紅茶冰室 (已結業)

從分享媒體中，發現荃灣的紅茶冰室，於是見得閒有點時間，便去走一趟，看看是怎麼樣的冰室。當去到的時候，意想不到的是需要排，幸好的只是稍等一陣子，過程只是兩三分鐘而言。當走入內堂，其實並不是想像中的懷舊冰室，一身木系和鏡面的牆壁，加上磁磚的地面，不算得是怎樣舊有冰室格局，而是有點新式的冰室，而門外擺放了麵包櫃，提供了即製麵包。依舊在餐桌上和牆壁上有各款的餐牌，也到了午飯時間，卻又不想食飯，反而點來常餐和麵包，當作今天的午餐。一貫茶餐廳或冰室的豬扒通粉，奶白色的湯底，彎曲的通粉，加上一塊豬扒。湯底加通粉沒有甚麼特別，只是一貫茶記的做法，豬扒嘛，則是軟腍但並不覺得鬆化。炒蛋多士。半邊多士表面烘得啡啡黃黃，幾平均的，而且有外脆內軟感覺，炒蛋表面有蛋汁，但是並不太多，多數已形成固體，吃起來稍為未夠嫰滑。在點餐時已點來菠蘿包，麵包面的菠蘿皮鬆脆，包身也夠鬆軟。一杯熱咖啡作為今餐的終結，是完美的句號。在接近用餐完畢的時候，剛好有蛋撻出爐，可惜都已差不多完成今天午餐，沒有再點來。

正值大年初二，很多餐廳食肆都沒有開門，記得之前雜誌有介紹過這間冰室，難得有時間又有開鋪，雖然新年加二收費，最後還是來湊湊熱鬧。可能下午茶時段加上新年期間，不用等位便直接有卡位。 普通常餐，牛油多士配奄列，正常沒有特別，沙嗲牛亦不見突出。 主角出場了，今次主要是為了這個流心芝士西多士而來的。雖然芝士沒有一切即如泉湧既感覺，但亦做到流心既效果，味道是又甜又鹹，感覺挺有趣。好吃，但是你問我還是覺得傳統的最好🙄 反而想推介這個，愛喝熱朱的你一定不能錯過。特濃朱古力真的特濃，絕不欺場！很香可可味，喝後有種幸福的感覺，好甜的女生才會明白😍

想不到某雜誌居然介紹到大窩口天橋底，位置極不方便的餐廳。看來只像民華餐廳般隨便，想不到內裏挺懷舊，而又大又寬敞且亮堂。 招牌芝士流心西多士，外表與一般西多士無異，但內裏中央蘊藏了流心芝士，雖不多但仍算流心，切開有點兒芝士流出，在一般甜味西多士上加上一層咸香。 常餐沙嗲牛肉麵/ 煎蛋厚多士，$4x元常餐而言，這兒不見有何特別之處。沙嗲牛肉麵也是一般的，牛肉普通不特別鮮美；反而厚多士又厚，牛油亦夠多，佈滿整片多士，不吝嗇即可弄出美食滿足食客。 茶走不怎麼香濃，茶味一般，雖不算苦澀但亦不覺醇香。玻璃杯子夠厚保溫一流。農曆新年加20%服務費 這一點等到出單才知道，但原來出外的玻璃上早已張貼，只是進店前沒為意。吃個常餐下午茶都要加20%，感覺挺冤枉。 與對座伯伯聊聊抨擊初一之暴民的行為，休閒至極。話說回來，芝士西多士乃閒來沒事幹可以一試之下午茶佳選。

和朋友一起來吃早餐，覺得鮑汁火腿通和檸檬茶味道不錯，北海道牛乳炒蛋都幾香滑，這些在別的茶餐廳都有機會食到，不過有一款美食正中我的紅心，就是芝士撻。熱辣辣出爐芝士撻，牛油皮鬆脆，芝士餡細滑，伴有檸檬香，也不會太甜，令人不覺膩味。跟朋友分食有點不夠喉，下次一定要獨吞一件。此店亮點還有新式的裝修和服務態度超好的員工，下單時店員告訴我還未有芝士撻供應，之後他看到快焗好就通知我，不然就要跟我心愛的芝士撻緣慳一面了  

今日雜誌介紹呢個芝士流心多士，就算大帽山都結冰，都阻唔到我呢個芝士控嚟試。即叫即做，侍應該要等好耐，但我哋又唔覺喎，都算好返，可能我又叫咗個芝士鐽，雖然個芝士鐽唔算熱辣辣，但啲芝士都有流心感覺，仲好滑添。對比起某啲大品牌其實呢個真係好抵食架，八蚊雞咋，如果純粹只想試個口感，一定要嚟試，但追求芝味重就會有小小失望，不過咁價錢真係值得一試。至於個多士，外脆內軟，面頭有蛋香味，上面塊牛油好似大塊咗小小，攪到我好有罪惡感，切開芝士即刻流哂出嚟，鹹鹹哋但唔算太濃，一定要襯熱食，如果唔係啲芝士凍咗就無咁好食喇

朕今朝突然想食麵包，新鮮出爐嗰隻，朕既貼身隨從就提議去呢間紅茶冰室。一坐底朕就叫左個脆皮紅豆菠蘿包，新鮮熱辣，外皮酥脆，入面軟軟，加埋甜甜既紅豆蓉，早餐一流。剩係食包就梗係唔夠啦，朕就叫多個早餐B，沙嗲牛麵，炒蛋加餐包同埋茶走，沙嗲湯味夠香夠濃，仲有一陣兒時在冬菇亭大排檔食既風味，沙嗲牛麵就係要食呢隻味，炒蛋亦都夠滑，再加埋一杯茶走，簡直係完美既早餐演譯！

下午3點左右，都滿座。點了最出名的特餐－－沙爹牛麵麵質比較有彈性，同平時ｄ茶餐廳有不同，沙爹味重，湯底仲有麻油味!多士方面，成片都有牛油！　好味。脆皮叉燒包 $8熱既包最好食！！外脆內軟，好似墨西哥包咁，但入面有叉燒，好飽滿既叉燒，好值得一試！

和朋友2人在晚上10點半去食，唔知係咪夜了雖然見話收11點，但去到已經半收工狀態😐😐但啲侍應都好熱情招待我地入去坐 點知入到去原來是伏😫我地都唔想阻人收工 雖然當時店內都坐了不少客人所以極速叫左2個餐食 心諗都好似幾多人幫襯 似乎唔錯喎 點知 等上枱時 隔離枱一對情侶食野中 佢地先岩岩開始食 食左幾啖已不停講話好難食嚇到我同朋友都心驚驚 等食時先來了飲品 我的是熱咖啡 朋友的是凍華田唔講笑 我好少飲一啖野飲就放棄唔飲！杯咖啡酸到無朋友！👎👎👎入唔到口！本來係叫奶茶架，但侍應話廚房收了檔，無奶茶飲先轉叫咖啡，點知難飲成咁！！朋友杯凍華田味道我覺得還好。但咖啡真係........然後到朋友叫既餐上枱，朋友突眼了！佢話，西冷牛排呢？做咩比'片'牛肉片佢，薄成咁都有既....而且餐湯（紅湯）既化學味好重，姐係唔係新鮮羅宋湯，而是用醬開既😟😟而我果碗豬肉腸芝士面呢就更加不敢恭維了難食 普通 （收40蚊來講，貴到離譜！）但幸好 厚多士和滑蛋係ok既！食得落口既其他就...........可一不可再！！以後唔會再光顧了...不值得食。

咁啱屋企冇煮飯，就去想試好耐嘅紅茶館試試啦。是日晚餐係紐西蘭燒豬扒，送嘅餐包軟熟香口，跟餐羅宋湯都幾夠味！豬扒份量足夠，就略嫌太肥。配飯、意粉、薯菜，我揀嘅意粉較幼身，唔太林，好味。

Me and my husband goes here for breakfast every morning, and sometimes for dinner too. They cook much much better than tsui wah, overall, D嘢食唔馬虎，味道好介付茶記同西餐廳之問，奶茶水準very stable, D包脹book book, 好味！可以日日吃都不會悶。Like!

放假同老公落街下午茶，冰火脆皮菠蘿油好正呀！個皮堅脆，好新鮮，牛油熔左喺包𥚃面好好味！我個人好喜歡～👍不過如果想食冰凍既牛油就唔知得唔得喇！因為菠蘿包本身熱，冰凍既牛油放入去后好快會熔！老公話如果個菠蘿包細個D可能會好D！咁樣牛油唔會熔哂都未食倒D牛油😂

今日(1-5-2015 Fri),同男友落o黎佢話好食o既呢間,其實呢間我都想試好耐,只因唔就腳.我o地o黎到後,男友要$42.00o既常餐,有金寶豬扒湯通粉配鮮奶炒蛋,鮮油厚多士,加$3.00飲凍檸水少甜,再要個$6.00o既脆皮菠蘿紅豆包.我要$42.00o既午餐A,有蘑菇腿茸忌廉湯,香草白汁龍脷柳意粉,加$3.00飲凍奶茶.好快,男友o既脆皮菠蘿紅豆包到o黎,而我o既蘑菇腿茸忌廉湯亦到.男友掰開個包,睇到紅豆蓉,食落,個包暖暖地,菠蘿皮脆,包身幾鬆軟,紅豆蓉唔太甜,不過都有啲粒粒o係o度.而蘑菇腿茸忌廉湯呢,湯身夠杰亦滑,味道o岩o岩好,唔錯.我o地o既飲品都到o黎,奶茶口感滑,茶味其實唔太濃,不過茶同奶o既比例係o岩o岩好.之後男友o既金寶豬扒湯通粉配鮮奶炒蛋,鮮油厚多士到o黎,炒蛋好滑;多士甘香但唔多脆;豬扒鬆軟唔太鹹;但通粉太腍,近似糊仔.而我o既香草白汁龍脷柳意粉都到o黎,龍脷柳幾大件,煎得好脆但過鹹;意粉口感冇乜問題,但食到好重橄欖油味.味道係2.48分, 抵食係2.5分

以大窩口這個地方來說，較新的紅茶冰室是一個不錯的選擇，裝修是以新式設計冰室，設樓上座位。今次介紹它們的早餐：（沙爹牛肉麵餐配厚多士+牛奶炒滑蛋$28 +凍檸茶少冰$3）厚多士雖然唔夠脆但牛奶炒滑蛋唔錯，沙爹牛肉汁好濃，牛肉的份量適中而且都夠冧，麵一定唔係一丁不過可以接受，整體來說公以這個價錢的早餐都算合理，有機會會再來幫襯。

今次星期六遊了荃灣大窩口食早餐, 見到此餐廳見幾新淨入去試試. 早餐款式不多, 又粉麵/吉列早餐. 我又係選吉列, 不過此間只係得豬扒沒有魚柳.吉列豬扒+鮮奶炒蛋+厚多士 - 吉列豬扒都熱但太油了, 鮮奶炒蛋都可以但淡了一點, 厚多士則普通過普通.+$3凍檸茶 - 冇苦味, 尚可.估不到在大窩口都要$32一個早餐.

今晚諗唔到食咩，近近地，同男人係家樓下 “紅茶冰室” 食晚餐……坐底睇下有咩是日晚餐精選先「海陸雜扒」$50，唔算貴，一於要一份配薯菜。再睇下，有「韓式醬燒牛柳」$72，好似幾吸引，試下先。係我地仲諗緊未落單時，侍應好nice咁岩拎住份是日晚餐，就話我地知，這個是實物, GOOD AR 先來個餐湯，我點了田園雜菜湯，好味！（忘了影相XP）再來餐飲，我點了柑桔蜜，送左片檸檬給我，整杯餐飲好飲，足料，夠哂味！再來主菜了，好吸引！這個海陸雜扒餐有 腸仔，炸魚，豬扒，煙肉，焗薯，食材雖然普通，但賣相有分，味道幾好。韓式醬燒牛柳 賣相都係有分，好味。兩份主菜都配薯菜，特別之處是用 焗薯代替其他餐廳的薯條薯塊，頗有特式之餘有新鮮感，食落冇咁漏添。