紅茶冰室 (已結業)

話說今日係我的生日，晚上和朋友一齊去試紅茶。這次已不是第一次食@@當晚七點到去到，平時要等的，但好好彩地唔洗等。可能是我生日吧，呵呵呵！入到去，已經坐滿人咁制。服務員好快就埋黎問叫咩。我同朋友諗左陣後，便叫了兩個餐。我叫了「紅茶推介─韓式醬燒牛柳」，而朋友叫了「煎雞扒+吉列蟹柳飯」。首先，講下個「紅茶推介─韓式醬燒牛柳」吧。一上檯個下已聞到好香的牛柳味。一切開，肉汁流出。放入口，牛柳並不會老，熟度剛剛好，又香口又鮮嫩。每咀嚼一下，便有絲絲的牛柳肉汁流入口腔，牛肉的香味充斥整個口腔。相當不錯。份量方面也足夠。而朋友點的「煎雞扒+吉列蟹柳飯」也不錯。蒜蓉汁配上煎雞扒，蒜蓉汁濃度適中，不會太濃太淡。雞扒唔似出面餐廳咁，煎得過火。紅茶的雞扒煎得岩岩好，鮮嫩多汁。配上蒜蓉汁，更能帶出雞的鮮味。而蟹柳方面則沒太大的新鮮感。而湯方面，我和朋友也是點白湯。濃濃的忌廉味，滑滑的口感，不錯不錯。最後埋單，加埋野飲才$140到，算係咁。整體而言，紅茶的食物在區內算得上高資素，值得一試。

途經，原來開了新嘢，又係扮冰室，即管入去試試。要了份瑞士雞翼的套餐，有瑞士雞翼公仔麵外，仲有炒蛋多士。多士都算烘得夠，多一點牛油更好，而炒蛋明顯是過了火，好老。主角的瑞士雞翼公仔麵，有三隻中翼，汁醬是夠的，但仍是淡而無味，令人失望。最後的一杯熱奶茶，同樣是太薄身，未能滿足。