素年 (黃埔天地百寶坊)

營業中

休息中

訂了5點半的時間，整間鋪都是空位卻要安排我們坐最邊角又向著風口的位子。明明訂了三份餐應該有三杯飲品，向店員詢問想要多一杯餐飲時，店員只是加熱水到本來的餐飲中，要再次表明才送上新的餐飲。另外明明用餐時間90分鐘，店內亦只有數枱客人，卻好像很趕時間，用餐完馬上清理桌子，弄得客人不敢坐太久，只坐了45分鐘，把咖啡趕忙喝完走人。總括而言食物不錯，但服務不像一間cafe ，本想悠閒的享受用餐卻有種茶餐廳食完馬上被趕的感覺，建議可以稍作改善。

吃素多年，呢間餐廳俾到驚喜、感動我絕對係高質、有心經營嘅餐廳😋兩個人叫左三個餐，份量太多好！鬼！飽！但太好味所以一掃而空🤣🍝不可能肉醬意粉好驚喜，絕對以假亂真唔係就咁蕃茄醬意粉係真係肉醬意粉嘅調味推推推！🍔不可能芝士漢堡好好味好好味同埋好好味雖然係素食但都好有juicy嘅感覺甚至比真burger更美味因為無左陣騷味😋🍱日式素豬扒定食本身店員話呢個暫時無但後來話可以整一份俾我哋問我地要唔要實在太開心🤩素豬扒正常發揮但值得一讚小菜同飯素好好味，有驚喜😋🍹🍵薄荷朱古力、蘋果山楂花茶美中不足飲品普通，淡味少少📝總括而言，係好開心好滿足嘅一餐有機會一定再黎試其他items😋價錢係一般cafe優錢，略高，但絕對物超所值👍🏻

早早1130ᴀᴍ到達素年紅磡店原本係猶豫選擇附近的ʙʟᴀᴄᴋ sᴜɢᴀʀ ᴄᴏғғᴇᴇ還是素年 不過前者已幾乎滿座 就選了後者 天氣佳 坐室外位對住草叢堆 無咩景色 惟位置寬敞 坐得較舒適 而後來入座的食客都坐室內 可以盡情拍了😆 · ┈┈┈┈┈┈ · ꕥ · ┈┈┈┈┈┈ · ✿ 芫茜意大利粉 $𝟾𝟾：意粉好乾 芫茜味就滿滿的 由於太乾 有點食之無味的感覺 ✿ 日式咖喱吉列豬扒定食 $𝟷𝟸𝟾：包了前菜 | 主食 | 海帶味噌湯 | 珍珠米新豬肉炸成的豬扒 肉質好散同好粉 不好吃 反而咖喱ᴏᴋ 有爽口蘿蔔 薯仔🥔洋蔥🧅可惜唔夠多去撈晒個飯+豬扒 白飯一舊舊 部分咬落硬身 像是隔夜飯🫠 ✿ 紫蘇鮮薑青森蘋果汁🧃 (凍) $𝟺𝟾：看到ᴏᴘᴇɴʀɪᴄᴇ人家拍得美又好喝才點的 色澤跟相中的差遠了 是被ғɪʟᴛᴇʀ騙了嗎😹不過加咗紫蘇葉🌱味道係幾清新 薑味就完全被蓋過了 ✿ 焙茶燕麥奶 (熱) $𝟹𝟾：這個好喝💯 · ┈┈┈┈┈┈ · ꕥ · ┈┈┈┈┈┈ · 用餐🍴限時75ᴍɪɴs 食過荃灣+深水埗的素年 排名如下1️⃣荃灣2️⃣深水埗3️⃣紅磡這家的食物質素有待改善😅但店員很友善 木長櫈🪵跟

◦•●◉✿✿◉●•◦ 👵🏻成日都想食d好味又健康嘅素食🌱想試素年好耐啦💭 黃埔呢間分店環境chill好舒服🥰⁡💫黑松露意大利粉🍝第一個感覺係呢碟意粉份量好大😆唔記得咗叫佢少意粉🙈 意粉偏乾左少少🤏🏻如果多啲汁會好味d😗⁡💫不可能肉醬意粉🍝Impossible meat同真嘅肉醬無咩分別🤪加埋番茄&素芝士撈埋一齊好好味呀🥰而且呢個意粉個sauce好多～有驚喜🤩⁡💫芝士白汁焗雜菜🥕🥦 食素食餐廳當然係想食得健康啲啦😙 呢個焗雜菜有大大條蘿蔔🥕&西蘭花🥦白汁味唔算特出還可以啦～ ⁡💫抹茶燕麥奶🍵🥛🌾 抹茶味濃😗 燕麥奶好香拉花靚💛⁡以前好少食素食餐廳🍴成日都驚唔夠飽食完素年之後就改變咗諗法🤪原來素食都可以好多變化&菜式💛⁡Happy Friday食個開心lunch 下次會再試其他☺️⁡😋: 𝟟.𝟝/𝟙𝟘

今晚首次到這兒晚膳，店員們有禮，服務亦細緻貼心! 值得讚賞！為友人補祝生日，沒有預備蛋糕，於是隨意點選了一個檸檬批，打算用條薯仲係當蠟燭。店員聽到，送來檸檬批時特為我們預備了蠟燭和火機，很想多謝那位貼心的店員！非常好！

上次食完佢荃灣分店既芫荽意粉, 我話左想試埋其他分店😂今次就去左黃埔分店試佢既素食料理🍀😋❇️ 不可能芝士漢堡 ($138)食落好似食緊真肉咁, 不過柴口少少🙈成個burger都係芝士醬, 每一啖都食到, 但唔會好膩😋薯條夠粗但唔係好夠味, 而且無得配蕃薯條有d sad🥲 ❇️ 生酮青醬椰菜花扒 ($158)擺碟好搞笑, 成棵聖誕樹咁🤣🎄椰菜花扒比想像中大份🥦 而且燒得幾香口☺️上面有牛油果蓉, 雜菌, 仲有炸香既羽衣甘藍夾埋一齊食 配搭好新鮮 亦都飽肚🤰🏻❇️ 黃金豆腐扒定食 ($128)豆腐係手搓既, 撈埋牛蒡 洋蔥 同枝豆, 搓成豆腐扒煎得金黃色, 食落唔會覺得好寡😉定食配埋味噌湯同漬物, 夠曬飽肚😚素食同芫荽料理都唔錯, 略嫌價錢貴左D, 同埋無蕃薯條🥲但總體黎講都算ok☺️評分: 🍀🍀🍀🍀

素年（黃埔） 一間素食既店，同朋友想試好耐，唔使半個鐘已經坐滿咁濟。環境好舒服，好乾淨，坐位都好闊落👍🏻。冷氣較大，令到啲野食上咗一陣就好快凍咗。叫咗一份不可能肉醬意粉，附送杯凍伯爵茶🧊， 然後再加咗秘製shake shake 薯條，日式咖哩野菜配手抓餅，同一杯青森蘋果汁。 🍴不可能肉醬意粉（＄98）上到嚟好香，意粉岩岩好，唔會太硬太軟， 雖然話係素肉但係同普通肉差唔多🙆‍♀️ 😋😋😋😋🍴秘製shake shake 薯條（＄68）薯條份量好多，質地硬身，放咗好耐都仲係脆，少少辣，個醬幾開胃，不過食得多就覺得有啲咸😋😋😋😋😋 🍴 日式咖哩野菜配手抓餅（＄58）份量較少，得一塊餅， 咖哩唔算太漿，咖哩入面有薯仔，紅蘿蔔 😋😋😋🍴青森蘋果汁（＄42）甜甜地，比較細杯，味道正常😋😋😋😋

作為食肉獸能夠有一間餐廳令我熱愛素食就可想而知佢係有幾出色😋😋😋佢地有心嘅地方係每間分店 都會定期轉menu唔係食老本 唔係一式一樣而係用心研究食材 感受到個熱愛推廣素食嘅話 佢地係相當成功重點係 非常好味😋😋😋😋😋今次試新嘢逐樣講 蕃茄牛油果正常 有味亞麻籽多士 好脆 好味😋烤猴頭菇 估佢唔到咁好味 好香有咬口 冇菇青味 反而烤出個鮮味好想叫多碗佢個菇瘋狂食😋😋黃薑豆腐 就咁食冇乜太大味道少少炒蛋感覺 好有豆腐味個沙律菜攤開原來好大份係其他呃錢cafe嘅沙律菜份量2倍而依個沙律明明只係配菜好驚喜份量十足 好多唔同嘅沙律菜仲有羽衣甘藍！！！！！！！ 而佢個醬係唔知咩乳酪醬想講個醬 係好好味😋😋😋😋嗱 之前咪話個黃薑豆腐冇乜太大感覺嘅佢撈埋落個沙律度 好好味🤣橙汁espresso 冇嘢講 好飲✌🏻我已經返食過無數次唔同分店都係😋😋😋😋😋

本身已經訂咗位，又吉枱都唔俾個客坐，一定要坐好擠擁嘅一邊，而餐廳另一邊係完全冇人話晒疫情，你張張枱坐滿，而枱與檯中間唔夠一個人嘅身位，要打橫先入到嘅，而另一邊係冇人，都唔俾個客入去坐 🤯🤯😡😡要求咗兩次，因為完全未嗌嘢食，人都未來齊，見到餐廳另一邊真係冇人，吉台等人坐，再問個帶位嘅哥哥，點知佢黑口黑面話「唔得」…… 最後隔咗15分鐘再問多佢一次，先至比轉檯，嗰陣時都8點幾，堂食到10點，跟住就話有人啱啱cancel，你要個落台階一定比你嘅 🙄野食幾好味都補唔返成肚氣呢個哥哥是應該係新來，之前係其他靚仔，態度好服務好，聰明又醒目。睇吓呢個哥哥做得幾耐啦，佢唔做，我就嚟啦⋯⋯

近年身邊都有唔少朋友 轉咗食素😗 今日約咗其中一位食素嘅朋友食lunch 嚟咗呢間素食嘅Cafe 素年😆餐廳環境以黑白色為主調 簡約得嚟又幾舒適 而餐牌嘅選擇都幾多 有意粉 risotto 或者burger 當然burger係用咗impossible meat啦😺香辣泰式炒意粉由於我對植物肉冇乜好感 所以就揀咗呢個全部都係蔬菜嘅菜式👍🏻 呢個意粉嘅配料有豆乾 雞髀菇 金不換 車厘茄 蘆筍 芫荽 花生 加埋有少少辣嘅味道 所以真係有少少泰式嘅感覺 同埋意粉嘅份量都好多 食得都幾飽😉呢餐素食對於我呢啲唔係食開素嘅朋友都接受到 不過價錢上就有啲偏貴 自己就未必會再嚟啦😂

之前見到素食群組好多素年嘅post，想試好耐今日終於去啦！意外地發現所有員工和廚師都好young，感覺好有朝氣活力！餐牌內的食品和飲品都很特色，樣樣都想試，我哋四個人order 左以下款式，全部都好好味😋一定會再嚟！唯一有待改善嘅地方就係座位似快餐店，如果換上更舒適休閒設計，會令到成間餐廳品味提升！

餐廳主打全素食物，所有食物都係素食，適合吾食得肉既朋友仔，啲食物都可以以假亂真！🤣😊 不可能肉醬意粉$98意粉份量算多，小妹可以當2餐食😂 意粉有不可能肉（姐係素肉）、蕃茄醬、純素芝士，食落啲肉又真係幾似肉，不過係醬汁怪怪的，似蕃茄醬又吾似蕃茄醬咁🤣 至在飽肚🙂 香蕉火龍果燕麥奶 （跟餐$30）飲品偏水，只係飲到少少香蕉同火龍果味，味道吾太甜😊 不可能芝士漢堡$138呢個漢堡最好食係個配菜-地瓜薯條🤣 每條夠粗夠多，食極都食吾哂咁。漢堡就不過不失，雖然係素肉，不過都似真肉，只係口感上會柴啲😊 Dirty (使用豆奶）（跟餐$24）Dirty味道算香濃，不過冇左層次感，味道已經mix哂P.S. 餐廳外面有少量位置可以同動物一齊用膳！抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）

上網見好多人讚呢間人氣高企嘅新派素食cafe，雖然較少食素食店，不過見佢地d賣相又真係好吸引😍咁偶爾食餐健康d其實都唔錯嘅☺️就喺無夜晚堂食嘅最後一日試咗佢地個外賣晚餐💁🏻‍♀️🍛日式咖喱雜菜配手抓餅 ($88) - 個日式咖喱睇落好色彩繽紛🥰咖喱汁加咗唔少配菜：紅蘿蔔🥕薯仔🥔洋蔥🧅雜菜🫑西蘭花🥦豆，西芹等等，非常豐富❣️手抓餅有兩大塊，面有微燶🤎口感酥脆，份量十足，我地兩個人每人食一塊都已經覺得幾飽😺咖喱偏甜唔辣，如果再杰身d就可以掛到更多汁上個餅度😋🍔不可能雜菌芝士漢堡配薯條 ($138) - 個漢堡好大個，賣相靚仔，非常足料💯有不可能肉🥩蕃茄🍅牛油生菜🥬蘑菇🍄純素芝士🧀薯條🍟麵包本身帶微甜🥯不可能肉口感紮實，好似真係食緊漢堡扒一樣，好juicy，唔油膩，感覺健康🌱食到佢個秘制醬汁帶有微甜，好吸引😻蘑菇份量多到瀉出黎，超級滿足🤩薯條粗身，好有口感，唔會乾爭爭或過油，仲附有一小盒茄汁，食得好滿足❤️套餐附送熱玄米茶🍵同凍伯爵茶🥤，茶味甘香，味道唔錯，另外賣有8折，都算抵食👍🏻拎外賣時見到佢地餐廳設計好清新，文青風格，空間感十足，下次務必要去堂食enjoy下😃

不可能肉醬意粉 $98唔講真係唔知原來係素肉碎！口感、味道同真肉碎無分別！🤩👍🏻意粉，彈牙，淥煮時間掌握得好！番茄素肉醬，調味甜甜哋，唔酸，好食！😋 如果可以煮得濃稠d就更好食～日式咖喱吉列豬扒定食 $128素食少見的和風定食Menu！吉列炸素豬扒，肉質纖維口感像真度極高！日式甜咖喱，適合完全唔食辣人士，分量多，岩晒撈飯🍚_______________素年 (黃埔天地百寶坊) (紅磡)紅磡黃埔天地百寶坊(第3期)地下G27號舖_______________

餐廳除咗素食之外仲有啲專為生酮飲食人士而設嘅菜式例如呢個抹茶杏仁豆腐甜品 ($58)賣相仲100分不過抹茶比較濃 帶點苦.豬扒定食 ($138)素豬扒黎講素年一向都比較高質當然如果要試咖喱味嘅話都係去返深水埗店黃埔店嘅係日式豬扒汁會比較濃味而深水埗店嘅咖喱汁就會比較惹味.另外試咗個紫薯蓉椰菜花扒 ($138)健康之選紫薯蓉好綿密椰菜花扒配埋特製嘅甜燒汁好夾