紅伶飯店 (已搬遷) 新店位置

乍暖還寒的晚上，青蛙相約了豬大人放工後逛街。但是在冷雨夜的晚上，我倆還是先找館子、吃個飯暖暖身比較合適。豬大人猛然想起其家人常提及的打冷店就在附近，於是帶著青蛙轉入橫街內的’’紅伶飯店’’吃晚飯。老實說，單看亳不起眼的門面，容易過門而不知。店面放置了一小盤、一小盤的打冷小吃，賣相普通，亦看似放了一段時間。店內陳設古舊，只有數張小檯子；亦不設餐牌，靠看看牆身上的字條、字牌，或個人對打冷熟悉程度來點食～然而相對來說不夠明碼實價。也許食店是以家庭式經營，只見老闆娘在樓面親力親為；老闆則埋首於廚房，所以一切來得較為隨意、隨心。今次與豬大人點了四款食物，分別是韮菜豬紅、芥末墨魚、鹵水併盤及蠔仔粥，現在就讓青蛙續一講講吧。韮菜豬紅每次打冷必吃之物，這裡的韮菜豬紅非常入味，但又不會過咸而覺得口渴～豬紅質感滑而實在，有口感；韮菜吸味、夠腍，好吃。不得不提就是她們自家制的辣椒油，既香且辣，把豬紅沾一沾來吃更美味。芥末墨魚我倆在選食物時，聽到有食客特別叫了一客外賣，好奇心驅使下叫了一客來試～上菜時，我倆都有點愕然墨魚跟芥末是分開上的，頓時在想這與日式食法有何分別呢？！然而，吃過了一塊後便喜愛了這個fusi

夜媽媽想食打冷，開open rice 搵下，原來油麻地一帶無咩打冷，見到哩間喺附近就試試。鋪面有啲舊唔起眼，入到去：嘩！ 無咩裝修，一般打冷鋪。老闆娘好nice，即刻介紹【芥末墨魚】。老闆好刀功，啲墨魚切得超薄，凍凍地，好鮮味，配埋芥末更加帶出鮮味。打冷一定唔少得【鹵水鵝片】，鵝片同樣地切得好薄，肥膏部份好少，好多肉。係啲鹵水咸咗少少扣啲分。最後叫埋個【炒蕃薯苖】，未食過咪試下囉～有驚喜，辣辣地，好開胃，炒得好好。$55一碟都幾大碟，4人份量左右。整體都幾好，第一次食，人唔多，靜靜地方便傾計，下次會再幫襯。

我和老公間中都會光顧的這間潮州打冷, 上星期五晚卻是這幾年來經驗最差的一次, 以後都不會再去! 當晚, 老公剛在便利店買了罐啤酒邊行邊飲。剛巧路過此店, 興之所至, 便入去坐. 入門時已告知樓面阿姐帶了罐啤酒, 她說沒問題. 入座後我們不好意思, 已即時叫了一枝青島($30), 才慢僈點菜。自攜一罐啤酒只放在一旁, 沒有飲。我們點了一條大眼雞($160)、滷水鵝($90)、蠔仔粥(細$28)。最先上的大眼雞, 吃第一口感覺有點怪怪, 第二口發覺魚肉霉了。我們立即告知樓面阿姐, 叫她試試, 她大大聲聲說魚很新鮮, 紅通通的, 不會霉。她單憑視覺能感覺到魚肉不霉嗎? 叫她試又不試! 我們開始火了, 當然也沒有吃條魚, 因為怕吃食不舒服。 過了一會兒, 樓面阿姐過來話我們帶酒來, 要收每罐$50. 這簡直是火上加油, 我和老公都即時火起。我問她為甚麼我們一進門時說可以, 沒說要收錢, 現在又要話收; 還有那條霉魚, 怎樣計, 根本不能吃的! 我們沒有大吵大鬧, 只是投訴一下. 小店內所有食客都看着我們, 我們也不介意, 但也沒心影響他們。 結果, 一肚氣下草草吃完其餘兩道菜, 便結賬了

唔經唔覺已經幫襯咗十年有多，水準難得都係有增無減。最近去食，老闆介紹咗一道新菜色俾我哋---翡翠苗。兩個字形容---爽甜！呢道新菜葉嫩色均，爽口鮮甜。唔係講笑！肉碎炒翡翠苗，聽落以為普通貨色，一上菜竟然嘩聲四起。同枱有幾位主婦級人馬，位位都入廚數十年，佢哋都話要將菜苗炒到咁鮮嫩，的確好考功力！最後呢碟新寵兒必然就會落入我哋(8位)張例牌菜單---大蠔粥、白墨魚、鹵水鵝、鹵水併盤、鹵水掌翼、大眼魚、韮菜豬紅、炸大腸、炒蜆、蠔餅、大荳芽菜、翡翠苗。係香港要食到呢種層次嘅冷菜真係買少見少哦！

聽朋友講鍾意食打冷就一定要去試吓佐敦紅伶飯店, 就係聯邦後面, 好易揾! 嘩!細細間, 坐滿人, 等咗好一陣先等到位.唔怪得朋友話要預多d時間同耐性啦, 明晒!叫咗幾個朋友介紹一定要試嘅菜; 有芥末墨魚, 鵝片, 大蠔粥 (我哋一行4人), 芽菜, 菜紅. 芥末墨魚係冷盤, 墨魚係熟. 第一次咁樣食, 入口感覺涼, 墨魚肉夠爽, 加埋芥末食, 味道超正!鵝片肉質軟滑, 唔使點咬. 又夠入味, 最正係個汁, 好香, 唔同以前食嗰d, 得個咸字.蠔粥好足料, d蠔隻隻都好大隻, 即叫即煮, 夠新鮮! (提一提,除咗放係檔口嘅冷餸係唔使等之外,其他都要等,都抵我哋等咁耐!)雖然無好舒服, 好大, 好多侍應服務我哋嘅環境, 但呢度d嘢食真係一流!

今日經朋友介紹試左呢間打冷，鋪面細細，好有地道老店feel(不過真係好多年歷史)。我地真係叫晒成枱野食^^不過可能都頗出名，又有遊客，所以都要等位…1) 凍大眼雞:唔腥，充滿鮮味，而且仲要係大大條，唔似外面大排檔細細條得幾啖肉2) 芥茉白墨魚(必食推介):哩碟真係食過反尋味，我地都追加一碟^^墨魚又好新鮮，灼一灼之後冰凍上枱，份量十足，食法好似日本料理，不過價錢就真係平好多。(聽說現在好多打冷鋪都有嘅白墨魚，係哩間老店原創嫁）3) 滷水拼盤(必食推介)：滷水應該係潮洲打冷嘅靈魂，點可以唔試。鵝腸肥美，口感爽脆…4) 煎蠔餅(必食推介):唔洗多講，大大碟，一定要試。5) 滷水鵝片:鵝肉好入味，不過墊底嘅豆腐就吸晒d滷水汁，所以鹹左少少6)蠔仔粥:勁足料，好多肥美蠔仔，大地魚，土魷…7) 炒蜆(必食介推):哩道嘅炒蜆同外面有d唔同，無三色椒，味道濃，所以d蜆入晒味，又有鑊氣(我同朋友都好辣，所以叫左加辣,真係正到爆)P.S : 店鋪應該係家族生意，所以伙記同師傅加埋都得兩，三個，所以落單上菜都要d耐性。食好野，值得嘅，哈哈

很久沒到這裡吃了, 一段日子前以為它結業了, 後來去永安時行過又開舖了, 所以這次剛好在附近便順一大班朋友來吃個飽。全晚最好味一定是白色墨魚, 鵝腸及蠔仔粥了! 這裡的鵝腸是我吃過以來最少肥糕的, 有好多條少少都沒有, 及好爽脆.....非常正!

上回已想試此店，但剛巧遇店家休息！ 是夜抱著碰碰運氣心態再訪，哈哈！又不枉此行。滷水鵝掌翼：滷得入味。鵝翼件頭頗大，皮肉軟腍酥香。 墊底有豆腐，豆腐吸了濃郁滷水，所以偏鹹！ 滷水墨魚拼鵝腸：墨魚有鮮味，爽口。 鵝腸是已去除鵝膏，雖吃起來還算有脆腸的口感。但缺乏脂香甘腴，美中不足。 同樣地墊底的花生吸了滷水，偏鹹！煎蠔餅：蠔餅半煎炸好酥脆。有鴨蛋香味、蠔仔乾淨，肥美，份量適中。 值得一提是此店辣椒油十分好味，好辣之徒不妨一試。

食完出名既松記糖水,點可以唔行去旁邊既紅伶飯店買返d'手信'返屋企呢~呢間紅伶飯店食既係潮州打冷野,鋪頭細細但都坐滿人,仲坐到出路邊.門口貼滿雜誌報導.呢度最出名既唔係打冷小菜, 而係佢既白灼八爪魚同白灼墨魚.我又發揮貪心本色, 所以決定來個雙併.份量其實都幾多, 每樣都有廿片左右. 百灼墨魚真係冇得頂,佢用先灼後再冰鎮既方法再切片.一片片厚薄適中,點埋芥末同鼓油,真係好似食埋刺身一樣.入口好爽好彈牙,唔洗一陣一個人都清哂.八爪魚其實都係同樣道理,肉質都係好鮮甜,不過個人覺得口感冇墨魚咁好.除左食八爪魚同墨魚, 今次仲試下佢既白灼鵝腸.份量都唔少,鵝腸一半頗肥美,但另一半就麻麻地.食落都唔錯,不過冇八爪魚同墨魚咁令人回味.

本身甚少去這區搵食~認識紅伶是在很多年前的雜誌介紹~當年吃過一次覺得不錯~所以前陣子經過附近再試試看味道變了否當晚吃了:蠔仔粥($40) - 不錯~大大碗~蠔仔甚多又漲卜卜~~鵝片($50) - 不知是否有不同價錢的鵝片選擇~數年前好似是$80的~而且上次吃比較好~今次只是合格水準~炒蜆($40) - 不錯, 又係大大碟~蜆沒沙有獲氣白墨魚 - 又是比我上次的差, 可能我不喜歡淋上麻油...以往是淨上的不過一碟份量都不少..算可以啦, 切得夠薄又有點點咬口~比一般的墨魚特別啦可能人大了~吃過的東西多了~好像沒第一次吃時會感到驚喜的感覺~不過還算合格啦~價錢又不貴~下次經過的話都會再試

成日去松記食糖水都諗住黎試吓, 因為直覺話我聽呢間野得 (咁既格局+咁多年歷史) 終於機會琴日黎左!!Order 左:1) 滷水鵝 - 非常夠味, 絕對係個滷水胆得, 耐何唔知係唔係師父收起d肉位做鵝片, 舊舊都好多骨2) 韭菜之紅 - 豬紅夠滑又唔會鬆泡泡, 韭菜亦好嫩, 個汁送飯一流, 可惜油左少少3) 紅腸墨魚 - 同一般打冷差唔多, 點都唔會差又唔會識飛 4) 蠔餅 - 呢個窄小小啦, 油膩同唔夠鬆化 (聽Uncle Auntie (格ge冷)話蠔餅正中唔係咁炸法, 不過而家普遍都係咁做)5) 牙帶并紅線魚 - Uncle Auntie 話好一般6) 五粥兩飯埋單盛謂300個銀錢!!

大約一年幫襯一次, 因為兩個人都唔會揀去打冷, 都係等遠道回香港既朋友先會一齊去食~星期日晚, 8點, 7個人, 要坐出門lu, 好彩天氣都唔太熱~只係叫左8樣野, 其實唔太飽, 不過 $80既凍蟹真係好食~豪仔粥好香, 不過就有沙.......值得講既唔多, 不過勝在夠平!

來過幾次，今次平日來到，有位，不用等或坐出街外。今天叫了蠔仔粥，牙帶魚拼不知明的小魚，芽菜豆卜拼椰菜，一隻凍蟹，一枝啤酒。奇怪今天為何有一隻頗大的凍蟹，因這店是走中低檔，索價三佰大元，非常合理，但我無食大的，只吃一隻普通大小的。好似是一百元左右。蠔仔粥材料豐富，大地魚碎，肉碎，芫茜，土魷，蠔仔......等，說是蠔仔粥，不如說是有蠔仔的粥。味道覆雜，蠔味鮮，不錯。不過亦相信有人會不喜歡。牙帶略鹹，肉散但不'梅'，有小小鮮味，小魚香口，脆脆的，適合佐酒。芽菜豆卜及椰菜清甜可口(其常想煮得難食都不易)。凍蟹肥美，剛開始重皮，好彩唔係快脫殼，否則食蟹蓋就好似食沙。以前吃過滷水鵝片，鵝件，魚，橙色墨魚，白色墨魚，八爪魚。(唔知大家能否分清楚魷魚，大美魷，吊筒，墨魚，章魚，烏賊，八爪魚等名詞，又可否憑口分得出？)滷水鵝片，鵝件味道比一般好，覺得較上環某老字號好。橙色墨魚和一般潮州店相若。不多潮州店有白色墨魚和八爪魚，白色墨魚較橙色墨魚新鮮，質地爽口；八爪魚似日食那類，沒有日店的好吃，但較抵食。

真係唔好意思,又係打冷食評,無所事事柴娃娃,最好打冷.惡男突然召集眾人周日飯聚,今次到佐敦吳松街的"紅伶".聽個名似乎係粵劇界中人經營,事實又未必,但真係唔知,有時名字來源,又不必深究.好像在OR入面食友的網名,要逐個去剝皮拆骨去研究又的確誇張.總之大家開開心心,一起飲飽食醉已經足夠.環境非常街坊,門口亦有少量報章報導.只見應該係老闆娘的人走過來,大吹大擂話邊樣好邊樣得.口水多過茶,講係無用,試過才見真章.白灼墨魚片,呢味在其他打冷店未食過,略略灼一灼便上桌,點些山葵同醬油,同日式食法無甚分別,此味最簡單,已經係眾多菜式之中,最好的一道.此店叫做有廿年歷史,個鹵水應該有番咁上下.可惜鹵水唔夠濃烈,就算唔係幾十年膽,一間經營有廿年的打冷店,個鹵水每日吸收其他肉類的精華,令到個鹵水一路收縮,味道更加陳香.唔知此店之前好似"同居密友"內的鄭秀文,將偉仔間舖煲鹵水不小心打瀉?鵝片學惡男兄話齋,切得太厚了,本來無咩味的鹵水,更加難上色.拼盤,芥菜.SO SO 貨色.接力的煎牙帶魚,強差人意,正仁利好過佢不知幾多.蠔餅唔係煎係炸,非常厚身.唔岩我口味.間場的炒蜆,一般水準.都可送到啤酒的.全港打冷

早前點左阿妹去試，報告書上打著「不知所謂！」，心想，廿年老舖，該不會衰得去邊，見幾位食友得閒，又柴娃娃一班人去做白老鼠。搵靚位霸頭位，否則地痞小店，隨時要痞街邊，大熱天時，咪搵命搏。瞄瞄冷檔，老實說，是港式打冷，陣容同創發差好遠，亦不及陳勤記的有版有眼，發記亦輕易將之比下，怪不得阿妹話唔掂當。拿起D機四圍拍，阿姐話師傅今日幾靚仔，不如擺個靚Post卑你影啦，心想偶是影食相而已，影埋師傅，怕吃不消，還是乖乖的收起寶刀。除了PAPA RUN 的國寶未到外，都叫做齊腳，阿姐好熱情的過來Sell，說介紹「正野」，心想，偶見識少，但她說的凍蟹細隻得可以，每隻不到1斤，怎麼說也談不上「正」！芥蘭、白灼墨魚、雜錦併盆、鵝片；話說這道「白灼墨魚」被阿妹扁得一文不值，唔信邪，賣相對版，片得幾薄，拖拖水上來，醮點豉油，幾鮮嫩；鵝片就要了無骨的鵝胸，賣相唔多對路，切得又散又厚，肉韌，同是地痞小店，陳勤記及發記都做得比佢出色，滷水稀稀的，香料味唔重，可能是這裡的特色吧。唔夠廿分鍾，檯上的食物被清得七七八八，Panda亦扒到來，於是追加蠔餅及炒蜆及牙帶。近排到打冷，不其然會點牙帶，送粥一流，套用老頭子一句：「牙