紅茶冰室

營業中

休息中

勁嬲 頭先坐低咗响卡位，個阿姐都叫我搭枱 仲話「生意難做，幫幫手」。明明勁多吉位無人坐。跟住即走！另一個阿姐即刻叫我坐另一張枱但我都無理 即走宜家乜野時勢， 啲防疫意識差到咁！

強烈不滿大圍分店門口安排座位的所謂侍應,叫左個外賣,侍應企正係收銀走廊,我同佢講佢阻住我外賣俾錢,佢態度極度惡劣反串我話外賣另一邊俾錢,當時連個收銀都愕然,我諗係咪外賣就唔洗俾錢?呢D乜野服務態度?🤬

食午餐🥣有個三蝦炒飯 估左好耐有咩三蝦，點知係蝦片，蝦仁，鮮蝦？🦐🦐🦐塊蝦片真係搞唔掂，一黎無味二黎好油又淋。其餘都係普通炒飯味無咩特別。見到朋有叫左個牛柳扒飯$6x有二塊大大牛扒，都幾大塊。佢個餐幾平

朋友未到，諗住攞位先，再幫朋友order食物，待朋友到可以唔使等就有得食。點知佢要等齊人先可以入（只有兩位），目測是有位的！記得第一次唔係咁，可以攞咗位先，邊食邊等朋友到🤔 唔緊要啦，反正朋友就到突然又叫我入去😂 安排上有點奇怪🤔 最後我都等朋友到一齊入去。佢哋安排我地坐樓上細圓檯，坐下時發覺檯上面係冇隔離板！而坐位相隔好近😣 坐低冇耐，再安排兩位人客同一枱🙏 由於疫情關係我要求坐另一張大圓枱（當時沒人坐的），員工立即拒絕並稱不可能更換座位！態度相當不友善😳 當然我和朋友選擇離開！佢哋餐廳防疫措施好差，唔會再幫襯👎 之前都幫襯過，可能剛剛開業的時候，所有員工態度好好，服務唔錯👍 結論係，而家多左生意，服務差左好多，雖然茶餐廳，但係客人係唔需要受氣的😾 大圍都好多選擇，建議注重防疫措施及服務的人，就唔好去食

本次行過呢一間冰室都大排長龍, 有乜嘢咁特別呢咁巴閉？終於搵左1日閒日, 一早起身去試下佢地個早餐, 窺探一下真相｡因為得我一個人去, 當然要搭台啦要上到二樓同人地坐大圓檯｡ 地方都算乾淨, d姐姐就非常之有效率, 解釋得好急。沙爹牛肉麵湯底濃味嘅, 有少少辣油，係特別嘅但食哂就會覺得偏咸｡最欣賞多士因為喺丹麥多士, 好酥脆唔喺其他茶餐廳可以食得到｡奶茶好濃郁比較少拉大茶味比較重｡36蚊落樓對於一個早餐有點小貴但可以接受,下次要試下佢個酥皮菠蘿包同蛋撻｡不過如果你要我排隊先食到就咪搞我啦……

晚餐2人，味道正常，最驚嚇是飯後去G/F的廁所，得一格男女共用，廚房師傅用後到我，一入到，好大煙味，馬桶內有煙頭又有屎積，地下有痰，勁污糟，在香港見到這種又臭又污糟的廁所，比大陸還不如。回到家發覺衣服仍有煙味。

估唔到週日嘅大圍咁人頭湧湧！唔通都係睇樓團？當日我地三點幾嚟到大圍，諗住嘆返個靚靚下午茶。知道呢間「紅茶」係新開張，於是乎出咗大圍站之後就朝住佢個方向行過去啦！點知去到門口竟然見到有條人龍仔，當時都諗住轉地方，反正大圍都多選擇！但係行過隔離店鋪望過下，都係返番轉頭，因為都係覺得下午茶餐吸引啲！等咗一陣就入到去啦！感覺係十分之熱鬧。入座率係十成！我地就點咗兩個茶餐，由於我太耐冇食過生炸雞脾，所以非常期待！男友嘅燒味飯率先送到，所以我就試咗一塊燒腩仔，味道都唔錯，唔會好鹹，仲有葱油可以蘸嚟食。等咗10分鐘後，我嘅生炸雞脾終於出場喇！切開裡面嘅雞脾肉，好嫰滑，有肉汁，仲冒住煙，啲皮炸得香脆，少許肥膩，所以都係輕輕食咗半塊炸雞皮就算喇。薯寶又凍又硬，唔太得

大圍有好多間茶餐廳，不過唔係好多間水準都有正常表現，平時經過見依間排晒隊今日就決定試吓了叫咗個全日早餐，有黑松露蛋、雞肉腸、茄汁焗豆、煙肉、丹麥多士同煙肉，咁多野算抵食，食物都係正常水準😋

呢間d員工服務太差，明白等齊人入坐算合理，入坐水都冇杯，員工成日未食完已經想收走你d野食，仲要2至3次（成餐飯只係食左半個鐘）,只想做多幾轉客，野食落重味精(雖然大部份都會),食完好口喝

政府開始放寬了限聚令，但也要提高警覺不能掉以輕心。不走遠去食下午茶於是來到大圍tea time，招呼服務OK. 這裡的脆皮蛋撻味道雖不及敏X冰廳的那様味美，但蛋味十足&口感味美。煎豬排公仔麵我就覺得味道與質量冇乜特别，與一般茶餐廳的差不多的評論。來這裡消費，價格為高所以閒來耐一次來吃。

日日都經過呢度, 前身係三洋餐廳, 不過之前新開張好多人排隊, 尋日見唔駛排隊終於去左試下一入到去D 侍應服務態度己經唔好, 明明好多枱無人都仲叫你搭枱....疫情呀, 大佬..你又唔係爆哂仲乜Q 要搭枱, 博xyz#!$#$%^ ....下午茶叫左個炸雞脾同薯角, 好難食, 雞脾係無味, 求其炸完放D 調味粉上去, 薯角又太咸唔知係咪睇左食神博你叫多杯野飲.....得返杯 0 茶係正常既未去過可以唔駛去, 去過更加唔會去, 不過會比多次機會佢試下個沙爹牛, 如果呢個都唔得以為可以收工

昨晚一心諗住限聚令放寬到21:00，我很喜歡專程和老公揸車出太子嗰間食，因為覺得好好食，後來大圍開了很開心，但質素真的很差，我叫了招牌黑椒鐵板牛柳（等25分鐘）及 蒜蓉肉眼扒我（等35分鐘），都覺得不計較，和太子那個跟本兩回事，而且員工 態度兩間的很大差別太子那邊很有禮貌和耐性而大圍這間唔知以為我爭佢錢，我往後就算在我家附近，我都不會到大圍這間食

今天踩完單車，就去左大圍火車站附近嘅紅茶冰室食晚飯，我地叫左兩個餸，分別係菠蘿咕嚕肉同豆豉鯪魚油麥菜🤤🤤不得不提，上菜速度十級快，叫左無幾耐就上到菜個菠蘿咕嚕肉好有鑊氣，酸甜既味道適中，調配得幾好🤤🤤而另外個碟豆豉鯪魚油麥菜就略為濃味左d，整得太鹹，都算多油，不過配飯係幾好既食得多會覺得有d口渴，成日都好想飲水既感覺🤣價錢方面，兩個人兩碟餸，有野飲，有飯，有中湯，盛為189蚊，我覺得就有d貴啦！

疫情威脅下，已很久沒有到大圍。今天途經大圍逛了一逛，便發現了東鐵站斜對面，即搵到食市集附近，開了一間新的茶餐廳。店外玻璃柜內的麵包蛋糕種類繁多，頗為吸引。我忍不住便幫襯買了些麵包試試。～酥皮叉燒包 （$10）酥皮叉燒包果然是皮薄餡靚，吃起來鹹鹹甜甜，甚為討好。酥皮雖然已不甚脆，但是鬆化，又不會過甜。包的饀料非常豐富，吃到叉燒片。汁醬有點兒過多，鹹味較濃。整體來說，這個只是十元的酥皮叉燒包性價比甚高。～芝士腸仔包 ($9)原條腸仔令人感到滿足，再加上芝士和香草的香，真是令人難以抗拒。

近排天氣好唔穩定，一時落大雨，轉頭又出晒太陽，好似馬來西亞、新加坡咁，今日，就趁難得天氣報告講到明，全日陽光普照，就同老婆食完早餐就行轉山，由美孚經幾段山路，行到入大圍，全程輕鬆行2.5小時左右，基本上喺零難度。而中午到達大圍，就晌火車站附近嘅「紅茶冰室」食個晏仔，貪其就腳，食完就可以過對面搭火車走。由於仲有限聚令關係，每枱只准坐兩個人，所以，雖然餐廳地方都幾大，更有埋樓上，但好易「爆滿」，幸而茶記嘅客流量快，我哋都唔使等好耐。餐具、調味料、紙巾，就拉開枱側下面嘅櫃桶就見，依家去好多茶記嘅「指定」設計，所以，唔好吓吓舉手嗌侍應，先摸摸枱邊有無「機關」。基本餐牌就好似啲舊式茶記咁，攝晒入枱面玻璃下，影出嚟有啲反光，唔喺好清，幸好有啲外賣單張攞，索性掃描出嚟就更清楚。而選擇，同大部份茶記差唔多，唯一特別喺，佢哋兼營埋麵包鋪，鋪面另一邊就喺大賣港式麵包、蛋撻，所以，不時有新鮮出爐嘅麵包，仲要一有出爐，侍應就會滿場叫。故此，我哋都特登點咗其鎮店之寶「招牌冰火菠蘿油配經典紅豆冰餐」（$26），睇睇會唔會拆招牌先！經典紅豆冰咁嘅組合只賣$26，肯定喺抵食價嚟，先嚟杯紅豆冰，夠晒大杯呀，而且，勁多紅