緣味小聚 (93WYS)

營業中

休息中

留意，長文!!!食前一天打去問，到埋單，竟然出現三個價錢，而且職員態度超差，特別係姓謝既男部長今日去食，食之前一日打定電話訂位及問職員詳情，查詢現場及openrice嘅價格及餐單內容分別，職員就推介唔好喺openrice度買，話現場食完畀錢平過openrice，因為未食過，問得詳細啲時間耐左，女職員都態度一般，前後傾咗十分鐘左近，職員表示8點前埋單，食180分鐘，每位埋單價325，咩都計曬，叫我放心!到今日下午4：51到達餐廳（收據帳單電腦單列明），我問短頭髮女職員，埋單要幾錢，諗住問多次，點知佢回覆食完再計，我就諗，會唔會係怕客人未食完浪費，會將未食完既食物收錢，因為任食通常都係咁，所以無再問(依家諗番起就奇怪)！去到時得一檯客，一男一女，我地被安排坐佢隔離，個女食客望住做出唔開心唔滿意既樣，原來佢叫左埋單，但無人理會，最後佢親自走去收銀位置比錢，返埋座位前經過我隔離，比眼色我，再講啲職員態度好差，咁我個已經驚一驚，明白網上講既可能係真，心諗算啦，試一次吧!之後諗住去雪櫃度飲番罐飲品，因為個餐係任飲，點知姓謝既男部長就唔多有善既態度，話等職員攞QR code落單攞野飲，點知等到有co

無下次食評稿件睇完youtuber Stephen Leung介紹，覺得價錢合理咪去試吓！其實Open Rice comment己經麻麻地….…有伏!蛤及蠔有啲己死有嗅味！我食嘅龍蝦正常，但隔離枱一家三口，個女發現有香口膠在半邊龍蝦上面！即時同經理反映！結果當然不了了之，無人會應！換番半邊比你！我兩位食3小時海鮮放題，2小時15分鐘last order,跟手結賬！員工開始收拾碗碟，但我繼續傾偈飲埋己開嘅啤酒！3小時10分伙記開始不耐煩，話時間已比多咗你哋喇，請離開！己經晚上9：25,地方唔大又無人等位，仲有幾張空枱，我傾偈絕對不影響你做生意，但語氣相當令人反感,你寫明收02:00.如果社會開始復常，老闆以為做生意可以唔憂做或請着個倒米嘅伙記，我就祝你好運！一句到尾…無下次!觀塘店仲話有幾層係佢哋！死得喇，消費者們請睇埋真實食評才好幫襯！You Tuber嘅善稿，大家好好考慮吓!

從未食過那麼差的海鮮冇味道的雪藏貨色自稱M5和牛但只是用街市$80/磅太過份！粥底火鍋，粥底古怪！其他舖頭用椰青水，佢哋用椰子肉加水😣非不再幫襯！環境一般，坐耐些也不願意🫣

朋友介紹，即管一試。勁伏。我哋兩位，坐喺豆膶咁細張枱，即係13 號枱。張枱擺咗個蒸爐，已經唔夠位擺個蓋。唔好講啲嘢食上菜時，一個人要攞住個蓋，另一個人擺嘢食上去。上左三樣野張枱已經冇位。張枱搖到不得了，個蒸鍋就喺上面搖來要去。二人枱唔單止好迫，上面仲要冇抽氣，一拿起隻杯飲野熱過辣雞。坐低冇位擺袋，有一個膠兜喺地下，好似痰罐咁，俾人倒垃圾、倒殼，我未食已經見到隻曱甴。環境衛生好惡劣。食物嘅質素好差，俾300幾蚊，龍蝦冇龍蝦味，牛好一般，好薄，蝦係草蝦，烏冬係兩三蚊嘅烏冬，叫咗兩輪海鮮只係上左一輪。呀姐執嘢好那西。執一張枱，又跌蓋，又跌碟。咁嘅食物質素，咁嘅環境，唔值三百幾蚊一位。仲要收你醬油錢，仲叫你做會員？劣食，食唔到兩個鐘，最後冇等佢上埋漏咗嘅海鮮，一定唔會再試。二人$798 埋單

今日同同事黎左食左午餐！ 食左呢到有個蒸蝦飯，用籠仔蒸，超驚喜既味道，d蒜香同蝦味滲哂入個飯到，又香又鮮甜，100分味道，又唔貴，超級推介！屈機之作！滑雞籠飯都好味，雞味滲哂入飯入面！口水雞既辣度岩岩好，仲有好多點心，全部價錢都唔貴，點心味道算正常，食左蝦餃燒賣，但最最推薦既都係蝦蒸籠飯！出面好少見架！甜品食左個紅棗糕都幾好食！ 薑味糕就麻麻喇見到有d 餐都幾平下、同樓下麻辣小聚同一集團，滿座會去樓下坐，樓下既酸菜魚都係又平又好食～

觀塘180分鐘蒸氣海鮮放題，價錢係$348再減$50，即係$298一位咋！首先會上個海鮮拼盤，有龍蝦，南非鮑魚，法國生蠔，海蝦，聖子，大蜆。仲有店員專人服務，幫我地一樣一樣咁蒸，計好晒時間，啲海鮮蒸到啱啱好！龍蝦好厚肉而且肉質彈牙鮮甜，鮑魚蒸到剛剛好完全一啲都唔會靭，聖子同海蝦都好爽口，生蠔肥美鮮甜！我地蒸完海鮮食就加左個粥底椰子雞湯打邊爐，除左海鮮拼盤，仲有好多配料可以任叫。我地叫左安格斯肥牛，安格斯牛肩胛，澳洲M5和牛，西班牙黑毛豬，肉類質素都幾好！蔬菜選擇亦好多，我地點左生菜，金菇，萵筍，冬瓜，栗米，南瓜，娃娃菜，蔬菜都好新鮮，每份份量唔多，食完再點唔會浪廢食物。另外仲點左海帶結，魚皮，響玲，陳皮魚蛋，芝心丸，豆卜，水餃，應有盡有！

蒸氣海鮮火鍋近年好受香港人歡迎，今晚朋友推介來觀塘呢間火鍋店，貪佢食材新鮮高質😎 裝修簡潔，座位闊落，價位公道，人均三百蚊左右已可以品嚐到各式各樣嘅海鮮😃😃 包括和牛任食嘅粥底打邊爐🍲各款小食，飲品🥤唔同時段仲有唔同嘅折扣，有啲時段去到四折咁抵😍😍真係平到癲🥳🌟120分鐘蒸氣海鮮放題$298（平日時段優惠六折）升級優惠$59.8（粥底火鍋+小食）蒸氣海鮮🦞係一樣一樣蒸，店員會幫手計好每一款海鮮所需時間，蒸出來嘅效果好完美，啱啱好👍 龍蝦🦞鮮甜彈牙，南非鮑魚爽脆又鮮味十足😚 鮮牛同豬肉片好嫩滑，跟餐仲有蟲草花蒸雞，一個字：滑😌 勁推介🫶🏻 之後仲有海鮮粥底火鍋，火鍋配料豐富，應有盡有，超滿足😍😍最後仲有勁多款點心任食，我哋點咗竹炭流心奶黃包，小籠包，薑汁千層糕，紅棗糕，全部都係熱辣辣高質，真心推介🫶🏻店員熱情招待，態度親切有禮，見隔離枱有人食麻辣小菜，下次再約埋朋友一齊來試吓先😄

我自己就好鍾意食海鮮，估唔到午市嘅時侯都食到海鮮蒸氣鍋。今次介紹嘅《緣味小聚》就為位偉業街93WYS。觀塘番工嘅朋友就隨時隨地都可以食到。120分鐘厚肉龍蝦海鮮蒸汽鍋 $298-生猛厚肉龍蝦半隻-韓國大鮑魚-精選法國生蠔-扎扎跳大海蝦-新鮮BB蟶子-鮮甜貝殼類-安格斯肥牛-西班牙黑毛豬-手打牛肉球-有機雙寶蔬-蟲草花滑雞蒸陳村粉-黑金流沙包龍蝦睇落非常新鮮，肉質晶凝通透，蒸10分鐘就可以食得。食落好鮮甜美味。另外法國生蠔都幾大隻，蒸完食好鮮甜。另外仲有蟶子、蜆同埋鮮蝦、鮑魚，每款都幾新鮮。食完海鮮就可以蒸肉類，我就第一次蒸黑毛豬同埋肥牛，食落感覺好健康又唔會油膩。食完肉類仲可以蒸埋蔬菜。最後仲有蟲草花滑雞蒸陳村粉，陳村粉吸引哂啲雞汁，非常香濃。甜品就係黑金流沙包，香甜又流心，食到好飽呀。緣味小聚 (93WYS) (觀塘)觀塘偉業街93號93WYS20樓

海鮮不錯，十分鮮味，加埋有任食火鍋，價錢合理，可惜沒有小童價。（本身見到有you tuber介紹）地點方面：距離地鐵站有十多分鐘時間，剛巧離開時下雨，一路行都沒有得遮雨，大家要考慮交通。如果喜歡吃海鮮和任吃火鍋都可以去

開始由打電話黎話乜都有，點知黎到真係乜都冇，服務又差、正常人頭碗碟都無準備好，要乜無乜咁滯，問佢有啲乜靜係識講正常打邊爐有既野，明明約左係20樓食一去到叫左人落15樓一間完全唔同名既鋪頭，野又唔好食，認真唔會有下次，上網睇同去到現場完全兩回事，呢間野真係好伏，真係好小可會食到一班人都燥底，又不停催人走，唔會有下次，唔會有下次，唔會有下次，完！！！😡😡😡😡😡😡😡😡😡😡😡😡😡😡

又係買咗OpenRice嘅團購大閘蟹，去到真係食垃圾，唔飽。以後唔會再信OpenRice啲推薦同食評！我哋2個人，坐摺台，逼到台面擺唔到野。 所以全程電話放手袋，冇影過相。啲蟹又臭又細，仲要完全冇洗過，污糟到連發泡膠盒啲發泡膠都仲痴住隻蟹。啲蝦係死嘅，全部海鮮都唔新鮮。 我寧願你收貴少少，都唔好俾啲垃圾客人食。真係會食壞人的。之後上左一碟蔬菜， 都係似街市賣唔出果啲質素。 其後上肉，豬同牛薄過張紙，每人得4片。 仲要啲豬勁騷，咬一啖就全部嘔返晒出嚟。 一啲都唔飽，比2件糕點填肚。 食完我翻到屋企屙左2轉。地點話觀塘，結果我由觀塘行到差不多去九龍灣地鐵站先搵到棟野。 除左一個短頭髮阿姐服務好好之外，其他野全部0分。

10月22日星期六晚團購左$296大閘蟹套餐！已知要加醬油費$48元，点知話星期六，日再加$20，即要比每位$68！套餐係大閘蟹每位四隻(約2一3両)波士頓龍蝦半隻😑鮑魚一隻(鮑魚仔2隻)因為無聖子比多隻魚聖子一隻(無)虾1份(死虾2隻)貝殼類1份，流沙包1個，甜品1件，蔬菜1份，牛肉1份(兩片)，黑毛豬1份(兩片)最有問題喺醬油收每位$68蚊(1小碟)太過份！死虾虾頭變黑忘記影相沒下次

差到冇話可說！啲食物根本完全唔得，大閘蟹細隻都算，仲臭，換幾次，最後決定放餘下兩個鐘轉場，無以後！衛生環境、員工態度好差好差好差！老闆，你收得客人錢，其實你有冇良心呀？

話說緣味小聚出咗羊腩煲大閘蟹任食 星期四晚打電話去訂咗位 尋日星期五打算去食 我book咗十二點鐘咁我十二點鐘就上到去 見佢開咗門就入職咗安心出去就入去 個姐姐好唔禮貌咁講叫我哋啲安心出行我回應佢我哋已經去做咗只係爭佢驗證嘅轉頭幫我哋驗證叫我哋自己搵個位隨便坐 咁我哋一行二人就搵咗個卡位坐低佢又跟住同我哋講 你坐嘅係4人位 人體轉頭一陣間人多食飯叫我哋坐二人枱 咁我同佢講可唔可以坐卡位佢話唔得 中午人太多小朋友坐二人枱等我問佢點解頭先你唔帶我哋去咗呢又叫我哋隨便自己搵個心水位坐搵到之後又話唔得 我覺得個員工係做嘢冇禮貌同埋好乸西 既然你唔打算畀我呢坐四人枱嘅時候點解你唔帶我入去坐最後就佢鬧返咗冇食到因為你咁嘅服務態度我坐喺度食都冇意思 如果想去呢一間觀塘店食嘢嘅朋友你要考慮下佢哋嘅服務態度

一年一度食大閘蟹嘅季節又到啦😍今年九月食過一次相x之後真係十分之失望😮‍💨😮‍💨😮‍💨諗住今年要逐隻買返屋企自己食啦🥲🥲🥲好彩嗰日朋友介紹咗我嚟呢一間小店😍我尋日食嘅時候係星期一嚟嘅，咁佢哋個收費係每位$468，如果要任食海鮮嘅話就要加每位$30😆但係上面張宣傳單張係冇寫嘅，算啦$30梗係照加啦😅成晚嘅主角當然係大閘蟹啦😍😍😍呢度完全冇呃鐘，唔會俾啲死蟹臭蟹比你👍👍👍呢個真心要讚👍👍👍仲有呢度出蟹好快，啲員工又有禮貌，上次食嗰間相x比，簡直係天堂同地獄😮‍💨😮‍💨😮‍💨呢個時候食蟹乸係最好食嘅啖啖甘香，充滿幸福嘅感覺尋晚食佢哋啲蟹公都好正😍😍😍淡淡流沙蟹膏💗正呀😍仲要啲蟹腳每一隻都脹卜卜，真係食埋啲腳都可以唔會嘥時間，平時小妹食大閘蟹放題都唔會食佢哋啲腳😆仲有小妹最鍾意食嘅雞煲😍不過我都係食咗少少😆因為留返啲戰鬥力食蟹😅同場仲有羊腩煲任食😆鍾意食羊腩嘅朋友仔千祈唔好放過雖然小妹唔食羊，但同台朋友都話正👍鮑魚都係無限任食新鮮彈牙😍小妹都食咗一打😆真係性價比超高佢哋仲有點心都係任食嘅，但係想去掛住食蟹好多點心都冇影相😅呢度真係超級正，尋日食完，嚟緊19號又去下佢哋旺角分店同其他同事去食下先