紫玉蘭 (已結業)

為了不妨礙老師下午的工作，主人與奴隸獸就揀選了『紫玉蘭』，和老師共晉午餐。1. 老大房蝦籽醬油雞（HK$78）：雞肉嫩滑，甜醬油與蔥的味道濃郁，可惜嚐不到蝦籽味，但味道還是不錯的。2. 無鍚灌湯小籠包（6只，HK$48）：皮有點兒厚，肉餡味道一般。3. 杭州龍井蝦仁（HK$148）：蝦仁新鮮脆口，琉璃獻的味道清清淡淡，調得剛剛好。4. 蟹粉燴豆苗（HK$160）：蟹粉缺了一份鮮味，加上用的是溫室豆苗，味道確是打了折扣。5. 賈府桂魚薑汁炒飯（HK$138）：賣相不錯，桂魚肉鮮甜幼滑，飯亦炒得爽身，主人話薑汁的味道可以再濃一些就更佳。6. 水秀園松子棗泥糕（HK$24）：松子非常新鮮，紅棗的味道頗重，口感像新年年糕，好味。多謝老師在百忙中與我們晉餐。下次再一起試其他菜式吧！

中午一行7人到這家店吃午餐喝茶所用的用具十分典雅雖然有點擠，但還是可以接受的我們點了1 醉雞；酒味不濃但就有一點話梅的甜味2 生煎包；一上桌馬上就吃 包底脆脆的 包裡面還有肉汁3 賽螃蟹；味道雖清淡 但就很夠味 不會覺得很淡4 無錫骨；酸甜配得剛剛好 令人驚喜5 上海炒年糕；這個真的不錯 不會太鹹 雖然是有點油 但可以接受6 龍井蝦仁；蝦肉爽 配上醋 入口後另有一番風味 值得一試7上湯小唐菜；這個不太特別 百頁有點硬 有點遺憾總體上來說還是很不錯的，吃套餐的話就不太划算，還是自己挑好一點。下次一定會再去。

又係一個開OT開到十一點既夜晚,今次叫紫玉蘭既外賣,估唔到質素係咁低…同堂食差好遠,比起一般茶餐廳仲衰…真係激死!$45一客既嫩雞煨麵,實實咁pack係一個透明兜內,睇見都唔想食, 煨麵索晒湯,完全腍晒,好似食糊仔咁,好難入口,而且無味,雞肉一粒粒,好在算有雞味,但係有少少黃色肥膏,菜唔算多,成個麵好淡,似俾病人食咁…我諗應該係外賣既關係反而,無湯既素菜餃又大隻又多菜又好味,配醋食,酸酸地又清新,值得一試!我地仲要左個雲吞,又幾好味喎!仲有,個外賣擔擔麵好細好少,好似小食咁,真係唔知點解咯…整體上,如果外賣既話,我諗都係唔好要麵類好d喇…

週一, 一家人來晚飯, 不用訂, 入座率約六成, 但被安排坐走廊位.多年前來過數次, 一向感覺是自命高檔的中菜. 價錢較貴而食物口味較濃和油膩, 味道是不差的. 裝修後便沒再來了. 這次發現翻新的折舊頗快, 杯碟已有點腿色, 地氈也骯髒有塵.前菜小碟和美心集團的洞庭樓一樣是豆腐青豆, 是出色的. 不知何故, 家人沒點上海菜, 反而點了秀珍菇翠玉瓜(煮得軟, 水準中上), 炒飯(香口, 蛋碎分佈平均, 有鮮蝦), 豆腐(芡汁太濃)和栗子雞(鮮紅色, 且太鹹, 要用清水沖洗才能入口). 分量不多, 差點不夠飽!

呢餐係一餐應酬飯,所以係預先點好左一席菜,菜式十分豐富,十二人份量,我地十二個人,最後都食剩好多。菜式味道同賣相都唔差,有d仲幾好,但係上菜速度真係慢,尤其係一開始既時候,我地等左好耐至有得開餐,仲要催幾次,人人都有食住小碟前菜先(雖然前菜既豆腐,青瓜等又真係幾好味…)。片皮鴨做得唔錯,因為好多地方都做得過肥,估唔到呢度食到少肥既片皮鴨,同埋個醬又係好味,唔漏,食多兩件都覺得ok!有一味唔知什麼蝦球,都係好味道,係有才才辣,但係整得夠入味,蝦夠爽口,幾好!蒸左兩條魚,呢道先係我至愛,魚肉夠滑,豉油竟然都好味,多肉,好耐無試過食魚食到啖啖肉又唔腥既感覺,很好!反而小籠包我就覺得好一般,無特別。醉雞,海蜇,素鵝,唔知咩肉(好似喱一片片四方形咁既)果的幾小碟又係普普通通,唔係特別好味,只係可以囉。有個翅,呢個都唔錯,起碼唔會過膩,同埋夠多料,又帶子又竹笙,啖啖入口都有料,真係無欺場!鮑魚海蔘就個汁太濃,少少油,唔太好。最唔喜歡最後既炒烏冬,勁多油!又難食!又無送!唔好!炒飯好過!可惜無機會食至愛既賽磅蟹同埋高力豆沙…有機會要試試至得!

一月廿五日(星期五)同同事食lunch,本身諗住去連香樓,不過lunch冇得book位,咁就黎左呢間喇!!行過去既途中落著毛毛雨,好彩有老公暖暖既手拖住我!^^食左幾多好野食,老公仔冇介紹錯呢!!!^^1)醉雞,好食呀,雞好滑!2)素鵝,即腐皮,甜甜地!幾好食呀!!3)炒豆苗,都唔錯!!!!不過油左dd4)小籠包,正呀!d汁好味!肉又有鮮味!5)咕嚕肉,好食呀!~炸得剛剛好!!不過唔夠多肉!6)賽旁蟹,好食呀!!!!!老公仔好中意食^^7)上海炒麵,呢個好食呀,不過d料唔多呀!8)高力香蕉紅豆,好食,不過始終都係高力芒果奶皇正d!9)生煎包,好食!!呢間酒樓算唔錯呀!!!......有quality真係!!!^^

(19/9/07)Dep lunch食上海菜,唔想食來食去都係o個幾味,叫D特別D。來過這裡的人都知,這個menu的食物名稱,令人摸不著頭腦(所以確實名稱,唔記得)。只記得一個「不能不吃的蘿蔔絲咸肉」,被它"線"倒!什麼「不能不吃」!?只是一碗金華火腿魚湯,浸住蘿蔔絲,咁簡單清淡,無同事欣賞o羅!!冷盤─蝦籽什麼雞件,蔥段弄到黑忟忟,雞墊底,個個見到都唔敢夾!其實幾好味架。宮寶蝦球$158+half$79,ok啦,只嫌蝦唔夠鮮。四季豆,炒到乾晒、乜乜牛肉年糕,好過成日食雪菜年糕,冶味D o羅。小籠包,雖然麻麻,但食上海o野唔叫小籠包,好似爭D。春卷,津白餡,齋得黎,見特色。甜品:芝麻酒釀丸子,唔掂,D丸細到唔見。都係我的咖啡奶凍最好,焦糖味重;奶凍滑滑。

星期五晚跟友人倆來食晚飯環境簡潔優雅, 餐具餐牌見心思, 而服務亦勤快, 第一個印象相當不錯兩個人點了4樣菜- 前菜: 蝦籽醬油雞(醬汁調較得很好, 甜而帶鮮, 雞肉嫩滑, 稍嫌份量太小, 配飯吃更好)- 龍井蝦仁(味道偏淡, 不過蝦夠新鮮爽口)- 羊肉餃(無什特別...)- 黃橋燒餅(其實都係乂燒酥, 餅底很燶, 麻麻地...)除了餐具, 服務, 價錢提升了後食物方面仍欠特色, 質素也不是相當出色如果食客只要求一個服務環境好的中式晚餐, 這裡會是一個不錯的選擇

- Grand decoration<br />- Nice altitude of waitress<br />- Nice food <br />- Reasonable price

28/4(六) 1:30pm星期六的下午,把那不用上班的半晝"spend wisely";到環境清幽的茶樓一盅兩件,一樂也!先行致電留座;甫入店已感受到高級食府的貴氣;一室柔和昏暗的燈光,配以柚木地板,木屏風上的國畫與西方的油畫中西交薈,格調雅致.起首先察看點心餐牌,週末的點心價格分別為:小點$20,中$26,大$32,特$36,茶芥$12.我倆點了鮮蝦腸粉$36,三娘春卷$20,黃橋燒餅$30,峨嵋龍眼包$26,擔擔麵$22.先來一客餐前小食$25;以滷豆干,脆花生,爽青瓜粒及欖菜為食材的冷菜,混入麻油成了一道開胃前菜.鮮蝦腸粉--腸粉質地嚡得髮指,至於內裏的鮮蝦大隻爽口,不足是其鮮味欠奉.三娘春卷--三大條的春卷一身均勻金黃色,挺身夠薄又香脆,作餡料的冬菇絲,蘿蔔乾絲及津白清甜具口感!黃橋燒餅--嬌小玲瓏的燒餅餅皮鬆化,叉燒洋蔥餡相當香口,高水準也!峨嵋龍眼包--一籠三個,飽身微隆圓渾,咬落鬆軟有彈性;而更精彩的是內含的滷豬肉絲及洋蔥碎蠻入味之餘且帶淡淡酒香,另一佳作!擔擔麵--先呷其湯底,清湯味道單調乏味;另上的擔擔麵醬紅油蓋面,質感濃稠,入口麻辣並重;唯作主角的花生醬濃香不在;

和朋友C食午飯，慶祝生日。就她的工作地點，選了呢度，怕團年時段多人，所以預早訂位。呢度出名宮保蝦球好味，咁當然想食，點知真失望，竟然無!咁我地點了黃橋燒餅，椒鹽排骨，素鵝。黃橋燒餅，熱辣辣，個皮好薄好鬆脆，面有層芝麻，好香。好好味。椒鹽排骨，黎到嚇一跳，好多件，大大件的豬排，幾好味，不過椒鹽味略淡。素鵝稍為失色，可能是日多人。呢度值得一讚的是，呢度的香片茶真係好香。茶的質素好高，茶具亦非常精緻，非常靚!真係靜係呢壺茶已令人賞心樂事!甜品我們都要了紫玉蘭奶凍，好香椰子味的奶凍，奶凍又很香滑!

人物：Michelle，Tim，Viola，阿M日期：2-2-2007時間：晚上7時同三個舊同事既gathering，揀選咗哩間黎食，阿Tim有AE卡，七五折．我好耐無黎食，好似裝修過咁，ｄ茶具好精緻，又有百合既花香圍住，好舒服啊！灌湯小籠包：多汁，好味．番茄蝦窩巴：ｄ蝦好爽口．上海炒拉麵：豬肉絲，炒得好油．雞肉炒雜菌：雞肉，雜菇，栗子．羊肉：（我唔識羊，唔知咩味．）拔絲香蕉蘋果：三件香蕉、三件蘋果，個皮好香脆，好漏．南瓜餅：唔太甜，好似煎堆咁．

又到慶祝朋友生日，又係食上海嘢，因為06年既生日晚餐主題係上海嘢。上年打邊爐，而出年就出年再諗。地方不錯，碗碟十分精美，同朋友食飯傾計又可以坐得耐。但食物分量不多，幾個人食都ok, 但多幾個人都唔知點分。餸名有啲好攪笑，但鑊氣就一般了。我地叫都係好普通既餸，所以價錢都ok。1)椒鹽排骨(一般)2)上海粗炒(唔夠熱、冇鑊氣)3)一見鐘情小黃白(好味)4)小籠包(好味)

朋友係度擺酒,飲宴黎講,呢度大部份菜都好令人滿意.打頭陣乳豬皮極薄脆,肉又薄而嫩,令眾人一開始已忍吾住一吃再吃(平時我多數象徵式只吃一片).第二味好似係宮保蝦球,蝦肉大隻彈牙,吾係雪貨,個汁吾會過酸,有少少辣,惹味非常.賽螃蟹夠滑,肉有吾少瑤柱,吾落醋食,更顯其鮮味. 席間亦有傳統生菜鮑片同翅,但相比之前幾道菜,反而吾覺太特別,不過味道亦ok. 清蒸老虎斑勁大條,非常厚肉但不"鞋",蒸火喉亦好,呢碟清得最快.清炒豆苗雖簡單,但亦受備受歡迎.小籠包同生煎包: 到出點心之時,已飽得好交關,忍痛skip左小籠包,但忍吾住試個生煎包,亦屬佳品.最後食埋一碗仔粗炒,已食吾落甜品,但對於呢餐飲宴,係出奇咁滿意.

環境好舒適, 靜靜地幾適合傾計. 侍應服務好好, 專業. 我和朋友每人叫左一隻大閘蟹. 侍應拆蟹時, 發現其中一隻居然係死蟹. 侍應就把死既拿走, 把另一隻上桌. 可是這一隻水準都好差, 蟹羔淡黃色, 無香氣. 食完第一隻蟹, 等了30分鐘侍應才拿到另一隻生蟹來給我們過目. 一問之下原來要由另一地方運來(我估係美心集團既其他菜館), 所以我覺得存於紫玉蘭既貨有問題. 這一隻羔呈黃金, 而且香氣四溢. 我們向侍應投訴第一隻蟹水準好差, 經理毫不考慮, 答應再送多一隻蟹作補償, 這是我始料不到. 經理沒有多多理由推卸責任, 抵讚!其他食品炸小黃魚- 好香, 但咸左少少灌湯小籠包- 好普通既貨式.雞煨麵- 雞滑, 湯好夠味.