紫玉蘭 (已結業)

由於唔係好識點菜﹐所以我地叫套餐﹐有頭盤: 肉凍﹐醬牛肉(唔記得個名loo)﹐蔥花豆腐﹐素鵝等。主菜有雲吞雞﹐片皮鴨﹐?? 鱈魚(唔記得菜名﹐但我覺得最好食係呢個，十分美味~)﹐紅燒元蹄，高力豆沙香蕉等等。款式多﹐賣相吸引，每樣食d 都飽死。聽人地講上海菜出名重油重醬﹐紫玉蘭0既菜色都几符合呢點﹐不過又真係太多油﹐好油膩﹐不過我較喜歡味濃0既食物﹐所以覺得不俗﹐几值得推介。環境都算唔錯﹐唔係太嘈﹐傾下計都得。服務方面都唔錯，唔會有被冷落0既感覺。