綠茶餐廳 (圍方)

營業中

休息中

中午經過見到新開的綠茶餐廳，裝修古色古香，門口仲有個古箏和涼亭雅座，詩情畫意，好似去咗古代用餐咁，很有趣。座位被安排靠窗的位置，感覺很開揚，以手機QR Code下單，好方便。原本想點黑醋脆皮牛腩，可惜已售罄，點了蔥香脆皮烤鴨、鮮果鵝肝塔殼和黑松露牛肉炒飯，兩個人食份量剛剛好。鮮果鵝肝塔殼以脆餅盛載著凍鵝肝粒，最上層有芒果蓉，的骰造型作頭盤是好選擇。蔥香脆皮烤鴨脆皮烤鴨外層圍了滿滿的香蔥和蔥油，鴨身比較細隻，皮脆肉嫩，味道調教得很好，推介。黑松露牛肉炒飯未上枱黑松露味已撲鼻而來，炒飯粒粒分明，味道偏濃，配上龍井綠茶解解膩。第一次在香港品嚐江浙菜，感覺好新鮮，期待下期叫多啲朋友一齊試多啲不同款式。

之前聽朋友講圍方呢間綠茶餐廳好食🤤 咁啱過嚟shopping，當然排隊都要食！呢間綠茶餐廳超受歡迎，晚飯時間一定滿座，大家記得book定位同預早到喇😚🍵 龍井綠茶/位 （$24）呢度嘅龍井茶真係好好飲，清新消濟☺️ 茶包好大包，沖多幾壼都唔會淡☺️🐥 龍井烤雞 （$138）必食🌟！呢隻龍井烤雞用煙燻焗，香氣十足😍 店員先會成隻雞上比我哋打卡，再幫我哋切開方便食，好貼心🥰 雞肉嫩滑得嚟，皮薄香脆，正呀🥳🦐 粉絲裹蝦 （$108）呢個菜有好多隻新鮮大蝦，加上蒜蓉粉絲一齊煮，鹹香得宜，好味🤤🥓 雪菜貢椒黃牛肉 （$128）炒黃牛肉呢個小菜鹹鹹香香，好適合餸飯食😋🥬 松露松仁烤菜心 （$68）呢個冷盤鹹鹹哋又夠香，好開胃🤤🥯 老紹興喉口豬肉包 （$38）豬肉包細細隻，都包咗好多餡料😋

第一次嚟呢間食，食品很不錯，各款食品都好精美，不死鹹，值得一讚係服務員很有禮貌！今時今日嘅香港，難得一見的高質服務態度👍🏻👍🏻👍🏻龍井烤雞必試，雞肉鮮嫩，服務員很貼心的給我們拍照完再幫我地剪開❤️，粉絲裹蝦上餐台先開始煮，超新鮮！蝦泡泡飯超鮮甜，茶香奶凍有淡淡的茶香味，好清新😋！特別要讚一讚店內員工都好有禮貌好親切，會主動提醒我們小心熱，龍井烤雞上桌後好貼心的讓我影完相先拿去剪，笑容親切👍🏻👍🏻本來睇食評睇到有一個比差評嘅post,都諗住唔試，但又好想親身試吓，結果非常滿意，唔明點解會有人比差評😂，真心推介，值得去試👍🏻

綠茶開咗新店在圍方，當然要去支持一下，碰巧造冬一家人去新店支持吓－入門口古色古香，還有一個彷艇嘅座位， 十分吸睛食物嗌咗一個六人餐，菜式豐富，價錢亦都很優惠至是1488 ，預早落訂$500還每人有一支綠茶9人食再加咗兩個包一個牛坑腩兩杯好可愛嘅熊仔嘢飲，仲有幾個金莎雞翼香港地方寸金尺土，座位是比較逼夾，沒有圓枱，是長枱可能因為新店加上做冬，服務員好似吃不消不，當然沒有人來清骨碟，好多時叫服務員來，他們都忙得不可開交食物方面，份量不過不失，比較出色嘅有鵝湯，燒雞，大頭蝦，魚頭煲，熊仔飲品性價比很高， $28這餐雖然吃得有啲忙亂，食物也不錯，可惜嘅事，最後等桃膠糖水，足足等了20分鐘，吹了又吹，竟然同我哋講是因為個個都係套餐，所以唔夠碗裝糖水😱😅用餐時間90分鐘，但係等糖水等咗20分鐘，上個糖水嘅時候，竟然係罐頭桃加糖膠，有點兒不倫不類

以後唔駛北上係香港都可以食☺️綠茶餐廳以西湖盛宴為主題將湖 煙 亭 塔融入 神還原西湖三大勝景 😆仲設有香港首創船型包廂可以同遊西湖又嘗江南美食😏見到有位著住古裝既女子彈奏古箏店員又全部著住傳統中國服真係好有江南風情主打浙江菜 由杭州米芝蓮大廚設計設計價錢親民 值得一試😉💥龍井烤雞招牌必點之選 原隻三黃雞即叫即烤上枱時仲有龍井茶煙燻住烤雞外脆肉嫩多汁 帶清香既龍井茶香真係必點😋💥南乳醉鮑魚圍方店限定 南乳醬香誘人鮑魚薄切 食落軟稔入味 同個醬汁好夾😎💥高湯蝦乾小青菜 高湯鮮甜 當日用上白菜仔新鮮爽脆 吸左魚湯既精華 鮮味十足😋💥蕭山蘿蔔乾炒飯炒飯炒得粒粒分明 帶蘿蔔乾既鹹香份量都幾多 食落唔會好膩😌💥麵包誘惑招牌必點 年銷>600萬份麵包即場烤烘 口感酥脆上面加埋個雪糕 冰火交融 正🥳💥西湖桂花藕粉清香桂花味 藕粉甜而不膩👍🏻

剛才兩人去食，冷盤叫了蓮藕、鴨掌、醉鮑魚，都唔錯，熱盤叫咗東坡仔骨、黑松露牛肉炒飯，那東坡仔骨下次可以不叫，炒飯味道可以，但牛肉有筋，咬不動，甜品酒糟圓子、桃膠，兩樣都唔係叫做好，可以試吓其他，海苔松仁芝麻球，我覺得不錯，下次可以再吃。 晚飯買單$680。

圍方又有新餐廳進駐，上網睇裝修同食材都唔錯，今日就同屋企人試吓，我地一同5人等左15分鐘左右就有位，係等既時候可以欣賞下門口彈古箏既古裝女仔，彈得都幾好😉我地叫左上網推薦既幾款菜式🍵鵝湯入邊大量湯料，鮮甜美味，適合入冬滋補🐤招牌龍井烤雞職員會原隻上菜比你打卡影相再拎去剪件，但係剪得好大舊，比較難入口，陣陣龍井茶味，唔算乾身🐽芋頭煲芋頭夾住腩肉碎，味道非常濃郁和粉嫩，值得一試，不過比較膩都要打包半盒返屋企😂🍧雷峰塔打卡一流，味道平較淡應該係山藥既味道

嚟到一定要試去呢隻雞，呢隻雞係我覺得我食過嘅雞當中最好食超級香滑嫩，絕對係可以自己食曬一隻，仲有佢個湯飯呢個湯泡飯又係好味，個湯好甜味道好濃，加埋呢隻牛蛙好嘢味少少辣辣地又係好香好滑好嫩口。基本所有菜式都冇乜冷場道道都好好食

門口服務態度好差，等位預左，但叫座方式不公又無禮。打去話無得訂位，但去到等了45分鐘，中間係咁比所謂訂左位的人入。食物質素普通，部分過咸，份量少，相比較家上海完勝。

之前我哋一家人喺圍方行街搵食👅 見到有間裝修好靚嘅餐廳，門口有着咗古裝嘅女仔喺度彈古箏🎶 一試之下，果然有驚喜喎🤭必試招牌菜龍井烤雞！🐔 首先會原隻烤雞上菜，等你慢慢打完卡，再有職員細心切開烤雞，方便顧客品嚐👍🏻 外皮金黃脆卜卜，木盤底部有龍井茶煙燻，雞肉嫩滑之餘，每啖都會食到茶葉淡淡清香🍵另一亮點菜式，芋頭迷必試嘅狀元芋頭煲！！芋頭切片再同薄切腩肉夾住一齊煮，芋頭味非常濃郁，同腩肉嘅油香好夾，最啱秋冬嘅時候品嚐🤩Curtis 係咁話要食甜品，最後點咗茶香奶凍，開頭以為都係普通一道甜品，估唔到茶味非常出，表面仲有焦糖，口感好滑好好味😋

從沒在任何social media 發表過任何事物，因為討厭沒責任的反饋，但今次真的想表揚閣綠茶其員工之服務態度，因本人於12月7日星期六下午兩點半左右在圍方綠茶用餐，在點餐過程中，一位的員用心推介各式美食👍🏻而用餐過程中，有員工可能發現地面清潔問題，正準備掃除時，相信是一位資深女員工吧🤔👍🏻非常有同理心的知道不應在客人用餐時在旁邊用掃把類型物件做清潔地面工作，但當然亦欣賞那位想清潔的員工對餐廳衛生的重視👍🏻，或者可以用紙張來抹除相信亦是一個不錯的方法吧👍🏻，所以非常欣賞經理有這樣的知識去教導下屬👍🏻另本人因對某食物敏感，當發現食物當中好像有問題時，一位男員工不但沒有推卸責任，除了立刻安慰及詢問本人有否感到不適時，亦發現他非常細心的在我附近留意我有沒有什麼問題👍🏻，這個是我第一次感受到一間食店對客人，對公司，對自己工作的一種態度👍🏻👍🏻👍🏻相信這裡的經理亦是對工作有一定的熱誠及責任才能對員工有這樣的教導👍🏻好開心發現有這樣的一間餐廳，本人一定會多多推薦👍🏻及回來用餐👍🏻，因服務品質對本人而言也是非常重要‼️最後亦感謝前台女員工👍🏻希望經理能繼續帶領著這麼優秀的員工努力💪🏻，能讓綠茶餐廳有

見佢剛剛開業，就試吓，上網睇的食物好似好吸引，但係一試就已經中伏！龍井雞不似預期，唔好食，粉𢇁蝦好油，豬肉卷好硬，全部食物都唔夠熱，只係微溫。職員服務差冇笑容，尤其係短髮金毛嗰個，好惡！枱枱都漏單，等好耐都出唔到食物，出到嚟啲嘢食又唔熱喎，咁個廚房究竟係未整定係煮好冇人拎出嚟？ 整體感覺不好，雖然裝修幾靚，但係咁嘅服務同食物質素，都唔方維持得到，試一次冇下次啦！👎👎👎

大圍圍方又有新餐廳進駐，今次係內地浙江菜「綠菜餐廳」。餐廳更加搵咗內地米芝蓮大廚設計香港限定菜式，所以第一日開幕都已經大排長龍。狀元芋頭煲熱騰騰嘅瓷煲入邊係口感綿密嘅芋頭，入口仲有少少甜。三色燒椒杭茄依款係少見嘅凍盤，有黃、橙、綠三色嘅燒椒，打卡感十足。天目筍火腿老鵝湯少見嘅奶白色靚湯，入面有大量嘅老鵝肉，飲完成身都好滋補。鮑魚小炒肉鮑魚切粒同肉片和青椒爆炒，鮑魚口感爽口，青椒嘅辣味滲哂入醬汁當中，辣辣地都幾過癮㗎。鮮花茄有機花菜當然唔少得食返啲蔬菜，用上有機嘅花菜配搭新鮮蕃茄，甜甜地又開胃。黃桃桃膠甜品入邊真係有好足料嘅桃膠，食完亦都滋補養顏。紅寶石硫璃飲品上面有隻冰熊仔真係好搶眼，打卡感十足。西湖雷峰塔只要追蹤佢哋嘅social media，就會有依款得意嘅甜品。

《綠茶餐廳》正式進駐圍方，以西湖 • 盛宴為主題，繼續提供多款新派浙江菜。圍方店佈置風格靈感來自杭州西湖，還原了多個西湖美景，讓食客浸沉於江南風情當中🥢麵餅醬香五花肉以麵餅包裹著五花肉、京蔥、青瓜和豆腐皮，再配以秘製醬汁，惹味又不覺油膩🥢南乳醉鮑魚以南乳醬和自家秘製醉酒汁烹調而成，香氣撲鼻，鮑魚切成薄片依然爽彈不韌，非常推薦這道圍方店限定菜品🥢雪菜貢椒黃牛肉鮮黃牛肉肥瘦適中，肉質軟嫩，以貢椒、蒜頭和雪菜爆炒，微辣入味，吃不停口🥢雪菜黃魚麵用上黃花魚塊，魚皮煎香令魚味更突出，湯底偏濃稠，加入雪菜變得咸香味更濃🥢西湖桂花藕粉夾雜著軟糯和細膩順滑嘅口感，加入桂花調配，溫潤清甜，飯後甜品之選