑰花荔枝沙冰。 呢度既沙冰令我對沙冰既觀感改變左，沙冰幼細，而每一粒都會有荔枝香， 感覺唔似食緊一粒粒冰咁。入面仲有不同既配料，每一啖都有驚喜，我最喜歡入面既白桃雪糕。 另外叫左一個平時好想叫，但每次食完飯個肚仔都冇哂位食既甜品，今次見到餐牌有就即刻叫左喇！ 果然冇令我地失望，食落唔會只有甜味，配埋雪糕同生果，如果有多一球雪糕就100分啦。

近期，天氣時宜清涼、時宜炎熱，飄忽不定的天氣，令人難以捉摸，有時候，心情也不自覺地受到掀引，變得起伏不定。吃甜食能提升安多酚，使人心情愉悅滿足，忙碌過後，是時候出發尋找安多酚！ 早前，曾聽朋友說，在南山邨的熟食亭中，開設了一間甚具特色的甜品點，為了要提升安多酚，決定前來一趟。在 BeautySearch 的腦海裏，屋邨的熟食亭有其既定的型像，不過，來到《糖室》卻叫人十分驚喜，尤其店門前的吊椅，以繩網編織而成，十分有趣。可惜，因為太有趣，整夜也有食客座著，無緣來一張合照呢！ 店內佈置亦甚雅緻，以木系為主調，搭配黑色、灰色，設計上帶點文青感覺，在這裡與三五知己齊來分享甜蜜時光，悠閒地聊天，氣氛閒息，非常舒服。 BeautySearch 最愛這樣的小點子，令店內加添了不少文青格調，最有趣的是吊在半空的吊床，雖然不能躺於上空，卻令人多了幾分閒息感覺。 個人覺得，這裡的 MENU 更有文青風尚，最欣賞的是當中的人氣榜，真的是定期更新，而並非是長期推介，真的十分用心。 當日，天氣又再回暖，但可能因為穿多了衣，因而感到份外炎熱，所以，到達時，份外希望品嚐一下冰凍的感覺。我點選了一客「玫瑰荔枝冰

Carbonara | 卡邦尼意粉.發現糖室也有做lunch set 價錢十分抵 但味道就🙈 醬汁少 不能平均包裹每條麵 雖然看得出他們想用傳統的卡邦尼做法(不用奶油或忌廉 只用芝士和雞蛋) 但味道不討好 好像只有芝士粉的味道! 意粉質感好軟😔 友人點的香蒜蝦肉蜆意粉 油到不行 同樣也有意粉質感和醬汁的問題!

南山村就去得多啦，上面除咗有出名嘅攀爬架影相位，其餘附近剩係得茶餐廳，同一啲舊鋪街市，所以唔係返學日子嘅話，人流都係好一般。今日去完City順便行去石硤尾，求其行入左間甜品舖。原來呢度嘅甜品舖真係少之有少！一坐低發現餐廳環境唔錯，周圍嘅裝飾都令人好relax。例如 :stressed 調轉頭寫，就係desserts！睇得出店主都好有心思。即席叫左2個甜品食😍棉花糖吐司 $56等候時間耐少少，但等到個刻係興奮既。第一啖咬落啲棉花糖度，真係好正甜度剛好，食完仲有種幸福感覺☺。不過份量就有啲多，要四五個人先食得晒啦。之後想清清地就叫左個刨冰！宇治抺茶冰 $42呢個唔係一般嘅刨冰原來裏邊有驚喜架😮!!!食落去除咗有冰之外，裡面有軟林林既一塊塊蕨餅係入面，最估唔到嘅係仲有柔滑既豆腐雪糕 @@！非常之吸引呢。同朋友傾傾吓計就過咗一個鐘啦埋單仲要都唔洗100大元，非常好😁。最後我終於見到老闆！原來佢係我係ViuTV interview過躺室既老闆！唔怪得個格局有啲相似都係好悠閑架啦！躺室。糖室👏🏻👏🏻😆下次一定要再同朋友嚟食過啊。

今日同朋友去南山邨影相，影到咁上下，都攰啦想食下野咁岩見到有間糖室係食甜品既，外面有個吊床仔幾得意，就比佢吸引左入去試下。出面都有枱可以坐，不過天氣太凍就入左去室內坐啦入到去個環境都唔錯喎，仲有啲畫掛左係牆到。至於坐既位置，有啲卡位岩成班朋友坐係到傾計，又有啲係bar枱對住個窗，岩哂啲一對對既情侶坐。坐好之後就緊係準備叫野食啦，見到個餐牌有哂啲甜品圖好吸引已經流哂口水，樣樣都好想食。最後因爲我地得2個人，所以都叫唔到好多，但貪心的我們叫左三個甜品，實行甜品當正餐。一個抵讚地方，可以自取水飲，揀好甜品冇野做就飲下水傾住計咁等第一樣黎到既係陳皮紅豆沙，十分足料！除左有好香既陳皮味，就有好多粒wu圓，係我既最愛第二樣就係玫瑰花荔枝沙冰，本身以為就係一大個沙冰，點知食食下發現入面勁足料！有雪米池、啫喱、栗米片同白桃yogurt icecream每食一啖都有配料，口感大滿足！最後就係呢一個棉花糖批，同餐牌既相一樣咁靚影左唔少相極邪惡呀食到停唔到口，配埋雪糕會冇咁漏三個人會好啲，我地兩個怪獸都差d食唔哂大家經過都黎試試，環境舒服，服務良好，食物睇得又食得

兩條友黎食甜品，真係做嘢後必做嘅事。食甜品可以放鬆心情，令到心情愉快，當然都要選擇好味嘅甜品店，去到捐窿捐隙搵嘢食，走到老馬咁遠嘅南山村食甜品，其實都係咁岩喺附近做完嘢先走過來食。裏面裝修比較簡約，餐牌都好得意，過膠一格格。雖然天氣凍凍地，但係見到啲冰都好吸引，抺茶控點可以唔揀抺茶呢？宇治抹茶冰＄42裏面有啲紫薯粒，手制抺茶餅，白涼粉，煉奶，蜂蜜，北海道牛乳雪糕。覺得最神奇嘅事情係實物竟然比圖片仲要大，綠茶味都幾香濃，食到裏面就發現有好多寶物。除咗有好有口感嘅抺茶餅之外，仲有爽口涼粉，仲有啲牛奶味雪糕好滑，配埋煉奶和蜂蜜味道更加正。鐵鍋棉花糖吐司＄56呢個最得意係有少少熱辣辣，咬起嚟仲可以拉到一條條絲！賣相本身已經好靚，都幾大件架。上面都係有一球雪糕，隔離有士多啤梨同埋早餐脆片，又甜又酸口感層次都豐富。上面仲有啲糖粒粒，入口即溶而且價錢相宜，有少少諗起平時去燒烤場食嘅燒綿花糖。 如果想飲水嘅話自己去斟，自助形式唔使俾錢架。

南山邨，相信依個邨名都有唔少人認識，因為一張相而令好多攝影發燒友過黎影相/採訪。已經同依個地方有8年既經歷，雖然變唔大，但位於大排檔區，就多左一間西式甜品店，為依個舊區增添左新活力！黎得食甜品既人，除左附近街坊，我諗大多數都係學生為主，中學、城大等等行過黎，5-10分鐘就話咁易。我同CHICKEN揀正食飯時間黎就冇乜人，室內環境唔算大，再加上落雨就冇坐都出去，而環境佈置主要係楓木色為主，走休閒路線。MEAU設計精巧，圖文並荗得黎夠慳位，不過款式太多太吸引，搞到有選擇困難症！！蜂蜜藍莓吐司條，四條吐司條加一球雲尼拿雪糕，吐司條非常脆身，咬落去「索索」聲，點上藍莓醬令面層微軟，再一啖咬落去，甜得黎脆卜卜，雪糕都可以加上去，令口感更加唔一樣～兩種配醬任點，食落去唔會話好甜，感覺不錯！玫瑰杞子雪耳露，做女人都要滋補下，與此同時比自已機會食甜品，比較中意熱食，口感稠身，充滿杞子既味道，而雪耳滑嫩，有龍眼同紅棗補血氣，生理期既女士唔建議食住～加上玫瑰錦上添花，令到成碗雪耳露賣相更吸引！食落去都有淡淡玫瑰味～宇治抹茶梳乎厘，梳乎厘上面鋪上一層抹茶粉，製作需時要等，再配多個雪糕。內裡軟綿綿熱辣辣，加上

飯後總想找個地方傾傾心事，於商場平台見到有間甜品屋，價錢大眾化，十分貼地，賣相和花款睇落都不錯！刨冰價錢相宜，大約 $39-$42，主打有三款口味：宇治抹茶、玫瑰荔枝冰和檸檬柚子蜜冰，每一款都想試，但最後揀左清新的檸味冰檸檬柚子蜜冰 $39鋪上一塊塊手工糖漬檸檬，賣相更「柚」人！為增加口感，添加了芒果雪米糍，有一冰一綿的感覺。配上甜甜的柚子蜜，冰融化後，變成甜甜的糖水。重點是落了青檸雪葩，吃落口感清新又有回蕩的檸味。蜂蜜藍莓吐司條$38呢個外脆內酥的 Toast stick 不得了!! 剛端上枱就已經散發出陣陣香味撲鼻的誘人香氣，一咬果真好輕又脆卜卜，好似吃緊酥脆的威化餅般。蘸一點旁邊附上的雪糕和淡淡的藍莓醬汁更添美味，若鋪面的蜂蜜再多一點點就好！朱古力心太軟 $46靜待15分鐘，即叫即製，保證流心！流心朱古力熔漿完全是我的菜！坊間好多甜品店的朱古力漿都不夠濃郁，但這個心太軟內配上75%的特濃黑朱古力，苦澀不甜膩，吃落多份幼滑香濃！配炭燒咖啡雪糕，有烘培的甘醇感覺。另外一個是檸檬夾心餅心太軟配白桃乳酪雪糕，聽上去都很吸引！餐牌列了多款甜品和飲品，下次要試其他！

平時好少來石硤尾，估唔到係南山村熟食平台隱藏左一間新式甜品舖。Menu細心分左幾類甜品種類，有西式烘焙、養生之道、中式傳統、炎夏冰選。宇治抹茶心太軟      $48打開Menu ，見到其中一個推介係抹茶心太軟，身為抹茶 + 心太軟控既我就點都要試吓啦。問咗waiter大概要等10分鐘，但係唔知係咪由於啱啱開門嘅關係，結果一等就等左20分鐘。但係其實我都預咗心太軟好少可以10分鐘內完成。下次可以預長少少時間，等客人有預算會好D。心太軟嘅賣相唔錯。係中間切開一刀入邊嘅漿就湧出來，雖然流心唔係好勁，但係當外層既同埋入邊嘅流心夾埋一齊食，熱辣辣，軟綿綿，抹茶味道岩岩好，加埋旁邊嘅海鹽牛奶雪糕，估唔到可以咁夾。桂花桃膠燉雪梨    $34呢期天氣開始乾燥，點都要潤一潤，所以叫咗個桂花桃膠燉雪梨。呢個糖水好足料，好多桃膠同埋雪梨，加上淡淡桂花香，真係好滋潤。不過可能我食咗心太軟先，令到呢個甜品有點淡味。

嗰晚朋友話南山邨有好多好味既餐廳 擇日不如撞日 就即刻去南山邨影相 順便覓食～食完晚餐臨走前 見到呢間甜品店 佢個名好有特色 而且細細間氣氛幾唔錯我地點左最有人氣既玫瑰荔枝冰同埋鐵鍋棉花糖吐司 玫瑰荔枝冰整得好靚 成個粉紅色 面頭仲有少少乾既玫瑰花瓣 雖然荔枝味道唔係好濃郁 但反而覺得淡淡地幾清新 我地一路食一路發現內有玄機 佢表面係一座冰山 但入面原來有白桃乳酪雪糕 個雪糕好軟好滑 充滿香濃既桃味同埋酸酸甜甜既乳酪味同個荔枝冰好夾再食多少少 原來仲有荔枝蒟蒻同埋金黃色既粟米片😱一軟一脆令到個甜品口感好特別 有唔同既層次感～食到最底仲會見到有荔枝糯米糍 佢預先切開左做細細粒 軟林林既粉皮包住荔枝雪糕 唔多口感既荔枝味充滿我地既味蕾整體黎講 我覺得甜品師傅好有創意 識得用冰做外殻 入面收埋咁多驚喜😛第二道甜品俾第一道更正 一黎到佢既賣相超靚 好有冬日暖笠笠既感覺 啲棉花糖脹卜卜好得意 上面仲有士多啤梨同藍莓 啲水果都係好甜好fresh 重點係啲棉花糖～外面焗到黃黃地 好似焦糖咁樣 入面就係處於半溶既狀態～一叉落粒棉花糖就好黏 佢會痴住底下一粒粒脆卜卜既多士 仲有粟米片 成個口感好豐富 軟