緣味小聚 (金百利廣場) (已結業)

♥️全日都係行街日，又要出去買野整野，搞一大輪都要醫醫肚，黎到緣味小聚食點心，呢度好闊落，環境有茶餐廳既港式感覺，整齊簡單既裝修，絕對無花巧，跟朋友來到試試♦️野生椒炒牛肉♦️♥️點了幾款點心同炒既菜式，呢一碟野生椒炒牛肉係好食到不特了，成個菜式中間會有一種調味合拼，令到佢地好夾味，牛肉好嫩滑，加上野生椒，營養均勻好好食，又夠獲氣♥️♦️紅燒乳鴿♦️♥️呢個係燒出黎既乳鴿，燒到佢個皮又紅又脆，好有口感，本身唔洗加調味已經好夠味，仲有一份燒烤既香味，食起上來好滋味，肉質都好靚♥️♦️緣味鮮蝦餃皇♦️呢份點心，清清地又好好食，佢地既點心都好新鮮呀，入面既蝦都好有鮮味，真係招牌點心，睇到好多人都有食♥️♦️一吃難忘小籠包♦️♥️呢度既小籠包好高質，全部都係大師父整，整小籠包既技術好好，小籠包皮薄料靚，入面仲有成袋湯汁份量，做到咁好食，真係唔容易♥️

一直都覺得海鮮蒸鍋應該都唔會好食得去邊，質素應該都係普普通通的。但估唔到呢間餐廳還是挺好的！竟然有大大龍蝦仲要有膏啊，龍蝦肉配膏食感覺係更鮮甜啊。其他海鮮還有扇貝，鮑魚，蝦，聖子，生蠔。每一種海鮮都係好食又彈牙又鮮的。特別係用蒸的方式更加能夠食到海鮮的鮮味同係原汁原味。然後，就是火鍋了，我覺得火鍋就沒有太大特別了但都係有好多食物揀的，大部分食物都是平常打邊爐都會食嘅嘢都有齊哂，唔洗驚冇嘢哂食，真係一定會有食物岩你食！整體打邊爐質素都係幾好的。而都有啲小食可以叫的，都係辣味小食，就食咗手拍爽青瓜同口水雞！青瓜比較清新，爽口，口水雞冇雪味都係辣辣的！

今次去呢間中菜食點心都係第一次。佢既服務真係要讚👍🏻 會主動幫手斟茶之餘，大肚嘅我，員工見到即刻攞個咕𠱸比我墊住條腰，呢個舉動非常窩心🥰今日老公話事由佢點餐，我要求一定要點酸菜魚呢😍難忘酸菜魚本身我就好鍾意❤️酸菜魚，所以毫無懸念咁樣叫咗。口感層次豐富，充滿不膩不油個種滋味無窮。個湯好濃郁，有好多配菜在內，每一口都勁美味。推薦！👍🏼回味蘑菇包。超可愛QQ😍高顏值的蘑菇造型，唔忍心撕開佢嚟食呢。外皮口感鬆軟，甜絲絲的。蟹子燒賣皇，好耐無食燒賣了😋百份百懷舊風味，大大粒有口感，加杯茶，正到一個點。紅燒乳鴿，激讚！😇真係兩個字好到位咁形容，即叫即燒！佢果種脆皮紅燒味係真係呢度先食得到🤩有別於其他酒樓、燒味店既味道。私心推薦的一間餐廳❤️服務員超貼心有留意客人的各種需要。食物材料上乘，味道到位！價錢亦物超所值，可媲美得上其他攞咗星星的餐廳🍴

朋友生日，佢好鍾意食海鮮，於是請佢嚟呢間餐廳食海鮮蒸鍋，兩個人叫咗個150分鐘海鮮蒸鍋放題，有海鮮蒸鍋，火鍋，和點心食。任食每位都係$368，材料新鮮又豐富，真係抵食到爆！海鮮蒸鍋非常豐富，每人都有六款海鮮，每一種都新鮮又好味。厚肉龍蝦🦞半隻，龍蝦肉口又鮮甜，食得出係新鮮嘅，有夠彈牙，啖啖好滋味。韓國大鮑魚🦪一隻，鮑魚大大隻，食落去每一啖都係肉好有口感，鮑魚肉越嚼越鮮甜，滋味十足。鮮格蘭蟶子皇一隻，蟶子大大條又係鮮甜到不得了，清蒸完就咁食已經好好味，不愧係蟶子皇。法國生蠔🦪一隻，呢一隻法國生蠔真係極品，大大隻又夠滑，充滿法國海水味😂，又肥又厚肉，成口都充滿蠔味。海生蝦🦐🦐二隻，海蝦就係普通嘅海蝦，但係夠新鮮，爽口又鮮甜，好滋味！爽甜貝殼3隻，三隻大大隻嘅蜆，蜆肉又甜又彈牙，而且仲吐乾淨晒啲沙，全部都係鮮甜味。火鍋：澳洲M5和牛，呢個M 5和牛非常靚，好新鮮嘅紅色，疊成一座小山非常，薄片大大塊放落去火鍋一陣就食得，鮮甜又好味！點心小食：小心流沙奶黃包，我哋仲叫咗份熱辣辣嘅流沙奶黃包，甜甜地充滿鹹蛋蛋香味。麻辣貓耳朵，再食多份清新爽脆嘅麻辣雲耳，即刻又開胃晒。

今日約咗朋友嚟呢度食晚飯，叫咗四樣餸，每一道菜都非常吸引，足料又惹味。餐廳喺銅鑼灣金百利廣場7樓，非常容易搵。餐廳環境亦好靚，坐得好舒服。美食😋😋😋😋😋環境😍😍😍😍😍服務👍👍👍👍👍乾煸四季豆四季豆炒得非常靚，唔會太乾又唔會太油，食落去仲帶有爽口嘅，炒得啱啱好。四季豆同肉水嘅比例非常平均，用上豆豉和辣椒乾炒，味道極之惹味！難忘酸菜魚一大盤酸菜魚，湯底夠晒味道，金黃色嘅湯底更令人食慾大增。鍋裏面充滿魚片，仲有豆乾雲耳和薯粉，魚肉鮮甜又爽脆，認真好味！😋紅燒乳鴿乳鴿皮脆肉嫩，充滿濃濃嘅乳鴿味，夾肉又滑又彈牙，一咬落去就食到脆卜卜嘅乳鴿皮，然後就係嫩滑嘅乳鴿肉，肉質就喺之間流出來，味道真係無與倫比。客家鮮咸雞呢隻鹹加熱得夠惹味，鹹味十足又唔會蓋過啲雞味，雞肉嫩滑又新鮮，比鹽焗雞更好味，食到我哋舔舔脷。

又係時候飲啖茶食個包，銅鑼灣呢間緣味小聚有唔少點心食，今日就帶媽咪黎試下！🧸客家鮮咸雞🧸咸雞份量係小食份量，唔會太多，兩個人食就岩岩好。咸雞味道咸香，皮滑肉嫩，咸香得黎仲食到雞肉既鮮味，口感唔會鞋口難食，反而啲雞肉幾嫩幾腍，好好！🪆緣味鮮蝦餃皇🪆蝦餃好大粒，蝦餃皮好薄，薄到睇到入面啲蝦，夠晒薄皮，煙煙韌韌，軟糯粘口，蝦好彈牙好香，熱辣辣新鮮蒸出黎，咬開仲有啲蝦蒸好既精華，非常鮮味！🎈蟹子燒賣皇🎈燒賣都係估唔到咁大粒，圓軲轆一粒，好飽滿，豬肉餡好香，調味好好，用半肥瘦豬肉，口感更加嫩，咬開亦食到蝦肉，好足料，加埋面頭既蟹子冬菇，滋味！🎀回味蘑菇包🎀蘑菇包完全係一粒放大版既蘑菇，造型好靚，好有心思，包好軟熟，質感好好，咬開就係滿滿既蘑菇，味道香濃，中意食菇既一定要叫黎試下，清清地好食！

上星期收工之後約咗朋友喺銅鑼灣食嘢，我哋一早上網搵咗呢一間食海鮮蒸氣火鍋嘅餐廳: 緣味小聚。今次我哋叫佢呢個set就係厚肉龍蝦海鮮蒸氣鍋，可以任食足150分鐘慢慢嘆。厚肉龍蝦龍蝦有半隻，橙色鮮艷顏色賣相當之唔錯，龍蝦都好厚肉，肉質結實，帶有點龍蝦鮮甜味道。除此之外，仲有多款新鮮海鮮，分別係韓國大鮑魚、法國精選生蠔、扎扎跳海生蝦等等，真係非常之豐富。蔬菜蔬菜選擇都好多元化，同埋蔬菜都係好新鮮，自己就加下粟米、紅蘿蔔😋更加清甜。打邊爐配料各式各樣打邊爐，配料都有提供，自己就最鍾意加啲丸，無論係芝士丸、牛肉丸、墨魚丸、海膽丸等等都有提供，入面流心嘅丸我就最推介啦。肉類肉類方面都會提供牛肉同埋豬肉，兩款都係品質保證，有黑毛豬、和牛同埋肥牛，實有款啱你。

近排食得太多快餐食物，想同男友一齊食探索港式小炒。有我最喜愛的//紅燒乳鴿呢度嘅乳鴿比坊間賣既大隻一啲，唔會剩係得層皮完全冇肉，外皮都炸得好香脆。咬落去個皮比較厚道脆身，燒得恰到好處，完全好食到停唔到口😜乾煸四季豆乾煸四季豆是經典川菜，呢間炒得油亮色澤。口感連綿且散發出豆豆的香氣。小菜同樣出色👍👍熱辣辣上枱，非常一讚！小心流沙奶黃包流沙餡爆曬出嚟，甜度適中，同傳統茶樓既唔同，我自己就更加鍾意呢一種！👍🏻一吃難忘小籠包大大粒嘅小籠包😚新鮮滾熱辣出爐，每件都食到好新鮮，而且肉質比較鮮甜口感😌鍾意食鑊氣小炒嘅朋友，就千祈唔好錯過啦！🙈仲有仲有，記得訂定位咁就唔使等啦！

乾煸四季豆乾煸四季豆鮮嫩多汁的口感同有好豐富的調味，係頗麻辣的，用咗很多的調味料整，大概對我來說是少辣的程度😆我難忘酸菜魚酸菜魚當然是要酸和辣先好食啦！湯底是可以滿足這個要求的😉魚片都是嫩身的，而酸菜魚入邊都有平時會食到的配料，有芽菜，口感會豐富少少🤏🏻野生椒炒牛肉大多數會食四川菜的時候都會叫這個餸菜，因為我極度鍾意食辣所以呢個餸菜十分適合我😍真係比較辣少少，但係配埋牛肉食真係十分夾的，如果你鍾意食牛肉又鍾意食辣真係可以叫呢一個💗香芒雪米糍食完咁多食物當然要食返個甜品啦！糯米糍皮都係煙煙韌韌的再加上表面有超多椰絲🤍內涵就係芒果，唔算係十分甜的會帶有少少酸🥭

爸爸話想食大閘蟹就book左呢到同佢慶祝生日食，呢間已經第2次幫襯，性價比高，而且反正你都未必食得晒禁多，買coupon食大閘蟹餐平d，3隻蟹都多算膏，龍蝦新鮮，其他海鮮都唔錯，無叫到飲品因為要加錢，下年會再食

晏就去飲茶☕️🫖依間食店我哋成班同事經常都去，每次去都要整返隻紅燒乳鴿先得😽再食點心小菜，一個美滿嘅午餐話咁易獲得🧡食返兩籠蒸包🧡回味蘑菇包內餡係切得好細粒嘅菇茸，菇菇充滿水份，好濕潤😺難忘核桃包外形成粒核桃咁，入面係核桃蓉，微微甜啱啱好😻大家都🧡爆嘅紅燒乳鴿炸得好乾身，乳鴿皮超香脆，又薄又輕，所以話皮先係重點😸 乳鴿肉好多汁，每咬一啖都爆哂汁，大家都🧡🧡小菜🧡野生椒炒牛肉有鑊氣，調味夠，好適會配飯食😻

餐廳午市點心為主，夜晚就小菜加打邊爐 🍲時常都會有新菜式推出，鍋底仲好多選擇添👍👍地方格局 優雅地方，仲好大店面，服務好好呀。今晚就一五成群同老公食蒸鍋～香港🇭🇰人真係好鐘意打邊爐！👍🏻呢度雖然係簡簡單單嘅湯底，但用料一啲都唔馬虎。湯底非常鮮甜，食完成餐都唔覺口渴！龍蝦🦞厚肉之餘肉質爽口彈牙，龍蝦味濃濃郁郁，好好味！原來廚師好有心思咁開邊🥰，方便食客食用。澳洲m5🐮肥牛用料新鮮，淥熟後依然保持到滿口牛油。幾大塊肥牛仲要任食，感覺賺咗啦🥰🥰打邊爐最愛丸類、蔬菜🥬類啦。講到最驚喜嘅，當然就係丸，彈牙程度滿分之餘。全部都新鮮、爽脆、鮮甜。中意呢度慢慢食慢慢傾，店員服務態度非常好😎😎 呢餐豐富嘅晚餐劃上完美嘅句號。下次一家人聚餐都糸個好選擇😍

同老公係銅鑼灣金百利廣場呢間叫做緣味小聚食野。一朝早點都要飲杯茶食個包先至夠精神。我哋真係包王，叫咗成三籠包😂佢哋都好好味。回味蘑菇包🍄🍄🍄🍄🍄呢個蘑菇包入邊係雞肉餡，成隻蘑菇咁賣相非常吸引！包入邊嘅鮮雞肉夠嫩滑，而且個包正得非常靚，外皮清新無倒後水。一吃難忘小籠包💛💛💛💛小小嘅小籠包入邊包住湯汁，和鮮豬肉，湯汁熱辣辣夠惹味。小籠包嘅食法係先係小籠包上面咬開一個小孔，然後吸左啲湯汁，跟住連皮和豬肉一齊咬，包皮Q彈，豬肉多汁又鮮甜，成口都係小籠包鮮味。緣味鮮蝦餃皇🥟🥟🥟🥟🥟點心界嘅王者蝦餃，餃皮晶瑩剔透，入邊包滿爽口鮮蝦材料十足，外皮煙煙靭靭，一啖兩種口感，好好味！黑金流沙包🖤🖤🖤🖤🖤呢個黑金流沙包非常高貴，黑色外表上面有一絲絲嘅金絲，一搣開黃金蛋香流沙就流出，熱辣辣，香甜帶咸香味，正😋

今日同老公食好野😍我地先前訂左位，所以即使去到既時候人頭湧湧，我地都好快有位置坐低。揀好心水食物之後，野食都好快上齊啦。本來唔太喜歡 乾煸四季豆既我🥹竟然一口氣食哂成碟🤣 吃起來沒有豆腥味，口感清甜、富含營養且低熱量。好有地道風味！😌緣味鮮蝦餃皇又係必點嘅item🧡🥺好大舊蝦肉，四個字，皮薄餡大🤣🤣✏️✏️✏️✏️✏️✏️✏️✏️✏️回味蘑菇包😗😗😗獨特蘑菇形状，為我的用餐增添樂趣。😇餡料飽滿，外皮柔軟，作為飯後甜品為不錯的選擇。再揀多個甜點先😜香芒雪米糍☺️呢個香芒糯米卷皮薄肉厚，而且果肉好甜！👍🏼👍🏼👍🏼👍🏼芒果🥭口感先濃厚，先塞滿第二個胃啦🤣✏️✏️✏️✏️✏️✏️✏️✏️✏️✏️📢餐廳比人感覺好優雅，有令人放鬆、舒適既感覺。而且冷氣不算太大，唔會食到好凍。大家都好滿意，一定有下次！

訂購之後看到網絡上很多負評，心想以為中伏了，懷着忐忑的心情赴約，殊不知喜出望外。三隻大閘蟹均有水準，其餘龍蝦海鮮等亦頗新鮮。以三百多圓一位能嚐到這麽高質素的晚餐，相當不俗。我們在銅鑼灣分店享用，7:30pm前離座，地方雖然不大但簡約衛生，而且有專人服侍。離座時提示老闆網上有頗多負評，她說是行家所為，所以很少寫食評的我為他們撥亂反正，推介。