紅雞

營業中

休息中

係呢邊返工返咗差不多10年以上而呢間嘢每次經過都好想去試，不過人數唔多就擱置咗～終於上咗去試，嗌咗一個海鮮湯餐，同一個豬骨～其實佢啲嘢食唔差，以前記得每一日都坐滿人，可能而家真係市道越嚟越差喺冇乜人嘅情況之下，我淨係嗌咗呢兩個菜，都等咗好耐，所以返工我遲到🤣不過整體嚟講海鮮湯，都係平時嘅韓式海鮮湯，佢嘅料都好足～ 熱辣辣都幾好味嘅而佢個豬骨煲，肉就唔係好多，醬汁都好好味，食完個肉之後我覺得好晒，絕對可以放多個公仔麵，或者放其他嘢食落去再煮但係價錢上邊就唔係好經濟， lunch嚟講2道菜3-4百買單以打工仔嚟講，一個月食一次就已經頂盡咗

入到去坐低QR code即刻嗌嘢食啦，飲杯啤酒呢就好快嚟到㗎啦，之後就等咗20分鐘以上差唔多半個鐘碟炸雞先嚟，等咗咁耐老實講，心情已經麻麻哋，咁就期待佢個炸雞會好好食啦，因為以前食過都真係好食嘅！食第一二舊感覺都還好，到第三舊個雞鎚凍嘅！即係唔係新鮮炸出嚟啦，點會炸完都凍㗎？重點係我哋都等咗咁耐，期望值至然會更高啦，之後食嘅每一嚿都有少少凍嘅感覺，同埋都係雞胸，一啲都唔嫩滑，以後唔會再食呢間！失望🙂‍↕️🙂‍↕️

好幾年冇嚟食，今次再去食，舖頭已經唔洗排隊，直入餐廳仲要好少食客☹️有d可惜。首先叫左半半雞，無骨雞要+$10，揀甜辣拼蒜香都要再+$10，但味道幾好。五花籃配泡菜，另外有得選擇炸五花腩，價錢都一樣，配埋泡菜食落味道不錯。卡邦尼年糕，略嫌有啲太漏芝士泡菜煎餅，煎得幾好賣相都好好，但食落會食到麵粉好多，好厚，仲放多咗辣椒，食唔到辣嘅朋友嚟講會有啲太辣。整體嚟講，覺得食物水準大不如前，食物同價錢唔成正比，可以更好。

一行三人，想食韓國嘢，就諗起依一間red chicken，貪佢哋方比較大， 坐得舒服啲。點了一份半半炸雞(hkd203)， 冇諗過咁大份， 有十二大件， 點了原味同埋蒜香味，建議加hkd10。點選無骨雞件，食得舒服啲啖啖肉， 雞件炸得好脆口，蒜蓉汁好好食，必選菜式。卡邦尼煙肉炒年糕(hkd118)，汁多煙肉多， 與年糕很配合，好好食。芝士韓式炒牛肉蓋飯(hkd118)，芝士很多，配上紫菜碎拌牛肉飯，熱辣辣真係十分十分好食。每款份量都好大， 環境也寬敞， 十分適合一家大細朋友聚餐，期待下次再試其他菜式。

老公今日帶我食紅雞 ٩(๑❛ᴗ❛๑)۶我哋二人都無吃早餐，所以我哋叫咗一份半半炸雞(甜辣醬+蒜香味) $203芝士泡菜煎餅 $118芝士蛋卷 $138老公仲叫左一杯青檸莫吉托🍋‍🟩(無酒精飲品)$68無諗過炸雞份量咁大！我同老公完全食唔晒😅炸雞就正常發揮，無乜特別。但芝士泡菜煎餅同埋芝士蛋卷！十分！非常之出色。先講芝士泡菜煎餅，比平時食開嘅厚少少🤏🏻煎得恰到好處，表面係脆卜卜，入面仲保持住些少濕潤，滿滿嘅芝士🧀 ，每一口咬開都可以拉絲😋再嚟就係芝士蛋卷，蛋卷十分絲滑，旁邊滿佈芝士，上邊加咗類似大阪燒嘅醬汁、蟹籽同埋木魚！十分之惹味。至於杯飲品就乜特別，略嫌味道偏淡。買單嘅時候仲唔知點解有折😂總結食物味道不錯，份量很大，下次會再幫襯試吓其他嘢食。

呢到周圍都係韓國餐廳，但我次次都係食返呢間每一次都唔會令我失望嘅炸雞同五花腩❤️呢條街星期日晏晝都幾靜，一點幾嚟到，都係得2枱客人喺到，夜晚就會多啲人。我以前都食過好幾次，今次呢個朋友係第一次食，等我推介下最愛嘅菜式先😍(炸)五花腩配泡菜: 以前食過無炸皮嘅五花腩配泡菜，真係超超超好食，五花腩嘅油香味配上酸辣泡菜超解膩今次炸嘅五花腩都係一樣好食，唔配泡菜嘅話，獨立做一款菜式都絕對唔失色😙炸皮冇搶走五花腩本身浸油香味，口感保持彈牙，配埋泡菜都好夾，冇得彈😋半半炸雞就揀咗無骨蜜糖+原味🐓🍯大概每款口味都有6隻，每隻都大大件啖啖肉，嗌無骨炸雞就唔使一路食一路吐骨咁麻煩炸皮脆卜卜，食落又唔會油到爆，原味一樣咁好味韓國餐廳嚟講，紅雞絕對係個人心目中top3🇰🇷味道份量絕對對得起個價錢，性價比都ok下次再嚟就再試下其他菜式

同朋友行完街，咁啱都想食韓國嘢，就嚟咗Red Chicken。7點幾個下人流唔算多，餐廳環境闊落。甜辣醬炸雞🍗酥脆嘅表皮裹滿咗香甜微辣嘅醬汁，味道偏甜。入邊嘅雞肉好紮實、鮮嫩，一咬落去啲汁即刻流晒出嚟，正。韓式部隊火鍋🍲 量大，有魚餅、有粉色、白色嘅年糕、雞蛋、菜、芝士、面，料足。好適合冬天同朋友食，暖笠笠，香味濃郁。Red Chicken仲有得聽K-pop，例如hype boy, next level, celebrity… 啲朋友一路食一路唱，氣氛好正

來到這家店，睇咗吓menu，諗諗下決定咗先點幾樣招牌。點咗芝士泡菜煎餅，一嗌到就係咁嘆為觀止！煎餅嘅芝士拉絲勁正，啖啖都覺得滿足，泡菜的香味同辣味真係好平衡，嗜辣如命嘅朋友應該會覺得夠哂kick。🤤跟住食嘅半半（甜辣醬+秘製蒜香醬）雞，分量好足，一啖咬落去，雞肉鮮嫩得嚟不澀口，對秘製蒜香醬一試難忘！如果蒜味再重啲，應該會更夾！醬料鋪得滿滿當當，真心喺雞中尋寶。👌啱啱好，見到有芝士蛋卷，每樣都嚟段硬功夫，值得一試。啲木魚花碎加埋蟹籽，每啖都喺味蕾上迎接一個又一個驚喜。隻蛋卷香滑得嚟，啲芝士趁熱食呢，勁正！💯全體黎講，呢家店嘅食物質素同口味都係上乘，特別適合同三五知己，嚟個開心嘅聚餐。🍽️🎉下次我定必會再回味，期待新發現！各位食客，不妨都試下嘅！👍🔥

走入Red Chicken，韓風撲面而來😍！首先落手蒜香醬汁雞翼，真係食指大動！鬆脆嘅外皮包裹住鮮嫩肉汁，每啖都蒜香四溢，完全唔駛醬汁都攞到好滿足嘅感覺。跟住，五花腩配泡菜，哇靠👏，厚厚一片，咬落去既滑溜既一啲都唔柴。韓式牛肉炒粉絲細細碟又黎味道正，吃落去唔膩口，唔似啲平時食到油滋滋嘅炒粉絲。最後，芝士泡菜煎餅當然唔可以錯過，熱辣辣出爐，芝士拉絲伴隨泡菜哋埋為一體，微辣適中，真係一流。Red Chicken果然名不虛傳，食物質素同氣氛都正到冇話說，打卡正！🎉

踩入Red Chicken嗰刻，個肚已經響起小鼓，準備迎戰啦！嚟到我要試嘅第一款菜就係佢哋嘅腎同雞皮。啲雞皮嘅脆口感真係得嚟唔易，啲腎又炸到恰到好處，咬落去彈牙得嚟又唔會膠命，食得我咁㗎唔同樣👌。拌上頭嗰啲帶點芥辣味嘅醬汁，仲真係一絕！酸酸地嘅蘿蔔起到咗完美嘅平衡作用，簡直洗滌埋個口腔裡邊嘅油膩，正！再嚟，就係秘製蜂蜜炸雞。啲炸雞外皮唔會過厚，炸到金黃色嘅炸雞件件鬆脆，入口嗰陣嘅肉汁一流出嚟，真係爽到講唔出嘢嚟😍！蜂蜜醬嘅甜酸味調節得宜，為呢句嘢加幾分！至於芝士泡菜煎餅呢，佢呢塊真係有份量！裡面嗰芝士可以拉到老長，吃嘅時候記得要小心，熱辣辣嘅煎餅加上嘎登嘅芝士，食落就真係過癮。泡菜雖然唔算最正宗，但佢嘅微微辣添，夠哂kick，整體味道都算係嘢吹噏，只係可能油多咗少少，要輕啲食法啦😅。寫到呢度，口水都忍唔住流晒出嚟，下次試完又有新發現，我會第一時間share俾大家！食貨嘅你，又點可以錯過呢？🍗🔥🤤

晚上10点在金巴利韩国街找吃的，先是经历了被某家服务员撵客，然后寻寻觅觅找到了这家店。环境不错，菜品分量也很足，还能营业到凌晨1点！太赞啦！！芝士牛肉盖饭和拉面强烈推荐下次专门会带朋友过来

半半炸雞(甜辣醬加秘製蒜香醬) 💰$193份量都足夠, 如果唔係好肚餓 2個人都應該唔會食得晒🤣個甜辣醬就偏甜小小, 但係秘製蒜香醬就真係幾好食😳D雞我地簡左有骨版, 又唔會覺得話好乾喎😛 香腸年糕串💰$138可以一次過滿足到幾樣韓式野食願望😍有脆皮腸/輕微炸過嘅韓式年糕/韓式魚板!!特別一提個年糕係有炸過 口感上就同平時個D唔一樣☺️我覺得仲好食左~          海鮮蔥煎餅配鰹魚乾💰 $128好足料 由其D鰹魚乾好似多到唔洗錢咁😨D醬好入味同埋食到最多係八爪魚粒粒😎佢地個煎餅個底係用左蛋黎整, 整體唔會好”老” 又有小小焦邊, 都唔錯🤩 食炸雞點可以小左酒精飲品呢😏？真路燒酒💰$68 & Asahi啤酒💰$73我地一致覺得係呢個配搭最岩❤️❤️溝番Cass 反而唔好飲lol😟 紅雞Red Chicken📍金巴利道65-67B號太平洋大廈UG層B號舖#hkfoodie #香港美食 #性價比餐廳 #生日飯 #hkig #hkfood #hkfoodblogger #期間限定 #打卡一流 #抵食之選#韓式炸雞

It's been a long time since I last had fried chicken, and suddenly, I had a strong craving for it. I decided to go to Tsim Sha Tsui Korea street as I've heard a lot about Korean fried chicken and often see long queues of people. Today, I arrived a bit past 6 o'clock in the morning, and there was no line. I immediately went in to give it a try.I ordered the marinated pork belly with kimchi and a half-and-half fried chicken. The kimchi was incredibly delicious, with a perfect balance of spiciness

之前一直食開「李家炸雞」, 但最近識左位行內人, 話紅雞個recipe 再正宗同接近韓國d, 見佢介紹左幾次, 咁啱經過又唔洗排隊, 就同朋友入左去試試。叫左個無骨既「半半炸雞」同埋「芝士蛋卷」。「半半炸雞」點左甜辣醬+秘製蒜香醬，甜辣醬就咁都已經聞到肉桂味，呢個調味料應該算係炸雞中少有? 而秘製蒜香醬除左有蒜味之外，仲有d 蜜糖味，整個味道都幾特別，唔係一般的蒜香醬，我同友人都比較鍾意呢個味！至於肉質方面真係要讚一讚，雞肉好嫩，而且咬落去仲有雞汁吱出黎！可以想像到嫩滑既程度，單係呢個位，已經令我地想再返黎食。芝士蛋卷則不過不失，蛋卷偏甜，但芝士十分香濃。表面吱滿沙律醬同木魚乾，單係貌相就已經好豐富。雖然如此，但木魚既味道好似同蛋卷唔係太夾，又或者係甜蛋卷同芝士木魚既配搭唔夾? 反正就係有d 怪，但又唔會話係唔好食果種。總括黎講，紅雞的炸雞的確做得唔錯，而且環境比較舒適，枱與枱之間也保有距離，如果想同朋友傾下計，呢個都係唔錯既選擇。

紅雞 Red Chicken早幾年都有嚟呢度食 係尖沙咀 又可以飲2杯好好氣氛～早幾年覺得幾好食 所以又再encore～今次係諾士佛台飲完嘢 就嚟咗呢邊食少少嘢啦～無骨半半炸雞（甜辣醬同蒜香醬）$193炸雞好脆好香 但食到雞胸位有啲乾同柴😞 之前食佢嘅炸雞都算滑嘅😞 依家差咗少少但醬料方面都仲keep到水準 甜辣醬 唔辣有啲甜味 可以解咗炸雞嘅油膩感 但蒜香就遜色啲 無咩蒜味 得個鹹字 上幾年無叫過呢隻味 但呢隻味真係麻麻地🥲總括而言 可以唔使特登嚟呢度食 之前都仲有話係韓國明星G-Dragon嚟過所以紅咗 但而家食落就發現其他餐廳都可以做到呢一個味道唔使特登嚟呢度食 冇咩可取之處 除非咁啱都係尖沙咀然後想食韓國嘢 但尖沙咀嘅韓國嘢都好多選擇