綠林甜品

營業中

休息中

我叫咗個涼粉加雪糕， 但入面有另一種食材叫桃膠， 我以前好少食唔知道係乜嘢嚟， 上網查原來好得意， 佢係一種由樹皮分泌出嚟嘅樹脂， 有美顏 同埋生津止渴嘅功效。 咬落去有少少爽， 少少似木耳， 或者雲耳， 但隻色就係琥珀， 大家下次可以去試下。同埋呢間店好似做緊另一個優惠， 好似外賣攞走的話，會送一杯涼茶。

綠林甜品為深水埗既老字號 住附近既一定都識。我次次回港🇭🇰都必去一次 為的就係碗 芝麻糊豆腐布丁🥰！佢普遍既食品價錢都合理 款式都好多（見住佢由得傳統糖水加到連芋圓都有！）🤩食過糖不甩 楊枝甘露 椰汁黑珍珠 燉奶 海鹽奇異果汁 等等。芝麻糊豆腐布丁為最愛❤️，暫時未搵到另一個product replace 到佢🤭濃濃既芝麻味 加動L既豆腐布丁！一流😋但呢 次次食完都食唔落晚餐😂😂所以呢記得搵個大食d geh fd同你去食 咁就有人幫拖啦👌🏻👌🏻

尋晚食完日燒未夠飽 番酒店前見到呢間甜品店出面好多人等位但我一位所以就即刻入座叫左楊枝甘露豆腐布甸同埋榴連班㦸可惜唔記得影班㦸張相埋單八十幾喺深水埗區我覺得貴左少少但味道黎講真係勁好食

甜品可能好多人都會喜歡選擇凍的甜品，冷或熱的甜品我都會喜歡，熱嘅甜品我比較喜歡腰果露合桃露，而季節中嘅栗子露係比較少有的，呢間的栗子露推介給大家，我覺得值得一試！栗子通常都係秋冬嘅時候比較好食，呢碗栗子露超多栗子，而且做得唔錯，唔會十分之甜，腰果露同合桃露都食得多，但栗子路都係第一次食，真材實料👍🏻👍🏻

呢日小弟同朋友係附近食完飯，見呢間糖水舖唔使排隊，即刻食去食番碗甜水呢排大家都好興食桃膠，加係蛋白燉鮮奶上面簡直係滋潤又養顏蛋白燉鮮奶整得好滑，味道又唔會太甜，食完飯食都唔會好有罪惡感

話說好耐之前友人推介就此店中式糖水不錯。咁今日路經此地就抱著期待既心情去買個外賣試試，點知回到家一打開，嘩！！！碗芝麻糊杰撻撻唔順滑。再嘗試擺入口😐頂！係咩口感！？好古怪！好差勁！🤮🤮🤮就係咁碗芝麻碗就係垃圾桶相會了🤮🤮🤮無下次！！！

之前成日幫襯綠林，但係每食一次差過一次，事隔幾個月再試返綠林糖水，質素又進步番少少呢碗芋圓紅豆西米涼粉小丸子份量都幾大，啱晒我啲鍾意食煙銀野嘅人，芋圖嘅芋頭味同番薯味都好出，微甜有嚼口！小丸子就冇味，不過配搭埋花奶就好唔錯，紅豆比較硬身，煮得唔夠耐，所以紅豆麻麻哋，涼粉同西米都好正！紅豆豆丁配香芋雪糕，紅豆都係比較硬左D,豆丁味道偏淡但滑溜，都唔太差既。芝麻糊係每次都會點嘅，今次冇以前咁稀，芝麻糊粉份量多咗，碗芝麻糊杰身過以前，好味！

來到深水埗又想飲糖水就會來哩到，對上一次來應該係幾年前，今日見到甜品款式已經多了唔少，芋圓同桃膠等嘅新款糖水都有得吃，不過價錢都頗為貴，所以今日都係吃返傳統中式糖水。烏豆桑寄生茶($24)好膿黑豆同桑寄生味道，比一般糖水店好味，如果有埋個雞蛋就更好啦！番薯糖水($24)番薯好夠粉，姜味夠辣，味道唔錯。整體中式糖水都保持到水準，不過價錢就真係偏貴。

睇到見佢咁多好評就黎試下，因為我鍾意食芋圓，所以必試啦。叫左個 A2 & 楊枝甘露小丸子。分別係$46 , 兩個人咁樣就食左 $92 非常唔抵食，因為實在唔美味！首先楊枝甘露，芒果就係甜既。但係小丸子差，口感好張好糊。柚肉係酸到爆，整體唔值得叫。再來芋圓同地瓜圓，兩者都係無味，而且口感好糊，粉既比例好多，最怪雞係地瓜圓竟然係綠色？？？！花生+砂糖就係平日湯圓 d 料咁，正常發揮。而紅豆同埋香芋雪糕都係正正常常。食完都唔開心，就埋單閃人，無下次

今晚深水埗晚飯後，時間尚早，隨便逛逛散步突然間想起，很久沒吃糖水路過綠林甜品，坐下來就看到 「桃膠 ..... 」馬上行動感覺價錢有點貴 $45一看之下，也是值得的材料：-桃膠份量勁多，滿滿的，好開心連子雪耳紅棗桂圓甜度啱啱好整體來說，確實不錯，這碗飯后 糖水，適合兩個人吃吧

喺深水埗住咗幾年，一路都知道綠林甜品呢一間舖。今日有啲涼就嚟咗食碗糖水。唔食猶自可，一食把鬼火！叫咗合桃糊，都正正常常靚靚囝囝，一食大鑊！無味嘅顏色漿！色水就啱啦，但係真係一啲合桃味都冇！而且仲係好甜，好甜，好似就咁飲糖水咁，仲要係砂糖水，好似出面啲茶記跟糖水俾你飲凍檸茶啲糖水咁！都唔知自己食緊乜！食食吓仲有啲好似一粒粒咁嘅渣，一啲都唔滑好鞋口！大佬咁嘅嘢收$28？無嘢下話，自己整都好過佢啦，係深水埗食到碟飯啦，返到屋企真係忍唔住開個户口打第一篇食評，人生第一次咁嬲！強烈要求openrice 俾負星！

天氣入秋，今年的秋天總算有點意思，將到十一月，有點涼意，想來一點甜，到了深水埗附近，不少糖水店，千選萬選，來到綠林。滿心歡喜點了芝麻糊。很快來到了，外表正常，但奇在有一種薯味。一試，出乎意料的甜。這種甜是死甜，砂糖的甜，然而奇怪的薯味接著，最後是淡淡的芝麻味。相當膩口的甜，甜得舌頭發酸的甜，價值24元，不便宜，相信當中三成是砂糖，請問這樣做生意會否賺太多？芝麻味薄。也食到不少芝麻皮，太鞋口，最後食了半碗放棄了。稍涼以後，糊化成水，我明白了，讓我解釋一下。芝麻也可能是店家自制，但沒有炒過，香味不足，也許不靚。然後用的不是磨機，而是攪拌機強行打碎，所以精華沒有跑出來，也就是沒味道。一般想滑會兌白米，或者便宜用點用粘米粉，但份量不足，水旺旺，所以下了薯粉勾芡，但量太多所以有薯味，然後煮不夠透，稍涼就出事，行內叫反咗，也即是化水。整體而言，不過是一碗有點芝麻味的糖水。離開時見到不少食物也食剩一半，也不會有店員了解，也許自己知自己事，門外依然有人排隊，懇請各位食家留意，避免中伏。

由以前開始一直已經食呢一間糖水店綠林糖水係深水埗嘅老字號中式糖水款式好多其中紅豆沙綠豆沙咋喳缺一不可今次嚟到唔想食呢啲所以就試吓鮮奶燉蛋白+西米露芒果布甸首先講西米露芒果布甸西米露幾好 煮得唔會太稀可惜芒果布甸只係一般茶樓水準內裏芒果肉不多 得少許細細芒果肉但收費的價錢都頗貴 性價比不高相反燉蛋非常之好食夠滑夠香奶味又濃內裡無空氣泡泡 所以口感特別好食完甜甜地 甜而不膩價錢方面都相對較便宜總括而言如果去綠林食食中式糖水比食西式糖水更好價錢合理 水準都高

每次出開深水埗都一定會食既甜品店就係綠林甜品啦～價錢大眾化，款式繁多，配搭百變。冷熱/新式及傳统糖水一應俱全！由於我趕住番OFFICE做野, 所以我今次就用THE GULU APP落定單，賣左個外賣番公司食！今次我買既係楊枝甘露＋芒果布甸～味道唔太甜 濃芒果味，真心推薦大家去試～另外店舖參加咗THE GULU App既宣傳活動，響App 入面用DBS優惠碼 DBS465883 落單外賣自取，每次可以慳到$20！

夏天成日想食甜品, 就嚟綠林食宵夜啦😋男朋友之前見到有電視訪問話佢哋嘅涼粉係自家製嘅已經成日話想嚟食😂今次我哋就食左雜果涼粉加榴槤雪糕, 同埋紅豆豆腐布甸加綠茶雪糕😋雜果有幾款唔同生果, 全部都好新鮮, 涼粉食到苦苦哋, 真材實料嘅自家製😋 榴槤雪糕好香滑, 濃濃嘅榴蓮味, 好好食, 後悔自己冇揀榴蓮味🤤紅豆偏硬身, 係紅豆冰嗰種紅豆, 豆腐布甸好滑, 淡淡嘅豆腐味, 綠茶雪糕偏甜, 綠茶味不太濃, 滿足唔到我呢個抹茶控😂