緣味小聚 (93WYS)

營業中

休息中

睇完YouTube介紹 即時訂位食佢的大閘蟹放題連羊腩煲任食498蚊一位還要加一點知惡夢開始羊腩好似食緊擦紙膠大閘蟹叫了12隻有6隻是臭的叫服務員過來佢竟然話我點解咁唔好彩而不是第一時間更換服務差到極點其他食物也不用提但都有一樣好食的竟然係豉油

這店管理差到爆炸。 地板油膩滑到潘冰甘。😤叫侍應係無人應，QR落單叫的蒸野從來無出現過。 叫大閘蟹由坐低開始點，等左1.5小時都仲話蒸緊😡， 鮑魚有煙灰。 堆到成枱碟，唔叫人來收，店員係唔會主動做的。頂唔順要走去老闆到投訴，先比6隻蟹來。 叫碟口水雞，好似垃圾甘堆比你，好似煲完湯的殼再加醬上去😓真係唔會再有下次來 從未在香港食嘢食到一肚氣。🥵😡

我喜歡吃海鮮，但彷間的海鮮又貴又份量小！今次試呢間蒸氣海鮮，其中一個套餐有任食海鮮 有法國生蠔丶鮑魚丶蜆，重有M5牛任食場內嘅汽水啤酒都係任飲！一坐低就送上三小碟，青瓜，蘿蔔同雞 第一樣嚟咗海鮮拼盤，海鮮新鮮 法國生蠔好大隻啊！蟶子雖然細不過鮮甜，海蝦蝦肉彈牙店員細心的幫我哋蒸海鮮同幫我哋拆殼避免蒸過頭或者唔識蒸嘅情況！ 蒸咗十分鐘之後，店員幫我哋打開榖 生蠔清爽充滿蠔味蜆肉每粒都脹卜卜， 肉質爽口之後就食肉啦，松露蒸雞！雞肉滑香氣撲鼻m5 牛，油脂平均牛肉味濃郁最後甜品係蒸糕點推介紅棗糕，香甜紅棗味濃郁 係openrice book位仲會有折扣, 呢個價錢食到任食海鮮真係抵，而且海鮮質素高又夠新鮮！推介

一個月之內食咗三次, 第一次係朋友介紹。來到才知道可以買現金券, 用現金券變相有折, 扺。第一次試食, 無買現金券, 食套餐, 價錢合理。第二次食, 任食, 買現金券, 抵, 掛住食, 無影相。今日第三次食, 因為抵食, 同另外朋友來。試主打蠔任食的套餐。今次中午後2:30食, 悠悠閒閒, 可以先影相。蠔, 鮑魚, 白貝, BB蟶子, 蝦, 全部任食, 正！其他肉我們只食牛肉. 澳洲M5及安格斯也可以。肉我都是蒸, 個餐可以蒸完打邊爐, 還有很多打邊爐食材。因為食海鮮加牛肉都夠飽, 所以只蒸就算。汽水之類正常品牌, 也有啤酒, 個餐包任飲。另外有熟食點心(正常)及甜點(好食), 加分。

話說呢間蒸海鮮都食過幾次但係都係喺旺角食 旺角間舖呢就太細喇 一出𨋢就已經係到鋪鋪頭人來人往好唔方便話說知道佢觀塘有分店我哋特登去咗觀塘食咗一次咁見佢個餐牌 有兩個價錢 一個食龍蝦 另外一個係食生蠔 我哋叫咗個食生蠔嘅生蠔任食 我哋酒店一安一開始order 嗌咗六隻生蠔 蒸咗之後好滑好好食 再柯打咗再八隻 跟住再柯打其他你小食最值得一提嘅佢嘅鹹雞啲雞肉好嫩滑 唯一美中不足嘅 就係佢嘅木耳青瓜 輸咗畀旺角 我哋食咗兩個半鐘頭 一共食咗好多生蠔魚 a5和牛 蜆蛤 之類嘅嘢 最值得推介嘅就5a和牛同埋生蠔因為我哋係任食生蠔所以冇龍蝦食 如果鍾意食生蠔嘅話呢個餐會好抵食任食咁就 好滑好滑 值得一試

$388包龍蝦海鮮盤：龍蝦一人半隻，味道可以，韓國大飽魚每人一隻，味道一般，蘇格蘭蟶子皇一人一隻好細隻，大海蝦每人兩條，唔太新鮮，蕃薯貝及貝殼類，每人4粒，又糸唔太新鮮，煮左好耐都冇開，另外送走地雞半隻，d粥完全冇味，重要另收加一及茶芥醬油料每位收$48，星期五，六，日及公眾假期每位加收$20，冇冷氣，地方又迫，晤會再泥

預訂咗8點，我7點九到，現場目測地方唔大，得十幾張4至6人枱，只有兩張枱食緊蒸氣鍋，心想無人幫 襯?但一場嚟到就試下，我點咗338嗰餐，嗰餐包龍蝦半隻/海蝦2隻/鮑魚1隻 /蜆 /帶子1隻/蟹半隻，但餐牌是寫蟶子皇，但餐廳自行改咗帶子，好彩帶子好大粒，海鮮都好新鮮，龍蝦好大隻，重有鲍魚同蜆任食，火鍋任食，小食任食，點心任食，不過大部份都係包類同糕類，小龍包，黑糖糕好味，最好重有罐裝喜力入油，牛肉有牛味，但豬雞就一般

第一次sell我地買券就好聲好氣，第二次上去食，買券個陣明明講話減$60，用個陣就話減$30。問佢攞Qr code落單攞左幾次都冇，仲要勁惡咁話師傅整梗，未食已經成肚氣🤦🏻‍♀️不過野食係幾好食，係態度差咗啲🌚

之前係Kkday 搶到快閃買一送一買左2套同屋企人去食蒸海鮮4條友本身以為冇乜嘢食但食埋個粥底，飽到搞唔掂😂😂海鮮其實都係唔多，總共6款圖顯示已經係全部龍蝦🦞花甲🐚番薯甲🐚聖子🐚鮑魚🐚蝦🦐鏡頭後仲有🐥一隻雞(4人份量)我覺得最飽係每人有半隻好大隻嘅龍蝦🦞肉質新鮮有咬口，仲有滿滿嘅龍蝦膏食完勁滿足🤤半隻雞蒸半隻雞煲粥粥底吸收晒海鮮嘅精華，鹽都唔使落已經好有鮮味食完真係飽到嘔電⚡️🤣唔知喺咪KKday買有特別服務我哋每次想蒸海鮮嗰陣都有專人服務食得舒服又開心🥳

大約早個半星期前，我地3個人經KKday訂了2人半價餐（如圖）$388 再另外現場付款1人，送上來的餐已放了很久，因當時仍等人中，侍應有走過來較爐，到齊人時，其中一位查回套餐資料，發現沒有大蝦，當我們同侍應講時，佢好似感我地煩，覺得漏嘢好正常，佢講：。哦，咁加番幾隻比你囉！我食過幾間蒸煱，此間海鮮麻麻，龍蝦唔鮮，聖子細仔，d蜆好細，跟住唔係太夠，加了一碟和牛片（8-10片），一碟魚片，一碟娃娃菜 ，和牛片，味道同普通肥牛冇分別，最差係食完之後才發現冇粥底！！之後向店反映，佢話可能同事忘記了，下次再來補回可以？ 咁我地無理由因為咁比多次錢，又走出去食呀！ $388+$530=918

第五波疫情翻天覆地！社交距離措施放寬前一日，約老友去呢度食午餐。店鋪好細…枱吾多，二人限聚下，兩個人可以坐一張四人卡位，卡位腳下好窄，出入都幾論盡。原先以為海鮮盆之外是自助取點心，原來係落點心紙，罐裝飲品和啤酒是自助的。侍應生建議食完蒸海鮮至落單食點心；入座半小時，先來咸雞和麻辣青瓜木耳做小食，無甚驚喜。然後海鮮盆上桌，開邊龍蝦仍然生猛！侍應生幫忙蒸熟再分碟，服務殷勤有禮。龍蝦肉厚有膏，鮮甜彈牙！加返分！肉蟹具類亦鮮甜，但任食的牛肉就麻麻…好鞋吓。點心選擇不多，試了三款流沙飽，“小心流沙飽”最好味。粥底蒸了海鮮打過邊爐，小心隔咗上面果層渣，試了少少粥水，有濃濃的芋香和龍蝦香！三個鐘，埋單每人$300，一試無妨。

呢排做嘢壓力好鬼大，兄弟們知道左後即刻話要陪我傾下計，要去食反餐好去釋放反d吾好嘅情緒。佢哋就提議去食海鮮蒸氣鍋，佢地帶左我去呢間係觀塘偉業街嘅緣味小聚，呢間可以任食三個鐘！個海鮮盛盤好吸睛，我都即刻蒸咗厚肉龍蝦先，好鬼鮮甜，最鍾意咁樣清蒸，夠晒原汁原味！跟住就到蒸肉蟹啦，又一驚喜，超多蟹膏，必食呀！海蝦又夠新鮮，就咁點豉油都好滋味！仲有佢嗰啲點心都係任食，點心唔係Hea整嗰d, 都好有質素，糕點d賣相都唔錯！食到好食既野果然可以釋放壓力，化悲憤為食糧！

今日同老公都想食海鮮火鍋，结果就近近地喺附近揀咗呢一間位於偉業街緣味小聚去享受我地嘅晚餐。🍽🏡👨‍👩‍👧‍👦🤤🤤🤤其實平時行過都想試好耐，今日終於有機會試到。😍😍😍價錢好優惠，有成180分鐘嘅時間慢慢食！餐廳環境闊落，坐得舒服！😌😌☺️☺️我同老公都好滿意佢個🐟🦀🐙🦞🦐海鮮盛盤，樣樣都大大件，食落都非常鮮甜！厚肉龍蝦唔係講笑真係食落啖啖肉，超正！蜆肉又係肥美，簡直鮮甜無比！🍚🍚🍚到食粥底鍋嗰陣，吸收晒海鮮嘅精華，所以煲出來嘅粥更加綿密鮮味！另外，備有小食同埋澳洲M五和牛🥩都係任食嘅！小食鴨腎都惹味十足！

好耐冇食過海鮮啦！今日心癢癢好想食，即刻同老公去咗觀塘位於偉業街緣味小聚食蒸海鮮！入到餐廳都覺得幾乾淨，環境夠大夠寬敞！仲可以食足180分鐘，唔洗急急腳咁走！上咗盤海鮮之後，見到d海鮮全部都好新鮮，見到隻肉蟹即刻忍唔住要蒸嚟食先！蟹肉細嫩、蟹膏爽滑，越吃越過癮！椰皇水粥底認清甜甜咁，啲粥每啖食落都鮮味重重！小食都有好幾款而且任食，我特別鍾意係佢個魚皮，個口感好正好爽，老公都讚不絕口！會再返嚟encore！

今日同屋企人食生日飯，揀咗間係觀塘緣味小聚食蒸海鮮！入到去，環境寬敞，採光又明亮，我同屋企人都好喜歡呢度嘅用餐環境！咁一嚟就會有個海鮮盛盤，海鮮食材道道都很新鮮！第一時間就即刻蒸咗厚肉龍蝦先啦，簡直無得輸，肉質鮮嫩又大隻！之後到食肉蟹，非常肥美又鮮咁，蟹膏多到我流晒口水！食海鮮都已經夠晒飽，但係唔可以錯過佢個粥底，完全將海鮮嘅精華吸收晒，每啖粥食落都係滿滿嘅幸福感！小食鴨腎都好食到停唔到口，大家可以放心食小食，因為都係任食架！