紅伶飯店 (已搬遷) 新店位置

//#黃店地圖系列間野叫：紅伶飯店邊度黎：佐敦吳松街19號地舖環境點：家庭式經營鋪頭細細 搭檯可以與同路人你眼望我眼作眼神交流 (不定時休息 留意佢地社交平台page)🌝：110-1112罷工 網上發表反送中言論▪冰鎮芥末墨魚片 $888.5分潮州打冷黃店真係極為稀有 仲要好食就更加難搵 呢間仲要咁創新發明呢個鎮店之寶 絕對無伏 墨魚片食落好爽口 又夠冰凍 輕輕淋上麻油去提鮮 點埋wasabi 夠曬開胃 有一刻以為自己食緊日本刺身 可惜佢個生抽又將我拉返走 若果可以轉做壽司豉油就更加一絕啦 另外值得一讚係墊底嘅鹹酸菜 無渣又夠味 夾埋墨魚黎食又另一番享受▪蠔仔粥 $707.5分蠔仔粥十分足料 蠔仔 豬肉碎 芫荽 芹菜 魚乾 全部有齊曬 蠔仔份量唔少 仲幾飽滿添 可惜本人並非芫荽愛好者 呢兜有好多芫荽 唔鍾意西嘅記得走西 .▪韮菜豬紅(人頭計) $7x7分豬紅彈牙 不過可以更加入味 韭菜都爽口 略嫌太油 表層會有層油浮起 另外提一提 小店係以人頭計份量價錢 嗌之前可以問清楚老細落order 以免造成誤會以為海鮮價就唔好啦

一向鍾情潮州打冷，鍾意食蠔餅蠔仔粥鵝腸但坦白講要搵間黃嘅潮州菜館好難上網睇到紅伶飯店，即刻心心眼約埋朋友嚟食，餐廳位置好細，坐得唔算舒適，但擠迫得來又別有一番風味無得訂枱，我哋一行六個人等左好耐，老闆娘都不停同我地講唔好意思，眼見老闆同老闆娘全晚都忙到冇停手，就梗係冇詐型🤣直入重點講食物，全部都好驚喜先食個頭盤，滷水鵝片、Wasabi墨魚片同韭菜豬紅，呢三樣已經令到我哋食到停唔到口😋再講蠔餅，炸得好香口鬆化😭😭唔係講笑我相信我自己可以食晒一整份再嚟個蠔仔粥，蠔仔夠大完全無臭味，叫咗大鍋六個人分每人都有成兩碗😂最後驚喜登場醉雞煲，先上藥材湯底，等滾左再加生雞，湯底好濃郁又甜，雞夠滑份量又足，每人都不停飲湯🤭 一定會為咗個雞煲返嚟食最後我哋走嗰陣想喺門口影合照，搵咗老闆娘幫手，佢好貼心走返入店幫我地熄咗門口射燈，老闆同老闆娘係一對好可愛既老夫妻💛🥰

🇭🇰#香港捐窿捐罅記 黃店打冷係香港好少有😣好食就更加難搵😀我喺唔同嘅程式上都淨係搵到幾間黃既打冷😭而且好多都淨係做潮州粉麵🤭 從而得出左個結論，因為而家越來越少年輕人會鍾意食打冷所以打冷鋪係由老一輩經營😀咁佢哋通常點諗大家都好清楚啦😂今日嗰間係家庭式經營，已經有好長嘅歷史，而且堅稱從不聘請外人🌝 所以大部份時間鋪面都係得兩個人😂 就係老夫婦🌝 所以大家要比較有耐性，因為上菜速度可能會比較慢不過係絕對值得等🙋🏻‍♂️ 我第一個菜都等左40分鐘先有（我仲要係佢當晚第一個客😂）仲有佢有時會不定時休息，留意佢地Facebook page-🐽打冷的起源🐽打冷係指去潮州大排檔食飯，而由於潮州大排檔嘅大部份食物都係事先煮好既，而且大部份都適合凍食🥶 所以打冷其實都標榜自己上菜快，而且價格便宜😗 最重要係打冷呢字百分之一百嚟自香港🙋🏻‍♂️ 係五十年代香港人因為誤解左一句潮州話而成🌝宜家就傳返去世界各地🙋🏻‍♂️ 今日就講住咁多先😗-🦑冰鎮芥辣墨魚片🦑（$88）鎮店之寶🤩 墨魚片食落超爽口😗淋上咗麻油去提升鮮味同香味🤤食落好香芝麻味🤭而且點做wasabi 之後好似食緊魚生咁🤩好鬼開胃🔥而且份量好多，好抵

話說呢間紅伶，喺屋企附近，由細食到大，但從來都唔知係良心黃色小店💛既然知道咗，梗係拉埋爸爸媽媽落街大力懲罰🤪星期六晚上7點，成功坐到最後一枱，之後就要排隊啦🤣叫咗五樣野：滷水拼盤、冰鎮墨魚片、春菜、炸大腸、蠔餅。滷水拼盤超級入味，每一樣嘢都有滷水味🤤冰鎮墨魚片會配豉油wasabi咁上，好爽口好夾！(第一碟冷盤就上。。。我地秒速食晒無影相😭 無圖但好食😭春菜！絕對絕對係最大推介！！！好少人會叫，未試過記住試吓！啲菜煮得好林好正🥴炸大腸就配蜜糖上，一鹹一甜絕配，大腸都洗得好乾淨，冇怪味。蠔餅都OK，雖然配埋魚露有少少鹹🤪 但炸得好靚好脆全間鋪頭只有老闆同老闆娘兩位，feel到人手的確唔太夠，點菜執枱大家都要俾啲耐性💛 始終懲罰人地唔可以太harsh架嘛🤪食咗咁多年，以前純粹係因為好食依家又多咗個原因啦💛咁多年來呢間餐廳都好少要排隊，有幸見到呢個光景，忍唔住老顧客都要第一次寫食評😂好多時候其實身邊好多小店都好好食，只係差一個機會比大家發掘出黎！大家都多多留意身邊嘅黃色經濟圈💛💛💛

朋友介紹正宗潮州打冷，平日好多人排隊趁大家唔敢出夜街去食，唔使排隊，不過8點後都係坐滿 菜單就寫曬係牆上面，唔算多選擇，但樣樣都好好味（又食到一半先記得影相🤦🏻‍♀️）冰鎮芥辣八爪魚🐙超薄片的凍八爪魚蘸芥辣豉油，鮮甜好味另外墊底的凍鹹酸菜都好正最後係全碟連配菜都清曬滷水拼盤入味，特別推介生腸，好爽脆炒蜆好新鮮，而且鑊氣夠，好惹味蠔仔粥炒番薯苗另外值得一讚係店內告示「為響應環保，本飯店即日起不主動提供飲管」呢間算老店，店主夫婦都係公公婆婆，都咁有環保意識

同朋友一齊係尖沙咀行去紅伶，最近都成為我哋既聚腳飯堂適逢呢段飲食業既艱難時期，希望出去食都可以多啲選擇一啲用心經營嘅小店！不過呢度店面不大，但店外有一排櫈坐住等，一路感受秋涼，一路同朋友大聲小聲傾計，店裡人情味太勁，好多男人一直飲啤酒吹下水都樂而忘返，所以不經不覺都等左個幾鐘。咁其實我家鄉都係潮州啦，但朋友想食潮州打冷我都會乖乖就範既，我對家鄉菜既要求都好嚴格㗎！一行五人我哋點左個大蠔仔粥、咸酸菜炒花生、墨魚片、炸大腸、韮菜炒咸豬肉，其實呢啲有部分都係我屋企成日見到既家常小菜，首先講下潮州粥咁出名！佢哋既蠔仔粥係每一啖都幾隻蠔仔落肚好足料，潮州有味粥係完全唔洗加鹽同胡椒粉，好夠味道。我本身好中意食墨魚片，佢哋既白墨魚片配左芥末豉油比我哋，又幾好食！炸大腸就有d驚喜，冇陣臭臭豬肚味，炸得好香口，配埋個汁去油膩感。鹽味花生唔係炒完凍左果種即刻軟淋淋既！老闆行出嚟都有同我哋吹水講佢都好欣賞自己炒嘅花生，唔知係有咩秘技呢，哈哈！平時我係屋企媽咪即炒既花生先有咁脆口，大部分餐廳只視佢為一個送既配菜，老闆經營咁多年依然有種小至炒花生既熱情同態度，超級欣賞！未試個蠔餅同你地應該有賣凍魚，有機會再嚟食

呢排留意咗呢間餐廳。一向都愛食地茂打冷,今日就俾個機會佢啦。去到。OMG。7:00已經坐無虛席，我仲無訂枱（但應該係不接受訂枱，因為只有外面排隊）小小一間家庭式經營潮州菜店，樓面得霸氣老闆娘撐場，落單，飮品，抺枱，收錢，一腳踢。真心好勁，同埋千奇唔好打亂老闆娘節奏。我一行四人，點咗五樣餸。得牆上菜名，要做啲功課先好去。推介👍🏼👍🏼👍🏼

碟碟都好好味//最難忘係 炸大腸 我真係未食過咁好味外脆又唔係脆到硬裡面又好淋🤤🤤🤤//反沙芋我又係好鍾意...//但係講番環境嘅話超過4個人都不建議去我們一行7人但係真係有啲逼

堅係好好食！所有食品都唔馬虎！食落有驚喜同滿足感！豬手係推介！無得輸！個汁好好味！所有鹵水可以任拼！自由度高！蠔餅做得好認真，好有心。蠔多粉薄。煎得又香又脆！炸蜆個汁啱啱好，夠香又唔太辣！

幾年前深夜放工成日光顧。幾年後再來，價格當然貴了。店子小小，衛生環境也要張就，所有物品都顯示了歲月的痕跡。沒有餐牌。留意牆上的吧。或是走出去門前看看有什麼可吃。當然問店員也可。要了以前一吃就愛上的冰震芥辣墨魚片，$80。比幾年前貴了$30。但味道依舊好份量也足。墨魚片爽滑鮮嫩。可能天氣太熱，冰涼但沒有喝冰凍可樂那種很冰震的感覺。底下有大大塊酸菜。不論墨魚片蘸芥辣吃、配搭著酸菜吃還是原汁原味地吃都一樣好味。炒蕃薯苗，$65。很有穫氣，很新鮮。吃到停不了口。份量再多一點就好了。有機會再來吃。

老店潮式打冷，香港老店買少見少，人情味濃厚。唯獨店內並沒有餐牌，感覺像海鮮價，而滷味更是潮式打冷的精髓。-⭐️冰震芥辣墨魚片🦑 $80另加配鹹酸菜 $20這個天氣用作做涼拌菜真的是最合適不過，雖然墨魚片沒有冰震上枱，但配上麻油，香氣十足。墨魚片仍可保持它的爽口感，淡淡鮮味及嚼口，美味極了⭐️豬頭肉拼大腸 - 例牌 $135店內沒有滷水食品的價錢，當結帳才知道💲135豬頭肉還帶有毛，但滷味煮得夠入味，大腸肥瘦適中。⭐️炒鹹肉韮菜花 $70鹹肉炒得太乾身，沒有油香。韮菜花太老有渣。太多老的纖維沒法吞。

飯局後跟友人在油麻地閑逛，途經吳松街見到此間冇乜裝修外表殘破的懷舊打冷店，門外介绍的食品不算太貴，抱着不妨一試的心態，因剛進餐不久，二人坐下只點了一份潮洲蠔餅及韮菜豬紅，另加一支啤酒，蠔餅食味一般，點蠔餅的魚露只屬下等貨色咸而不鮮，韮菜豬紅亦是普通水準，所以不敢再點其他食品，吃完結賬，蠔餅$58元，啤酒$17元，心想韮菜豬紅不會太貴，$100元左右埋單已差不多，誰知伙計告知總數為$153元，當時便問是否算錯了，伙計便取來賬單，原來韮菜猪紅比蠔餅還貴，需要$78元的天價，兩人為有就範埋單離坐，吃了不知多少間的打冷鋪，從未試過有韮菜豬紅咁貴，所以下次點菜前先問清楚為妙！

其實耐唔耐去佐敦食甜品都會經過呢間飯店，看上去已是老店，驟眼看門口，應是以打冷為主。內裡坐位不多，都算狹窄，餐牌是欠奉的，食物就自己出去選擇，你看到什麼喜歡吃什麼就點什麼，廚部提供的會是炒菜、蠔餅、蠔仔粥等。當天點了豬皮蘿蔔，帶麵豉味，可以的；凍蝦，正常彈牙；芥辣墨魚，但其實是八爪魚來的，爽的，特別在用咸酸菜墊底，都匹配；有細蠔仔粥提供，兩人剛剛好，味濃惹味，很不錯；鳳爪屬一般貨色，看上去夠大碟而已！

店內雖然麻雀雖小，竟然煮出好味到要再返來食。冰鎮墨魚，新鮮墨魚，爽脆。即炸蠔餅，香口脆，每口每口都係蠔仔。蠔仔粥，足料到嚇親。鹵水鵝片，肉嫩又滑，豆腐好滑。豬手，豬紅，炸大腸好厚肉勁脆，必試。醉雞煲，酒味十足，湯好好飲。羊腩煲，羊肉煮得夠林，樣樣都太好味，掛住食冇影相。記得想食好野，唔好心急，店內只有一對夫婦，他們用心煮出， 每道菜的味道。

話說有晚放工後諗唔到食咩好，然後見到依間隱世小店，友人忽然話想食打冷，我地就衝入去。環境方面店舖位於大街，裝潢比較樸素，不算是很當眼，但經過一定會被放在門前的食物吸引而停下。至於店舖內的裝潢亦很簡單，有點像大排檔，目測大概有6-7張大大小小的摺枱，由於店舖面積不算大，所以枱與枱之間的空間較小，而四周的牆上都貼滿手寫的餐牌和一些飲品海報，絕對是典型的懷舊小店。服務方面基本上和大排檔一樣，不過店員也十分親切。食物方面這裡點菜十分有趣，有一個角落放滿打冷小菜，看到甚麼想吃告訴店員便可，另外也可點牆上餐牌的小菜。由於我們很餓，點了一堆菜!冷盤點了大眼雞魚和已灼的大蝦。大眼雞魚的算大條，啖啖肉，而且很鮮，食到停唔到。另外附上黃豆醬汁，個人覺得不沾也夠味。至於這個大蝦真的讚讚讚，一碟大概有十隻，而且每隻都大大隻，蝦肉彈牙，味道非常鮮甜，每隻蝦頭亦藏著很多蝦膏，完全有驚喜!(已經想去再食啦……）小菜方面點了蠔仔粥 (中)，蒜香蕃薯苗及炸蠔餅。蠔仔粥 (中）- 先讚一下這裡的食物用料十足，有蠔仔外，還有豬肉，芫荽，芹菜及魚乾等，味道很豐富亦不會太鹹，而中碗的份量大概可以分5-6小碗。蒜香蕃薯苗，份量大