紅火雞煲 (元州街)

營業中

休息中

突然朋友約食飯，佢地想食雞煲，我想食韓燒，跟住我地不約而同地搵到紅火雞煲。百年古方雞煲平時食開麻辣雞煲，所以今次想試試 百年古方雞煲。我地揀咗少辣，秘製醬汁鍋底非常足料好味，香味撲鼻。煲內雞件嫩滑又入味加埋香菜，真係超正👍🏻。食完啲雞仲可以用來打邊爐做湯底😋自助的火鍋同韓燒可在雪櫃任取，有肥牛、西班牙黑豚肉、牛栢葉、新鮮魷魚、餃子🥟、青口、爽滑豬肚、丸類、腸仔、蔬菜、粉麵等等，飲品都係自助的🤩打邊爐當然要食😍手切肥牛及豚肉片肉片色澤鮮色均勻，唔算太肥，肉質高質，打邊爐616就熟🤓用紙點的揀咗生猛海蝦同埋爽口鱔片海蝦真係又新鮮又甜，叫完再encore!總括來講，一個價錢滿足到3個願望，真係好開心架🤭

呢間火鍋店都算容易搵出地鐵站行4分鐘就搵到最鍾意火鍋店可以任飲任食啱晒月光族嘅我發覺每次太肚餓都係食到咁上下先記得影相🫠🫠成日做唔到手機食先既港女🤣自助的火鍋配料超多選擇，放於雪櫃任取，有肥牛、西班牙黑豚肉，好高質，肉味幾夠🫶🏻🫶🏻打邊爐必備！另外必試佢地既手打蝦滑同墨魚滑，我重用紙點揀了d是日推介海鮮、生猛海蝦同脆鯇骨腩，脆骨腩幾爽好有口感而飲品方面就要去飲品櫃度自取，重要係任飲超正 款式我覺得都算多

最近去咗長沙灣嘅一間任食火鍋食晚餐，餐廳個名叫紅火雞煲，性價比高，質素亦都真係唔錯！我哋揀咗任食火鍋，每個人$188，好抵食。👍 食物方面，我最鍾意佢哋嘅蝦同肉類🦐🥩，新鮮嘅味道好好，好食得唔夠啊！👉 餐廳嘅環境都幾舒適，裝修簡潔大方，櫈同埋放食物嘅地方都好乾淨整潔。👌 服務員都好友善，有禮貌，好滿意！👉 最後，我地嘅晚餐價錢都好實惠，🤑 比其他任食火鍋相對較經濟實惠，性價比都算高嘅。結論就係，如果你去開長沙灣又想食任食火鍋，紅火雞煲係個幾好嘅選擇！💯

位於長沙灣的韓燒、火鍋及雞煲餐廳，任食兩小時，包羅萬有，選擇多元化，適合各人不同的口味。餐廳裝修簡約，不過地方很寬敞。外面有個自助區，自行拿取配料，如丸子、餃子、肉類、香腸、蔬菜、海鮮、麵食等，所有食材都放在凍櫃裡面，確保冰鮮。另外一邊則有醬料區、飲品區及熟食區。韓燒韓國燒烤，有各式的燒肉、牛仔骨、大蝦、多春魚、十分豐富。火鍋自選湯底，火鍋湯底也有很多款，亦可以選擇鴛鴦鍋，每款湯底都各有特色。雞煲雞件蠻多，雞肉鹹鹹的，很入味，加上蔥蒜及芫茜爆炒，特別香口惹味。

最近去了一家位於長沙灣的韓燒加雞煲加火鍋放題餐廳，好抵玩！😳呢度的湯底真的非常豐富，有多款選擇，例如胡椒豬肚湯、麻辣湯等等，每一款都有獨特的風味，一定唔會悶，湯底也非常濃郁，帶有濃濃的香味，唔使點鼓油都夠味☺️食材方面，這家餐廳的海鮮、肉類及丸類都非常豐富。尤其是海鮮，新鮮度非常高，口感鮮美，令人回味無窮。而且，肉類的種類也很多，有豬肉、牛肉、羊肉等等，都非常嫩滑可口。丸類方面，也有各種口味可選，例如魚蛋、蝦丸、牛肉丸等等，口感鮮美，非常好吃。隨便你揀韓燒定火鍋都冇問題，最後當然係價錢非常實惠，二百幾蚊人頭就可以享受到無限量的美食，真的非常抵食。🤤整體黎講，這家韓燒加雞煲加火鍋放題餐廳真的是一個非常值得推薦的餐廳。豐富的湯底、鮮美的食材、實惠的價格和舒適的環境，都讓我在這裡度過了一個非常愉快的用餐體驗。

知道呢間食店，一個放題晚餐能滿足，揾食肥華三個願望，就係鷄煲，火煱，韓燒三款肥華至愛食物可以，共冶一枱，3月9日肥華，靚媽，及細仔仔一行三人，便到此店開餐，初到此店印象欠佳，室内裝修似一間，屋邨街坊飯店多過似一間，食放題嘅店舖，而食物方面，肥華覺得，除咗個百年鷄煲及某一款牛肉，算好食之外，其他食品都係大路貨色，加上此店任食放題，係全無甜品供應，連生菓都冇個，若用呢個價錢，在旺角都有不少比此店更佳，選擇嘅放題餐廳， 還幸此店一位女員工應該係負責人，一人走勻全場，做事勤快，對顧客要求到位，態度親切，為此店取分不少

星期五9點前入座兩小時雞煲、火鍋、韓燒放題（兩人$496），百年古方鷄煲，雞件份量多，肉質嫩滑，雞味濃厚，配料包括有香蔥、薑片、彩椒、芫荽、洋蔥，食落好惹味。美國雪花肥牛（跟餐$0），牛味厚重，配以日式燒肉汁食用，味道更佳。菜肉餃子（跟餐$0），經韓燒後，外皮口感薄脆，內有肉汁。咖喱魚蛋（跟餐$0），口感彈牙，食落好入味。涼拌手拍青瓜（跟餐$0），口感爽脆，味道酸辣。泰式無骨鳳爪（跟餐$0），口感爽口，味道正宗。麻辣豬紅（跟餐$0），口感滑溜，辣度2分。

「紅火雞煲」係我口袋名單之一📝因為1個價錢已經包晒雞煲、火鍋、韓燒放野😱怪唔之得咁多街坊幫襯👥.麻辣雞煲🐓雞肉沾滿麻辣醬🌶️仲要炒到超香口，一上枱已經流晒口水🤤雞肉嫩滑👍🏻青椒、洋蔥煮到好入味🫑🧅.韓燒🔥🥩每次都一定會燒雞肉串🐔甜甜哋又惹味😋仲可以燒下西班牙黑豚肉，再點下燒肉汁😬.火鍋🍲美國雪花肥牛花紋幾靚😍食落唔會太韌，大大片牛肉🐄食落有咬口😆而且頗有牛味.小食🧆咖喱魚蛋彈牙入味🍛泰式酸辣無骨鳯爪、鴨血、手拍青瓜🦆🥒全部一食就知用心之作☺️.飲品🍹有各式汽水🥤啤酒🍺茶類飲品🍵同夏枯草

早兩日同朋友去左長沙灣元洲邨踢波 之後一齊食飯踢完波之後真係個個人都叫肚餓 不過商場附近全部都係快餐店冇咩新意 見到有間食雞煲即刻衝左入去 仲要係可以任食任飲加打邊爐同韓燒 價錢又唔貴都係二百幾蚊就可以係咁食 嗰日食得好滿足百年古坊雞煲 好好味 個味道調得好好 食完啲雞之後用嚟打邊爐個湯底一流 打邊爐配料方面 食材都好新鮮同埋好多選擇 飲品除咗汽水茶仲有啤酒嗰晚都忍唔住都飲咗兩三罐 大家記得叫芝士丸 肥牛手打蝦滑同墨魚滑 好好味 韓燒記得叫牛仔骨同T字骨另外 嗰日係平日都好多街坊去幫襯 下次去食一定要預早book 定位 嗰日7 點幾食都已經坐爆全場

朋友喺長沙灣街坊佢話有一間超抵食嘅雞煲加韓燒！重點係佢啲材料真係新鮮 CP值超高咁話唔係街坊帶路 都真係會走漏眼原來呢度仲可以叫點心外賣～仲要係蒸籠現蒸不過今次主要係嚟食雞煲 點心就有待下次再食！雖然餐廳外觀裝修都好簡單 不過勝在入面所有餐枱雪櫃都好乾淨每台之間地方都好闊落 雞煲加火鍋加韓燒先$238 仲要有咁多材料選擇任食第一樣上枱梗係要麻辣重慶雞煲先啦最怕食到啲雞係得雪藏味 佢哋嘅鮮雞滑溜而且好有雞香味！配埋醬料夠晒惹味 麻辣度適中 再配上大量嘅洋蔥同三色椒～食到舔舔脷食食吓姐姐行過 佢話原來韓燒同雞煲可以同時進行！即刻二話不說出去雪櫃攞下韓燒食材！肥牛同豬豚肉任攞！仲有超多嘅火鍋配料全部都擺放得好整齊同好乾淨除咗一般嘅罐裝飲品 仲有一大jar嘅竹蔗茅根水仲有個小角落放咗一啲咖喱魚蛋同豬紅估佢唔到可能係雞煲太惹味 韓燒就變得唔夠出色好食了 好彩有啲辣椒粉同孜然粉調吓味真心嘅 呢個價錢食到咁多款式嘅食材 都算係咁雞煲真係值得一讚！下次會再嚟食埋姐姐介紹嘅百年古方雞煲

大家 最近都開始著長袖啦又少少冬天嘅感覺啦冬天 大家點可以唔打邊爐啊好多時候我想打邊爐，你就會想韓燒有陣時 真係唔知道去韓燒好 定係打邊爐好最近我搵到一個地方可以韓燒 雞煲 打邊爐 可以一次過完成三個願望呢度啲枱好大張 一個韓燒爐 一個電磁爐 有足夠嘅位置 而家呢個時候 食完雞煲 落啲火鍋湯 ，再 打邊爐 諗起都流口水 呢次仲有埋韓燒 等緊 火鍋嘅時候 可以食住韓燒呢個我覺得最正係嘅雞煲唔知係咪因為肚餓呢？特別好食好夠窩氣 雞煲可以揀辣度今次我地食左少辣🥵真係食到停唔到口之後食左🐔煲 我地休息左一下 再打邊爐如果你係whatsapp 訂位 可以有送一盒 手切肥牛😏呢個手切肥牛 d 肥牛幾好食 😋雪花均勻可能因為雞煲食得太多la邊左 打邊爐今次食得唔多好多打邊爐嘅野食都冇試到要調節下 下次再黎食

依間喺長沙灣嘅平民小店出邊係賣緊點心 原來入邊有得食雞煲再原來係一個價錢可以食晒雞煲火鍋同燒肉當堂覺得勁開心哈哈食物種類都幾多 煲底嘅選擇都勁多我哋揀咗麻辣重慶雞煲 超級濃味仲係可以無限加雞的 雞嘅質素唔錯 有咬口牛肉同豬肉亦都係驚喜地出色呢個自家製嘅手打蝦滑同墨魚滑係全場最好食的呢個蒜蓉牛油金菇最簡單但又最好味 食咗10盒 哈哈侍應哥哥好好 上菜好快 周不時過嚟幫我哋睇火 教我哋點樣整啲嘢食 喺出邊打邊爐好少有茼蒿菜 一見到雙眼發光

之前見有唔少人推介嘅紅火雞煲，可以一次過食晒雞煲加韓燒，感覺好新奇！上網睇發現原來有幾間分店，今日就終於同朋友去左長沙灣個間～ 位置好近地鐵站，唔熟路嘅我地都好易就搵到😎我地叫左個百年古方雞煲🐔，因為我地都唔係太食得辣，所以就叫個小辣。雞件嘅份量好幾多，食落又唔會辣到好嗆口，仲有少少麻嘅感覺添！😋食完雞煲加湯等個煲滾嘅時候，就係到韓燒嘅時間！哩間嘅食材除左可以係紙仔剔，仲有個任攞嘅食物櫃，不論係肥牛🐮、海鮮🦐、雞翼定串燒都齊晒！我地仲叫埋個蒜茸元貝嚟燒，超滿足🥳打邊爐絕對唔少得唔同種類嘅丸啦！今次仲第一次試到黑松露口味同wasabi味嘅丸，意想不到地好味🤣其實另外見哩度仲有得食花膠雞煲，唯有下次先再嚟食過！📍紅火鮮料火鍋專門店📍📍長沙灣元州街277-279號地舖📍

黎左尼間網上推介既「雞煲火鍋+韓燒放題」，晚上9:00前後入座價錢都有所不同，9點前$238/位，而9點後$218/位。 雞煲我地揀左「百年古方雞煲」味道比出面其他店有d唔同，相對濃郁重口味，辣度任你揀，我地揀左BB辣都幾辣下，怕辣既朋友仔就注意‼️雞肉嫩滑實肉，所以每啖都係肉，抵食！ 除左雞煲，仲可以行出去拎想食既配料燒或者打邊爐都得，唔想行用筆落單都可以！另外上菜速度都好快，就算限時都唔怕食唔夠！ 個人覺得200幾蚊就食到幾個，烹調方式，唔洗book幾次。真心抵食！雖然客人以長沙灣街坊居多，但都可以一嚐餐廳既雞煲味道，我覺得以濃味取勝！

終於覺得天氣冇之前咁熱，又係時候打邊爐啦，朋友鐘意食韓燒，呢間紅火雞煲就滿足哂我地既需要啦，左邊打邊爐右邊韓燒，一個價錢2小時仼飲仼食，CP值超高💯難怪7點幾已經坐滿哂人，記得book定枱呀🥰雞煲、火鍋+韓燒放題套餐 ($238/位)🌟特色湯底: 濃湯花膠雞湯淨係湯底都超過16款，有四川麻辣鍋、胡椒豬肚雞、酸菜魚湯，仲有最吸引我既濃湯花膠雞湯底，花膠雞湯超足料，啱哂我補充骨膠原，店員叫我地打邊爐前飲個頭啖湯先，真係好正，唔想揀特色湯底亦可以叫個百年古方雞煲，見到隔離枱叫左個雞煲勁香，下次要試下先😚😚😚🌟火鍋配料火鍋配料超多選擇，有啲可以係自助區直接拎，例如美國雪花肥牛、西班牙黑豚肉、蔬菜、丸類等等，肥牛同黑豚肉都好高質，吸收哂花膠雞湯既精華超好食，先叫左炸魚皮，水滾之後淥一淥就食得，打邊爐必備，另外必試佢地既手打蝦滑同墨魚滑，真材實料見到隻隻鮮蝦，口感爽口彈牙，幾乎揀哂佢地既人氣推介黎試，仲有超長既king size北海道蟹柳，又係吸湯性超強🥰🥰🥰🌟韓燒我負責打邊爐朋友就負責韓燒，好多款海鮮，包括蒜蓉元貝、蒜香生蠔、海蝦，而是日推介海鮮就係蟶子，款款海鮮都好新鮮，推介😋😋😋另外佢地既蝦