緣味小聚 (93WYS)

營業中

休息中

同老公有時都想飲啖茶食個包，知道呢度原來有點心食，放假就即刻同老公黎試吓！黑金流沙包🧸我既至愛當然要試下，流沙包上枱果陣新鮮蒸好，超級熱辣辣，勁軟熟，好香好軟綿，一咬開啲奶黃必晒出黎，勁流心，奶黃味特濃，仲真係有啲蛋黃添！古法馬拉糕🪆馬拉糕係兒時最愛，呢度整得好鬆軟，禁落去會彈上黎添，唔會好甜，甜度適中，香甜清香，熱辣辣咁食味道就更好！酸辣脆蘿蔔🎈蘿蔔唔會太淋，口感好爽脆，食得出蘿蔔既清甜，同時醃得好入味，酸酸辣辣，非常開胃，凍凍地咁食，食到飽咁消滯就岩晒啦！蒜香開邊大蝦蒸飯🎉籠仔蒸飯見到當然要試下，籠仔大細岩岩好，兩個人食份量就岩，食到啖啖荷葉香，啲飯吸收晒大蝦蒸出黎既精華，加埋蒜香，唔駛其他調味已經好香，蝦肉又彈牙爽甜，好高質！

今晚既重點就係蒸氣海鮮，仲要有放題，食足150分鐘！環境✨呢度既環境絕對唔係差，普普通通既裝修但好企理，唔會好污糟坐得好唔舒服，店員態度又好，食得開心！食物質素✨重點既蒸氣海鮮都係用時令海鮮，保證新鮮，款式唔少，搭保食到唔同味道種類既海鮮。龍蝦係勁厚肉，成隻手板咁長，仲要係勁厚肉多肉，蒸熟黎食都仲食到龍蝦既鮮甜！另外火鍋既西班牙黑豚肉就好鮮嫩，軟嫩味濃，肉質岩晒打邊爐，打邊爐既蔬菜都好新鮮，夠晒清甜！仲有點心呢，蟹子卷賣皇有勁大隻蝦，熱辣辣超好食囉，任食好爽！食物款式✨蒸氣海鮮已經有六款，款款都新鮮時令，火鍋配料又有肉有菜有丸有海鮮，點心亦有唔少款式，豐富！

大閘蟹套餐有3隻蟹加海鮮套餐平均每位$330係食唔飽去到水都冇一杯 感覺被迫要加28蚊任飲 服務態度一般仲要係睇網路紅人介紹 感覺有啲欺騙以後都不會再去不要信廣告

朋友生日，一於同佢去食海鮮蒸鍋，我哋去觀塘嘅緣味小聚食。餐廳夠晒大，座位都坐得好舒服，環境乾淨食得好放心。呢個餐嘅重點係任食150 min 厚肉龍蝦🦞再配上一次性嘅海鮮蒸氣鍋。150 mm嘅厚肉龍蝦比想像中多肉，龍蝦肉大大件，淡淡都係龍蝦鮮味，肉質又夠爽，食得好過癮。個一次性蒸鍋海鮮都唔錯，有聖子，生蠔，鮑魚，蝦，蜆肉。每樣都夠新鮮，清蒸都已經好鮮甜。另一個特色就係呢個套餐，有包任食火鍋和點心。食完咁多海鮮，當然要食返啲菜，淥D大白菜🥬，南瓜，蘿蔔，粟米，生菜，豆腐，補充纖維。消化到咁上下，就再食返啲點心，點心即叫即蒸，呢個一吃難忘小籠包，皮薄餡靚。

喺kkday買咗大閘蟹套餐三隻大閘蟹套餐 其實食物都ok算新鮮 但係成餐飯係唔飽 水都冇一杯一定要加$28任飲 感覺有啲被迫 服務態度又一般唔會再有下次，呢個價錢 出面大把選擇 初初仲要係睇影片分享網站介紹先上嚟食 感覺係有啲伏

新同事第一日返工，緊係要同佢嚟🔅緣味小聚🔅飲茶食點心先得☺️呢度嘅點心製作認真，廚師嘅手藝高超，價錢又唔貴，絕對係觀塘抵食夾大件嘅代表🤎📍古法馬拉糕｜好鬆厚蓬鬆，蛋香味十足，唔會太甜📍蜜汁叉燒包｜熱辣辣拎上手小心辣手😆蜜汁調味適中，叉燒肥瘦均勻，餡料豐富多肉📍黑金流沙包｜一搣開個包裡面嘅奶黃就湧出嚟，非常流心😮奶黃加入鹹蛋黃，食落甘香濃郁📍緣味鮮蝦餃皇｜飽滿又大隻嘅蝦餃，餃皮煙韌唔厚，餡多結實，優秀嘅一粒蝦餃🥰

終於到月尾，期待已久的同事聚餐終於搞得成👱♀️👨🏻🦰👩🏼🦰🧑🏻🦰👨🏻，選擇左公司附近既呢間餐廳，因為地方寬落，最適合我地，所以提早一個星期BOOK 左150 min 海鮮蒸鍋，所以唔洗等位，一去到就可以入去啦！💼👜✨扇貝，鮑魚，蝦，生蠔，龍蝦✨扇貝是這道菜的亮點之一。它們鮮嫩多汁，口感極為柔滑。蝦和龍蝦提供了豐富的口感和鮮甜的味道。蝦肉飽滿，質地鮮嫩，與其他海鮮的風味相得益彰。生蠔作為海鮮蒸鍋的一部分，帶來了一種獨特的風味和口感。✨除了海鮮，這道菜還搭配了新鮮娃娃菜，為整個蒸鍋增添了一份清新的氣息。。✨此外，這道菜還有一道川味口水雞和魚蛋。夠爽口而且好入味。總括而言，性價比好高，個個同事都食到舔舔利，值得下次再來食，哈哈！

第一次忍唔住要寫食評，因為真係伏到無人有，本身上網睇見到有人話好，想試好耐，試過推介其他朋友一齊食，但被拒絕，原因係（伏到無朋友），但我呢次搵到另一個朋友係琴晚試左。結論：大佬，無下次同不約而同都想寫人生第一次食評：-琴晚7點上到去，好快安排到位，因為無用任何coupon，員工推介下就咁點左個大閘蟹套餐368，另加二十幾任飲費用，我果枱好快上大閘蟹，真係X(自己加上助語詞），我打開第一隻係臭嘅，差d嘔左出嚟，觀感即時無曬，同員工講，換左另一隻上嚟，味道不過不失。之後就上龍蝦，其他海鮮等，份量唔係多，員工係隔離幫手蒸。-呢個時候見到隔離枱同個員工講點解等咁嬲都未上到（我到果陣已經見到佢地係到，我食到一半，佢地仲未上菜，目測面已黑曬）。好快咁個套餐就食曬，但係同fd感覺唔到飽肚，員工推介可以再嗌野食（心諗X啊！仲嗌，未伏夠啊，4舊水食唔飽仲要再嗌，食放題食到嘔啦！）員工仲時不時行過嚟問唔飽可以再加，d野都抵食。-最後同朋友飲多幾罐野走人，埋單每人436，大家都X左出嚟，咁嘅價錢，加多少少buffet 就食左啦。。仲要食到唔飽利申，本身人懶唔想寫野，但呢次人生第一次寫。

睇到App內有"$298套餐"有64折優惠(另加每位$48茶芥)，心想前來一試..龍蝦ok(肉質爽實頗鮮味)，(點心)蒸包幾好味(香口軟綿)，其他的不用多說，兩個字講完。。「伏」+「服」

星期日中午book左一行5人食龍蝦海鮮放題, 可能下雨,唔多人, 員工超級好, 會幫忙蒸, 亦會推介美食,仲會提點幾時要打边爐. 枱是真的比較迫, 还好, 可能因為唔多人, 员工體貼加多了一張细枱給我們放海鮮, 食物. 海鮮都好新鲜, 特別是龍蝦, 又大又新鮮,超彈牙. 仲有韓國飽魚,上枱还在動, 好林. 蜆,蝦都大及鮮. 细勝子 及帶子就冇味道. 蠔就order粉絲蒸蠔比較好食. 食左幾轉蒸海鮮, 小食都滿足了, 边爐就相對唔吸引,冇乜好食. 另外直得一提, 點心比一般酒樓好食,即叫即蒸,特別是甜品乜糕物糕, 唔太甜,正. 甘㗎價錢,估唔到有甘好食物質數同服務

環境和衛生都ok，但是一進去好大海味，可口食品缺少之又少，生蠔以為是肥美的，結果少到一眼看到都不想吃，唯獨這裡的蝦比較美味，這裡的蒸汽火鍋可以說是一塌糊塗，不過有一說一，只有椰香火鍋好吃，服務態度，一進到去那家餐廳就說了很多遍小心細菌感染，還有一直催我們要快點吃完，細菌感染就不好了，知道這是好意，但這份好意受不起，還有就是結賬的時候，我們給了她看收據，結果她突然冒出來個1800hkd的價格，然後我們才解釋說是我們是8號台，她又說你們提醒我一下不就行了嗎？食品種類4/10環境衛生7/10服務態度2/10

今天到觀塘緣味小聚食放題，點了龍蝦海鮮餐( 348醬油費20元加一！）老公生日（因為做咗會員）持咭者可以免費用餐，其餘人8點前埋單可以減8 0𠻹！🦞半隻（鮑魚、海蝦、聖子仔、帆立貝、蜆任食呀。打埋邊爐肚都飽飽、下次一定再來🌞

今天到了觀塘缘味小聚食放題3小時龍虾餐，有生蠔，虾，蜆，貝殼任食，(龍虾半隻)非常味美新鮮，汽水啤酒多種任飲，一行6人食得非常滿意，😄😄😄打邊爐又有椰水粥鍋，蕃茄茨仔鍋，香茜皮蛋鍋選一個

今日去緣味小聚觀塘，食放題，一到步，已有人介紹優惠服務，348元加2O元配料，加一服務，有半隻澳洲龍蝦，海鮮（多種）先蒸後打邊爐，汽水啤酒任飲多種，3小時食到飽，服務一流，買了金咭599元一位即減半價同行3位可減多5O元，開心消費，正到痺。

今天到訪……海鮮美味……服務一流……地方整潔……侍應又主動代蒸……經理介紹優惠又好……由其(謝經理)……本人即時買了鑽咭做會員、999元下次包房用……正合家庭聚會……澳洲龍蝦鮮甜、鮑魚新鮮……椰子水粥鍋清甜美味……環境清潔……8點前埋單每人減8o大元