紅茶冰室 (已結業)

這間餐廳的職員完全不懂禮貌，當你行入餐廳，跟著就有個新香港人，對你講：先生，你係唔係揾人呀！頂！你連第一句招呼客人都唔識？先生，你幾多位都唔識講？真係垃圾！跟著，叫人落order, 另一職員黎，態度語氣都係差……點解間餐廳咁垃圾！

紅茶冰室下午茶，只看餐牌已令人流口水。芝士煎蛋菠蘿油，菠蘿油本身已經邪惡，還要夾著煎至脆邊既煎蛋，但菠蘿包本身未算新鮮熱辣招牌芝士流心西多，即炸西多，表面放著大片牛油並鋪滿糖漿，中間夾著一切即流的芝士，除了太邪惡的缺點外，冇野可以彈。驚邪惡度未爆標，還加隻炸脾這下午茶的配搭實在太嚇人，飲返杯少甜凍檸茶解下油

之前經過紅茶冰室都見到好多人排隊，今日竟然冇人排,就入去整返個tea time先！芝士流心西多😭👍真係食到lam lam 利呀新鮮炸好嘅西多士上面加左煉奶同牛油！睇個樣都已經好正！好邪惡！西多士原本已經好好味！入面再加埋芝士真係不得了。呢一個新配搭估唔到佢咁好食！真係好值得一試另外叫咗個雞翼伴薯皇，因為要新鮮炸所以要等一陣先至上餐！雞翼炸到好香脆，薯皇都係炸到熱辣辣yummy!!價錢合理嘢食又好味，下次都會再試吓其他下午茶先！

呢間餐廳可以話係香港先係頂級嘅茶餐廳， 佢嘅麵包係新鮮出爐嘅， 麵唔會好似其他茶餐廳咁一早煮定，然後加湯上碟。佢波羅油真係必叫，油凍包熱。其實呢間食過好多次，麵包每次都可以保持水準！

都有個三人係鍾意食冰室因為我覺得冰室同茶餐廳嘅感覺好唔同，冰室有一種懷舊嘅情懷，而且會有一種人情味，今日嚟到荃灣嘅紅茶冰室呢間冰室喺荃灣係好友名㗎，之所以咁有名就等我一時期曾假啦，今日叫咗個咖喱牛脷飯，咖喱香濃，又唔會好辣，充滿椰香未，最緊要嘅係佢唔會好似茶餐廳嗰啲咖喱咁一嚿嚿，入口香滑濃郁，牛脷煎至香身，而且份量有好多，肥瘦適中，入口軟滑，用黎送飯果然一流而且環境乾淨衛生，又唔會坐得好迫，就算同朋友傾計傾多半個鐘都唔會有人講你走，呢度果然係好朋友相聚嘅好地方

今早去附近吃早餐，於是來到「紅茶冰室」試試！我點了一個早餐B配熱奶茶！ 早餐b是牛肉公仔麵再加炒蛋多士。先呈上的是牛肉公仔麵，賣相不錯，而且牛肉大大塊，湯式夠濃，適合我愛濃味的人口味～後來呈上的是炒蛋多士，多士夠脆口，味道都可以。因本人不大愛吃蛋，所以沒什麼評價可供參考。至於飲品方面，奶茶也夠滑，尚算不錯～總括來說，早餐價錢合理，而且食物份量也多，可說是物超所值，值得推介給大家。

這間太子同大窩口都有舖頭，太子的芝士撻十分好味，今次就試 大窩口 早餐 @ 紅茶冰室，去到八點幾已經差不多滿座，幸好仲有幾個位，每人叫左個早餐，好快就到，沒想到$37的魚柳配德國腸早餐會咁份量十足，堅大片魚柳（差不多大家樂一塊半）..新鮮炸起，炒蛋唔老身吾錯，面包係厚身包配多牛油，食完堅飽。炸菜肉絲米 面 厚多士 ，炸菜肉絲秘製有點辣又香，米粉份量正常夠食，厚多士二片好多，但都香同微溫好食。奶茶 味道正常啦，不過唯一吾好係 #熱咖啡 堅難飲，飲左一口寧願飲水。

有時唔係個個星期日都出街, 訓到自然醒應該係每個打工仔既夢想, 今日訓醒都十二點幾打算求求其落樓附近食就算, 依間餐廳次次經過都要排隊, 裝修都幾特別, 好有舊式茶餐廳既感覺, 今次我地去到排左十分鐘左右就可以入坐, 星期六日要兩點半先有下午茶咁今日我地就簡常餐同午餐啦厚多士加北海道奶炒蛋, 厚多士夠脆, 重點係牛油夠多, 出面食既成日都揸得dd牛油, 唔夠喉!豬扒通心粉, 豬扒偏肥, 我麻麻地, 但肉身非常入味老公既照燒雞扒配飯, 份量夠多, 雞扒好入味埋單一百蚊左右, 少少貴但勝在味道幾好！

聽男友說紅茶的早餐美味，特意一早陪同前往朝聖，雖然是假日，但排隊的人不太多，等一會就有位置了。早餐分了三個餐，我們分別點了A餐火腿素鮑通和B餐的沙嗲牛肉米粉，個人十分喜愛沙嗲牛，所以見到必點，而且米粉感覺較公仔麵健康及清一點，所以例牌都是這樣叫。  我倆的套餐都是選炒蛋，看見餐廳是加入牛奶炒成，所以雞蛋都很滑，但吃不出牛奶味，因為我個人對牛奶十分敏感，有一丁點牛奶都可以吃出來，但這一次我吃不到，也許我只吃了一小口，但炒蛋確實是不錯的。而我的主菜是沙嗲牛肉米粉，牛肉真的很嫩！很容易入口！而且沙嗲牛肉汁也很多，能夠讓整碗米粉沾到肉汁，不會使人感到沒有味道，是一口接一口的！而男友的通粉看似也是不錯，但我沒有嚐味，因此不知道味道如何，但看見他一顆也不剩，我想也是好吃的。而且，我看見餐牌上的麵包也是十分吸引，當我離開餐廳時，在門口看見爐上的麵包更是流起口水來但我真的太飽吃不下了，當有下次機會，定必嚐試！

最近喺荃灣𠴱頭返工，放飯諗住周圍行下睇下付近有咩食。之後經過呢間餐廳就入左去，入到去環境乾淨企理，樓面執台都好有效率。而咁岩𠴱日心血來潮想食燒味，所以就叫左個招牌四寶飯（燒肉、叉燒、油雞、咸蛋）跟杯棟檸茶試下。因為我個人唔太鍾意食肥叉燒 所以覺得呢間餐廳嘅叉燒肥廋岩岩好 亦唔會好”un”；隻油雞雖然凍左減左分，但係雞肉夠嫩同多肉 唔會得啲骨 呢一點值得加返分；至於燒肉皮夠脆，肉質口感層次分明。整體而言唔錯，燒味夠新鮮，而且夠飽。值得一試

呢間係我既最愛，次次去到都一定會叫沙嗲牛面餐，牛面既公仔面煮得岩岩好上既時候仲係好彈牙唔會諗曬，沙嗲牛肉味道好夠又滑口。跟餐既炒蛋好滑口，配埋個烘得香脆既多士真係超正

大蒜薯茸忌廉湯，好多材料多點口味，似洋蔥，但又有渣的似蒜頭，冇辣味，熟的蒜頭是甜的，食蒜頭是健康要多食。自家餐包軟又甜，是我最喜歡的餐包口味。薯菜配焗薯，仲有靚擺盤。有少少芝麻醬，唔係炸薯條。雖叫一口牛，但件件牛啖啖肉，應該是牛柳，三大件非常軟腍，而且有燒烤香味，配上的日式醬汁也很配合，很滋味。阿囡話熱朱古力好飲，午餐都飲朱古力，但這杯朱古力更濃郁及香。這間餐廳食品份量都很足，而且有心思，麵包也很有特色，真係好想食下，實在是很有心思的街坊店。

炎炎夏日，最好就係留在家中嘆冷氣，要不然一定要出街的話，就最好去行商場，或者好似我地咁，行兩行就走入餐廳食個下午茶，今日行到荃灣那邊火燒咁熱，就亂咁走入一間茶餐廳、冰室裡面避暑，今次雖然亂入，但是都會睇睇門面的，見到呢間都幾好就入去啦！下午茶選擇都幾多，我因為冇咩胃口，就叫咗個芝士流心西多士食，另加一杯凍檸茶，芝士流心西多士有點驚驚喜、幾好食，芝士真係溶岩一樣慢慢地流出來，不過食食下覺得好滯，畢竟啖啖芝士

平日lunch時間經過觀塘, 總見到一條大長龍, 就是排紅茶冰室, 實在太誇張了。這次來到荃灣, 終於可以一試。早餐沒有太多人排隊, 只是等了五分鐘左右就進店了。店內木材裝修, 感覺比普通茶餐廳稍有心思和格調。而服務態度也是街坊親切型。必食的沙爹牛肉麵, 又真係幾唔錯, 牛肉足料, 唔係碎碎幾粒。沙爹味很濃, 完全入了牛肉, 和肉汁溶為一體, 正!沙爹牛麵的麵, 其實都好重要, 唔可以太軟, 襯著沙爹牛, 才有男人的浪漫。至於仿鮑絲火腿通, 就不過不失, 但還算足料。炒蛋嫩滑, 而且香, 屬有質素。多士就沒有什麼特別, 不過不失。總的來說是間環境和食物質素都不錯的茶餐廳, 性價比偏高, 會找機會來試其他食物/ 午餐和晚餐。 

早歺：招牌沙嗲牛肉麵：沙嗲汁好濃郁，好香，一食也食到有花生醬味。牛肉份量不算少，滿意！牛肉不un。炒蛋正正常常。厚多士OK,可多少少牛油。波蘿包:好大，不是空心的！只售$5，好抵食！皮不易碎！流沙雞尾包：冇乜点流沙法，只係普通雞尾包。都好大，也不空心。售$5！蛋撻：好食。皮翠。$5。椰撻：用左蛋撻D蘇皮做底，食落比較奇怪。冇左蘇皮比較好。size比一較細左少少。$5服務：姐姐有礼。平日早歺都幾多人，一入去卡位只有一張六人長卡，我們共2人，但姐姐冇叫我地去搭枱或卡位坐埋同一邊。坐位自由選擇，LIKE!!環境：都OK,但坐近廚房，佢地可以関左D音樂比較好