紅椒力量 (已結業)

經過一個星期辛勞嘅工作，一定要食啲啱自己口味嘅嘢獎勵吓自己，而早排食得太多中式同西式嘢，所以今趟轉吓星馬泰風味。前菜楝咗泰式鳳爪，令人一試難忘，食到停唔到口🤩，酸甜辣度都拿捏得恰到好處。試過其他餐廳嘅有時酸到眼都開唔到，又時又會甜得過份但呢度嘅就剛剛好，值得推介！另外辣椒膏炒青口都屬必點之選，秘製醬汁配上鮮味青口真係好夾，不過如果醬汁可以再杰啲啲好讓佢完全包住每隻青口就更為理想嘞。今次叫咗泰式酸魚柳同埋泰式西蘭花🥦炒蝦🦐試吓。前者魚件嘅件頭大，肉質嫩，後者西蘭花炒得清爽而蝦亦大隻只係稍稍透了些。其實每次去紅椒力量必定會叫嘅仲有佢哋嘅椰青，因為特別清甜，可能嚟貨靚之故，每次都會打孖咁柯打......🤭🤭。

我地嘅家庭住屯門，多數家庭聚會都會選擇係屯門，係市中心交通方便又有大商場，不二之選就係V City，食過又嚟食就係紅椒力量，今次除了推介食物外，要推介一種飲品“柑桔蜜”，因為呢排天氣麻麻地，令到喉嚨好唔舒服但又唔想睇醫生，佢味濃又好飲，飲咗之後喉嚨已經好舒服，真❤推介啊！食品叫咗泰式椒膏乾抄牛河，夠晒煱氣泊得住港式小抄，另一味泰式鹵豬脾，入味之餘又淋，泰式西蘭花抄蝦，D蝦大大隻又彈牙，即係好新鮮，否則点會咁彈牙呢😁! 仲有海鮮咖哩雜菜都好正呀！食物算有水準但唔算貴，嚟開屯門不妨一試!

前2日放平日入去屯門市走轉，👵🏻媽媽唔食辣但我想食泰菜點好呢！🧐想起上次快閃食紅椒力量係呢種泰菜但加埋廣東菜的會識合一家大細，媽未試過一於去食，媽必別飯就點左海南雞套餐，價錢好抵有大半隻雞，🐥肉滑唔生無血水加埋老火湯油🍚，媽都話👍🏻，鹵水🐷豬手肉夠淋皮皮彈QQ 怪唔之得係店長推介，媽最愛食唔同國菜豬手佢話呢個好味過中式🤩，最後我點啦個牛河幾有鑊氣雖話辣膏卻不太辣，青咖哩牛肋條夠淋同有青豆豆幾青近田，最後係上次食過的無骨鳳爪保持水準手，燒雞翼外少蕉香內有肉汁😋，最重要👵🏻話滿意🥰

天氣反覆，令人食慾大減所以即刻要揾返啲有口感嘅嘢刺激吓味蕾因此選擇咗紅椒力量。坐低即刻點咗個泰式𢇁網春卷食住先。一咬落去「卡嚓」一聲，既酥且脆 。主食叫咗新加坡海南雞飯，係連香茅油飯同一大碗例湯嘅客飯。海南雞啲肉滑滑溜但味道比較清淡所以一定要點埋旁邊嘅醬汁一齊食，而佢嘅油飯就比較特別，好似糯米飯🍚咁所以零舍飽肚。另外再添咗個豬頸肉喇沙檬粉，同樣係大大碗同埋檬粉都好挺身爽滑。再伴以一杯酸梅七喜，倒罐七喜落去時就知道掂，見到啲泡好洶湧，夠爽夠醒胃😋👍🏻。有時幫襯其它餐廳可能因為啲七喜唔夠凍無乜氣就會好難飲。食完呢餐飯之後成個人即刻舒服晒！

係公司認識嘅好朋友已經移民咗，今次返嚟香港話好想食泰國菜，當然要就朋友啦！況且自己都鐘意食，朋友住嘅酒店係屯門站附近，酒店行去商店就有嘢食又可以shopping, 咁我選擇咗“紅椒力量“，因為食物有水準，2個人又唔大食，志在見面傾計，我地叫咗“泰式絲綢春卷“，嚟到仲係熱辣辣，好脆口呀！“泰式鳳爪“辣得嚟又酸酸甜甜，食咗真係胃口大開呀🤣! 再嚟想試吓海鮮類，叫咗一蝶“辣椒膏抄青口“，少少辣但青口好新鮮，係值得一試，又想食D飯就叫咗蝶“海南雞飯“大家share呢樣嘢, 又有湯又有飯，食到好胞呀😄! 享受食物的美味之餘一路傾計一路食嘢，真係樂在其中呢！😘

突然又好想🤔食吓酸酸甜甜辣辣🍋🍭🌶屯門必食之選就當然要翻炒紅椒力量啦 ！今次想試下新嘢… 唔叫套餐 :香茅雞翼🐥~煎得剛剛好 金黃色 小小脆不油膩 加埋個醬汁 🉐️👍泰式鹵豬脾🐖~ 好入味 軟淋淋易入口馬拉盞炒菜心🌶~ 個人口味 略嫌馬拉盞味不夠濃不夠辣泰式絲網春卷🌯~ 上次食過 冇得頂冇得輸 仍然保持到水準 春卷皮炸得好鬆脆泰式椒膏乾炒牛河🐮~ 不油膩 味夠濃 但可再辣D整體而言 食物質素仍然保持得到 下次會再嚟試下其他未食過嘅菜式😜

點菜後等了30分鐘，眼見遲過入離啲人都食緊，詢問一下點解咁內，侍應話去跟進，再過10分鐘都唔覺有人跟，再問一下，點知個侍應態度極差問我想點，係咪唔要，我只係想知有無跟進啫🤬再過5分鐘終於都到，點知個泰式炒金邊粉極度難食，變咗茄汁炒金邊粉，仲要變濕炒河咁（味道極似西炒飯），我以為自己落錯單，詢問下個侍應，佢話係本店特色，食咗兩啖真係再吞唔落，成碟放棄算。食物質素差都算，員工態度極差，好多怕上身見你叫佢又視而不見，真係比錢受氣

10點半閂門， 9點三入到去諗住快食，當時見餐廳半門，兩個人就坐左係四人枱，點知阿姐話得兩個人一定要打對面楚，咁最後就轉左將二人枱。落單叫左個二人a餐,另一個阿姐話你哋呀二人餐不如坐張四人枱闊落啲啦。一入到去就比兩個阿姐點來點去已經嬲嬲地，點知啲食物嚟到係冇味道，好似啲食物同調味料係分開咁，食落去仲有一陣雪味. 未夠10點啲姐姐好似趕住收工咁係咁不斷係你面前行來行去，想收晒你啲野。星期五晚想食一餐安樂茶飯都唔俾，下次唔會再去。

第一次到屯門V city既Pepper Power食飯，亦將會係我最後一次係呢間餐廳食飯。今日剛好係附近有要事要辦，又想食東南亞菜，係商場轉了轉，見Pepper power既午市餐單多元化而且價錢實惠，所以決定係到食。入坐不久我就決定好要叫想食好耐既冬蔭功粉配香茅雞翼，落單後大概5-10分鐘碗冬蔭公粉就黎到。雖然漏左雞翼，但待應好快就察覺，整體上菜速度尚算快。先嘗了一口冬蔭功湯底，偏酸唔夠辣、帶有椰香味，粉既份量適中。尚可。剛好雞中翼係呢個時候補上，眼見賣相金黃色我急不及待攞起一隻黎食。被騙了，雞翼無想像中炸得咁香脆，皮腍唔香脆但多油，雞翼亦腌得唔夠入味，唯一可取既就係肉質嫩滑，但一般雞翼都好難整得鞋。本身諗住今餐就此罷了，點知沒有最差，只有更差。4隻雞翼中接下來既3隻唔止唔入味，連最基本既肉都唔熟，好似雞刺身咁！實在令人太失望，待應經過見到亦沒有主動幫我換。雖然價錢吸引，上菜速度快，環境還好，服務尚可，但食物質素既第一印象太差令我不敢回訪。

話說我都係屯門工作左幾年了，食遍整個屯門了。見住啲物價愈來愈貴。而呢間紅椒力量係唯一一家係vcity到又冇大幅加價既鋪。來到食既係食呢到既一份情，裝潢就普通，實用為主，但食客既我地就坐得相當舒服，唔會太迫。言歸正傳，我要介紹既係呢到既海南雞飯，首先，佢油飯底已經值得一讚，飯溫恰到好處。雞件很滑很油。有傳統海南雞既三隻醬。另外要推介既係呢到既喇沙豬扒麵。首先份量好足夠一個成年男士，豬扒剪得岩岩好，喇沙麵絕對冇偷工減料。係呢個年代食個飯，有不錯既質素，同時價錢又唔太貴。個人認為值得大家一試。

紅椒力量的英文名稱是Pepper Power。只看到名字肯定不曉得是什麼樣的店舖。小編在這裡介紹幾道料理是最近受歡迎的，其中包括海南雞飯套餐，豬手套餐，冬蔭功豬頸肉金邊粉。小編覺得套餐太飽，平常都愛吃冬蔭功豬頸肉金邊粉，配一下冷飲。湯底是濃濃的酸辣，很開胃。小編愛吃湯底中的蘑菇，還有就是先烤好再切片的豬頸肉，很爽很彈牙!！值得推薦~😍😍

泰菜多是落重味精.今次試左👈呢间.叫左边🐓.身為鸡皇的我呢边🐔都合🈴格.🈴格已高分.冰鮮肉來講處理上不錯冇雪味肉亦淋滑.冬蔭公湯吾太辣適合🈴大眾化口味.及最好是不是飲味精，最驚喜係個青口甜酸微辣汁滿满包住青口肉很开胃野味，一上即搶哂就知几好味仲有卤水🐷脾好淋滑啖啖肉

ordered a Lemongrass porkchop rice. The porkchop served consisted of several small cut pcs of dried porkchops, chewy like treebarks that I am sure they are leftovers from last night. For some unknown reason, the above message cannot be published, so here's more:The amount of oil used, the pork chops were literally drowning, in oil. Same goes for the minced ginger and scallion dip, it's all oil.

自從去過新加坡食過地道嘅坡菜就一直念念不忘，今次帶媽咪黎到位於Vcity嘅Pepper Power食lunch，大概12:30黎到，客人唔算好多，唔洗等位就可以安排入座，侍應安排我地坐向角落嘅二人枱，室內環境整潔光猛，坐得幾舒服，午餐選擇都唔少，有兩頁可以選擇，我地今次揀左：海南雞飯套餐（$60）老火湯係青紅蘿蔔豬骨湯，唔係味精湯，飲完唔會口渴好舒服，味道鹹淡度適中，海南雞肉嫩滑，肥皮同瘦肉分佈均勻，油飯增加左飯嘅香氣，食慾大增，香茅豬扒喇沙檬粉（$51）配熱菜蜜香茅豬扒稍為欠缺香茅味道，豬扒鬆軟，喇沙湯底香濃，滿滿嘅椰汁味道，好有新加坡風味，豆卜吸收晒喇沙嘅精華，好味道啊，檬粉爽口彈牙，唔錯，呢到係免收加一，埋單$111，價錢唔貴份量夠多，食得好飽肚，絕對可以再encore。

有外國朋友嚟咗香港，帶佢食D 有特色嘅香港美食，係V City有人推介紅椒力量話都唔錯就去証吓，見到餐牌嘢食有個'歡樂套餐'食物都啱心水，先嚟個老火靚湯🍲，個個都話好味，尤其是少湯水嘅我，一定唔放過，第二道菜海南雞好滑好嫰😘，椒鹽魷魚炸得好脆好有咬感，黃咖哩牛肉配埋薄餅，夾住嚟食唔咸好得👍，串燒係我至愛，加埋D醬真係好正，提升晒D味道, 馬拉盞抄菜熱辣辣巧巧味啊！個個都食飽飽，今次都算無揀錯地方👍。