綿綿冰 (已結業)

和老公吃過'阿龍咖哩'就連隨找找甜品吃..我認我不是乖乖大肚婆..因為我為食..um..每樣吃小小不怕啦..要十個月都不能吃喜歡的..真的很難呀..我已經不敢吃真正的一舊舊榴槤..揀了吃榴槤甜品.. 榴槤飄香 hkd 42我覺得是榴槤西米露..其實只要榴槤夠靚..要令這甜品好味應該沒難度..西米露底應該有用榴槤蓉用mixer混合過的..所以除了有大大舊榴槤肉外..西米露底都帶有榴槤香..正.. 榴槤層層疊 hkd 38千層班戟皮配上香濃榴槤忌廉..若要比較..我覺得'沛公'較香濃好味和香滑..不過這裡的都不失禮..吃過晚飯再吃這個其實有點heavy..不過如喜歡榴槤的朋友..絕對應該一試..最多和朋友share吧..

本已食完晚飯，上友人家裡小聚後大家甜品癮發作，並極力推介此店芒果腸粉及榴蓮層層疊先講榴蓮層層疊口感豐富，每一口都有榴蓮的味道也有榴蓮肉的口感，而班戟皮不硬是較軟身的，友人一路食一路說：好過某公公名店的確，口感及味蕾的享受比那店更甚芒果腸粉賣相做足，配料比坊間的芒果腸粉多單是這點也叫人拍手叫好，味道也可以腸粉皮滑溜，芒果鮮味，但兩者都滑身的質地未能包得住，吃起來需要匙羹幫助一下整體都值得讚，友人說棉棉冰都一定要試

星期日逛街日，來到佐敦，就去某國貨公司買茶葉，順道求其找間甜品店，或者一間餐廳坐下歇歇腳，飲杯東西都好，可是餐廳找不到卻找來一間甜品店，唉是但啦。從綿綿冰門外的餐牌看看，究竟有否糖水食呢？可是找不到，不過當咱們走入甜品店後，再從餐牌中研究，原來是有的，除此之外，還有以冰做主的甜品，還有豆腐花，紅豆涼粉及其他大路的甜品。值得一提的，甜品店店是有下午茶的，下午茶的餐牌中，竟然有春卷薯條等供應。Tiramisu 是在下想點的，這蛋糕呈正方形，慕絲與 tiramisu 互相相隔，質感未見想像中般的柔軟，不過咖啡味卻又很濃郁，而且慕絲卻又幾幼滑的。薯條春卷咖哩角是在下女友吃的下午茶，因在下怕熱氣，不聅多吃，薯條炸得外脆肉軟，春卷就未知是否炸得鬆脆。冷熱臭草綠豆沙是傳統的中式甜品，除了是糖水外，其亦有清熱功效，能夠將體肉的熱氣一掃而空。綠豆沙味帶甘性涼，是消暑的良品。這糖水甜味適中，而且海帶份量也不少呢！喝起來還有一點沙，這也是在下喜愛的。夏日炎炎，來一個清熱而又美味的甜品糖水，是不失最好的選擇。

同良朋好友們喺佐敦食完飯都未傾夠, 就梗係揾間糖水舖, 食住甜品繼續傾啦! 我哋一行七人 (有啲飯後要交人, 經已走咗≧3≦) 浩浩蕩蕩咁揾食, 週圍都好爆, 好彩呢度有兩層, 等咗大概五分鐘就入得~呢度嘅甜品款式都幾多, 冷熱糕點任君選擇 ^^良朋M 點咗椰皇燉奶, 椰香重, 燉奶都算滑!好友E 點咗凍芒果紫米露, 紫米露頗濃稠, 要額外加淡奶先食到… 味道唔太甜, 整體感覺一般! 幸好芒果唔酸 ^^良朋J 點咗楊枝金露, 口感頗淡, 好一般! 只得少量芒果粒, 但有頗多柚子肉… 令到成碗甜品失咗平衡, 食落有啲苦…好友F 點咗芋香紅豆涼粉冰, 唔太甜, 很香奶及芋味, 配涼粉口感不錯! 而且紅豆又夠大粒, 又冇煮得太淋!!良朋L 點咗熱腐竹白果雞蛋, 味道偏甜, 一般…好友M 點咗熱椰香紫米露, 味道好甜, 食落好膩…而我就點咗朱古力刨冰, 朱古力味都幾香濃, 刨冰入口即溶 ^^ 伴碟嘅珍珠咬落有汁, 口感都幾得意, 配刨冰一齊食, 味道唔錯!!綜合大家嘅意見, 呢度啲甜品除咗綿綿冰, 其他嘅質素都好一般… 睇嚟佢哋真係要好好努力先得喇!! ╮(╯_╰)╭

第一次吃這家甜品， 亞囡說之前吃過千層蛋糕好好味。 我們一家8個人一起吃飯後甜品， 我點了一個木糠布甸，自從跟阿囡去過澳門吃過後便愛上了，木糠布甸用心製造，一般外面杯裝的只有一層或兩層，但這裡的舖得好靚，還有三層！味道好！他們點了棉棉冰，大致記得朱古力棉棉冰好吃，練奶份量夠，朱古力味很重，很滑，不錯！配料有荔枝味的珠珠，咬下去會流漿，好吃。另外兩個彩色的拍照好靚，可是他們說太甜了。 榴槤千層，好好味，每一層也好薄，好多層，用心製作！味道也好， 榴蓮新鮮。他們也點了鹽酥雞，不過我吃素的沒得試，他們說炸得香脆味道也好。 除了彩甩那兩個棉棉冰， 好評！

元朗綿綿冰開業8年，分店只有兩間，相比起其他近年才發展的甜品店例如五代同糖,,海記等等，的確有所相距。今日卻特意跟朋友來試食。一般貨色，沒有什麼大驚喜，但價格卻比其他甜品店貴。哈蜜瓜是真正的果粒，雖然吃到冰凍的味道，但肯定的不是什麼外來批發過來的果粒，而是真正從哈蜜瓜挖出來的，至於涼粉跟一般涼粉無異。越簡單的東西越能決定一間店鋪的食物水準，我亦無意再嘗試其他甜品，朋友都說綿綿冰的出品不差，但是制度和管理真的很討厭。

有日我係佐敦食左晚餐 心郁郁想食品 唔想咁快返屋企 見到在openrice綿綿冰都幾多lum利 於是我就去試下 一踏入門口 服務員就已經出黎招呼我地 入到去 佢為我地介紹間餐廳有咩好食 而且態度友善 使我留下唔錯既印象  今次我食左餐廳其中兩個招牌菜 一個叫做敦然鹽酥雞 一個叫做芒果千層 個敦然鹽酥雞夠哂香口 舊雞外脆內軟 肯定是因為炸雞時油溫足夠所致吧! 愛食雞肉製品的人一定要叫! 此外 芒果千層是由一層又一層的鮮芒果肉加奶油製成的 可能是芒果的酸味 令到奶油的肥膩感減少 整個食物味道唔錯! 成間餐廳服務同食物就唔錯啦 不過我看到一些一個少少的問題 就是餐廳的配位制度有點問題 我記得在廚房對出的一角有兩張餐桌有留座字樣 但是我在餐廳坐的數個小時都沒有那個''客人''到餐廳進食 這是我對餐廳一個小小的不滿 希望下次能夠改善以上情況

元朗綿綿冰大約已開業六個多年頭吧，老叟每到元朗必幫襯一次，而最愛的是現在已沒供應的純「西瓜味綿綿冰」！油麻地這分店也不覺開業數年，這晩是第一次光顧。叫了一份蜜瓜/西瓜綿綿冰配上愛玉/青蛙/乳酸魔豆 及海笞胡椒味鹽酥雞。綿綿冰與刨冰不同，仍舊一如以往本身軟綿綿的，口感很柔軟鬆滑，而且溫度夠凍，食到喉嚨是透心的涼快！蜜瓜本身味道較霸，與西瓜本不是佳偶，惟有人手將他們分開食用。冰凍滑溜的綿綿冰配上愛玉及刺激口水分泌的乳酸魔豆還是一向炎夏至愛！！可惜不知是否錯覺，綿綿冰的份量好像縮減了少許..........海笞胡椒鹽酥雞其實沒甚麼胡椒味，不過香香的海苔味與炸得外酥內滑的雞肉還是很合拍；炸雞留有少許皮下脂肪就更為香口了

吃過晚飯便要四出找尋甜品店由海港城一直走到佐敦，終於決定在這家綿綿冰歇一歇這家店，看似是甜品店，但也有售賣各種小食友人看了餐牌，被鹽酥雞吸引著猶豫之際，店方老闆伸出援手，給予意見眾多味道之中，以黑胡椒跟咖喱最為有入味老闆建議我們先點黑胡椒，再額外給我們試試咖喱的味道所謂的咖喱，其實是一樽咖喱粉，老闆慷慨地給我們品嚐咖喱味道比黑胡椒更入味，帶香味，比黑胡椒更佳吃過鹹點，晚餐也消化得七七八八，點了鴛鴦刨冰鴛鴦刨冰即芝麻豆腐綿綿冰，可自選一款水果醬汁及三種配料我的焦點都放在芝麻豆腐而非醬汁及配料，一看到食物便趕著在融化前清場，忘了拍照芝麻豆腐都是我愛好的，所以這簡直是最佳配搭能吃出芝麻、豆腐的味道，豆腐味道較濃，唯芝麻不夠香整體也不錯，綿綿冰也不會融得太快

9個中學同學齊齊去佐敦合一咖啡廳食飯，點知食左百幾蚊都唔飽，唯有轉戰糖水舖醫肚！我同朋友仔share左呢個綿綿冰，感覺好似比以前細份左，不過好夠凍，芒果同奇異果汁都幾夾！芒果千層D忌廉唔會太杰，甜度適中，我覺得唔錯！花茶涼粉之前食過，好味而且感覺健康～西瓜涼粉我就冇試過啦～呢度都幾搞笑，連小食都賣埋，個腸粉原來幾好食架！係差在唔夠芝麻，香味唔夠，同埋每條腸粉都比較幼細，口感上差DD。朋友話蕃薯糖水勁重薑味，佢唔係咁鍾意。湯丸就唔知好唔好食啦～唔夠飽的男性友人叫左個咖喱角，據佢講都幾好食。仲有個朋友叫合桃露，我唔記得影相，不過以前我有食過，好足料好香的，朋友應該會鍾意食～綿綿冰的甜品話平又未至於好平，好食亦未至於好好食，但整體而言都唔錯，而且款式好多，任君選擇，值得encore!

食糖水係我O既最愛, 但係冰類甜品從來都唔係我O既喜好可能因為本身係寒底,食D太凍O既野會唔舒服....兩日前同男朋友行旺角,大約4點幾, 天氣都幾熱男朋友就話食D凍野,於是就去左綿綿冰.其實我地一直都知綿綿冰.但綿綿冰一直都唔係太出名,而且之前隔離有間松記,我地一直都冇試過咁正好今次就試下啦我本身就唔食凍野, 所以就叫左個合桃露.佢D合桃露係即磨O既, 所以唔會有凍....合桃味都幾濃, 而且都磨得幾滑另外, 見到呢度D食評好多都讚好呢個芒果脆脆,都叫左兩份試下食落去, 真係幾正, 內脆外軟. 外暖內冷連唔食凍O既O既我都覺得好食外面係爆PANCAKE, 裹面有CREAM 同芒果好味道!!!

一直以來都好想係OPENRICE寫下食評, 記底自己去邊度食野, 食過D咩好野, 有咩唔好;向來都依賴OPENRICE既食評去搵好野食, 但係又唔想去D咁行咁大路既鋪頭, 始終堅信小鋪既自家出品可能會驚喜。睇左幾篇係綿綿冰既食評,覺得唔錯, 決定獻出自己係OPENRICE食評既第一次!星期日下就決定自己去試試,唔係PEAK HOURS去, 希望試到最真最好一刻既出品,一入到鋪, 老細幾欣勤, 幾好既招待, 一坐底已經有介紹。自己睇完個MENU, 諗算試住一款冰先, 就叫左個哈密瓜綿綿冰, 配料係魔豆同埋西瓜大約5分鐘到,綿綿冰已經送到台上先講份量,唔算少,座冰雖然唔高,但係夠橫,加埋有配料係底,算係幾足夠!味道方面, 偏甜左少少, 食得多可能會覺得濟, 但係有埋配料送, 唔單止口感會RICH D, 味道都多一種層次, 減輕偏甜呢個少少缺點,不過本身愛甜既朋友可能會好鍾意總結下今次, 只係食一個冰係因為留肚去下一站, 但呢次來講已經不錯對我來講係好開始, 會有下一次去綿綿冰試其他甜食

尋晚同個自由行親戚係廟街食完飯，再去食綿綿冰食糖水食完佢既感覺係非常之唔錯，於是我決定無acc都出個食評當支持一下，同埋為大陸親戚我地尋晚一行5人，3個親戚連埋我老公啦^^我地在綿綿冰叫左4款野食雜果茱莉花茶涼粉，一個綿綿冰，一個瑞士雞翼同埋幻閃明珠涼粉正，花茶做既，聽老細講好似係自家制，加埋糖水同生果食幾清新綿綿冰係西瓜同哈密瓜味，都叫幾足料，除左冰之外仲有配料，多一種口感！瑞士雞翼好入味，估唔到會係到食熟食，幾有驚喜呀最後一道係幻彩明珠，幾種彩豆合埋佢個奶汁，哈哈唔識形容，總之好feel la順便一題,個老細幾欣勤,態度幾好,又好傾,加分!^^

住左系旺角咁多年,差唔多間間糖水鋪都試過唯獨呢間綿綿冰就真係未入過去.或者係因為以前松記就開系隔離, 會次黎都係去松記,所以就真係未試過綿綿冰廢過唔多講, 入得綿綿冰,梗係要試下綿綿冰!!男人老狗想SWEET下, 就梗係食返個朱古力味綿綿冰.個冰就冇出面果D咁大座山,不過佢有個地方好, 就係佢真係好綿綿同大型連鎖糖水鋪有D出入.感覺上FRESH D朱古力味係偏苦, 唔太甜鍾意食DARK CHOCOLATE O既朋友大可一試鍾意甜O既朋友都係揀其他味好D另外底果D配料呢度都幾多選擇....我就唔記得自己揀左西瓜同埋咩,不過記得味道唔錯!!價錢方面唔太貴,同其他糖水鋪差唔多不過呢度有好處就係地方大,基本上唔使等位.....(唔明點解依家去親邊度食糖水都要排一輪...........)坐得舒服又有電視,下次同一大班FD食糖水都有個好地方!

今晚係佐敦見完客,食埋飯,又唔想咁快返屋企,同同事走左綿綿冰食個冰,REFRESH一下自己我地兩個叫左一個幻影彩虹黎SHARE再叫了一個芒果層層疊個幻影彩虹其實係西瓜同哈密瓜冰溝埋食落係算幾清甜, D配料都唔錯,同個冰好襯好夾,如果可以淡口少少就更好啦食個冰兩口,個芒果層層疊黎埋,好有效率!跟住就試下個芒果層層疊, 正!!!好軟熟好正,正在佢個CREAM同芒果,本身多CREAM好易"留",但係佢多芒果肉,中和番令到成件餅好夾,正!!!!總結黎講呢間野不錯,有下次!!!