綠林甜品

營業中

休息中

同事提議點台式飲品，點知未能送貨，只好改食糖水來滿足自己的胃口。我點了黑豆桑寄生蓮子蛋糖水，要滋潤一下。材料都幾足，蓮子算林，反而黑豆有點硬。雞蛋應該煮了有一段時間，完全入味。糖水就偏小甜。

我只是說事實我和朋友各叫了一碗杏仁蛋白，稀釋到一個點簡直讓人難以置信💢一碗仲要成37元，好似一碗加了糖只有甜味的蛋白水，用左極少量杏仁！有相為證。千萬不要人云亦云跟朋友入去食，自己給點主見試試附近其他的店。但這間店有值得稱讚的地方，就是那個等位系統係有普通話、廣東話兩種語言，可以讓國內有品味的同胞品嚐一下呢種香港被改良過的美食，宣揚香港美食之都的美譽啊！我真心建議呢間甜品店應該快D成為米芝蓮三星啊！

去完黃金砌機後的dessert time! 去了深水埗老糖水店- 綠林甜品。呢間店好耐了，不過佢都有與時俱進，加入新式甜品。所以一直都人山人海，多人光顧。我們點了2個甜品。看似一樣，但好唔同。一個是凍豆腐花，一個是熱蛋白燉奶。一個是素，一個有蛋有奶。一冷一熱。不過講真，一碗豆腐花要$15蚊，街市買都是$5、$6 蚊，花3倍價錢我寧願食啲平時食唔到的甜品了- 所以無錯，豆腐花唔是我叫的。蛋白燉奶好香滑，而且有熱有凍揀。

深水埗綠林甜品細細個成日黎食因為價錢平味道好大個左之後已經好好少再食今日經過就決定重捨一下童年回憶兒時味道門面既外觀同以前一樣冇咩點變變既係糖水既價錢細個食既時候只係十幾蚊碗又平又滿足依家普普通通叫一碗已經要差不多三十蚊都明既，今時今日香港食野大部分價錢都係用黎比鋪租見到期間限定既栗子🌰粒露所以就叫左一碗黎試下但係真心失望😞雖然係有粒粒栗子🌰但係栗子露入面既栗子成分好少食落好稀稱不上露食落完全似甜栗子開水不過味道都算過得去啦另外叫左個木瓜，雪耳，糖水冇錯！三樣野應該係分開！完全吾似一齊煲出黎木瓜質地吾夠淋，仲有少少硬糖水的確係糖水，飲吾出有木瓜味甘樣埋單已經成60蚊可以食到餐飯其實如果質素好價錢貴少少都可以接受但依家性價比太低了果然回憶係應該用黎懷緬才不至於令人失望😞

由細食到大但係搵唔到咩理由再食呢間，深水埗越開越多糖水鋪，不過呢間算係有返小小名氣，但係keep唔到個水凖了。上次去點左個芝麻胡+黑芝麻湯圓+芒果楊枝甘露小丸子:芝麻胡都已經無乜技巧可言，淨沖水都可以整到好希，個碗都唔係大嫁啦。黑芝麻湯圓，我唔知佢煮完有無隔返上水，入口係一pat 野而且芝麻餡料勁少，建議店主可以換過另一個供應商。而芒果楊枝甘露小丸子算叫做最正常既一碗，不過可能芒果同西柚都唔係當做所以成碗較酸。

係呢頭食完飯想食糖水朋友話想吃粒露，就去左呢間糖水舖同埋原來呢度都有得用app拎飛下次就拎定飛唔洗排隊😆見到有個桃膠系列，連木瓜奶都有得加桃膠😂朋友係話想食栗子粒露，所以先嚟咗呢度，見到好多栗子粒粒！好濃！但朋友仔話今日嘅粒露有啲太甜🤔通常第一次去幫襯嘅糖水舖，我都會叫蛋白燉鮮奶，因為最穩陣同埋自己鍾意食，都好滑同有蛋香紅豆沙配湯圓，一嚟就聞到果皮味，好香😄薏米腐竹糖水，好足料，啲腐竹唔會煲完到一塊塊👌🏽

🥢由細食到大老字號甜品店🥢店面裝潢簡簡單單，但Menu卻一點也不簡單，選擇很多，而家太多新式甜品店，這家以楊枝甘露、芒果及豆腐布甸系列和中式滋潤糖水，如杏仁茶、馬蹄露和芝麻糊都有供應🥢雜果涼粉雪糕$40用上新鮮什果，而且全部都甜的，涼粉較嫩滑，配上花奶，甜度剛剛好🥢桑寄生蓮子蛋茶$30感覺是有點涼茶味道，內有蓮子粒，有消暑解熱功效🥢榴槤斑戟$36超鬆軟口感，加上新鮮榴槤肉，榴槤迷一定要試下，係幸福嘅感覺🥢豆腐布丁西米$38🥢馬蹄露$22🥢竽頭西米小丸子$28🥢總括呢間食過好多款甜品都覺得幾好味，絕對可以帶一家大細過來一起食的一間甜品店綠林甜品 地址: 深水埗元州街77-79號地下 #綠林甜品#深水埗美食#甜品#榴槤#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#hongkongfood#food#foodie#hongkongfoodie#eat#eatgoodwesteatbadwest

一大班人打算食完飯去食佢既榴蓮班戟，一行11個人。落單位姐姐要求我地慢慢落單，我地就好慢咁講我地要4份榴蓮班戟，之後等左幾秒先再講要一份芒果班戟。點知，我地連個芒字都未講，個呀姐就鬧我地話 ，你講慢啲，我寫唔切。但其實我見到佢已經寫完。之後佢既態度越來越差，我地每叫一樣野，佢都鬧一次我地講得太快。因為我地多人，所以想問下可唔可以泊多一張枱，眼見好多枱都吉左。我地見到個男職員，就問可唔可以，點知佢一句話，你問櫃臺個呀姐，呢啲野唔關我事，我話唔到事。好啦，我地行去櫃臺好聲好氣咁問，佢又話佢話唔到事。最後見到個著便服又執枱帶位咁，心諗係老闆娘啦，再問佢。點知佢答都唔答，將啲執緊既碗扔落張枱，再好大力踢左張櫈一下，抹一抹張枱，就執翻走啲野。我地叫左好多野，其中一個係Oreo豆腐布甸。因為我地有人唔食花奶，咁就叫佢唔好落啦。點知佢仲要一面倒一面話，加花奶先好食，我地講左唔要，佢都繼續倒，態度仲要好差。當晚既人客唔多，但員工既服務態度都可以咁差。其實呢間甜品店既甜品都幾好食，但點好食都好，食個甜品都要食到我好似受緊氣咁，食到一肚火，好食都唔會再翻去食。

綠林甜品其實拒各種甜品都幾有質素，不過試過豆腐花布甸，就好中意豆腐花味，好香，布甸個口感又岩岩好，再加埋練奶就真係又香又滑，同埋我見拒不定期或煮轉季就會出d新花款唔同口味ga新糖水❤️

同老公食完飯，特登去綠林，入到去，冇太多客，我們仲坐四人位，幾闊，阿姐D態度麻麻地，呢間糖水舖，其實，已經食過好幾次！但今次真係超失望！真係冇下次！我地叫左個楊枝金露小丸子，西瓜涼粉配雪糕!首先，楊枝金露小丸子，賣相完全同幅相唔同，冇左中間堆芒果，味道方面，芒果有幾粒大ge，但唔甜得黎帶酸，但西柚仲勁酸，(當然，知道西柚會有微酸)，個呢碗直頭係酸到苦澀個種。到個西瓜涼粉配雪糕，個雪糕雲尼拿味，雪糕球夠大，夠凍，完全冇問題！出事ge係下面2樣，西瓜一D都唔甜，最差係底個浸涼粉，配起黎食一D都唔fresh ，係一種怪味，唔知係唔夠凍定係乜野，總之感覺就唔新鮮。好差！我們2樣都食左一半去左埋單(唔想委屈自己)，2款野埋單8X元，下次，我們會食返松記！呢間真係會blacklist!(第一次寫食評，因為D食物真係太垃圾了)

作為一個甜品控 最中意就係四為捲黎捲去搵好食既甜品 平時食開既都係凍既甜品 今次去試既深水埗既綠林甜品！地理位置黎講 好易搵 深水埗地鐵站一出轉左就到....晏就食呢 未必要等好耐 但夜晚基本上都好多人排緊隊🙈 呢間甜品都開左好耐架啦 出名好食既緊係傳統甜品 熱既糖水好似紅豆沙綠豆沙當然吾洗講... 杏仁湖芝麻糊真係好香 好遠未拎到過黎都聞到😆 真係未食就先興奮....食落真係好香好滑👍🏻👍🏻👍🏻 讚啊！ 好少有咁香咁好食既傳統甜品！

同朋友行完街食完飯，當然吾小得就係來反個糖水喇見行過呢間位於深水埗嘅糖水鋪甘多人等位 我地又吾趕時間 甘就等下喇！等左15分鐘有位 不過鋪頭就吾係話好大好寬敞 所以坐得比較迫落單: 我就叫左個季節性嘅中式栗子糖水，真係第一次食栗子糖水 其實都吾錯嘅，吾太甜 份量又適中！不過就係啲栗子煲得吾夠溶/散 所以口感差左少少。如果你鐘意食爽脆嘅 甘就岩哂喇價錢方面就$3x 另外就叫左馬蹄露 $2x來講都可接受 見好多人都叫 所以就一試！味道不太甜

這間亦是傳統老牌甜品店之一，佢賣既都係比較傳統舊款式d既甜品，我通常食芝麻糊，而且要熱食，因為好重芝麻香，加上煲得好軟滑，食過之後就上癮，飯後甜品都係唔錯選擇之一。

食糖水食到一肚氣😡😡😡 叫咗三碗野，第一碗食完，第二碗先黎。第三碗等咗成半個鐘，追咗三次 發埋脾氣先嚟。追單個個都冇反應， 終於知道點解咁多人等。 唔使錢我都唔會再去😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

每次行過綠林，都有人在等位、等外賣，我呢啲為食精，梗係要試下啲人氣店啦食過兩次，坦白講... 我無咩感覺，糖水甜品都唔特別出色，賣相亦唔特別精緻，我懷疑，長期人多只係佢地理位置好，係深水埗最旺既位今次要咗個黑豆蓮子蛋茶，得甜味，其餘蛋唔夠香、黑豆味唔出，食落係幾滋潤既，但一啲都唔出色餐廳長期多人等位外，啲位又窄又逼，坐得唔舒服，班阿媽服務又粗魯，總括真係一般到一般，求其去任何一間糖水鋪都一樣，唔一定要食呢間