紅茶冰室 (已結業)

已經嚟紅茶冰室食咗好幾次早午晚餐，但係次次都唔記得影相，今次終於記得影相。是次食既係早餐。個人認為呢度既常餐沙嗲牛肉麵係必食，因為佢嘅沙嗲牛肉麵真係幾好味，佢嘅沙嗲汁好濃而且啲牛肉亦好入味，牛肉同沙嗲已經混合埋一齊，各不分離，牛肉上晒沙嗲汁。唔似其他店嗰啲牛肉同沙嗲好似分開咁。沙嗲牛始終係配公仔麵係會好食啲，配其他粉面係咪冇咁好食。炒蛋炒得岩岩好，多士既色都烘得好好。食完呢個早餐，會充滿能量😂。

咁好天又運動完... 嘆番個朋友想試既邪惡下午茶先... 要食真係有無數既理由 XD 咁又有做運動既動力啦...招牌芝士流心西多即炸夠曬 HOT!!! 一切開... 芝士慢慢滲出來... 賣相更邪惡... 唔太漏... 食落唔太甜... 又唔會太厚... 如果想點D 既話就可以再點多 d 糖醬...配埋餐茶... 走甜既熱奶茶... 茶味比較重... 相對奶味好少好少...座門口卡位有樣唔好... 好多蚊子仔係咁飛... 的確令人反感...

成日經過好多人排隊，心諗茶餐廳咋wor..點會咁多人想食。直至有次我見佢下午茶時段有個流心西多芝士西多。身為芝士控既我。當然入去試試佢。入面位置都幾多。坐得幾舒服。幾光鮮。d餐具都好乾淨點左個流心芝士西多同常餐上到枱。西多係即叫即整。熱辣辣香噴噴。中間切開真係流心。超好食常餐係一個金寶豬扒湯通粉黎，再配炒蛋同厚多士。個湯底好濃郁。同埋好熱😽有水準豬扒雖然無咩特別個炒蛋好香。好滑。但牛乳味吾夠重店員招呼幾好，警覺醒都幾高。下次會想再黎試下佢其他野食

自從搬咗之後,紅茶冰室做咗飯堂，通常會同亞女過嚟食早餐，今日晏左自己過嚟食個lunch，啲質素依然有保證，我最愛嘅凍檸茶茶味夠濃，大愛👍午餐A，洋蔥豬扒意，周打蜆湯有蜆架，加埋杯凍檸茶無敵啊

即點即炸，十零分鐘有得食，魚柳偏淡，蛋濃補救返，感覺上個蛋先係主角，薯皇變左薯條，估唔到14：35黎食下午茶薯皇都已經賣哂，比較失望，d 薯條仲要炸過哂龍既，下午茶爆滿我後面嗰幾位已經要等枱，生意好確實會令質素下降，反而隔離大廈街舖質素較穩定

平時係觀塘返開工既巴絲，應該都會留意到最近新開左間日日都大排長龍既冰室，而心郁郁想試但又未行動既朋友，就等我黎話比大家知呢間冰室到底值唔值得排啦！同一般冰室無異，佢都會照顧埋打公仔買早餐既需要，自設麵包外賣Counter，新鮮既波羅包，出面一買就得，夠曬方便。由於今次係試食lunch既關係，對麵包既質素就稍不評論！入正題，講野食同價錢！平時有既冰室特式，常餐、特餐等一概俱全，價錢亦十分合理！小弟對焗飯同芝士其實情有獨鐘，所以就算等20分鐘，我依然會mark實芝士牛利焗飯！焗飯賣相同一般無異，但食落口就有與別不同既分別！平常食既芝士焗飯一係就芝士唔夠濃，一係就濃到膩，食完有種滯既感覺，相反，呢間既芝士焗飯既汁就調得岩岩好，夠濃郁，又唔會好膩！而個飯就係充滿蛋香既炒飯底，唔會好似有d餐廳咁，就咁用白飯or蛋撈白飯黎濫於沖數！我對佢既焗飯，會比4粒半星！而飲品方面，我就選左佢既朱古力特飲，賣相都其特別，不過一睇就知卡路里絕對唔低，而味道亦無話好特別既驚喜，所以建議on diet既朋友都係唔好叫喇！點解？因為要留返個肚享受佢個重點：甜品甜品首選係芒果千層蛋糕！至於味道係點，我就保留少少神秘感，

平時經過觀塘分店成日滿座，聽講有時仲要大排長龍，好疑惑究竟呢間茶餐廳有乜特別，原來荃灣都有分店，仲要唔洗排隊，梗係即刻食個下午茶啦! 雖然話唔洗等位，但入面都坐滿晒人，要搭枱，卡位有d迫。叫左最邪惡嘅招牌芝士流心西多 ($28)，新鮮即炸，擺上枱已經聞到好香，多士上嘅牛油好快就熱溶左，望住d牛油，再加埋煉奶，真係有d猶疑😅，不過豁出去啦!雖然切開後芝士無流心，但味道唔算太漏，又唔太甜，好快就食晒🤦🏼‍♀️仲有脆炸雞翼伴薯皇 ($32)，薯角同雞翼雖然炸到過乾，但雞翼肉質仍然嫩滑，仲好惹味!以咁嘅價錢食到咁大份下午茶，真係好抵，唔怪得知咁多人幫襯啦! 見到佢d包都好吸引，下次再試! 😁

今日來到荃灣做野，做到兩點幾先得閒食飯，行行下見到呢間冰室式茶餐廳，就入黎食個麵啦。餐廳面積都幾大，樓下坐滿可以上閣樓，但因為過咗午飯時間，所以唔算多人。餐牌夠晒多選擇，懶得諗之下叫咗特餐，有我最愛嘅沙嗲牛肉麵，火腿奄列及牛油厚多士。多士即叫即烘熱辣辣，食落鬆脆，火腿奄列幼滑，內裡火腿絲夠多，沙嗲牛肉味道好濃，牛肉唔會煮得太韌，公仔麵夠爽口，混埋沙嗲汁食好好味。食完再嘆返杯咖啡，又可以為忙碌嘅下午做足準備。

今日出到荃灣 見到呢間餐廳大排長龍好多人等咁我一於都排埋一份😋😋今次食返香港人口味 叫左份茶餐價錢都算大眾化 唔算特別貴亦都叫多選擇如果大家對蛋撻有興趣 可以叫個新鮮出爐既蛋撻食 我見呢間餐廳有新鮮出爐既蛋撻賣無特別驚喜 好普通螺絲粉偏硬 可以再煮冧少少湯底算濃 有蕃茄味 但偏向多味精呢個北海道牛乳炒蛋 係唯一俾👍🏻LIKE 既野炒得好滑好滑👏🏻👏🏻牛乳味濃郁🥛🥛牛油多士上枱時keep到係熱既亦好脆身😀

每日搭巴士🚌返工經過都見早餐同午餐都有人排隊👥，真係咁好食？！今日難得有機會試下。午餐有以下3款選擇蒜蓉烤雞扒飯：雞扒都好大份，同埋幾厚身，烤得都幾香口，蒜蓉汁唔算好大味，有啲椰菜做配料有紅湯同中湯選擇，揀左紅湯🍲，同其他茶餐廳飲開個啲黎比較，呢個就多雜菜同唔會太辣既，味道都okay既餐飲熱奶茶☕️，奶同茶比例都正常原本都想試下佢地出名既芝士撻同流心西多士，不過食完都飽飽，如果有機會下次試下

今日1130 已經去到紅茶冰室， 估唔到咁早已經排緊隊， 阿姐見我地有袋有背囊俾左知三人位我地兩個， 真係好貼心叫左沙嗲牛特餐 同 肉眼扒午餐， 餐飲先上， 嘩個Horlicks真係不得了！奶味濃horlicks味重， 宜家既茶餐廳好已經好少落咁足料！紅湯不過不失， 唔飲都無損失。牛油方包夠牛油夠脆， 火腿奄列都算滑， 火腿都多， 算係幾好。沙嗲牛肉麵真係高水準！ 沙嗲汁非常香濃又不死咸， 牛肉質感夠淋而且唔會有鬆肉粉味， 公仔麵軟硬度剛剛好， 下次要再食！肉眼扒飯， 有兩小一大塊牛肉， 牛肉偏薄， 味道同質地都唔錯， 細果兩塊牛肉煎到有脆邊， 好香口。 可惜洋蔥汁俾得少， 唔夠送飯。吃罷意猶未盡， 叫左個雞尾包食， $5一個大大個， 脹卜卜的賣相非常吸引！ 麵包吃下去是微暖的， 質感非常鬆軟， 很好吃!!內餡份量也不少， 沒有其他麵包店那麼甜， 呢個包要俾100 分！

星期日先來落雨濕濕 懶得出街 老公起身做外賣仔買個brunch😂 附近茶記即時諗起紅茶冰室d嘢食唔錯價錢又大眾化 唯一係座位比較迫同埋星期六日好多人不過我哋今次食外賣就冇所謂啦 haha🤣叫2個午餐A 香茅雞扒薯菜 同星洲炒米 炒得非常乾身 個汁真係几正好入味 薯仔係完個焗薯 仲有個汁配埋非常架 雞扒煎得剛剛好 外皮好脆入面啲肉好嫩 茶記lai講有咁嘅質素真係相當唔錯午餐有歺湯飲品 一個字「抵」！提提大家如果真係懶得落街嘅話 買＄100就送啦🤗

和朋友來這裡吃晚飯，叫了一個炒飯，顏色很漂亮，蔬菜比想像中多，凍朱古力味道很濃很香，看得出這裡的廚師很用心，唯獨是收銀那個女人，只是說不想要散銀換來的卻是黑口黑面好像是我在問她借錢一樣。幸好這種人不是負責廚房或是落單，下次會當她透明再次光顧。

做媽劇婷，要周圍走，開會，搞event，好處就係可以去唔同區食下唔同嘅嘢。好耐無食茶餐廳，咁啱開完會係下午茶，即刻揀成個餐牌最邪惡嘅食物出黎！下午茶都有呢枱人，幾有人氣喎似乎樣樣都想食，我同同事都猶豫好耐。。。最後係。。呢個係芝士煎蛋菠蘿油（$28），首先菠蘿油已經夠絕，佢仲有芝士，成件事係好漏，但好正，口感又深層，每一啖都回味無窮。另一份係招牌芝士流心西多（$28），好好味！睇圖你應該都感受到佢個種邪惡，牛油加煉奶，仲要流心芝士，我諗我地都壓力大到一個點，要咁黎安慰自己。可能係我地太想食茶記，所以係好味嘅。

星期日一早訓醒，男朋友話想食個靚早餐，即刻google下有無正野，見到有好多日推介呢間紅茶冰室，話會得登黎排隊食，就試下佢係咪咁堅！可能仲早，今日去到門口排左5min就有位了，一路排一路聞到d新鮮出爐麵包極香，已經好肚餓！ 叫左個b餐沙嗲牛肉麵+北海道牛乳炒蛋+牛油厚多士，個多士烘左底，超好味，脆卜卜，牛油味極香~個炒蛋不得了，勁幼香又有蛋香，落左牛奶炒係唔同d~ 黎到重點：沙嗲牛肉麵，見到湯底就知唔惹少，飲左啖好重沙嗲味，再食牛肉，又lum又沙嗲，完全係極過水準，唔怪得d人排隊黎食！ 本身想試埋菠蘿油，但太飽了，一次先！