紅雞冰廳

營業中

休息中

疫情下的新年唔一般，大部分餐廳新年都唔打烊。大年初四假期最後一日便決定試下九龍城呢間新開張的懷舊冰室。餐牌一目瞭然，好快就可以揀到中意的食物：經典傳統港式焗豬扒飯$68：新鮮蕃茄洋葱配上厚切豬扒，當然唔少得蛋飯炒底，炒得夠乾加上小小芝士去焗，食落一D都唔漏，無骨豬扒仲要已經切件，食到完全停唔到口。紅雞早餐$78全日供應：傳統餐室食物之外的新選擇，有齊所有招牌食物！包括自家製牛肉漢堡扒、豬肉腸、脆煙肉、茄汁豆、 鮮奶炒滑蛋、薯餅、丹麥多士及薯仔沙律！賣相討好非常適合打卡！值得一提的是自家製牛肉漢堡扒用上大量洋蔥好香口，牛肉唔肥食晒都冇負擔😋凍飲+$3

成日去九龍城都只識食泰國野，一於今日去食下其他野先😜行左個圈見到有間個名幾特別嘅茶餐廳—紅雞冰廳。於是說入去試下喇👀同屋企人一人叫左一個餐🍛香煎厚切招牌豬扒飯配日本泉蛋黎到見到塊豬扒之後，果然唔會令人失望，不但聞到陣陣香味之外，而且真係扒如其名，有2cm咁厚呀，仲配埋蒜蓉汁就更加之香，豬扒口感鬆軟易咬，絕對唔需要嘥力氣 咀嚼😆，而係飯上面仲加埋溫泉蛋，令到個白飯唔會咁單調🍛自家製雙層芝士漢堡牛肉飯配炸蝦自家製嘅漢堡唔會好似出面嗰啲咁乾身，配搭埋芝士喺上面，入口特別滋味炸蝦又唔粉口，配上咖哩汁， 又唔會太濃遮咗個芝士漢堡味，調教得幾好最後跟餐有埋兩杯飲品都係六十幾蚊，呢個價錢又有咁高質真係超抵食呀

細細個住九龍城，星期六就同呀媽去咗嗰邊行下，懷緬昔日風采。唔少店舖已經經歷多番轉手，但恐怕遲啲直頭成個區都面目全非😣，因為高樓大廈絕對會將唐樓取而代之。講返正題，我哋貫徹行到邊、食到邊嘅宗旨🚶，午餐就去咗「紅雞冰廳」開餐。其實我哋本身入去係因為想食海南雞🐔，點知坐低後唔夠一分鐘，就比另一個客人嗌埋最後嗰份😨！嗰秒鐘有啲失預算，不過好在都有其他嘢啱食。小店面積好細，但座位主要係卡位，所以即使逼逼地都未算坐得好唔舒服。不過同時我幾欣賞佢卡位嘅設計夠高，呢個時勢好重要嘛👍。自家製雙層芝士漢堡牛肉飯配炸蝦($68)，呢碟飯賣相好吸引，而且好有日系嘅感覺🎌。呢款飯可以揀醬汁，分別係咖喱、黑椒、豉油同埋我哋揀選嘅蒜蓉汁。蒜蓉汁味道唔錯，唔會太鹹或太重口味。另外好彩我要咗少飯🍚，因為食餸已經飽晒。顧名思義，呢碟飯嘅餸就係炸蝦🍤同自家製芝士漢堡牛肉🍔，各有兩件。吉列炸蝦就應該係入貨嘅，但真係熱辣辣炸起，咬開係會出煙。漢堡扒就不得了，勁高質。首先，漢堡扒個樣有啲似蛋包飯，因為🧀半溶芝士好均勻咁將漢堡扒包住，兩者好夾，又唔膩。第二，🐮漢堡扒牛味濃郁，食落勁多汁又唔鬆散，加上夠厚，令佢口感更出色。我敢講佢塊

我因為佢個海南雞飯慕名而來的 Lunch2點幾過嚟食，好彩我快一步，因為我點左最後一個海南雞飯。聽到個職員話賣完就無 每日限量供應。海南雞飯 (湯+雞油飯)雞肉份量多，雞肉嫩唔太肥，仲配上三款醬汁。好食😋焗豬扒飯 炒飯底做得好，個豬扒都唔dry ，多汁。都好好食😂😂紅豆冰值得一提，因為有好多紅豆。超正！見到佢仲有個下午茶餐要3點後供應望到隔離嗰個食珍寶雞比薯條沙律已經mark定左下次要黎試 見到個雞髀好大😂

#九龍城 除咗係食泰國菜勝地，最近留意到喺侯王道開咗間冰室 @red_chicken_hk，一於試下新口味！💚 紅雞水晶海南雞飯絕對係件件水晶嘅海南雞，除咗骨去得好清之外，雞件嘅肥瘦都好均勻，夠滑口而且好有油香。再配上三款醬汁（泰式醬、甜豉油、薑蓉），味道絕對比得上好多坊間海南雞專門店。而且例湯都好足料！💚 自家製雙層芝士漢堡牛肉飯配炸蝦漢堡牛肉唔單止超厚超juicy，雙層芝士仲好濃好香，配上啱啱即製嘅炸蝦，成個飯都好配合！而黑椒汁都好夠，啱晒送飯！💚 紅豆冰、凍奶茶紅豆冰好足料，超多紅豆👍🏻 另外既係幾欣賞佢嘅奶茶，茶底比較澀身同濃厚，唔錯！其實整體嚟講 #紅雞冰廳 定位更加似係cafe嘅感覺，雖然有冰室嘅裝潢，但係無論味道同擺盤都好講究，絕對唔係普通茶記扮冰室之流。－－－－－－－－－－－－📍紅雞冰廳九龍城侯王道2B號地鋪－－－－－－－－－－－－

九龍城出名多美食😛只要細心揾下就可以😁放工行左去候王道的紅雞冰廳🐔🧊一場來到冰室，當然要試下冰室必點的紅豆冰啦🧋好多紅豆仲粒粒起沙😋重點用不鏽鋼杯裝住令紅豆冰更加冰凍🧋🧊來一個祕制咖哩雞飯😋香濃的椰汁咖哩送飯簡直一流👍🏻必定要多汁除左雞、仲有魚柳、牛肋條、雜菜等可以選擇~經典傳統港式焗豬扒飯🥩好多芝士🧀同蕃茄🍅,最鐘意食焗飯上面脆脆地的拉絲芝士😋下次再來九龍城食美食~

去九龍城成日食泰國菜，今次轉一轉口味所以搵到紅雞冰廳試一試，內裡裝修同一般冰廳差唔多，而且菜單不多只有數款菜色比人客選擇可能貴精不貴多。香煎厚切招牌豬扒飯配日本溫暖蛋：個飯可配蒜蓉汁/黑椒汁/咖喱汁同豉油汁，今次我就選擇黑椒汁，厚厚既豬扒食落唔肥而且唔韌好有口感加上黑椒汁少少辣味非常好食，溫泉蛋在白飯上攪勻黎食既有蛋汁同蛋香也令白飯有味。經典傳統港式焗豬扒飯：新鮮蕃茄加上豬排冇得輸而且仲有蛋飯炒底在加上芝士去焗食落有鮮茄味又有溶溶地既芝士同炒底飯三種味一齊真係好好食。

我係九龍城街坊， 係呢區茶餐廳其實質素都差唔多， 街市3/f 樂園的雪菜米一直係我早餐最愛，可惜得散叫無跟餐，加杯熱飲 埋單要$5x. 候王道紅雞開左一排由於成日排長龍一直都無機會試試，今日11am路過見佢無乜人， 早餐又去到1130, 就試下啦。坐下就oder左蕃茄牛通+ 滑蛋+豬肉腸+厚 多士， 加杯熱奶茶， 完美組合。 蕃茄牛通味道都好住家feel, 牛肉新鮮， 如果湯底帶d蕃茄+ 紅蘿蔔就完美(我認我貪心) 。 豬肉腸高質，又唔算太鹹， 多士塗滿牛油(肥死) ， 麵包鬆軟又厚，牛油食得出係靚野，好過附近d茶餐廳。加埋熱奶茶， 都只係$42, 非常超值。

今日經開九龍城同朋友係附近搵間餐廳坐下食下野，見到間就紅雞冰室既就唸著入去打個頓，餐廳事事整整，香港典型冰室，岩曬我呢d 去開冰室的人。簡單叫左幾個下午茶三文治，一份奶油多士，一份鹹牛肉炒蛋三文治，一份炒蛋三文治，再點多杯熱奶茶同熱杏霜。這裡的三文治和多士餐時都很受歡迎，因為價錢抵食又真係做得幾好。首先奶油多士面頭上灑滿糖粉，好似白雪雪的雪地一樣，很漂亮好賣相，切開裡面有厚厚奶油，甜甜而不膩，特別好味。兩份三文治切得和擺放得很工整，看得出是用心思做的三文治，而且味道也做得很適中，喜歡這個鹹牛肉炒蛋三文治，夠味又有口感。邊吃三文治，邊飲返杯香濃的奶茶，襯托著冰室的特色，簡直是絕頂。

九龍城新開的茶餐廳～✨紅雞冰廳✨，位於侯王道2B號地鋪， 店內環境整齊，光線充足， 午飯時段就試下這裏的招牌系列紅雞水晶海南雞飯配例湯油飯$78、 凍咖啡跟餐價$3， 還有自家製雙層芝士漢堡牛肉飯配炸蝦$68、啡走。紅雞水晶海南雞飯配例湯油飯～雞皮囗感爽滑， 肉質嫩口肥瘦適中，整體皮滑肉嫩， 雞油飯粒粒晶瑩通透， 例湯真材實料， 紅蘿蔔粟米瘦肉湯，清甜又香的味道。自家製雙層芝士漢堡牛肉飯配炸蝦～ 雙層芝士漢堡牛肉有肉汁，食落啖啖肉好好味， 炸蝦鬆脆香口， 配上蒜蓉汁增添滋味。凍咖啡～ 凍咖啡味道略為淡了一點。啡走～ 啡走反而好飲過凍咖啡， 咖啡味比較濃。一放假就尋找好吃的餐廳， 紅雞冰廳價錢親民， 九龍城區又多一個選擇了。紅雞冰廳地址: 九龍城侯王道2B號地鋪

九龍城呢區好多美食，今日搵到呢間餐廳，重拾返一種香港嘅情懷...沙嗲牛肉麵🍜食得多，今次試新口味「薑汁牛肉麵」出奇地好味, 牛肉上面嘅薑絲一d都唔辣，薑味好香，我連湯都飲埋😍烘底嘅厚多士，配埋滑嘟嘟嘅炒蛋，夾埋一齊食，真係完美嘅配搭，普通嘅茶餐都弄可以有咁好味嘅質數，今餐真係有驚喜👍🏻凍冰冰嘅天氣❄️飲杯暖笠笠嘅熱朱古力奶☕️確係暖透心。店員送餐同服務都好有效率，下次必定會再嚟試下蕃茄湯底😍

去九龍城紅雞冰室要試吓佢個海南雞飯加例湯雖然有好多食物選擇 但最後我選左佢招牌既海南雞飯 結果都無令我失望！諗返起都想再食一次呀紅雞冰室同其他茶餐廳真係有啲唔同佢個海南雞飯油飯味十足 份量又多 佢每一粒飯都係黃黃地又好好味雞就夠嫩滑新鮮 份量有多食到好飽 值回票價加埋三款配醬 各有風味 我就最鍾意右邊嗰個配醬 大家都可以試下 真係值得一試既個湯無味精 用料十足 都要試試佢呀環境乾淨 坐得都好舒服 服務又好好似係新開張 經過九龍城要去試吓！

呢區其實都經常來吃東西，經過見到一間又新，顏色又搶眼的餐廳，就走去望望，原來有間新餐廳，（記得曾經來過這位置並不是這店舖，）望見環境不錯，又走入去食吓，又乾淨又整齊，坐下叫食物時，同店員傾咗兩句介紹吓食乜，咁就決定食呢兩款😊———————-環境舒適、地方整潔、坐位寬闊🥰🟫飲品：咖啡☕️—-好香又濃郁，味道不錯😊奶茶☕️—-一拎起手已經聞到好香茶味，喝一口又香又滑的奶茶👍———————-🟥食物：自家製雙層芝士漢堡牛肉飯配炸蝦🍤：自家手打牛肉，外面鋪滿芝士，啖啖牛肉啖啖芝士佈滿口腔，點埋佢哋嘅汁一齊食.就更加滋味無窮，配埋炸🦐蝦，又脆又香，真係飯夠香，餸夠靚👍————————-🟧食物：香煎厚切豬扒飯配日本溫泉蛋：豬扒面頭咬落去脆卜卜，入面肉質鮮嫩又軟熟，厚切咬口豐足又有口感⋯⋯飯上面配上溫泉蛋.飯吃落更加滋味😋—————————-食物賣相擺設一拎上枱已令人看到就想吃的感覺，心思擺設，食物出色🥳非一般茶餐室的出品👍🤗洒店廚藝......平民化收費開心🥳⋯⋯就係咁簡單——————————

前排行經九龍地侯王道見列新開餐廳，係疫市下仍創業，大家一定要多多支持。於是今日特地走去試一試，雖然係茶餐廳，但食完完全覺得係較高質高水準的茶餐廳，提供菜式種類不是很多，但早午晚餐選擇都好足夠，這樣相信餐廳更能控制及保持菜式水準。1. 意大利蕃茄燴豬肉腸意粉$62， 賣相完全唔似普通茶記，食到有洋蔥粒，蕃茄煮溶左，完全掛曬係意粉到，蕃茄汁適中，食完成碟意粉，碟係唔係剩下任何汁醬或水，意大利粉硬度好好，不會太深仍好有口感，不像普通茶餐廳已經淋曬完全食唔出意粉口感或麥味。再加上茶記必叫的奶茶，香濃滑溜。2. 秒制咖哩牛肋條$65， 咖哩汁味濃，唔係果種奶味重的咖喱，加上洋蔥薯仔炆煮，小辣得咖喱汁帶種微甜味，撈上香飯一流，食多完飯都可以，餐廳特色之處另外配上半塊酥脆簿餅，點上咖喱汁，好正。

某天早上同朋友去左一間新開响九龍城候王道既茶餐廳度食早餐，雖然遇到就黎停電但職員好好人甘叫我地入去坐，俾我地落埋單先坐低慢慢食，職員好友善甘同我地講唔好意思突然就黎停電甘，我地叫左一個全日早餐，wa,全日早餐真係好豐富，有即炸既薯餅，好脆好香口，炒蛋好滑，手打漢堡好juicy，仲要真係自家制好香牛肉味，茄汁豆，煙肉，沙律，香腸等等，多士好鬆軟，叫左杯茶走，奶茶加入煉奶香甜幼滑另一個餐我地叫左火腿通粉，大大碗，仲有香腸，炒蛋同多士早餐食物好豐富，奶茶正常既無煉奶果杯如果茶底可以香d無甘苦澀甘會更正。食物用心制作。